ରାଜଧାନୀରେ ପ୍ରତିଘରେ ଲାଗିବ କ୍ୟୁଆର୍ କୋଡ୍, ଟ୍ରାକ୍ କରିବ ‘ସଫା ଆପ୍’

ଭୁବନେଶ୍ବର: ଅଳିଆ ଗାଡ଼ି ଟ୍ରାକ କରିବ ସଫା ଆପ୍ । ସ୍ବଚ୍ଛତା ଅଭିଯାନକୁ ଅଧିକ ବ୍ୟବସ୍ଥିତ ଓ କ୍ରିୟାଶୀଳ କରିବାକୁ ବିଏମସି ପକ୍ଷରୁ ସଫା ଆପର ଟ୍ରାଏଲ ରନ୍ ଆରମ୍ଭ ହୋଇଛି । ପ୍ରତି ଘରେ ଲାଗିବ କ୍ୟୁଆର୍ କୋଡ । ଜିପିଏସ ଯୋଗେ ଏହା ଅଳିଆ ଗାଡ଼ି ବା ମୁଁ ସଫେଇବାଲା ଗାଡ଼ିକୁ ଟ୍ରାକ କରିବ  ।

ବିଏମସି ୱାର୍ଡ ନମ୍ବର 40 ଅଧୀନ ୟୁନିଟ-1 ସରକାରୀ କଲୋନୀରୁ ପରୀକ୍ଷାମୂଳକ ଭାବେ ଏହି ସଫା ଆପ୍ ଡେମୋ ଆରମ୍ଭ ହୋଇଛି । ପର୍ଯ୍ୟାୟକ୍ରମେ ଭୁବନେଶ୍ୱରର ସହରରେ ସବୁ ଘର ଓ ବ୍ୟବସାୟିକ ପ୍ରତିଷ୍ଠାନରେ ଲାଗିବ ସଫା ଆପ୍ କ୍ୟୁ-ଆର୍ କୋଡ ।

ଏହି ଆପ୍ ଯୋଗେ ଲୋକେ ବିଏମସି ବିଭିନ୍ନ ସେବା ସମ୍ପର୍କିତ ତଥ୍ୟ ସଂଗ୍ରହ କରିବା ସହ ଅଭିଯୋଗ ମଧ୍ୟ କରିପାରିବେ । ବିଏମସି କମିଶନର ବିଜୟ ଅମୃତା କୁଲାଙ୍ଗେଙ୍କ ଉପସ୍ଥିତିରେ ସଫା ଆପ୍‌ର ଡେମୋ ଆରମ୍ଭ ହୋଇଛି ।