ମାଲକାନଗିରି : ଜନଜାତିଙ୍କ ଗୌରବ, ଐତିହ୍ୟ ଓ ସଂସ୍କୃତିକୁ ସମ୍ମାନ ଦେବା ପାଇଁ ଜନଜାତି ଗୌରବ ଦିବସ ପାଳନ କରୁଛନ୍ତି ସରକାର। ଏହି ଅବସରରେ ମାଲକାନଗିରିରେ ହେଉଛି ଭବ୍ୟ କାର୍ଯ୍ୟକ୍ରମ। ଯୋଗଦେବେ ଖୋଦ୍ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। କିନ୍ତୁ ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ବିରୋଧୀଙ୍କ ଅସନ୍ତୋଷ ଅଧିକ ଦେଖିବାକୁ ମିଳିଛି। କଂଗ୍ରେସ ଓ ବିଜେଡିର ଅଭିଯୋଗ ଅନୁଯାଇ ଜନଜାତି ଗୌରବ ଦିବସ ନାଁରେ ବଲାଙ୍ଗୀର ହେଉ କି ମାଲକାନଗିରି, ଟେଣ୍ଟ, ମଞ୍ଚ ଓ ବିଭିନ୍ନ ଆୟୋଜନରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ସରକାର। ଯଦି ଏହି ଅର୍ଥ ବାତ୍ୟାରେ କ୍ଷତିଗ୍ରସ୍ତ ହୋଇଥିବା ଲୋକଙ୍କୁ ଓ ଚାଷୀଙ୍କୁ ସହାୟତା ଆକାରରେ ଦିଆଯାଇଥାନ୍ତା, ଭତ୍ତା ପାଉନଥିବା ଲୋକଙ୍କୁ ଠିକ୍ ସମୟରେ ଭତ୍ତା ଦେଇଥିଲେ ହୁଏତ ଦୁଃଖ କିଛି ମାତ୍ରାରେ ଲାଘବ ହୋଇଥାନ୍ତା।ଏଥିପାଇଁ ମାଲକାନଗିରି ଜିଲ୍ଲା ବିଜୁ ଜନତା ଦଳର ତରଫରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଗସ୍ତଙ୍କୁ ବିରୋଧ କରାଯାଇଛି।
