ନନ୍ଦିଘୋଷ ବ୍ୟୁରୋ : ଭାରତ-ପାକିସ୍ତାାନ ଉତ୍ତେଜନା ମଧ୍ୟରେ ସୀମା ହାଇଦରଙ୍କୁ ନେଇ ବଢୁଛି ସସପେନ୍ସ । ସୀମାଙ୍କ ବିରୋଧରେ ଆଣ୍ଟି ଟେରରିଜିମ ସ୍କ୍ବାଡ(ଏଟିଏସ) ତଦନ୍ତ ଜାରି ରହିଥିବାବେଳେ ତାଙ୍କ ଓକିଲ ଦେଇଛନ୍ତି ଗୁରୁତ୍ବପୂର୍ଣ୍ଣ ବୟାନ । ସୀମା ସନାତନ ଧର୍ମ ଗ୍ରହଣ କରିଛନ୍ତି ଏବଂ ପହଲଗାଓଁ ଆତଙ୍କୀ ହମଲା ସହ ତାଙ୍କର କୌଣସି ସମ୍ପର୍କ ନାହିଁ । ସେ ଉତ୍ତରପ୍ରଦେଶ ଗ୍ରେଟର ନୋଏଡାର ସଚିନ ମୀନାଙ୍କୁ କରିଛନ୍ତି ବୋଲି କହିଛନ୍ତି ଓକିଲ । ୨୦୨୩ରେ ପାକିସ୍ତାନ ଛାଡି ଭାରତ ଚାଲିଆସିଥିବା ସୀମା ସଚିନଙ୍କୁ ପ୍ରେମ ବିବାହ କରିଥିଲେ । ସେ ପୂର୍ବରୁ ବିବାହିତ ଥିଲେ । ସେ ୨୦୨୩ ମେ ମାସରେ ସଚିନଙ୍କୁ ବିବାହ କରିବା ଲାଗି ନିଜର ଚାରି ସନ୍ତାନଙ୍କ ସହ ନେପାଳ ଦେଇ ବେଆଇନ ଭାବେ ଭାରତ ଚାଲିଆସିଥିଲେ । ଜୁଲାଇ ମାସରେ ୟୁପି ଗୌତମବୁଦ୍ଧ ନଗର ଜିଲ୍ଲାର ରବୁପୁରାରେ ତାଙ୍କୁ ପ୍ରଶାସନ ଠାବ କରିଥିଲା । ୨୦୧୯ରେ ଅନଲାଇନ ଗେମ ଖେଳିବା ବେଳେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ସ୍ଥାପନ ହୋଇଥିଲା । ଆଡଭୋକେଟ ଏପି ସିଂହ କହିଛନ୍ତି ହାଇଦର ଭାରତରେ ଭାରତୀ ମୀନା ନାମ୍ନୀ କନ୍ୟାର ମା ହୋଇଛନ୍ତି । ଆତଙ୍କବାଦ ସହ ସୀମାଙ୍କ କୌଣସି ସମ୍ପର୍କ ନଥିବାରୁ ତାଙ୍କ ମାମଲାକୁ ସ୍ବତନ୍ତ୍ର ଭାବେ ଗ୍ରହଣ କରାଯାଉ । ସୀମାଙ୍କ ଝିଅ ବର୍ତ୍ତମାନ ହସ୍ପିଟାଲରେ ଚିକିତ୍ସାଧୀନ ରହିଛି । ଏଟିଏସ ଟିମ୍ ବର୍ତ୍ତମାନ ସୀମାଙ୍କ ସମସ୍ତ ନଥିପତ୍ର ଯାଞ୍ଚ କରୁଛନ୍ତି । ପାକିସ୍ତାନୀ ନାଗରିକମାନଙ୍କୁ ତାଙ୍କ ଦେଶକୁ ଫେରାଇ ଦିଆଯିବାର ଡେଡଲାଇନ ଏପ୍ରିଲ ୨୭ରେ ଶେଷ ହୋଇଯାଇଥିବାବେଳେ ସୀମା କହିଛନ୍ତି ସେ ଭାରତର ବୋହୂ । ସେ ପାକିସ୍ତାନ ଯିବେ ନାହିଁ, ବରଂ ପ୍ରଧାନମନ୍ତ୍ରୀ ଓ ୟୁପି ମୁଖ୍ୟମନ୍ତ୍ରୀଙ୍କୁ ଏନେଇ ଅନୁରୋଧ କରିବେ ।

ନନ୍ଦିଘୋଷ ବ୍ୟୁରୋ : ପହଲଗାଓଁ ଆତଙ୍କବାଦୀ ହମଲା ପ୍ରସଙ୍ଗ। ଘଟଣାର ବିଚାର ବିଭାଗୀୟ ତଦନ୍ତ ଆବେଦନକୁ ଖାରଜ କଲେ ସୁପ୍ରିମକୋର୍ଟ। କୋର୍ଟ କହିଛନ୍ତି ବିଚାର ବିଭାଗୀୟ ତଦନ୍ତ ସୁରକ୍ଷା ବାହିନୀର ନୈତିକ ବଳ ଉପରେ ପ୍ରଭାବ ପକାଇବୟ ସ୍ପର୍ଶକାତର ପ୍ରସଙ୍ଗରେ ପିଟିସନ ଦାୟର କରିଥିବାରୁ ସୁପ୍ରିମକୋର୍ଟ କ୍ଷୁବ୍ଧ ଗୋଇଛନ୍ତି। ଆତଙ୍କବାଦ ବିରୋଧରେ ପ୍ରତି ଭାରତୀୟ ହାତ ମିଳାଇଛନ୍ତି। ଆତଙ୍କବାଦ ବିରୋଧୀ ସଂଗ୍ରାମର ବର୍ତ୍ତମାନ ଘଡ଼ିସନ୍ଧି ମୁହୂର୍ତ୍ତ। ପିଟିସନକୁ ଖାରଜ କରିଛନ୍ତି ଜଷ୍ଟିସ ସୂର୍ଯ୍ୟକାନ୍ତ।

ନନ୍ଦିଘୋଷ ବ୍ୟୁରୋ : ୭ ଦିନ ଧରି ପହଲଗାଁଓରେ ଲୁଚିଥିଲେ ଆତଙ୍କବାଦୀ। ଏପ୍ରିଲ ୧୫ରୁ ଆସି ସେମାନେ ଆସି ଲୁଚିଥିଲେ। ଆକ୍ରମଣ ଆଗରୁ ପହଲଗାଁଓର ପ୍ରମୁଖ ପର୍ଯ୍ୟଟନସ୍ଥଳୀର ରେକି କରିଥିଲେ। ଏନଆଇଏର ତଦନ୍ତରୁ ଏହା ଜଣାପଡ଼ିଛ। NIA ତଦନ୍ତରୁ ଏହା ଜଣାପଡ଼ିଛି। ଅନେକ OGW ଙ୍କୁ ପଚରା ଉଚରା କରିବା ପରେ ଏନଆଇଏ ଏହା ଜାଣିପାରିଛି। ପହଲଗାଓଁ ଆକ୍ରମଣର ସପ୍ତାହେ ପୂର୍ବରୁ ଜମ୍ମୁ-କାଶ୍ମୀରରେ ପହଞ୍ଚିଥିଲେ ଆତଙ୍କବାଦୀ। ବୈସାରଣ ଉପତ୍ୟକାକୁ ସେମାନେ ଟାର୍ଗେଟ ଭାବରେ ବାଛିଥିଲେ। ଅନେକ ପର୍ଯ୍ୟଟନ ସ୍ଥଳର ରେକି କରିବା ପରେ ପହଲଗାଁଓର ‘ବୈସାରଣ ଉପତ୍ୟକା’ ରେ ଆକ୍ରମଣ ପାଇଁ ସେମାନେ ଟାର୍ଗେଟ କରିଥିଲେ। ବର୍ତ୍ତମାନ ଏହାର ଖୁଲାସା ହୋଇଛି। ଆତଙ୍କବାଦୀମାନେ ପୂର୍ବରୁ ପହଲଗାମର ସମସ୍ତ ପ୍ରମୁଖ ପର୍ଯ୍ୟଟନ ସ୍ଥଳ ଯେପରିକି ଆରୁ ଭ୍ୟାଲି, ବେତାବ ଭ୍ୟାଲି ଏବଂ ବୈସାରନକୁ ବୁଲି ଦେଖିଥିଲେ। ଏହି ରେକିରେ ସାମିଲ ଥିଲେ ଦୁଇ ଜଣ ସ୍ଥାନୀୟ ଆତଙ୍କବାଦୀ ଏବଂ ପାଞ୍ଚ ଜଣ ଓଭର ଗ୍ରାଉଣ୍ଡ ୱାର୍କର (OGW)। ସେମାନେ ପ୍ରାୟ ଏକ ସପ୍ତାହ ଧରି ପହଲଗାମର ଜଙ୍ଗଲରେ ଘୂରି ବୁଲୁଥିବା ଦେଖିବାକୁ ମିଳିଥିଲା। କୁହାଯାଉଛି, ଆତଙ୍କବାଦୀମାନେ ବେତାବ ଉପତ୍ୟକାକୁ ଟାର୍ଗେଟ କରିବାକୁ ପ୍ରଥମେ ଯୋଜନା କରିଥିଲେ। ଶେଷ ମୁହୂର୍ତ୍ତରେ, ଯୋଜନା ପରିବର୍ତ୍ତନ କରାଯାଇଥିଲା, ଏବଂ ବୈସାରନରେ ଆକ୍ରମଣ  କରିଥିଲେ। କାରଣ ଆକ୍ରମଣ ପରେ ଏଠାରୁ ଖସିଯିବା ସହଜ ଥିଲା। କେବଳ କିଛି OGW, ପାକିସ୍ତାନୀ ହ୍ୟାଣ୍ଡଲର୍ ଏବଂ ଦୁଇ ପାକିସ୍ତାନୀ ଆତଙ୍କବାଦୀ ଏହା ଜାଣିଥିଲେ।

ଏପ୍ରିଲ ୨୦ରେ ସେମାନେ ବୈସାରନ ଅଭିମୁଖେ  ବାହାରିଥିଲେ। ୨ ଦିନ ପଦଯାତ୍ରା ପରେ ବୈସାରନରେ ପହଞ୍ଚିଥିଲେ। ସେମାନେ ସ୍ଥାନୀୟ ଆତଙ୍କବାଦୀମାନଙ୍କୁ ଭେଟିଥିଲେ। ୨୨ ଏପ୍ରିଲ୍ ସକାଳେ, OGW ମାନଙ୍କୁ ସୂଚନା ଦିଆଯାଇଥିଲା ଯେ ଆକ୍ରମଣ ଏବେ ବୈସାରଣରେ ହେବ। ଏହା ଅପରାହ୍ନରେ କରାଯିବ ଯାହା ଦ୍ଵାରା ଅନ୍ଧାର ଶୀଘ୍ର ହୋଇଯିବ। ଫଳରେ ଆକ୍ରମଣକାରୀମାନେ ରାତିରେ ଜଙ୍ଗଲ ଭିତରକୁ ପଳାଇଯିବା ସହଜ ହେବ। ସେହି ଷଡ଼ଯନ୍ତ୍ର ଅନୁସାରେ ୨୨ ତାରିଖରେ ପର୍ଯ୍ୟଟକଙ୍କୁ ଟାର୍ଗେଟ କରିଥିଲେ ଆତଙ୍କବାଦୀ। ଏପର୍ଯ୍ୟନ୍ତ ପ୍ରାୟ ୨୫୦୦ ଲୋକଙ୍କୁ ପଚରା ଉଚରା କରିଛି ଏନଆଇଏ। ପ୍ରାୟ ୨୦୦ ଲୋକଙ୍କୁ ଅଟକ ରଖାଯାଇଛି।

ନନ୍ଦିଘୋଷ ବ୍ୟୁରୋ: ପ୍ରତି ମାସ ପହିଲାରୁ ସରକାର କିଛି ନିୟମରେ ପରିବର୍ତ୍ତନ କରିଥାନ୍ତି । ଗ୍ୟାସ ସିଲିଣ୍ଡର ଠାରୁ ଆରମ୍ଭ କରି ପେଟ୍ରୋଲ-ଡିଜେଲର ଦାମ୍ ମାସର ୧ ତାରିଖରେ ସ୍ଥିର ହୋଇଥାଏ । ଏହା ମଧ୍ୟରେ ଆଜିଠାରୁ ଅନେକ ଫାଇନାନ୍ସିଆଲ ପରିବର୍ତ୍ତନ ହୋଇଛି । ଏହାର ପ୍ରଭାବ ସାଧାରଣ ଜନତାଙ୍କ ପକେଟ୍ ଉପରେ ପଡ଼ିଥାଏ । ଏହିକ୍ରମରେ ଆଜିଠାରୁ ୭ଟି ବଡ଼ ନିୟମ ବଦଳିଛି ।
୧- ଅମୂଲ କ୍ଷୀର ମହଙ୍ଗା: ମଦର ଡେୟରୀ ଓ ବେରକା ବ୍ରାଣ୍ଡ ପରେ ଅମୂଲ ମଧ୍ୟ ସାରା ଦେଶରେ କ୍ଷୀରର ଦାମ ଲିଟର ପିଛା ୨ ଟଙ୍କା ବୃଦ୍ଧି କରିଛି । ଆଜିଠାରୁ ନୂଆ ନିୟମ ଲାଗୁ ହୋଇଛି ।
୨- ରେଲଓ୍ବେ ଟିକେଟ ବୁକିଂ ନିୟମ ପରିବର୍ତ୍ତନ: ଭାରତୀୟ ରେଲଓ୍ବେ ତରଫରୁ ନିୟମ ବଦଳିଛି । ଏବେ ସ୍ଲିପର ଓ ଏସି କୋଚରେ ଓ୍ବେଟିଂ ଟିକେଟ ମାନ୍ୟ ହେବ ନାହିଁ । ଅଗ୍ରୀମ ସଂରକ୍ଷଣର ଅବଧି ୧୨୦ ଦିନକୁ ହ୍ରାସ କରାଯାଇ ୬୦ ଦିନ କରାଯାଇଛି ।
୩- ଏଲପିଜି ସିଲିଣ୍ଡର ଦାମରେ ସଂଶୋଧନ: ପ୍ରତି ମାସର ୧ ତାରିଖରୁ ଏଲପିଜି ସିଲିଣ୍ଡରର ଦାମ୍ ସମୀକ୍ଷା କରାଯାଇଥାଏ । ୧ ମେରେ ଘରୋଇ ଓ ବ୍ୟବସାୟିକ ସିଲିଣ୍ଡରର ଦାମରେ ପରିବର୍ତ୍ତନ ସମ୍ଭାବନା ରହିଛି ।
୪- ଏଟିଏମ୍ ଓ ସିଏନଜି-ପିଏନଜି ଦାମରେ ପରିବର୍ତ୍ତନ: ଆଜି ଠାରୁ ଏୟାର ଟର୍ବାଇନ ଫୁଏଲ (ଏଟିଏଫ), କମ୍ପ୍ରେସଡ ନ୍ୟାଚୁରାଲ ଗ୍ୟାସ (ସିଏନଜି), ଓ ପାଇପଡ ନ୍ୟାଚୁରାଲ ଗ୍ୟାସ (ପିଏନଜି)ର ଦରରେ ପରିବର୍ତ୍ତନ ସମ୍ଭାବନା ରହିଛି ।
୫- ବ୍ୟାଙ୍କ ସୁଧ ଦର ପରିବର୍ତ୍ତନ ସମ୍ଭାବନା: ଆରବିଆଇ ଦ୍ବାରା ନିକଟରେ ରେପୋ ରେଟ କଟ୍ ପରେ ଅନେକ ବ୍ୟାଙ୍କ ସ୍ଥାୟୀ ଜମା (ଏଫଡି) ଓ ସେଭିଙ୍ଗ ଆକାଉଣ୍ଟ ଉପରେ ସୁଧ ଦରରେ ପରିବର୍ତ୍ତନ କରିଛନ୍ତି । ଏହା ଗ୍ରାହକଙ୍କ ଆର୍ଥିକ ସ୍ଥିତିକୁ ପ୍ରଭାବିତ କରିପାରେ ।
୬- ବ୍ୟାଙ୍କ ଛୁଟି: ଚଳିତ ମାସରେ ବିଭିନ୍ନ ଉତ୍ସବ ଓ ସପ୍ତାହାନ୍ତ କାରଣରୁ ବ୍ୟାଙ୍କ ୧୨ ଦିନ ବନ୍ଦ ରହିବ । ତେଣୁ ବ୍ୟାଙ୍କରେ ଜରୁରୀ କାମ ଥିଲେ ଆଗୁଆ ସାରିଦେବାକୁ ଗ୍ରାହକଙ୍କୁ ପରାମର୍ଶ ଦିଆଯାଇଛି ।
୭- ଏଟିଏମ୍ ନେଣଦେଣରେ ଅଧିକ ଖର୍ଚ୍ଚ: ଆଜିଠାରୁ ଏଟିଏମରୁ ନେଣଦେଣ ଶୁଳ୍କ ୨୧ ଟଙ୍କାରୁ ୨୩ ଟଙ୍କାକୁ ବୃଦ୍ଧି କରାଯାଇଛି । ଏହି ଚାର୍ଜ ବିତ୍ତୀୟ ଓ ଅଣ-ବିତ୍ତୀୟ ଉଭୟ କ୍ଷେତ୍ରରେ ଲାଗୁ ହେବ ।