ଚିରାଗ ପାସୱାନଙ୍କୁ BJPର କଡ଼ା ସନ୍ଦେଶ, ବିହାର ନିର୍ବାଚନରେ ମୋଦି ଓ ଶାହାଙ୍କ ନାଆରେ ମାଗି ପାରିବେନି ଭୋଟ
1 min read
ପଟନା: ବିହାର ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି LJP କଡ଼ା ସନ୍ଦେଶ ଦେଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ନାମ ନେଇ ବିହାର ନିର୍ବାଚନରେ ସେମାନେ ଭୋଟ୍ ମାଗି ପାରିବେ ନାହିଁ ବୋଲି ଚିରାଗ ପାସୱାନ ଏବଂ ଏଲଜେପିଙ୍କୁ ସ୍ପଷ୍ଟ ବାର୍ତ୍ତା ଦେଇଛି ବିଜେପି । ବିଜେପି ସୂତ୍ରରୁ ପ୍ରକାଶ ଯେ, ଏଲଜେପିକୁ ସଫା ସଫା କୁହାଯାଇଛି ଯେ, ସେ ବିହାର ନିର୍ବାଚନରେ କୌଣସି ମତେ ବିଜେପିର ନାମ ନେବେ ନାହିଁ । କାରଣ ବିହାରରେ ଉଭୟ ଦଳ ଭିନ୍ନ ଭିନ୍ନ ଦମ ଦେଖାଉଛନ୍ତି ।
ପାର୍ଟିର କୌଣସି ବ୍ୟାନର, ପୋଷ୍ଟର ବା ଭାଷଣରେ ପ୍ରାଧାନମନ୍ତ୍ରୀ ମୋଦି ଏବଂ ବିଜେପିର ନାଆ ନନେବାପାଇଁ ଏଲଜେପିକୁ କୁହାଯାଇଛି । ଯେତେବେଳେ ପାର୍ଟି ଏନଡିଏରୁ ଅଲଗା ହୋଇଯାଇଛି ତେବେ ତାଙ୍କୁ କୌଣସି ପ୍ରକାରେ ପ୍ରଧାନମନ୍ତ୍ରୀ ମୋଦିଙ୍କ ନାଆକୁ ବ୍ୟବହାର କରିବାର ଅନୁମତି ଦିଆଯିବ ନାହିଁ ।
ନିକଟରେ ଏଲଜେପି ପ୍ରମୁଖ ଚିରାଗ ପାସୱାନ କହିଥିଲେ ଯେ, ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହାଙ୍କୁ ନିଜର ଆଦର୍ଶ ନେତା ଭାବନ୍ତି । ସେଥିପାଇଁ ସେ ତାଙ୍କ ନାଆରେ ବୋଟ ମାଗିବେ । ଏହି ଘୋଷଣା ପରେ ଚିରାଗ ପାସୱାନ ଟ୍ୱିଟ କରି ଏକ ଫଟୋ ସେୟାର କରିଥିଲେ ଯେଉଁଥିରେ ସେ ପ୍ରଧାନମନ୍ତ୍ରୀ ମୋଦିଙ୍କ ସହ ଠିଆ ହୋଇଥିଲେ ।
ଚିରାଗଙ୍କର ଏହି ବୟାନ ପରେ ଜେଡିୟୁ ବିଜେପିକୁ ନିଜ ସ୍ଥିତି ସ୍ପଷ୍ଟ କରିବା ପାଇଁ କହିଥିଲା । ଏହା ପରେ ବିଜେପି ସ୍ପଷ୍ଟ କରିଛି ଯେ, ଏଲଜେପି ସହ ବିହାରରେ ସେ କୌଣସି ପ୍ରକାରର ମେଣ୍ଟ କରିବ ନାହିଁ ।
ଏନଡିଏ ଠାରୁ ଅଲଗା ହେଲା ଏଲଜେପି କିନ୍ତୁ କେନ୍ଦ୍ରରେ ବିଜେପି ସହ ବନ୍ଧୁତା
ବିହାର ନିର୍ବାଚନରେ ନିତିଶ କୁମାରଙ୍କ ନେତୃତ୍ୱରେ ଏଲଜେପି ନିର୍ବାଚନ ଲଢ଼ିବନି ବୋଲି ସ୍ପଷ୍ଟ କରିଛି । ଏହା ପରେ ଏଲଜେପି ସ୍ୱତନ୍ତ୍ର ଭାବେ ବିହାର ନିର୍ବାଚନରେ ନିଜ ଭାଗ୍ୟ ପରୀକ୍ଷା କରିବ । ଏଲଜେପି କେନ୍ଦ୍ର ସରକାରରେ ବିଜେପି ସହଯୋଗୀ ରହିବ କିନ୍ତୁ ବିହାରରେ ସେ ଏହା ବିପକ୍ଷରେ ନିର୍ବାଚନା ମଉଦାନକୁ ଓହ୍ଲାଇବ । ଏଲଜେପି ଘୋଷଣା କରିଛି ଯେ, ନିର୍ବାଚନ ପରେ ସେ ବିଜେପିର ସରକାର ପ୍ରସ୍ତୁତ କରିବାରେ ସାହାଯ୍ୟ କରିବ ।
