OFS ଅଫିସରଙ୍କ ସନ୍ଦେହଜନକ ମୃତ୍ୟୁ, ଚାକିରିରେ ଯୋଗଦେବା ପୂର୍ବରୁ ଚାଲିଗଲା ଜୀବନ

ବଲାଙ୍ଗୀର: ଓଏଫଏସ ଅଫିସରଙ୍କ ସନ୍ଦେହଜନକ ମୃତ୍ୟୁ । ମୃତକ ହେଲେ ଓଡ଼ିଶା ଫାଇନାନ୍ସ ସର୍ଭିସ ଅଫିସର ତଥା ବଲାଙ୍ଗୀର ଟିଟିଲାଗଡ଼ର ଅଭିଳାଷ ସ୍ୱରୂପ ମହାପାତ୍ର ଭୁବନେଶ୍ୱର ଖଣ୍ଡଗିରି ଡୁମଡୁମା ଫେଜ୍ ୪ରେ ସପରିବାର ରୁହନ୍ତି ଗତ ୨୦୧୯ ମସିହାରେ OFS ପାଇଥିଲେ । ପରେ ସେ ଟ୍ରେନିଙ୍ଗ କରିବା ସହ ଆଜି ରାଜ୍ୟ ସଚିବାଳୟରେ ନିଜ କାମ ଆରମ୍ଭ କରିଥାନ୍ତେ କିଂନ୍ତୁ ଗତ କାଲି ତାଙ୍କର ଆକସ୍ମିକ ମୃତ୍ୟୁ ଘଟିଛି ।

ଖଣ୍ଡଗିରି ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଛି । ସୂଚନା ଅନୁସାରେ, ଅଭିଳାଷ ପୂର୍ବରୁ ବ୍ୟାଙ୍କରେ ଚାକିରି କରିଥିଲେ ପରେ ଓଏଫଏସ୍ ପାଇଥିଲେ ଆଜି ଟ୍ରେଜେରୀ ଅଫିସରେ ନୂତନ ଭାବେ କାର୍ଯ୍ୟରେ ଯୋଗଦେଇଥାନ୍ତେ । ହେଲେ ରବିବାର ସଂନ୍ଧ୍ୟାରେ ତାଙ୍କର ମୃତଦେହ ଉଦ୍ଧାର ହୋଇଛି । କିଏ ଏହାକୁ ଆତ୍ମହତ୍ୟା କହୁଥିବା ବେଳେ କିଏ ସିଡ଼ିରୁ ପଡିବାରୁ ମୁଣ୍ଡରେ ଗଭୀର ଆଘାତ ଲାଗି ବ୍ରେନ ହେମରେଜ୍ ହୋଇ ମୃତ୍ୟୁ ବରଣ କରିଥିବା କହୁଛନ୍ତି ।

ତେବେ ମୃତ୍ୟୁର ପ୍ରକୃତ କାରଣ ଜଣାପଡ଼ିନଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି । ଅଭିଳାଷଙ୍କୁ ହରାଇ ପୁରା ପରିବାର ଭାଙ୍ଗି ପଡ଼ିଛି ପରିବାରରେ ଶୋକର ଛାୟା ଖେଲିଯାଇଛି ।