ନିର୍ବାଚନ ଲଢିବେ ସାଉଥ ସୁପରଷ୍ଟାର କମଲ ହାସନ୍
କୋଏମ୍ବାଟୁର: ଅଭିନେତାରୁ ରାଜନେତା ପାଲଟିଥିବା ସାଉଥ ସୁପରଷ୍ଟାର କମଲ ହାସନ୍ ନିର୍ବାଚନ ଲଢିବାକୁ ଯାଉଛନ୍ତି । ଦକ୍ଷିଣ କୋଏମ୍ବାଟୁରରୁ ନିର୍ବାଚନ ଲଢିବେ ମକ୍କଲ ନିଧି ମୟମ (ଏମଏମଏମ) ମୁଖ୍ୟ କମଲ ହାସନ୍ । ଏ ନେଇ ଆଜି ଦଳ ପକ୍ଷରୁ ଘୋଷଣା କରାଯାଇଛି ।
ଡିଏମକେ ପ୍ରାର୍ଥୀ ଘୋଷଣା କରିସାରିବା ପରେ କମଲ ହାସନ୍ ଦକ୍ଷିଣ କୋଏମ୍ବାଟୁରରୁ ନିର୍ବାଚନ ଲଢିବେ ବୋଲି ଜଣାପଡିଛି। ଫିଲ୍ମରେ ଦମଦାର ପ୍ରଦର୍ଶନ କରୁଥିବା କମଲ ହାସନ୍ ପ୍ରଥମ ଥର ପାଇଁ ରାଜନୀତିରେ ନିଜର ଭାଗ୍ୟ କରିବେ। ପୂର୍ବରୁ ଦଳ ପକ୍ଷରୁ ୭୦ ଜଣ ପ୍ରାର୍ଥୀଙ୍କ ତାଲିକା ଘୋଷଣା କରାଯାଇଛି।
ଚଳିତ ନିର୍ବାଚନରେ ୨୩୪ଟି ଆସନରୁ ଏମଏନଏମ ୧୫୪ଟି ଆସନରେ ନିର୍ବାଚନ ଲଢିବାକୁ ଯାଉଛି। ଏଥି ସହ ବାକି ଦୁଇ ସହଯୋଗୀ ଦଳ ଅନ୍ୟ ଆସନରେ ନିର୍ବାଚନ ଲଢିବେ। ସେପଟେ ଡିଏମକେ ଆଜି ୧୭୩ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି । କେଲାଥୁରରୁ ଡିଏମକେ ମୁଖ୍ୟ ଏମ.କେ ଷ୍ଟାଲିନ୍ ନିର୍ବାଚନ ଲଢିବେ ବୋଲି ସୂଚନା ମିଳିଛି।
