ନନ୍ଦିଘୋଷ ବ୍ୟୁରୋ: ଏସୀୟ-ପ୍ରଶାନ୍ତ ଅର୍ଥନୈତିକ ସହଯୋଗ -ଆପେକ୍ ସମ୍ମିଳନୀରେ ଏକାଠି ହେବେ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ, ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଓ ଚୀନ ରାଷ୍ଟ୍ରପତି ସି ଜନିପିଙ୍ଗ l ଆସନ୍ତା ୧୯ରେ ଚୀନର ସେନଝେନ ସହରରେ ଅନୁଷ୍ଠିତ ହେବାକୁ ଯାଉଥିବା ଏହି ସମ୍ମିଳନୀରେ ତିନି ନେତାଙ୍କ ମଧ୍ୟରେ ବିଭିନ୍ନ ପ୍ରସଙ୍ଗରେ ହେବ ଆଲୋଚନା l
ବିଶ୍ବରେ ଦେଖାଦେଇଥିବା ଆଣବିକ ବିପଦ ହ୍ରାସ, ଇରାନ-ଆମେରିକା ଯୁଦ୍ଧ ଆଦି ପ୍ରସଙ୍ଗ ବି ଏହି ସମ୍ମିଳନୀରେ ଉଠିପାରେ l ତେବେ ରୁଷିଆ-ୟୁକ୍ରେନ ଯୁଦ୍ଧ ପ୍ରସଙ୍ଗକୁ ଟ୍ରମ୍ପ ଉଠାଇବା ସମ୍ଭାବନା ନାହିଁ ବୋଲି କୁହାଯାଉଛି l ଏହି ସମ୍ମିଳନୀରେ ଆଣବିକ ଅସ୍ତ୍ରଶସ୍ତ୍ରର ବିପଦ ପ୍ରସଙ୍ଗରେ ଟ୍ରମ୍ପ ଆଲୋଚନା କରିବା ସମ୍ଭାବନା ରହିଛି l ଯଦିଓ ସମ୍ମିଳନୀରେ ସିଧାସଳଖ ରୁଷିଆ-ୟୁକ୍ରେନ ଯୁଦ୍ଧ ପ୍ରସଙ୍ଗରେ ଆଲୋଚନା ହେବ ନାହିଁ ତଥାପି କିବ୍ ଓ ମସ୍କୋ ସହ ଅଲଗା ପ୍ଲାଟଫର୍ମରେ ଆଲୋଚନା କରିପାରେ ଓ୍ବାଶିଂଟନ l
ଯୁଦ୍ଧର ଅବସାନ ଲାଗି କିଛି ଦିନ ତଳେ ପୁଟିନ ଓ ଜେଲେନସ୍କିଙ୍କ ସହ ଆମେରିକା ଆଲୋଚନା କରିଥିଲା l ସେପଟେ ଜିନପିଙ୍ଗଙ୍କ ସହ ଟ୍ରମ୍ପ ସ୍ବତନ୍ତ୍ର ଆଲୋଚନା କରିବେ ବୋଲି ସୂଚନା ମିଳିଛି l ସେପଟେ ଏନଭିଡିଆର ପ୍ରତିଷ୍ଠାତା ଜେନସେନ ହୁଆଙ୍ଗ ପ୍ରସଙ୍ଗରେ ଟ୍ରମ୍ପ-ଜିନପିଙ୍ଗ ଆଲୋଚନା କରିବେ ନାହିଁ ବୋଲି ସୂଚନା ମିଳିଛି l ସେହିପରି ସେମିକଣ୍ଡକ୍ଟର ଟେକନୋଲୋଜିର ରପ୍ତାନି ଉପରେ ନିୟନ୍ତ୍ରଣ ପ୍ରସଙ୍ଗରେ ଆଲୋଚନା କରିବାକୁ ଆମେରିକା ଚାହୁଁନଥିବା ଜଣାଯାଇଛି l…
