୯୯ ଦେଶର ନାଗରିକଙ୍କ ପାଇଁ ଆଉ ଲୋଡ଼ାନାହିଁ କ୍ୱାରେଣ୍ଟାଇନ: କଟକଣା କୋହଳ କଲା ଭାରତ

ଭାରତକୁ ଆସୁଥିବା ଲୋକଙ୍କ ପାଇଁ କ୍ୱାରେଣ୍ଟାଇନ ଉପରେ ହଟିଲା କଟକଣା । ବିନା କ୍ୱାରେଣ୍ଟାଇନରେ ଭାରତକୁ ପ୍ରବେଶ ନିଷେଧ ଥିଲା । ମାତ୍ର ଏବେ କ୍ୱାରେଣ୍ଟାଇନରେ ରହିବେନି ଆଗମନକାରୀ । ବର୍ତ୍ତମାନ ୯୯ ଟି ଦେଶକୁ ମିଳିଛି ଏହି ମଞ୍ଜୁରୀ । ଏହି ୯୯ ଟି ଦେଶ ମଧ୍ୟରେ ଆମେରିକା, ୟୁଏଇ, ୟୁକେ, କୋତାର, ଫ୍ରାନ୍ସ ଏବଂ ଜର୍ମାନୀ ମଧ୍ୟ ଅନ୍ତର୍ଭୁକ୍ତ ।

ସମ୍ପୂର୍ଣ୍ଣ ଟିକାକରଣ ହୋଇଥିବା ଲୋକେ କେବଳ ଭାରତ ଆସିପାରିବେ । ଭାରତ ଆଗମନକାରୀଙ୍କୁ ୭୨ ଘଣ୍ଟାର କୋଭିଡ ନେଗେଟିଭ୍ ରିପୋର୍ଟ ଦେଖେଇବାକୁ ହେବ । ଏଥିସହ ବିଭାଗ(କ)ରେ ଥିବା ଏହି ୯୯ଦେଶର ନାଗରିକଙ୍କୁ ନିଜର ସମ୍ପୂର୍ଣ୍ଣ ଟିକାକରଣ ରିପୋର୍ଟ ‘ଏୟାର ସୁବିଧା’ ପୋର୍ଟାଲରେ ଅପଲୋଡ କରିବାକୁ ପଡ଼ିବ । କେବଳ WHO ସ୍ୱୀକୃତିପ୍ରାପ୍ତ ଭ୍ୟାକ୍ସିନ ହିଁ ଭାରତ ଗ୍ରହଣ କରିବ । ଅର୍ଥାତ୍ ଯେଉଁ ବ୍ୟକ୍ତିଙ୍କ ପାଖରେ WHO ସ୍ୱୀକୃତିପ୍ରାପ୍ତ ଭ୍ୟାକ୍ସିନ ପ୍ରମାଣପତ୍ର ଥିବ କେବଳ ସେ ହିଁ ଭାରତକୁ ବିନା କ୍ୱାରେଣ୍ଟାଇନରେ ପ୍ରବେଶ କରିପାରିବେ ।

Leave a Reply

Your email address will not be published.