ଜାଣନ୍ତୁ ଆମ ରାଷ୍ଟ୍ରୀୟ ଚିହ୍ନର କିଛି ଏମିତି କଥା ଯାହା ଆପଣଙ୍କୁ ଗର୍ବିତ କରିବ

ସବୁ ଦିନ ଦେଖୁଥିବା ଆମ ରାଷ୍ଟ୍ରୀୟ ଚିହ୍ନ ଆମକୁ ବହୁତ କିଛି ଶିଖେଇଥାଏ । ଯାହାକୁ ଆପଣ ସବୁଦିନ ଦେଖନ୍ତି ଆସନ୍ତୁ ଜାଣିବା ତା ବିଷୟରେ କିଛି ଜଣା ଅଜଣା କଥା । ଆମ ଦେଶର ଆଉ ଏକ ପରିଚୟ । ଆମର ରାଷ୍ଟ୍ରୀୟ ଚିହ୍ନ । ସାରା ବିଶ୍ୱରେ ଭାରତର ଆଉ ଏକ ପ୍ରତିନିଧି । ଭାରତୀୟଙ୍କର ଗର୍ବ, ଅଶୋକସ୍ତମ୍ଭ । ତେବେ ଆପଣ କେତେ ଜାଣିଛନ୍ତି ଆମର ରାଷ୍ଟ୍ରୀୟ ଚିହ୍ନ ସଂପର୍କରେ? ଚାଲନ୍ତୁ ଅଶୋକସ୍ତମ୍ଭ ସଂପର୍କରେ କିଛି ତଥ୍ୟ ଉପରେ ନଜର ପକାଇବା ।

ଆଧାରରେ ଧର୍ମଚକ୍ର

ଉପରିଭାଗରେ ୪ ଦିଗକୁ ମୁହଁ କରିଥିବା ସିଂହ ।

ମଧ୍ୟ ଭାଗରେ ହାତୀ, ଦୌଡ଼ୁଥିବା ଘୋଡ଼ା, ସିଂହ ଓ ଷଣ୍ଢର ପ୍ରତିକୃତି

ଏ ସବୁକୁ ନେଇ ଭାରତ ଗଣରାଜ୍ୟର ରାଷ୍ଟ୍ରୀୟ ଚିହ୍ନ ଅଶୋକସ୍ତମ୍ଭ…

ଏ ମୂର୍ତ୍ତି ଏକ ସାଧାରଣ ମୂର୍ତ୍ତି ନୁହେଁ, ଏହା ଭାରତର ଏକ ପ୍ରତୀକ ।

୪ ଦିଗକୁ ମୁହଁ କରିଥିବା ସିଂହ ହେଉଛି ଆମର ସାହାସ,ଶକ୍ତି,ଗର୍ବ ଓ ବିଶ୍ୱାସର ପ୍ରତୀକ…ଏମାନେ ପ୍ରତୀକ ଦେଶର ସୁରକ୍ଷାର…।

ଦୌଡ଼ୁଥିବା ଘୋଡ଼ା ପ୍ରତୀକ ହେଉଛି, ସଂଘର୍ଷ ଭିତରେ ଆମର ପ୍ରଗତିର…

ବଳଶାଳୀ ଷଣ୍ଢ ପ୍ରତୀକ ହେଉଛି, ଭାରତର ଶକ୍ତିର….

ସେହିପରି ଧର୍ମଚକ୍ର ହେଉଛି ନ୍ୟାୟ,ସମ୍ମାନ ଓ ଅଧିକାରର…

ସତ୍ୟମେବ ଜୟତେ ଉଦ୍‌ଘୋଷକ ହେଉଛି, ସତ୍ୟ ଓ ସଚ୍ଚୋଟପଣିଆର…

ଏ ଚିହ୍ନ ମହାନ ସମ୍ରାଟ ଅଶୋକଙ୍କର ସ୍ତମ୍ଭରୁ ନିଆଯାଇଛି । ୨୬ ଜାନୁଆରୀ ୧୯୫୦ରେ ଏହାକୁ ମିଳିଛି ରାଷ୍ଟ୍ରୀୟ ଚିହ୍ନର ମାନ୍ୟତା । ଏହି ଚିହ୍ନ କୁହେ ଭାରତୀୟ ସେନାର ସାହାସ…ଏଥିରେ ରହିଛି, ଆମର ଅର୍ଥବ୍ୟବସ୍ଥାର ଆଗେଇବା….ସାରା ବିଶ୍ୱରେ ଭାରତୀୟଙ୍କ ଆଉ ଏକ ପରିଚୟ ହେଉଛି ଅଶୋକ ଚିହ୍ନ…। ଏ ଚିହ୍ନ ପ୍ରତିଟି ଭାରତୀୟଙ୍କୁ ଗର୍ବ କରିବାର ଆଉ ଏକ କାରଣ ଦେଇଥାଏ ।

ସାରନାଥରେ ସମ୍ରାଟ ଅଶୋକଙ୍କ ଦ୍ଵାରା ଏହାର ନିର୍ମାଣ କରାଯାଇଥିଲା । ଯଦି ଏହାର ଗଠନ ଦେଖିବା, ତେବେ ଏହା ଗୋଟିଏ ଚିକ୍କଣ ବାଲି ପଥରରେ ନିର୍ମିତ ହୋଇଛି । ଅଶୋକ ସ୍ତମ୍ଭରେ ରହିଛନ୍ତି ୭ ପଶୁଙ୍କ ପ୍ରତିକୃତି…ସମସ୍ତେ ସମାନ ବ୍ୟବଧାନରେ ରହିଛନ୍ତି…ଏବଂ ସମସ୍ତଙ୍କ ମଧ୍ୟରେ ରହିଛି ଗୋଟିଏ ଲେଖାଏଁ ଅଶୋକ ଚକ୍ର । ଭାରତୀୟ ରାଷ୍ଟ୍ରୀୟ ପ୍ରତୀକ ନିୟମ ୨୦୦୫ ଅନୁସାରେ, କୈାଣସି ସରକାର କିମ୍ବା ସରକାରୀ ଅଫିସ ଏହି ଚିହ୍ନର ବ୍ୟବହାର କଲେ ଏହା ତଳେ ସତ୍ୟମେବ ଜୟତେ ଲେଖିବାକୁ ବାଧ୍ୟତାମୂଳକ କରାଯାଇଛି ।