ବିଳମ୍ୱିତ ରାତି ଲାଗିଲା ନିଆଁ, ହୁ ହୁ ହୋଇ ଜଳିଗଲା ବାଇକ ୱାର୍କ-ସପ୍

ଖୋର୍ଦ୍ଧା: ବାଇକ ସୋ ରୁମ ୱାର୍କ ସପରେ ଅଗ୍ନିକାଣ୍ଡ, ଅଳ୍ପକେ ବର୍ତ୍ତିଲା ସୋ ରୁମ। ସୋ ରୁମରେ କେହି ନଥିବା ବେଳେ ରାତିରେ ନିଆଁ ଲାଗିଛି । ସ୍ଥାନୀୟଲୋକେ  ଯିବା ଆସିବା ସମୟରେ ଏହା ଦେଖି ସ୍ଥାନୀୟ ଦମକଳ ବାହିନୀକୁ ଫୋନ୍ କରିଥିଲେ । ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିବାକୁ ଉଦ୍ୟମ କରିଥିଲେ ।

ଶୁକ୍ରବାର ଦିନ ସକାଳୁ ସକାଳୁ ଦମକଳ ବାହିନୀ ଏହି ବଡ଼ ଧରଣର ଅଗ୍ନିକାଣ୍ଡକୁ ଆୟତ କରିବାରେ ସଫଳ ହୋଇଥିଲା । କୋର୍ଟ ସମ୍ମୁଖ ହିରୋ ସୋ ରୁମର ୱାର୍କ ଶପରେ କୌଣସି କାରଣରୁ ନିଆଁ ଲାଗିଯାଇଥିଲା ।

ଅଗ୍ନିକାଣ୍ଡରେ ଅବ୍ୟବହୃତ ଜିନିଷ, ମୋବିଲ ଓ ଅନ୍ୟାନ୍ୟ ସାମଗ୍ରୀ ଜଳି ଯାଇଥିବା ବେଳେ ଖବର ପାଇ ଖୋର୍ଦ୍ଧା ଦମକଳ ବାହିନୀ ପହଞ୍ଚି ନିଆଁ କୁ ଆୟତ କରିଛି । ତେବେ ଆଖପାଖରେ ଥିବା ଘର ଏବଂ ସୋରୁମରେ ଥିବା ଗାଡି ସବୁ ସୁରକ୍ଷିତ ରହିଥିବା ସୂଚନା ମିଳିଛି ।