କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ଅଁଳାବେରେଣୀ ଗାଁରେ ଥମିବାର ନାଁ ଧରୁନି ହାତୀ ଆତଙ୍କ l ଗତକିଛିଦିନ ଧରି ଏହି ଅଞ୍ଚଳରେ ଏଗାର ଟିକିଆ ହାତୀପଲ ଆତଙ୍କ ସୃଷ୍ଟି କରିଥିବା ବେଳେ ଏକ ଗୋଠଛଡା ଦନ୍ତା ଏବେ ସ୍ଥାନୀୟ ବାସିନ୍ଦାଙ୍କ ପାଇଁ ବିପଦ ସୃଷ୍ଟି କରିଛି l
ଜାତିଆଣ ଆକ୍ଷେପରୁ ଖୋର୍ଦ୍ଧା ଜଟଣୀରେ ବୋମାମାଡ଼ ; ଗୁରୁତର ନାବାଳକ ଏମ୍ସରେ ଭର୍ତ୍ତି
ଖୋର୍ଦ୍ଧା ଜିଲ୍ଲା ଜଟଣୀ ପଦନପୁର ଛକରେ ଫୁଟିଲା ବୋମା । ଜାତିଆଣ ଆକ୍ଷେପରୁ କଥା କଟାକଟି ପରେ ଉତକ୍ଷିପ୍ତ ହୋଇ ଯୁବକ ଫିଙ୍ଗିଲେ ଦୁଇଟି ବୋମା । ଏଥିରେ ଦୁଇ ଜଣ ସାମାନ୍ୟ ଆହତ ହୋଇଛନ୍ତି।
ଜାତିଆଣ ଆକ୍ଷେପରୁ କଥା କଟାକଟି ପରେ ଉତକ୍ଷିପ୍ତ ହୋଇ ଯୁବକ ଫିଙ୍ଗିଲେ ଦୁଇଟି ବୋମା । ଏଥିରେ ଦୁଇ ଜଣ ସାମାନ୍ୟ ଆହତ ହୋଇଛନ୍ତି। ଜଣେ ନାବାଳକ ଗୁରୁତର। ତାଙ୍କୁ ଭୁବନେଶ୍ୱର ଏମ୍ସକୁ ସ୍ଥାନାନ୍ତର କରା ଯାଇଛି। ସ୍ଥାନୀୟ ଲୋକେ ଅଭିଯୁକ୍ତକୁ ଧରିବା ଦାବିରେ ପିପିଲି – ଖୋର୍ଦ୍ଧା ମୁଖ୍ୟ ରାସ୍ତା ଅବରୋଧ କରିଥିଲେ। ପୋଲିସ ବୁଝାସୁଝା କରିବା ପରେ ସେମାନେ ହଟିଥିଲେ। …
ଶନି ଅସ୍ତ ସମୟରେ କ’ଣ କରିବା ଉଚିତ୍ ଏବଂ ଅନୁଚିତ୍ ? Astrologer Dr. Saswati Hazra | Maha Upaya
ଶନି ଅସ୍ତ ସମୟରେ କ’ଣ କରିବା ଉଚିତ୍ ଏବଂ ଅନୁଚିତ୍ ? Astrologer Dr. Saswati Hazra | Maha Upaya
ଶନି_ଅସ୍ତ_କଣ ? ଶନି ଅସ୍ତ ସମୟରେ କ’ଣ କରିବା ଉଚିତ୍ ଏବଂ ଅନୁଚିତ୍ ? ଆସନ୍ତୁ ଜାଣିବା ଆଜିର ମହାଉପାୟରେ କଣ କହୁଛନ୍ତି ଆମ ଜ୍ୟୋତିର୍ବିଦ୍ ଶାଶ୍ବତୀ ହାଜରାଙ୍କ ଠାରୁ …
ପାଇପ ଫାଟି ଯାଇଥିବାରୁ ୪ ମାସ ହେଲା ଆସୁନି ପିଇବା ପାଣି…
ଜୟପୁର : ଡଲାଇଲାଣି ଖରା । ତାତି ସାଙ୍ଗକୁ ବଢୁଛି ପାଣି ସମସ୍ୟା । ଖରାଦିନ ଆରମ୍ଭରୁ ଏପରି ସ୍ଥିତି ଦେଖି ପ୍ରମାଦ ଗଣିଲେଣି ଲୋକେ । କୋରାପୁଟ ଜିଲ୍ଲା ଜୟପୁର ପୌର ପରିଷଦର ହାନାଗୁଡା । ସହରକୁ ଲାଗି ରହିଥିବା ଏହି ଗାଁରେ ୬୦ ପରିବାରର ଦୁଇଶହ ଲୋକ ବସବାସ କରୁଛନ୍ତି । ହେଲେ ଖରା ଦିନ ଆରମ୍ଭ ନହେଉଣୁ ଏଠାରେ ପାଣିପାଣି ହନ୍ତସନ୍ତ ହେଲେଣି ଲୋକେ । ପାଣି ପାଇପ୍ ଫାଟି ଯିବାରୁ ପ୍ରାୟ ୪ ମାସ ହେଲା ପାଣି ପାଇବାରୁ ବଞ୍ଚିତ ହେଉଛନ୍ତି ଗ୍ରାମବାସୀ । ଗାଁରେ ଥିବା ଏକମାତ୍ର ନୁଳକୂପ ଏବେ ଲୋକଙ୍କ ଭରସା । ପୌର ପ୍ରଶାସନ ନିକଟରେ ବାରମ୍ବାର ଅନୁରୋଧ କରିଥିଲେ ବି କେହି ଶୁଣୁନଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଅଭିଯୋଗ ପରେ ଜୟପୁର ଉପ ଜିଲ୍ଲାପାଳ ତୁରନ୍ତ ପାଣି ଯୋଗାଇବା ପାଇଁ ବ୍ୟବସ୍ଥା କରିବାକୁ ଜୟପୁର ପିଏଚଡି ବିଭାଗକୁ ତାଗିଦ୍ କରିଛନ୍ତି । ପାଇପ ମରାମତି କରି ଲୋକଙ୍କୁ ସୁବିଧା ଦେବା ପାଇଁ ନିର୍ଦ୍ଦେଶ ଦେଇଥିବା କହିଛନ୍ତି ଜୟପୁର ଉପ ଜିଲ୍ଲାପାଳ । ଆଗକୁ ଖରା ଅଧିକ ହେବା ଆଶଂକା ଥିବାରୁ ଖୁବଶୀଘ୍ର ହାନାଗୁଡା ଗ୍ରାମ ସମେତ ଜୟପୁର ସହରର ସମସ୍ତ ଅଞ୍ଚଳରେ ପାଣି ସମସ୍ୟା ଦୁର କରାଯିବ ବୋଲି କହିଛନ୍ତି କାଉନସିଲର । ପାଣି ନଥିବାରୁ କେନାଲ ଉପରେ ନିର୍ଭର କରୁଛନ୍ତି ଗ୍ରାମବାସୀ । ପାଣି ପାଇଁ ଅନେକ ସମୟରେ କାମକୁ ଯାଇ ପାରୁ ନଥିବା ଅଭିଯୋଗ କରିଛନ୍ତି ।
କଟକରେ CISFର ୫୭ ତମ ପ୍ରତିଷ୍ଠା ଦିବସ ପାଳିତ
କଟକ : ବିମାନକୁ ଅପହରଣ କରି ନେଇଛନ୍ତି ଆତଙ୍କବାଦୀ । ଆତଙ୍କୀକୁ କାବୁ କରିବା ସହ ଯାତ୍ରୀଙ୍କୁ ସୁରକ୍ଷା ଦେବାକୁ ଆଗେଇ ଆସିଛି CISF । ବିମାନରୁ ଦଉଡ଼ି ସାହାଯ୍ୟରେ ତଳକୁ ଓହ୍ଲାଇ ଗୋଟି ଗୋଟି ଆତଙ୍କୀକୁ କରୁଛନ୍ତି ନିପାତ । ଅଗ୍ନିକାଣ୍ଡରେ କ୍ଷତିଗ୍ରସ୍ତ ବିମାନରୁ ଯାତ୍ରୀଙ୍କୁ କରୁଛନ୍ତି ସୁରକ୍ଷିତ ଉଦ୍ଧାର । ତେବେ ଏହା ସତସତିକା ଘଟଣା ନୁହେଁ । CISFର ୫୭ ତମ ପ୍ରତିଷ୍ଠା ଦିବସ ଅବସରରେ କେନ୍ଦ୍ର ଗୃହମନ୍ତ୍ରୀଙ୍କ ଆଗରେ ଏମିତି ଏକ ଦୁଃସାହସିକ ଡେମୋ ଦେଖାଇଛନ୍ତି ଯବାନ । ଖାଲି ସେତିକି ନୁହେଁ ଭିଭିଆଇପିଙ୍କ ଗସ୍ତ ବେଳେ ହମଲାର ସଫଳ ମୁକାବିଲା । ଡ୍ରୋନ ସହାୟତାରେ ଔଷଧ ପ୍ରେରଣ ଠାରୁ ଆରମ୍ଭ କରି ଅନେକ ମକଡ୍ରିଲ ଅନୁଷ୍ଠିତ ହୋଇଛି । କଟକ ମୁଣ୍ଡୁଳି ସ୍ଥିତ ଖାରବେଳ ଆଞ୍ଚଳିକ ପ୍ରଶିକ୍ଷଣ କେନ୍ଦ୍ର ଠାରେ ପାଳିତ ହୋଇଛି CISFର ୫୭ ତମ ପ୍ରତିଷ୍ଠା ଦିବସ । ରାଇଜିଂ ଡେ ରେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା ମୁଖ୍ଯ ଅତିଥି ଭାବେ ଯୋଗଦେଇ ପରେଡରେ ଅଭିବାଦନ ଗ୍ରହଣ କରିଥିଲେ । CISF ଦେଶର ୩୬୧ ସମ୍ବେଦନଶୀଳ ପ୍ରତିଷ୍ଠାନକୁ ସୁରକ୍ଷା ଦେଇ ଆସୁଛି ଏବଂ ଏଥିପାଇଁ ଆମେ ସମସ୍ତେ ସୁରକ୍ଷିତ ଅଛନ୍ତି ବୋଲି କହିଛନ୍ତି ଅମିତ ଶାହା ।
୪ଦିନ ଧରି ମୁଣ୍ଡୁଳି ସ୍ଥିତ CISF ପରିସରରେ ପ୍ରତିଷ୍ଠା ଦିବସ ଅବସରରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଛି । ଉତ୍ସବ ଶେଷ ଭାଗରେ CISF ଯବାନ ମାନେ ସୁରକ୍ଷାର ଆକର୍ଷଣୀୟ ଦୁସାହସିକ କୌଶଳ ସବୁ ଦେଖାଇଥିଲେ । ବିମାନ ଅପହରଣ, ଭିଭିଆଇପିଙ୍କ ଗସ୍ତର ସୁରକ୍ଷା, କାରଖାନା କିମ୍ବା ପେଟ୍ରୋଲ ପମ୍ପରେ ହଠାତ ଅଗ୍ନିକାଣ୍ଡର ମୁକାବିଲା ପରି ରଣକୌଶଳ ପ୍ରଦର୍ଶନ କରିଛନ୍ତି । ଖାଲି ସେତିକି ନୁହେଁ, ଦୁଃସାହସିକ ରଣକୌଶଳ ସାଙ୍ଗକୁ ନିଜର ଦକ୍ଷତା ଦେଖାଇଛନ୍ତି ଯବାନ । ଏହି ଅବସରରେ ସଫଳ ଅଫିସର ଓ ଯବାନଙ୍କୁ ଟ୍ରଫି ଓ ପଦକ ପ୍ରଦାନ କରାଯାଇଛି । ଉତ୍ସବରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ମୁଖ୍ଯମନ୍ତ୍ରୀ ମୋହନ ଚରଣ ମାଝୀ ଓ ଦୁଇ ଉପମୁଖ୍ୟମନ୍ତ୍ରୀ ଅତିଥି ଭାବେ ଯୋଗ ଦେଇଥିଲେ ।
ନିମ୍ନମାନର ପଥର ପକାଇ କରାଯାଉଛି ଟଙ୍କା ହଡ଼ପ…
ପଟ୍ଟାମୁଣ୍ଡାଇ : ପଥର ପ୍ୟାକିଂ କାମରେ ଘୋଟାଲା । ନଦୀବନ୍ଧର ସୁରକ୍ଷା ନାଁରେ କୋଟିକୋଟି ଟଙ୍କା ଆତ୍ମସାତ ଅଭିଯୋଗ । ନଦୀବନ୍ଧର ସୁରକ୍ଷା ନେଇ ପ୍ରଶ୍ନବାଚୀ ।… କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଘାଗରାଡିଆ ଗାଁକୁ ବନ୍ୟାରୁ ସୁରକ୍ଷା ଦେବା ପାଇଁ ବ୍ରାହ୍ମଣୀ ନଦୀବନ୍ଧରେ ଚାଲିଛି ପଥର ପ୍ୟାକିଂ । ଆଳି ତଟବନ୍ଧ ବିଭାଗ ପକ୍ଷରୁ ପଥର ସ୍ପର ସହିତ ପଥର ପ୍ୟାକିଙ୍ଗ କାର୍ଯ୍ୟ ଚାଲିଛି । ହେଲେ କାର୍ଯ୍ୟାଦେଶ ପାଇଥିବା ଠିକାଦାର ନିମ୍ନମାନର ପଥର ସହ ଛୋଟଛୋଟ ପଥର ବ୍ୟବହାର କରି ସରକାରୀ ଅର୍ଥ ଆତ୍ମସାତ କରୁଛି । ହେଲେ ବିଭାଗୀୟ କର୍ତ୍ତୃପକ୍ଷ ଦୃଷ୍ଟି ଦେଉନଥିବା ଅଭିଯୋଗ ହୋଇଛି ।…
ବ୍ରାହ୍ମଣୀ ନଦୀ ବନ୍ଧରେ ନିମ୍ନମାନର କାମ ଚାଲିଥିବାରୁ ନଦୀ ଗର୍ଭକୁ ପଥର ଚାଲିଯିବା ଆଶଙ୍କା ରହିଛି । ଏନେଇ ଜିଲ୍ଲା ପ୍ରଶାସନ ଓ ସରକାର ଦୃଷ୍ଟି ଦେବାକୁ ଦାବି ହୋଇଛି । ନଚେତ ଦିନେ ନା ଦିନେ ଘାଗରାଡିଆ ଗାଁ ବ୍ରାହ୍ମଣୀ ନଦୀ ଗର୍ଭରେ ଲୀନ ହୋଇଯିବ ବୋଲି ଆଶଙ୍କା କରିଛନ୍ତି ଗ୍ରାମବାସୀ । ଅନ୍ୟପଟେ ଅଭିଯୋଗକୁ ସ୍ଵୀକାର କରିବା ସହ ଘାଗରାଡ଼ିଆ ନଦୀ ବନ୍ଧର ସୁରକ୍ଷା ପାଇଁ ସମୁଚିତ ପଦକ୍ଷେପ ନିଆଯିବ ବୋଲି କହିଛନ୍ତି ବ୍ଲକ ଅଧ୍ୟକ୍ଷ । ଘଟଣାର ବିଭାଗୀୟ ତଦନ୍ତ ସହ ସଂପୃକ୍ତ ଠିକାଦାରଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।
ମୁଣ୍ଡ ନେଉଛି କିଡନୀ ରୋଗ, ଦୁଇ ବର୍ଷରେ ଗଲାଣି ସାତ ଜୀବନ
ବାଙ୍କୀ : ଜହର ପାଲଟିଛି ପିଇବା ପାଣି । ଲୁହାଗୁଣ୍ଡ ମିଶ୍ରିତ ପାଣି ପିଇ ରୋଗାକ୍ରାନ୍ତ ଲୋକେ । କଟକ ଜିଲ୍ଲା ବାଙ୍କୀ ବୈଦେଶ୍ଵର ଗ୍ରାମପଞ୍ଚାୟତର କୋଟ ଗାଁରେ ବ୍ୟାପିବାରେ ଲାଗିଛି କିଡନୀ ରୋଗ । ଦୁଇ ବର୍ଷରେ ଗଲାଣି ସାତ ଜଣଙ୍କ ଜୀବନ । ଏବେବି ସାତ ଜଣ ହେଉଛନ୍ତି ଚିକିତ୍ସିତ । ରୋଗ ଭୟରେ ଗାଁ ଛାଡ଼ିଲେନି ଲୋକେ । ବେଫିକର ପ୍ରଶାସନ । କୋଟ ଗାଁରେ କିଡନୀ ରୋଗ କାୟା ମେଲାଇ ଚାଲିଥିବା ବେଳେ ଡାକ୍ତରୀ ଟିମ ପହଞ୍ଚି ଲୋକଙ୍କ ରକ୍ତ ଓ ପାଣି ନମୁନା ସଂଗ୍ରହ କରି ପରୀକ୍ଷା ପାଇଁ ନେଇଥିଲେ । ହେଲେ ବର୍ତ୍ତମାନ ସୁଦ୍ଧା ରିପୋର୍ଟ ଆସିନାହିଁ । ଗତ ମାସ ୨୦ ତାରିଖରେ କଟକ ବଡ ମେଡିକାଲରେ ଆଉ ଜଣଙ୍କ ମୃତ୍ୟୁ ପରେ ଆତଙ୍କିତ ଲୋକେ ।
କୋଟ ଗାଁରେ ସାଢେ ଚାରି ଶହ ଲୋକ ବସବାସ କରୁଛନ୍ତି । ହେଲେ ଦୁଃଖର ବିଷୟ ଆଜି ସୁଦ୍ଧା ଲୋକଙ୍କୁ ବିଶୁଦ୍ଧ ପାଣି ମିଳି ପାରିଲା ନାହିଁ । ଦୂଷିତ ପାଣି ପିଇ ଲୋକେ କିଡନୀ ରୋଗରେ ଆକ୍ରାନ୍ତ ହେଉଛନ୍ତି । ଏନେଇ ଗ୍ରାମବାସୀ ଅନେକ ଥର ବ୍ଲକରେ ଅଭିଯୋଗ କରିବା ପରେ ଗ୍ରାମ୍ୟ ଜଳଯୋଗାଣ ବିଭାଗ ପକ୍ଷରୁ ଟ୍ୟାଙ୍କର ଯୋଗେ ପାଣି ଯୋଗାଇ ଦିଆଯାଉଛି । ହେଲେ ସ୍ଥିତି ଅନୁଧ୍ୟାନ ପାଇଁ ଗାଁକୁ ଆସୁନାହାନ୍ତି ଜିଲ୍ଲା ସ୍ତରୀୟ ଡାକ୍ତରୀ ଟିମ । ଯାହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । କେବେ କୋଟ ଗାଁରେ ଡାକ୍ତରୀ ଟିମ୍ ପହଞ୍ଚିବେ ? କେବେ ଗାଁରେ ବିଶୁଦ୍ଧ ପାନୀୟ ଜଳ ବ୍ୟବସ୍ଥା କରାଯିବ ? ଏହାର କିଏ ଦେବ ଉତ୍ତର ।