ଦିଲ୍ଲୀରେ ବେକାବୁ କରୋନା, ୨୪ ଘଣ୍ଟାରେ ୨୦ ହଜାରରୁ ଅଧିକ ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ସାରା ଦେଶରେ ପୁଣି ଥରେ କରୋନା ସଂକ୍ରମଣ ବଢ଼ି ବଢ଼ି ଚାଲିଛି । ଗତ ୨୪ ଘଣ୍ଟାରେ ଭାରତରେ ୧ ଲକ୍ଷ ୪୦ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ଯଦି ଦିଲ୍ଲୀ କଥା କହିବା ତାହାଲେ ୨୪ ଘଣ୍ଟାରେ ୨୦ ହଜାର ୧୮୧ ନୂଆ ମାମଲା ଚିହ୍ନଟ ହୋଇଛି । ସେହିପରି ଭାବରେ ୨୪ ଘଣ୍ଟାରେ ୭ ଜଣ ମୃତ୍ୟୁବରଣ କରିଛନ୍ତି । ତେବେ ଏସବୁ ମଧ୍ୟରେ ଆଶ୍ୱସ୍ତିକର ଖବର ଯେ ଗତ ୨୪ ଘଣ୍ଟାରେ ୧୧ ହଜାର ୮୬୯ ଆକ୍ରାନ୍ତ ସୁସ୍ଥ ହୋଇଛନ୍ତି । ବର୍ତ୍ତମାନ ଦିଲ୍ଲୀରେ ସକ୍ରିୟ କରୋନା ଆକ୍ରାନ୍ତ ସଂଖ୍ୟା ୪୮ ହଜାରରେ ପହଞ୍ଚିଛି ।

Delhi reports 20,181 fresh COVID cases, 11,869 recoveries, and 7 deaths

Active cases: 48,178
Daily positivity rate: 19.6%
Death toll: 25,143 pic.twitter.com/Uxux4exk56

— ANI (@ANI) January 8, 2022

ସୂଚନା ଅନୁସାରେ ଦିଲ୍ଲୀରେ ଏବେ ୨୫ ହଜାର ୯୦୯ ଆକ୍ରାନ୍ତ ହୋମ ଆଇସୋଲେସନରେ ରହିଛନ୍ତି । ସେହିପରି ଭାବରେ ହସ୍ପିଟାଲରେ ୧୫୮୬ ଜଣ ଆଡମିଟ୍‌ ହୋଇଛନ୍ତି । କରୋନା ଆକ୍ରାନ୍ତ ବଢ଼ୁଥିବାବେଳେ ଟେଷ୍ଟ ବି ବହୁ ସଂଖ୍ୟାରେ ହେଉଛି । ଗତ ୨୪ ଘଣ୍ଟାରେ ଦିଲ୍ଲୀରେ ୧ ଲକ୍ଷରୁ ଅଧିକ ଟେଷ୍ଟ ହୋଇଛି । ଶନିବାର ଦିଲ୍ଲୀ ସ୍ୱାସ୍ଥ୍ୟ ମନ୍ତ୍ରୀ ସତେନ୍ଦ୍ର ଜୈନ କହିଥିଲେ କି ଆଜି ଦିଲ୍ଲୀରେ ୨୦ ହଜାରରୁ ଅଧିକ ମାମଲା ଚିହ୍ନଟ ହେବେ । ସେ ଆହୁରି କହିଥିଲେ କି ଦିଲ୍ଲୀରେ ଏବେ ପଜିଟିଭିଟି ରେଟ୍ ୧-୨ ପ୍ରତିଶତ ବୃଦ୍ଧି ପାଇବ । ରାଜଧାନୀରେ ଓମିକ୍ରନ ମାମଲା ବି ଦ୍ରୁତ ଗତିରେ ବୃଦ୍ଧି ପାଉଛି । ଆଜି ଦିଲ୍ଲୀରେ ୪୮ ନୂଆ ଓମିକ୍ରନ କେସ୍ ଚିହ୍ନଟ ହୋଇଛି ।