ଏବେ ହ୍ୱାଟସଆପରେ କିଏ ଆପଣଙ୍କ ବାବଦରେ କଥା ହେଉଛି ଜାଣି ପାରିବେ !
1 min read
ନୂଆଦିଲ୍ଲୀ: ସାରା ବିଶ୍ୱର ଏବେ ସମସ୍ତେ ସୋସିଆଲ ମିଡିଆ ସହ ଜଡିତ । ଦିନକୁ ଦିନ ସୋସିଆଲ ମିଡିଆ କମ୍ପାନୀ ନୂଆ ନୂଆ ଫିଚର ଉପଭୋକ୍ତାଙ୍କୁ ପାଇଁ ଆଣୁଛି । ତୁମ ସାଙ୍ଗ ଏବଂ ସମ୍ପର୍କୀୟ କେତେବେଳେ ତୁମ ବିଷୟରେ ଆଲୋଚନା କରୁଛନ୍ତି, ଏ କଥା କିଏ ନଜାଣିବାକୁ ଚାହିଁବ । ଯେଉଁ ସମୟରେ ଆପଣଙ୍କ ସାଙ୍ଗ ଓ ସମ୍ପର୍କୀୟ ଆପଣଙ୍କ ବିଷୟରେ କଥା ହେଉଛନ୍ତି ଏହାର ନୋଟିଫିକସନ୍ ଯଦି ହ୍ୱାଟ୍ସଆପରେ ଆସିବ ତେବେ ଏହା କେତେ ଭଲ ହେବ । ଇନଷ୍ଟାଣ୍ଟ ମେସେଜିଂ ଆପ୍ ହ୍ୱାଟ୍ସଆପ ଏହିପରି ଏକ ନୂଆ ଫିଚର ଉପରେ କାମ କରୁଛି । ଏହି ମେସେଜିଂ ଆପ୍ ଏକ ନୂତନ ଫିଚର ଉପରେ କାମ କରୁଛି ଯାହା ଫଳରେ ତୁମର ବନ୍ଧୁ କିମ୍ବା ପରିବାର ଯେତେବେଳେ ତୁମ ବିଷୟରେ ଆଲୋଚନା କରିବେ ସେ ସମୟରେ ହ୍ୱାଟ୍ସଆପ୍ ଆପଣଙ୍କୁ ନୋଟିଫକେସନ ଦେବ ।
ବାସ୍ତବରେ ହ୍ୱାଟ୍ସଆପର ଏହି ନୂଆ ଫିଚର ସାହାଯ୍ୟରେ ଯେତେବେଳ ବି ତୁମ ବିଷୟରେ କୌଣସି ଗ୍ରୁପରେ ଆଳୋଚନା କରିବେ ସେ ସମୟରେ ହ୍ୱାଟ୍ସଆପ ଆପଣଙ୍କୁ ନୋଟିଫିକେସନ ଦେବ । ହ୍ୱାଟ୍ସଆପ୍ ଆପଣଙ୍କୁ ଏହି ନୋଟିଫିକେସନ ଦେବ କି କୌଣସି ଏକ ଗ୍ରୁପ୍ ଚାଟରେ ଆପଣଙ୍କ ବିଷୟରେ ଆଲୋଚନା ହେଉଛି । ଏଥିସହ ଏହି ନୋଟିଫିକେସନରେ ଯେଉଁ ବ୍ୟକ୍ତି ଆପଣଙ୍କ ବିଷୟରେ ଆଲୋଚନା କରୁଥିବେ ତାଙ୍କ ପ୍ରୋଫାଇଲ ଫଟୋ ମଧ୍ୟ ଆପଣଙ୍କୁ ଦେଖାଇବ । ତେବେ ଏହି ଫିଚର କେବଳ ios ବିଟା ଉପଭୋକ୍ତାଙ୍କ ପାଇଁ ଉପଲବ୍ଧ ହେବ ।
୨୦୨୨ରେ ଇନଷ୍ଟାଣ୍ଟ ମେସେଜିଂ ଆପ୍ ହ୍ୱାଟ୍ସଆପରେ ଏହା ପ୍ରଥମ ନୂଆ ଫିଚର ଅଟେ । ବର୍ତ୍ତମାନ ଯଦି କେହି ଆପଣଙ୍କୁ ଚାଟରେ ଉଲ୍ଲେଖ କରନ୍ତି ତେବେ ଏଥିପାଇଁ ଆପଣଙ୍କୁ କେବଳ ଟେକ୍ସଟ ଆଲର୍ଟ ମିଳୁଛି । ହ୍ୱାଟ୍ସଆପର ଏହି ନୂଆ ଫିଚର ବର୍ତ୍ତମାନ ଟେଷ୍ଟିଂ ମୋଡରେ ରହିଛି । ଏହା ବ୍ୟତୀତ କମ୍ପାନୀ ଆଉ ଏକ ଫିଚର ଉପରେ ମଧ୍ୟ କାମ କରୁଛି । ହ୍ୱାଟ୍ସଆପରେ ବର୍ତ୍ତମାନ ଲାଷ୍ଟ ସିନ ଷ୍ଟାଟସ ସମସ୍ତ ୟୁଜର୍ସଙ୍କ ପାଇଁ ହାଇଡ ହୋଇଛି । ବର୍ତ୍ତମାନ କମ୍ପାନୀ ଏହାକୁ ଏକ ଅପଡେଟ୍ ମାଧ୍ୟମରେ ପରିବର୍ତ୍ତନ କରିବାକୁ ପ୍ରସ୍ତୁତ ହେଉଛି | ନୂଆ ଅପଡେଟ୍ ଆସିବା ପରେ, ଉପଭୋକ୍ତାମାନେ ସେହି କଣ୍ଟାକ୍ଟଙ୍କୁ ହାଇଡ କରି ପାରିପାରିବେ ଯେଉଁମାନଙ୍କୁ ସେମାନେ ହାଇଡ କରିବାକୁ ଚାହିଁବେ ।
