କଙ୍ଗନାଙ୍କ ସହ ବିବାଦ ପରେ ବଢୁଛି ଦିଲଜିତଙ୍କ ଫଲୋଅର୍ସ
ନୂଆଦିଲ୍ଲୀ: ଚଳିତ ମାସରେ ଚାଷୀ ଆନ୍ଦୋଳନ ଦେଶର ରାଜନୀତିକୁ ସରଗରମ କରୁଥିବା ବେଳେ ଅଭିନେତ୍ରୀ କଙ୍ଗନା ରଣାଓ୍ୱତ ଓ ଅଭିନେତା ଦିଲଜିତ ଦାେସଞ୍ଜଙ୍କ ଟ୍ୱିଟର୍ ଓ୍ୱାର୍ ଚର୍ଚ୍ଚାରେ ରହିଛି ।
ଅଧିକ କଥା କହିବା ଉପରେ ବିଶ୍ୱାସ କରୁନଥିବା ଦିଲଜିତ୍ ସୋସିଆଲ୍ ମିଡିଆରେ କଙ୍ଗନାଙ୍କୁ ମୁହଁତୋଡ ଜବାବ ଦେଇଛନ୍ତି । କେତେବେଳେ ସେ କଙ୍ଗନାଙ୍କୁ ବଡମାନଙ୍କ ସହ ସମ୍ମାନର ସହ କଥା ହେବା ଲାଗି ପରାମର୍ଶ ଦେଉଥିବା ବେଳେ ଆଉ କେତେବେଳେ ତାଙ୍କ କଥାକୁ ବକବାସ୍ ବୋଲି କହିଥିଲେ ।
ହେଲେ କଙ୍ଗନା କଥା ବୁଲାଇବାକୁ ଚାହିଁଥିଲେବି ଦିଲଜିତ୍ ନିଜ କଥାରେ ଅଡି ବସିଥିଲେ । ସୋସିଆଲ୍ ମିଡିଆରେ ବାକବିତର୍କ ପରେ ଦିଲଜିତଙ୍କୁ ଲୋକମାନଙକ୍ ସମର୍ଥନ ମିଳିବାରେ ଲାଗିଥିଲା । ଏମିତିକି ତାଙ୍କ ଟ୍ୱିଟ୍ ଗୁଡିକ ବି ଖୁବ୍ ଭାଇରାଲ୍ ହେବାରେ ଲାଗିଥିଲା ।
ଏକ ମିଡିଆ ଖବର ମୁତାବକ ଏହି ଟ୍ୱିଟର ବିବାଦ ପରେ ଦିଲଜିତ ଅଧିକ ଲୋକପ୍ରିୟ ହୋଇଥିବା ବେଳେ ତାଙ୍କ ଫଲୋଅର୍ସ ସଂଖ୍ୟା ୪ ଲକ୍ଷରୁ ଅଧିକ ହୋଇଯାଇଛି ।
