ମୋଦି ସରକାରଙ୍କ ୨.୦କୁ ପୂରିଲା ବର୍ଷେ: ‘କରୋନା ମୁକାବିଲାରେ ଦେଶବାସୀ ଧୈର୍ଯ୍ୟ ବଜାୟ ରଖନ୍ତୁ’

ନୂଆଦିଲ୍ଲୀ: ନରେନ୍ଦ୍ର ମୋଦୀ ସରକାରଙ୍କ 2.0କୁ ପୂରିଲା ବର୍ଷେ । ଏହି ଅବସରରେ ଦେଶବାସୀଙ୍କୁ ଚିଠି ଲେଖଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥିରେ ଦେଶ କରୋନା ସଙ୍କଟରୁ ବାହାରକୁ ଆସିବ ବୋଲି ପ୍ରଧାନମନ୍ତ୍ରୀ କହିଛନ୍ତି। ଏହି ବିପର୍ଯ୍ୟୟରୁ ବାହାରିବା ପାଇଁ ଧୈର୍ଯ୍ୟବାନ ହେବାକୁ ସେ ଲୋକଙ୍କୁ ନିବେଦନ କରିଛନ୍ତି । ଏଥିସହିତ କରୋନା ଭୂତାଣୁ ଯୋଗୁଁ ବିପର୍ଯ୍ୟସ୍ତ ହୋଇପଡ଼ିଥିବା ଦେଶର ଅର୍ଥନୀତିରେ ମଧ୍ୟ ସୁଧାର ଆସିବ ବୋଲି କହଛନ୍ତି ।

କରୋନା ବିରୋଧରେ ଭାରତର ଯୁଦ୍ଧ ସମ୍ପର୍କରେ ପ୍ରଧାନମନ୍ତ୍ରୀ କହିଛନ୍ତି, ‘ଗୋଟିଏ ପଟେ ବୃହତ୍ତ ଅର୍ଥନୈତିକ ବ୍ୟବସ୍ଥା ଏବଂ ଦକ୍ଷ ସ୍ୱାସ୍ଥ୍ୟସେବା ପ୍ରଣାଳୀ ରହଥିବା ବେଳେ ଅନ୍ୟପଟେ ଆମ ଦେଶରେ ଜନସଂଖ୍ୟା ଏବଂ ସୀମିତ ସମ୍ବଳ ଅସୁବିଧା ରହିଛି। ଅନେକେ ଭୟ କରୁଥିଲେ ଯେ କରୋନା ଆକ୍ରମଣ ହେବା ପରେ ଭାରତ ବିଶ୍ୱ ପାଇଁ ଏକ ସମସ୍ୟା ହୋଇଯିବ। କିନ୍ତୁ ଭାରତ ସାରା ବିଶ୍ୱର ଏହି  ଚିନ୍ତାଧାରାକୁ ବଦଳାଇ ଦେଇଛ।

ପ୍ରଧାନମନ୍ତ୍ରୀ ମୋଦୀ କହିଛନ୍ତି, ‘ ଆମେ ସମ୍ମୁଖୀନ ହେଉଥିବା ଅସୁବିଧା କୌଣସି ବିପଦରେ ପରିଣତ ନହୁଏ ଏଥିଲାଗି ଆମକୁ ଯତ୍ନବାନ ହେବାକୁ ପଡ଼ିବ । ତେଣୁ ପ୍ରତ୍ୟେକ ଭାରତୀୟଙ୍କ ପାଇଁ ନିୟମ ଏବଂ ନିର୍ଦ୍ଦେଶାବଳୀ ପାଳନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଦେଶ ଏପର୍ଯ୍ୟନ୍ତ ଧୌର୍ଯ୍ୟ ପ୍ରଦର୍ଶନ କରିଛି ଏବଂ ଏହାକୁ ଆହୁରି ଅଧିକ ବଜାୟ ରଖିବା ଉଚିତ୍। ଏହା ହେଉଛି ସବୁଠାରୁ ବଡ଼ କାରଣ କରୋନା ଭୂତାଣୁ ଠାରୁ ଭାରତ ଅନ୍ୟାନ୍ୟ ଦେଶ ଅପେକ୍ଷା ଅଧିକ ସୁରକ୍ଷିତ | ଏହା ଏକ ଲମ୍ବା ଯୁଦ୍ଧ, କିନ୍ତୁ ଆମେ ବିଜୟ ରାସ୍ତାରେ ଗତି କରିବା ଆରମ୍ଭ କରିଛୁ ଏବଂ ଆମର ସାମୂହିକ ପ୍ରୟାସ ଦ୍ୱାରା ଏହି ବିଜୟ ହାସଲ ହେବ |