ଭୁବନେଶ୍ବର: ସଭିଙ୍କ ମୁହଁରେ ଏବେ ଭାରତୀୟ ଯବାନଙ୍କ ଭୁରି ଭୁରି ପ୍ରଶଂସା । ଜାମ୍ମୁ କାଶ୍ମୀରର ପହଲଗାଓଁ ଆତଙ୍କବାଦୀ ଆକ୍ରମଣରେ ୨୬ ଜଣ ନିରୀହ ଲୋକଙ୍କ ଜୀବନ ହାନୀ ଘଟିଥିଲା । ମାତ୍ର ସେନା ଦେଇଥିଲା ତା’ର କଡ଼ା ଜବାବ । ବିଳମ୍ବିତ ରାତିରେ ପାକିସ୍ତାନ ଓ ପାକ୍ ଅଧିକୃତ କାଶ୍ମୀରରେ ଥିବା ୯ଟି ଆତଙ୍କବାଦୀ ଆଡ୍ଡା ଧ୍ବଂସ କରିଥିଲେ ଭାରତୀୟ ଯବାନ । ତେଣୁ ଏହି ମହାନ୍ ବୀରତ୍ବ ପାଇଁ ଭାରତୀୟ ସେନାକୁ ଧନ୍ୟବାଦ ଜଣାଇଛନ୍ତି ବିରୋଧୀଦ ନେତା ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ।
କିଏ ହେବ ଟିମ୍ ଇଣ୍ଡିଆର ନୂଆ ଟେଷ୍ଟ ଅଧିନାୟକ? ରେସରେ ରହିଛନ୍ତି ଏହି ୪ ଖେଳାଳି
ରୋହିତ ଶର୍ମା ଟେଷ୍ଟରୁ ସନ୍ନ୍ୟାସ ଘୋଷଣା କରିବା ପରେ ଏବେ କିଏ ମଙ୍ଗ ଧରିବ ? କିଏ ହେବ ଟିମ୍ ଇଣ୍ଡିଆର ନୂଆ ଟେଷ୍ଟ କ୍ୟାପ୍ଟେନ? ଏହାକୁ ନେଇ ଏବେ ଆରମ୍ଭ ହୋଇଛି ଚର୍ଚ୍ଚା । ଏହି ରେସରେ ୪ ଜଣ ବଡ଼ ଖେଳାଳି ରହିଛନ୍ତି । ଶୁବମନ ଗିଲ, ଋଷଭ ପନ୍ତ, କେଏଲ ରାହୁଲ ଓ ଜଶପ୍ରୀତ ବୁମ୍ରାଙ୍କ ମଧ୍ୟରୁ ଜଣେ ଏହି ଦାୟିତ୍ବ ସମ୍ଭାଳିବାର ସମ୍ଭାବନା ରହିଛି । ମେ ୭ରେ ରୋହିତ ନିଜର ସନ୍ନ୍ୟାସ ଘୋଷଣା କରିଥିଲେ । ଆଗକୁ ଭାରତ ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ଖେଳିବାକୁ ଯାଉଥିବାରୁ ଟିମ୍ ଇଣ୍ଡିଆ ଖୁବଶୀଘ୍ର ଜଣେ ନୂଆ ଟେଷ୍ଟ ଅଧିନାୟକ ପାଇବ ।
ବୁମ୍ରା ଜଣେ ସିନିୟର ଓ ଅନୁଭବୀ ଖେଳାଳି ହୋଇଥିବାରୁ ତାଙ୍କୁ ଏହି ଦାୟିତ୍ବ ଦିଆଯାଇପାରେ । ତାଙ୍କ ପାଖରେ ୩ଟି ଟେଷ୍ଟରେ ନେତୃତ୍ବ ନେବାର ଅନୁଭବ ରହିଛି । ସେଥିମଧ୍ୟରୁ ୧ଟି ଜିତିଥିବା ବେଳେ ୨ଟି ହାରିଛନ୍ତି । ଗିଲଙ୍କ ପାଖରେ କମ୍ ଅନୁଭବ ରହିଥିଲେ ହେଁ ଲଙ୍ଗ ଟର୍ମ ପାଇଁ ସେ ଉପଯୁକ୍ତ ହୋଇପାରନ୍ତି । ପନ୍ତ ଓ ରାହୁଲ ମଧ୍ୟ ଟେଷ୍ଟ ଅଧିନାୟକ ପାଇଁ ବଡ଼ଦାବିବାର ଅଟନ୍ତି । ପନ୍ତଙ୍କ ପାଖରେ ଅଧିନାୟକର ଅନୁଭବ ନାହିଁ । ରାହୁଲ ୩ଟି ଟେଷ୍ଟରେ କ୍ୟାପ୍ଟେନସିପ କରିସାରିଛନ୍ତି ।
ହାଫିଜ ସଇଦ ଓ ମସୁଦ ଅଜହର: ଏହି ଦୁଇ ଆତଙ୍କବାଦୀଙ୍କ ମଧ୍ୟରୁ ଜଣେ ମୃତ?
ଅପରେସନ ସିନ୍ଦୂର ଜରିଆରେ ଭାରତ ପାକିସ୍ତାନର ଏକାଧିକ ଆତଙ୍କୀ ଆଡ୍ଡା ଧ୍ବଂସ କରିଥିଲା । ତେବେ ଏହି ଅପରେସନରେ ଧ୍ବଂସ ହୋଇଥିବା ବହାବଲପୁରର ମରକଜ ସୁଭାନ-ଓଲ୍ଲାହ ଆଡ୍ଡା ଅଜହରର ସବୁଠାରୁ ବଡ଼ ଆଡ୍ଡା କୁହାଯାଉଛି । ଏହି ଆକ୍ରମଣରେ ଭାରତ ଆତଙ୍କବାଦୀଙ୍କୁ ଏକ ବଡ଼ ଝଟକା ଦେଇଥିଲା । ତେବେ ଏହା ମଧ୍ୟରେ ଏକ ବଡ଼ ପ୍ରଶ୍ନ ସାମ୍ନାକୁ ଆସୁଛି । ଏହି ଦୁଇ ଆତଙ୍କୀଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଥିବା ନେଇ ପ୍ରମାଣ ସାମ୍ନାକୁ ଆସୁଛି ।
ବିଳମ୍ବିତ ରାତିରେ ଭାରତ ୧ଟା ୫ ମିନିଟରୁ ୧ଟା ୩୦ ପର୍ଯ୍ୟନ୍ତ ୨୫ ମିନିଟ ଭିତରେ ପିଓକେରେ ୫ଟି ଓ ପାକିସ୍ତାନରେ ୪ଟି ସ୍ଥାନକୁ ଧ୍ବଂସ କରିଥିଲା । ଭାରତ ଧ୍ବଂସ କରିଥିବା ସ୍ଥାନ ମଧ୍ୟରେ ଅଜହରର ଆଡ୍ଡା ମଧ୍ୟ ସାମିଲ ରହିଛି । କଫି ଓ ଶବଦାହକୁ ଦେଖିଲେ ସଇଦ ବା ଅଜହରର ମୃତ୍ୟୁ ନେଇ ପ୍ରଶ୍ନବାଚୀ ସୃଷ୍ଟି କରୁଛି । କୌଣସି ବଡ଼ ଆତଙ୍କବାଦୀ ନିପାତ ହୋଇଥିବା କୁହାଯାଉଛି । ପାକିସ୍ତାନ ପକ୍ଷରୁ ଶବ ଉପରେ ଚଢ଼ାଯାଇଥିବା ଫୁଲ ମଧ୍ୟରୁ ଗୋଟିକରେ ଚିଫ୍ ଅଫ୍ ଆର୍ମି ଷ୍ଟାଫ ଲେଖାଯାଇଥିଲା । ଅନ୍ୟ ଏକ କଫିନ ସାମ୍ନାରେ ଲସ୍କର କମାଣ୍ଡର ନିଜେ ନମାଜ ପଢ଼ିଥିଲେ । ତେଣୁ ଏହି ସବୁ ପ୍ରମାଣ ସଇଦ କିମ୍ବା ଅଜହରର ମୃତ୍ୟୁ ଘଟିଥିବା ନେଇ କିଛି ସଙ୍କେତ ଦେଉଛି ।
ଭୁବନେଶ୍ୱର ବିମାନବନ୍ଦର ନିର୍ଦ୍ଦେଶକଙ୍କ କାର୍ଯ୍ୟାଳୟରେ ଗୁରୁତ୍ଵପୂର୍ଣ୍ଣ ବୈଠକ: କମିଶନରେଟ ପୋଲିସ, ଗୁଇନ୍ଦା ବିଭାଗ ସାମିଲ
ଭୁବନେଶ୍ବର: ଭୁବନେଶ୍ୱର ବିମାନବନ୍ଦର ନିର୍ଦ୍ଦେଶକଙ୍କ କାର୍ଯ୍ୟାଳୟରେ ଗୁରୁତ୍ଵପୂର୍ଣ୍ଣ ବୈଠକ। କମିଶନରେଟ ପୋଲିସ, ଗୁଇନ୍ଦା ବିଭାଗ, ଓଡ଼ିଶା ସରକାରଙ୍କ ଅନ୍ୟ ବିଭାଗର ଅଧିକାରୀ ବୈଠକରେ ସାମିଲ ଅଛନ୍ତି। ମେ ୧୦ ଯାଏଁ ବିମାନ ସେବା ବନ୍ଦ ନେଇ ଆଲୋଚନା ସମ୍ଭାବନା। ସେହିପରି ଆସନ୍ତା ୧୦ ଓ ୧୧ରେ ଦୁଇ ଦିନିଆ ଓଡିଶା ଗସ୍ତରେ ଗୃହ ମନ୍ତ୍ରୀ ଅମିତ ସାହ ଆସିବାର କାର୍ଯକ୍ରମ ରହିଛି। । ଯୁଦ୍ଧ ପରିସ୍ଥିତି ସମୟରେ ଗୃହମନ୍ତ୍ରୀଙ୍କ ଦୁଇଦିନିଆ ଓଡ଼ିଶା ଗସ୍ତ ପୂର୍ବରୁ ଗୁରୁତ୍ଵପୂର୍ଣ୍ଣ ASL ବୈଠକ ବସିଛି।
ଭାରତର ସୀମାନ୍ତବର୍ତ୍ତୀ ଗାଁ ଓ ଗୁରୁଦ୍ବାର ଉପରେ ପାକିସ୍ତାନର ଟାର୍ଗେଟ: ୧୫ ଜଣ ନିରୀହ ଲୋକଙ୍କ ପ୍ରାଣହାନୀ
ଅପରେସନ୍ ସିନ୍ଦୂରରେ ଧ୍ବଂସ ହେଲା ପାକିସ୍ତାନରେ ଥିବା ଆତଙ୍କୀଙ୍କ ଆଡ୍ଡା । ପ୍ରତି ଜବାବରେ ଭାରତର ସୀମାନ୍ତବର୍ତ୍ତୀ ଗାଁ ଓ ଗୁରୁଦ୍ବାରାକୁ ଟାର୍ଗେଟ କରିଛି ପାକିସ୍ତାନ । ଜାମୁ କାଶ୍ମୀରର ପୁଞ୍ଚ ଓ ରାଜୌରୀ ଜିଲ୍ଲାରେ ପାକ ସେନା ପ୍ରବଳ ଗୁଳିଗୋଳା ବର୍ଷଣ କରିଛନ୍ତି । ପାକ ସେନାଙ୍କ ଗୁଳିମାଡ଼ରେ ପୁଞ୍ଚର ଗୁରୁଦ୍ବାରା ଶ୍ରୀ ଗୁରୁସିଂ ସଭାର କିଛି ଅଂଶ କ୍ଷତି ହେବା ସହ ଗୋଟିଏ କବାଟ ନଷ୍ଟ ହୋଇଛି। ଏହା ସହିତ ୧୫ ଜଣ ନିରୀହ ଲୋକଙ୍କ ପ୍ରାଣହାନୀ ଘଟିଛି । ଆଉ କେତେ ଭାରତୀୟ ନାଗରିକ ମଧ୍ୟ ଆହତ ହୋଇଛନ୍ତି ।
ସାଙ୍ଗକୁ ଗୁଳି କଲା ସାଙ୍ଗ: ବିଳମ୍ବିତ ରାତିରେ ରାଜଧାନୀରେ ଫୁଟିଲା ଗୁଳି
ମେଣ୍ଢାଶାଳ: ଭୁବନେଶ୍ବର ଚନ୍ଦକା ଥାନା ଅଧୀନ ପାଣିଓଳା ଅଂଚଳରେ ବିଳମ୍ବିତ ରାତିରେ ଫୁଟିଲା ଗୁଳି । ଗୁଳିମାଡ଼ରେ ପାଣିଓଳା ଗ୍ରାମର ପୂର୍ଣ୍ଣଚନ୍ଦ୍ର ନାୟକ ଗୁରୁତର ହୋଇଛନ୍ତି। ଗୁରୁତର ଅବସ୍ଥାରେ ତାଙ୍କୁ ଏମ୍ସରେ ଭର୍ତ୍ତି କରାଯାଇଛି । ଗୁଳିମାଡ଼ ଘଟଣାରେ ଅଭିଯୁକ୍ତ ବିଶ୍ୱଜିତ ସାହୁକୁ ଥାନାରେ ଅଟକ ରଖାଯାଇଥିବାବେଳେ ତା ନିକଟରୁ ବନ୍ଧୁକ ଜବତ ହୋଇଛି ।ଉଭୟ ଗୋଟିଏ ଗାଁର ୨ସାଙ୍ଗ ବୋଲି ଜଣାପଡିଛି । ଉଭୟଙ୍କ ମଧ୍ୟରେ କୌଣସି କାରଣରୁ ବଚସା ଯୋଗୁଁ ସାଙ୍ଗକୁ ଗୁଳି କରିଛି ସାଙ୍ଗ । ଏନେଇ ସୂଚନା ଦେଇଛନ୍ତି ଚନ୍ଦକା ଥାନା ଅଧିକାରୀ।
ଭାରତ-ପାକିସ୍ତାନ ଉତ୍ତେଜନା: ୫ ରାଜ୍ୟର ୨୭ ବିମାନବନ୍ଦର ବନ୍ଦ
ନୂଆଦିଲ୍ଲୀ: ଦେଶର ୨୭ ବିମାନବନ୍ଦର ବନ୍ଦ। ଜାମ୍ମୁ କାଶ୍ମୀର, ହିମାଚଳପ୍ରଦେଶ, ରାଜସ୍ଥାନ, ଗୁଜରାଟ ଓ ପଞ୍ଜାବର ୨୭ ବିମାନବନ୍ଦର ବନ୍ଦ କରିଛନ୍ତି କେନ୍ଦ୍ର ସରକାର। ପାକିସ୍ତାନ ସହିତ ଉତ୍ତେଜନାକୁ ଦେଖି ଅନିର୍ଦ୍ଦିଷ୍ଟ କାଳ ପାଇଁ ଏହି ସବୁ ଏୟାରପୋର୍ଟକୁ ବନ୍ଦ କରାଯାଇଛି। ସେଗୁଡ଼ିକ ହେଲା ଲେହ, ଥୋଇସେ, ଶ୍ରୀନଗର, ଜାମ୍ମୁ, ଅମୃତସର, ପଠାନକୋଟ,ଚଣ୍ଡିଗଡ଼, ଯୋଧପୁର, ଜୈସଲମେର, ଜାମନଗର, ଭଟିଣ୍ଡା,ଭୁଜ, ଧର୍ମଶାଳା, ସିମଳା, ରାଜକୋଟ, ପୋରବନ୍ଦର ବିମାନବନ୍ଦର। ସାଧାରଣ ଲୋକଙ୍କ ଯାତାୟତ ପାଇଁ ଏହି ସବୁ ଏୟାରପୋର୍ଟ ବନ୍ଦ ରହିବ। ସେହିପରି ୪୩୦ ଫ୍ଲାଇଟ ବାତିଲ କରାଯାଇଛି ।
ନକ୍ସଲଙ୍କ IED ଆକ୍ରମଣ: ତିନି ଯବାନ ସହିଦ
ମୁଲୁଗୁ: ତେଲେଙ୍ଗାନାର ମୁଲୁଗୁ ଜିଲ୍ଲାରେ ନକ୍ସଲମାନେ ଆଇଡି ବ୍ଲାଷ୍ଟ କରିଛନ୍ତି । ଏହି ବିସ୍ଫୋରଣରେ ୩ ଜଣ ଯବାନ ସହିଦ ହୋଇଛନ୍ତି । ଯେଉଁ ଅଞ୍ଚଳରେ ଆଇଇଡି ବିସ୍ଫୋରଣ ହୋଇଥିଲା, ତାହା ଛତିଶଗଡ଼ର ସୁକୁମା ବର୍ଡରର ନିକଟରେ ରହିଛି । ନକ୍ସଲମାନେ ପୋଲିସକୁ ଟାର୍ଗେଟ କରି ବିସ୍ଫୋରଣ କରିଥିଲେ । ଯାହାଦ୍ବାରା କି ୩ ଯବାନ ସହିଦ ହୋଇଥିଲେ । ପୋଳିସ ରୁଟିମ କମ୍ବିଂ କରୁଥିବା ସମୟରେ ନକ୍ସଲମାନେ ବ୍ଲାଷ୍ଟ କରିଦେଇଥିଲେ ।
ସୂଚନାଯୋଗ୍ୟ ଯେ, ଏହା ପୂର୍ବରୁ ଛତିଶଗଡ଼-ତେଲେଙ୍ଗାନା ସୀମାର ବୀଜାପୁର ଜିଲ୍ଲାର ଜଙ୍ଗଲରେ ସୁରକ୍ଷାବଳଙ୍କ ସହ ନକ୍ସଲଙ୍କର ମୁହଁମୁହିଁ ହୋଇଥିଲା । ସେହି ସମୟରେ ୨୨ରୁ ଅଧିକ ନକ୍ସଲ ନିପାତ ହୋଇଥିଲେ । ନକ୍ସଲଙ୍କ ବିରୋଧରେ ଏହି ଅଭିଯାନ ଜାରି ରହିଛି । ଏହି ଅପରେସନରେ ଡିଆରଜି, ଏସଟିଏଫ, ସିଆରପିଏଫ ଆଦି ପାଖାପାଖି ୨୪ ହଜାର ସୁରକ୍ଷାକର୍ମୀ ସାମିଲ ରହିଛନ୍ତି ।
ରାଜ୍ୟ କ୍ୟାବିନେଟରେ ଆଠଟି ପ୍ରସ୍ତାବକୁ ମଂଜୁରୀ: ମୁଖ୍ୟମନ୍ତ୍ରୀ ସଡକ ଯୋଜନାକୁ କ୍ୟାବିନେଟ ମଂଜୁରୀ
ଭୁବନେଶ୍ବର: ରାଜ୍ୟ କ୍ୟାବିନେଟରେ ଆଠଟି ପ୍ରସ୍ତାବକୁ ମଂଜୁରୀ ମିଳିଛି । ମୁଖ୍ୟମନ୍ତ୍ରୀ ସଡକ ଯୋଜନାକୁ କ୍ୟାବିନେଟ ମଂଜୁରୀ ମିଳିଛି । ରାଜ୍ୟର ବିପର୍ଯ୍ୟୟ ପ୍ରଭାବିତ ଅଂଚଳରେ ବିପର୍ଯ୍ୟୟ ସମୟରେ ଏବଂ ପରେ ଜରୁରୀ ସେବା ଯେପରି ବାଧା ସୃଷ୍ଟି ନହୁଏ ତାହା ସୁନିଶ୍ଚିତ କରିବାକୁ ଏହି ଯୋଜନାକୁ ମଂଜୁରୀ ମିଳିଛି । ଏହା ବିପର୍ଯ୍ୟୟ ପ୍ରବଣ ଅଞ୍ଚଳରେ ଜୀବନରେଖା ଭାବେ କାମ କରିବ । ୨୦୨୫-୨୬ରୁ ୨୦୨୯-୩୦ ଏହି ଚାରି ବର୍ଷରେ ୫୦୦ କିଲୋମିଟର ରାସ୍ତା ନିର୍ମାଣ ପାଇଁ ହଜାରେ କୋଟି ଟଙ୍କାର ବ୍ୟୟବରାଦ କରାଯାଇଛି। ସେହିଭଳି ସବୁ ନିର୍ବାଚନମଣ୍ଡଳୀରେ ଥିବା ଗ୍ରାମାଞ୍ଚଳ ରାସ୍ତା ନିର୍ମାଣ କରିବା ଏବଂ ସଡକ ଉନ୍ନତିକରଣ ପାଇଁ ନିର୍ବାଚନମଣ୍ଡଳୀୱାରୀ ଅର୍ଥ ବ୍ୟବସ୍ଥା ଯୋଜନାକୁ କ୍ୟାବିନେଟ ମଂଜୁରୀ ମିଳିଛି। ଏହି ଯୋଜନାରେ ୨୦୨୪-୨୫ରୁ ୨୦୨୬-୨୭ ଏହି ତିନି ବର୍ଷରେ ୪୨୬ କୋଟି ଟଙ୍କା ଖର୍ଚ୍ଚ କରାଯିବ ।
ହିଭଳି ମୁଖ୍ୟମନ୍ତ୍ରୀ ଆମ ବସ ସେବାକୁ ମଧ୍ୟ କ୍ୟାବିନେଟ ମଂଜୁରୀ ମିଳିଛି । ଗ୍ରାମାଞ୍ଚଳର ଲୋକଙ୍କୁ ସୁରକ୍ଷିତ, ନିର୍ଭରଯୋଗ୍ୟ, ସୁଲଭ ପରିବହନ ସେବା ଯୋଗାଇଦେବାକୁ ଲକ୍ଷ୍ୟ ରଖାଯାଇଛି। ଏହାର ତଦାରଖ ଓ ନିୟନ୍ତ୍ରଣ ଦାୟିତ୍ବ ଓଏସଆରଟିସିକୁ ଦିଆଯିବ ।ସବୁ ବସରେ ସିସିଟିଭି, ଲାଇଭ ଭ୍ୟାନ ଟ୍ରାକିଂ, ଯାତ୍ରୀ ସୂଚନା ବ୍ୟବସ୍ଥା ସହ ପାନିକ ବଟନ ବି ରହିବ । ମହିଳା, ଛାତ୍ରଛାତ୍ରୀ, ଭିନ୍ନକ୍ଷମ ଓ ବରିଷ୍ଠଙ୍କ ପାଇଁ ବସ ଭଡାରେ ୫୦ ପ୍ରତିଶତ ରିହାତି ପ୍ରଦାନ କରାଯିବ। ଏହି ଯୋଜନାକୁ ୨୦୩୨-୩୩ ଆର୍ଥିକ ବର୍ଷ ପର୍ଯ୍ୟନ୍ତ ଜାରି ରଖିବାକୁ କ୍ୟାବିନେଟରେ ମଂଜୁରୀ ମିଳିଛି । ଏଥିସହିତ ସରକାରୀ ଡାକ୍ତରଖାନାରେ ମାଗଣା ଡାଇଗ୍ନୋଷ୍ଟିକ ଓ ଡାଏଲିସିସ ସେବା ଯୋଗାଇଦେବାକୁ ପୂର୍ବରୁ କାର୍ଯ୍ୟକାରୀ ହେଉଥିବା ନିଦାନ ଯୋଜନାର ଦ୍ବିତୀୟ ପର୍ଯ୍ୟାୟକୁ କ୍ୟାବିନେଟ ମଂଜୁରୀ ମିଳିଛି । ଏଥିପାଇଁ ଆଗାମୀ ୫ ବର୍ଷ ପାଇଁ ୨୪୫୯ କୋଟି ୫୧ ଲକ୍ଷ ଟଙ୍କାକୁ କ୍ୟାବିନେଟ ଅନୁମୋଦନ ଦେଇଛି । ସେହିଭଳି ପୂର୍ବରୁ କାର୍ଯ୍ୟକାରୀ ହେଉଥିବା ନିର୍ମଳ ଦ୍ବିତୀୟ ପର୍ଯ୍ୟାୟ ଯୋଜନାକୁ ମଧ୍ୟ ମଂଜୁରୀ ମିଳିଛି । ଏହାଦ୍ବାରା ସରକାରୀ ଡାକ୍ତରଖାନାରେ ସ୍ବଚ୍ଛତା, ସୁରକ୍ଷା, ଆଟେଣ୍ଡାଣ୍ଟ ଭଳି ଆନୁସଙ୍ଗୀକ ସେବାକୁ ସୁନିଶ୍ଚିତ କରାଯାଇପାରିବ । ଏହି ଯୋଜନାରେ ଆଗାମୀ ୫ ବର୍ଷ ପାଇଁ ୫୧୭୪ କୋଟି ୭୯ ଲକ୍ଷ ଟଙ୍କାର ବ୍ୟୟ ଅଟକଳକୁ ମଂଜୁରୀ ମିଳିଛି।
ଅପରେସନ ସିନ୍ଦୂରକୁ ନେଇ ସର୍ବଦଳୀୟ ବୈଠକ: ଦିନ ୧୧ଟାରେ ବସିବ ଏହି ବୈଠକ
ନୂଆଦିଲ୍ଲୀ: ପହଲଗାଓଁ ଆକ୍ରମଣକୁ ନେଇ ଅପରେସନ ସିନ୍ଦୂର ପରେ ସର୍ବଦଳୀୟ ବୈଠକ ଡାକିଛନ୍ତି କେନ୍ଦ୍ର ସରକାର। ଆଦି ଦିନ ୧୧ଟାରେ ବସୁଛି ସର୍ବଦଳୀୟ ବୈଠକ। ଅପରେସନ ସିନ୍ଦୂରକୁ ନେଇ ଭାରତୀୟ ସେନା ବାହିନୀଙ୍କ ପ୍ରଶଂସା କରିଛି କେନ୍ଦ୍ର କ୍ୟାବିନେଟ। ସେନାବାହିନୀ ଦ୍ୱାରା କରାଯାଇଥିବା ଅପରେସନକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ। ଅପରେସନ୍ ସିନ୍ଦୂରର କିଛି ଘଣ୍ଟା ପରେ ପ୍ରଧାନମନ୍ତ୍ରୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟି ସାମରିକ ଆକ୍ରମଣ ବିଷୟରେ ସୂଚନା ଦେବା ପାଇଁ ଏକ କ୍ୟାବିନେଟ୍ ବୈଠକ ଡାକିଥିଲେ। ସଂସଦରେ ଅପରେସନ୍ ସିନ୍ଦୂର ବିଷୟରେ ସମସ୍ତ ରାଜନୈତିକ ଦଳକୁ ସୂଚନା ଦେବା ପାଇଁ ଏହି ସର୍ବଦଳୀୟ ବୈଠକ ଡକାଯାଇଛି।
ପହଲଗାଓଁ ଆତଙ୍କବାଦୀ ଆକ୍ରମଣ ପରେ ଏପ୍ରିଲ ୨୪ ତାରିଖରେ ଡକାଯାଇଥିବା ଶେଷ ସର୍ବଦଳୀୟ ବୈଠକରେ ପ୍ରଧାନମନ୍ତ୍ରୀ ଯୋଗ ଦେବେ ବୋଲି ବିରୋଧୀ ଆଶା କରିଥିଲେ। କିନ୍ତୁ କୌଣସି କାରଣରୁ ସେ ଯୋଗ ଦେଇପାରିନଥିଲେ। ଶକ୍ତିଶାଳୀ ଏବଂ ନିର୍ଣ୍ଣାୟକ ଅପରେସନ୍ ସିନ୍ଦୂର ପରେ ଏହା ପ୍ରଥମ ସର୍ବଦଳୀୟ ବୈଠକ। ରାଜ୍ୟସଭା ଏବଂ ଲୋକସଭାରେ ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡଗେ ଏବଂ ରାହୁଲ ଗାନ୍ଧି ଉଭୟ ଏହି ବୈଠକରେ ଯୋଗଦେବେ। ଏଥିରେ କୂଟନୈତିକ ଏବଂ ସୁରକ୍ଷା ରଣନୀତି ଉପରେ ଆଲୋଚନା କରାଯିବା ସମ୍ଭାବନା ରହିଛି।