୩୭ ଦଫା ଦାବିରେ ଦେଶବ୍ୟାପୀ ବନ୍ଦ ଡ଼ାକରା…

ଭୁବନେଶ୍ୱର: କେନ୍ଦ୍ର ସରକାରଙ୍କ ଜନ ବିରୋଧି ଓ ଶ୍ରମିକ ବିରୋଧୀ ନୀତି ବିରୋଧରେ ଆଜି ସକାଳ ୬ ଟାରୁ ୨୪ ଘଣ୍ଟା ଭାରତ ବନ୍ଦ ପାଳନ କରାଯାଉଛି। ୧୦ଟି କେନ୍ଦ୍ରୀୟ ଶ୍ରମିକ ସଂଗଠନ ଓ ୫୬ଟି କେନ୍ଦ୍ରୀୟ ଫେଡେରେସନ ପକ୍ଷରୁ ଦେଶବ୍ୟାପୀ ବନ୍ଦ ଡାକରା ଦିଆଯାଇଛି। । ରାଷ୍ଟ୍ରାୟତ ଉଦ୍ୟୋଗର ଘରୋଇକରଣ ଵନ୍ଦ, ଶ୍ରମ ଆଇନ ପ୍ରତ୍ୟାହାର କରିବା, କୃଷି ଆଇନ ପ୍ରତ୍ୟାହାର ଓ ମାଗଣାରେ ସ୍ୱାସ୍ଥ୍ୟ ସେବା ଯୋଗାଇ ଦେବା ଭଳି ବିଭିନ୍ନ ୩୭ ଦଫା ଦାବିରେ ଦେଶବ୍ୟାପୀ ବନ୍ଦ ପାଳନ କରୁଛି।

ଶ୍ରମିକ ସଙ୍ଗଠନର ଦାବିକୁ ସମର୍ଥନ କରିଛି କଂଗ୍ରେସ । ସେପଟେ ବିଜେପି ଆଜିଠୁ ଆରମ୍ଭ କରୁଛି ସମ୍ବିଧାନ ବଞ୍ଚାଅ କାର୍ଯ୍ୟକ୍ରମ । ଏହା ଡିସେମ୍ବର ୬ ଯାଏ ଚାଲିବ । ସମ୍ବିଧାନ ସମ୍ପର୍କରେ ବ୍ଲକ୍‌ରୁ ଆରମ୍ଭ କରି ଜିଲ୍ଲା ଯାଏଁ ବିଜେପି କରୁଛି କର୍ମଶାଳା ଓ ଭର୍ଚୁଆଲ ବୈଠକ । ଭାରତ ବନ୍ଦ ଡାକରା ଦିନ ବିଜେପି, ଏହି କାର୍ଯ୍ୟକ୍ରମ ଜରିଆରେ ବନ୍ଦକୁ ଭଣ୍ଡୁର କରୁବାକୁ ଉଦ୍ୟମ କରୁଥିବା ଶ୍ରମିକ ସଂଗଠନ ଅଭିଯୋଗ କରିଛନ୍ତି । ସେପଟେ ଭାରତ ବନ୍ଦ ଡାକରା ନେଇ ଭୁବନେଶ୍ୱରର ସମସ୍ତ ଆହାର କେନ୍ଦ୍ର ବନ୍ଦ ରଖାଯାଇଥିବା ସୂଚନା ଦିଆଯାଇଛି ।