ରାଜଧାନୀରେ ବଢ଼ୁଛି ସଂକ୍ରମଣ, ହେଲେ ହେବନି ସଟ୍ଡାଉନ୍ !
ଭୁବନେଶ୍ୱର: ଦିନକୁ ଦିନ ରାଜଧାନୀରେ ବଢ଼ୁଛି ସଂକ୍ରମଣ । ହେଲେ ହେବନି ସଟ୍ଡାଉନ୍ । ରାଜଧାନୀରେ ହୁ ହୁ ହୋଇ ସଂକ୍ରମଣ ବଢ଼ୁଥିବାରୁ ସଟ୍ଡାଉନ୍ ଆଶଙ୍କା କରୁଥିଲେ ରାଜଧାନୀ ବାସିନ୍ଦା । ଏମିତିକି ସଟ୍ଡାଉନ୍ ହେବା ନେଇ ଗୁଜବ ମଧ୍ୟ ପ୍ରଚାର ହୋଇଥିଲା । ହେଲେ ସବୁ ଗୁଜବକୁ ଖଣ୍ଡନ କରିଛି ବିଏମ୍ସି ।
ଭୁବନେଶ୍ୱର ସଟ୍ଡାଉନ୍ ହେବା ନେଇ କୌଣସି ପ୍ରସ୍ତାବ ନାହିଁ । ଏନେଇ ଆଜି ସ୍ପଷ୍ଟ କରିଛନ୍ତି ବିଏମ୍ସି କମିଶନର । ରାଜ୍ୟର ବିଭିନ୍ନ ସ୍ଥାନରେ ବୃଦ୍ଧି ପାଉଥିବା କରୋନା ପଜିଟିଭ୍ଙ୍କ ସଂଖ୍ୟାକୁ ଦୃଷ୍ଟିରେ ରଖି ବିଭିନ୍ନ ଜିଲ୍ଲା ପ୍ରଶାସନ ପକ୍ଷରୁ ସମ୍ପୃକ୍ତ ଜିଲ୍ଲାକୁ ସଟ୍ଡାଉନ୍ ପାଇଁ ନିଷ୍ପତ୍ତି ନିଆଯାଇଛି ।
ସେହିଭଳି ଭୁବନେଶ୍ୱରରେ ମଧ୍ୟ ଅନୁରୁପ ଭାବେ ପଜିଟିଭ୍ଙ୍କ ସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ଭୁବନେଶ୍ୱରକୁ ସଟଡାଉନ୍ କରାଯିବା ନେଇ ବିଭିନ୍ନ ମହଲରେ ଚର୍ଚ୍ଚା ଚାଲିଥିଲା । ଯାହା ଏକ ଗୁଜବ ବୋଲି ସୋମାର ବିଏମ୍ସି କମିଶନର ପ୍ରେମଚନ୍ଦ୍ର ଚୌଧରୀ ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି ।
