ପାକିସ୍ତାନ ଯିବ ଭାରତ ତିଆରି ଟିକା, କୋଭିଡକୁ ପ୍ରତିହତ କରିବ କୋଭିସିଲ୍ଡ

ନୂଆଦିଲ୍ଲୀ: ପାକିସ୍ତାନ ନେବ ଭାରତ ଟିକା । କୋଭିଡ ଭୟବହତା ଭିତରେ ସନ୍ଦିହାନ ହୋଇପଡିଥିବା ପଡୋଶୀ ପାକିସ୍ତାନକୁ କୋଭିସ୍ଲିଡ ପ୍ରଦାନ କରିବ ଭାରତ । ସମଗ୍ର ବିଶ୍ୱକୁ ଭ୍ୟାକ୍ସନି ଦେଉଥିବା ଭାରତ ପାକିସ୍ତାନକୁ ମଧ୍ୟ ଏହି କ୍ରମରେ ସାମିଲ କରିଛି । ୧ ଲକ୍ଷ କୋଭିସିଲ୍ଡ ଡୋଜ ପାକିସ୍ତାନକୁ ପଠାଇବା ପାଇଁ ନିଷ୍ପତି ନେଇଛି ଭାରତ ।

ସେହିପରି ଭାରତ ମଙ୍ଗୋଲିଆକୁ ୧.୫ ଲକ୍ଷ କୋଭିଡ ଭ୍ୟାକ୍ସିନ, ନିକାରଗୁଆ କୁ ୨ ଲକ୍ଷ, ଡୋମିନିକାକୁ ୭୦ ହଜାର କୋଭିଡ ଭ୍ୟାକ୍ସିନ ପଠାଇବ ଭାରତ । ପୂର୍ବରୁ ମଧ୍ୟ ଭାରତ ବିଶ୍ୱ ପାଇଁ ସାଜିଛି ସଞ୍ଜିବନୀ । ସାଲଦ୍ବୀପ, ଭୁଟାନ, ନେପାଳ, ମିଆଁମାର, ବାଲାଂଦେଶ, ଶ୍ରୀଲଙ୍କା, ବାହାରିନ ଏବଂ ୟୁଏଇ ଭଳି ଦେଶ ସମୂହକୁ ଭ୍ୟାକ୍ସିନ ଯୋଗାଣରେ ଭାରତ ନିଭାଇଛି ପ୍ରମୁଖ ଭୂମିକା ।

ଏଷ୍ଟ୍ରାଜେନିକା କଂପାନୀ ଦ୍ୱାରା ଭାରତରେ ପ୍ରସ୍ତୁତ ୭୦ ଲକ୍ଷ କୋଭିସିଲ୍ଡ ଟିକାକୁ ପାକିସ୍ତାନକୁ ପ୍ରଦାନ କରାଯିବ । ଯାହା ପର୍ଯ୍ୟାୟ କ୍ରମେ ପ୍ରଦାନ କରାଯିବ । ଭ୍ୟାକ୍ସିନ ଭାରତରେ ପ୍ରସ୍ତୁତ ହେଲେ ମଧ୍ୟ ବିଶ୍ୱ ମହାମୀରୀକୁ ଦୃଷ୍ଟିରେ ରଖି ଅନ୍ତରାଷ୍ଟ୍ରୀୟ ସନ୍ଧି ଅନୁଯାୟୀ ପ୍ରଦାନ କରାଯିବ । ପୂର୍ବରୁ ଅନେକ ଦେଶକୁ ଟିକା ବିତରଣରେ ସାହାଯ୍ୟ କରିଆସିଥିବା ଭାରତ ଏବେ ପାକିସ୍ତାନକୁ ଏହି କ୍ରମରେ ସାମିଲ କରିଛି ।