ବିଜେପି ବିଧାୟକ ପ୍ରାର୍ଥୀ ସୁରେଶ ପୂଜାରୀଙ୍କୁ ନେଇ ବଢୁଛି ଦଳୀୟ ଅସନ୍ତୋଷ

ନନ୍ଦିଘୋଷ ବ୍ୟୁରୋ: ବ୍ରଜରାଜନଗର ବିଜେପି ବିଧାୟକ ପ୍ରାର୍ଥୀ ସୁରେଶ ପୂଜାରୀଙ୍କୁ ନେଇ ବଢୁଛି ଦଳୀୟ ଅସନ୍ତୋଷ। ୨୦୧୪ରେ ବ୍ରଜରାଜନଗର ବିଧାୟିକା ହେଇଥିବା ରାଧାରାଣୀ ପଣ୍ଡା ଦେଇଛନ୍ତି ବଡ଼ ବୟାନ। ସୁରେଶଙ୍କୁ ଦଳର ଟିକେଟ ଘୋଷଣା ପରେ ପୂର୍ବତନ ଜିଲ୍ଲା ବିଜେପି ସଭାପତି ତଥା ପୂର୍ବତନ ବ୍ରଜରାଜନଗର ବିଧାୟିକାଙ୍କୁ ପୂରା ଭୁଲିଯାଇଛନ୍ତି ସୁରେଶ ପୂଜାରୀ। କେବଳ ରାଧାରାଣୀ ପଣ୍ଡା ନୁହନ୍ତି, ବ୍ରଜରାଜନଗରର ଅନେକ ବିଜେପି କାର୍ଯ୍ୟକର୍ତ୍ତା ଓ କର୍ମୀଙ୍କୁ ସୁରେଶ ଅଣଦେଖା ଏବଂ ଅପମାନ କରୁଥିବା  ରାଧାରାଣୀ ପଣ୍ଡା କହିଛନ୍ତି। ଏପରି ଆଭିମୁଖ୍ୟ ଯୋଗୁ ଶୀଘ୍ର ରାଧାରାଣୀ ବିଜେପି ଛାଡ଼ିବେ ବୋଲି ଇସାରା ଦେଇଛନ୍ତି। ଏହାର ପ୍ରଭାବ ବ୍ରଜରାଜନଗର ବିଜେପି ପ୍ରାର୍ଥୀ ସୁରେଶ ପୂଜାରୀଙ୍କ ଉପରେ ବୋଲି ଚର୍ଚ୍ଚା ଜୋର ହେଉଛି। ରାଧାରାଣୀ ପଣ୍ଡା ଓ ସୁରେଶ ପୂଜାରୀଙ୍କୁ ନେଇ ବ୍ରଜରାଜନଗର ବିଜେପିରେ ସୃଷ୍ଟି ହୋଇଛି ଝଡ଼ ।