ନନ୍ଦିଘୋଷ ବ୍ୟୁରୋ: ଖୁବଶୀଘ୍ର ରୁଷରେ ନିର୍ମିତ ଶକ୍ତିଶାଳୀ ଯୁଦ୍ଧଜାହାଜ ପାଇବ ଭାରତ। ମଲ୍ଟିରୋଲ ଷ୍ଟିଲଥ ଫ୍ରିଗେଟ ଲାଭ କରିବ ଭାରତ। ଏଥିରେ ବିଭିନ୍ନ ଯୁଦ୍ଧାସ୍ତ୍ର ଓ ସେନସର ଖଞ୍ଜାଯାଇଥିବା ସୂଚନା ମିଳିଛି। ଆରବ ସାଗରରେ ଭାରତ ନିଜର ଆଧିପତ୍ୟ ବିସ୍ତାର କରୁଥିବାବେଳେ ଏଙି ଯୁଦ୍ଧ ଜାହାଜ ଭାରତକୁ ଅଧିକ ଶକ୍ତିଶାଳୀ କରିବ। ଏହା ଜରିଆରେ ଶତ୍ରୁ ପକ୍ଷର ବୁଡାଜାହାଜ ଓ ଅନ୍ୟାନ୍ୟ ଷ୍ଟିଲଥ ଯୁଦ୍ଧଜାହାଜର ମୁକାବିଲା କରାଯାଇପାରିବ। ଏହା ସହ ସମୁଦ୍ରର ଗଭୀର ଜଳ ଭିତରେ ଭାରତୀୟ ନୌସେନାର ଲଢେଇ କରିବାର ସାମର୍ଥ୍ୟ ମଧ୍ୟ ବୃଦ୍ଧି ପାଇବ। ଆଇଏନଏସ ତମାଲ ନାମକ ଏହି ଜାହାଜ ହେଉଛି ୩, ୯୦୦ ଟନ ଫ୍ରିଗେଟ। କାଲିନଗ୍ରାଦରେ ଭାରତୀୟ ନୌସେନା ହାତରେ ଏହି ଯୁଦ୍ଧ ଜାହାଜକୁ ରୁଷ ହସ୍ତାନ୍ତର କରିବ।
ବିବାଦ ଭିତରେ ଦୀଘାରେ ଲାଗିଲା ସ୍ଥାୟୀ ଜଗନ୍ନାଥ ଧାମ ହୋଡିଂ
ନନ୍ଦିଘୋଷ ବ୍ୟୁରୋ: ଜିଦରେ ଅଟଳ ଦିଦି। ଦିଘାରେ ଜଗନ୍ନାଥ ଧାମକୁ ନେଇ ଚର୍ଚ୍ଚା ବଢିଥିବା ବେଳେ ପୁଣି ମନ୍ଦିର ସମ୍ମୁଖରେ ଗତକାଲି ରାତିରେ ବଡ ବଡ ଅକ୍ଷରରେ ପ୍ରସ୍ତୁତ କରି ମରାଯାଇଛି ଜଗନ୍ନାଥ ଧାମ। ଅମିତ ମାଲବ୍ୟ ଏକ୍ସରେ ପୋଷ୍ଟ କରିବା ପରେ ଏବେ ଦିଦି ପୋଷ୍ଟକୁ ଭୁଲ ପ୍ରମାଣ ଓ ଜିଦ ପାଇଁ ପୁଣି ରାତାରାତି ଜଗନ୍ନାଥ ଧାମ ଲେଖିବା ସହ ପୂର୍ବ ସେଲ୍ପି ପଏଣ୍ଟ କରୁଛନ୍ତି। ଦିଘା ଜଗନ୍ନାଥ ମନ୍ଦିର ଉଦ୍ଘାଟନ ସମୟରେ ଯେଉଁ ଅସ୍ଥାୟୀ କାଗଜ ଓ ଥର୍ମାକୋଲରେ ସେଲ୍ଫି ପଏଣ୍ଟ କରାଯାଇଥିଲା ସେଥିରେ ଦିଘା ଜଗନ୍ନାଥ ଧାମ ବୋଲି କରାଯାଇଥିଲା। ଯାହା ୩୦ ତାରିଖ ଉଦଘାଟନ ସରିବା ପରେ ୧ ତାରିଖ ଦିନ ଟେଣ୍ଟ ମାଲିକ ଖୋଲି ନେଇଥିଲେ। କିନ୍ତୁ ପରବର୍ତ୍ତୀ ସମୟରେ ଜଗନ୍ନାଥ ଧାମ ଶବ୍ଦକୁ ପ୍ରତ୍ୟାବର୍ତ୍ତନ କରିବା ନେଇ ଜୋରଦାର ପ୍ରତିବାଦ ଓଡ଼ିଶାରେ ଦେଖିବାକୁ ମିଳିଥିଲା।
ଏହାରି ଭିତରେ ଗତକାଲି ବିଜେପିରେ ପଶ୍ଚିମବଙ୍ଗ IT ସେଲ ମୁଖ୍ୟ ବିଜେପି ଅମିତ ମାଲବ୍ୟ ଏକ୍ସରେ ମମତା ଜଗନ୍ନାଥ ଧାମ ଉଠାଇ ନେଇ ଥିବା ପୋଷ୍ଟ କରିଥିଲେ। କିନ୍ତୁ ପ୍ରକୃତରେ ତାହା ସ୍ଥାଇ ନ ଥିଲା କେବେଳ ଦୁଇ ଦିନ ପାଇଁ ଟେଣ୍ଡ ମାଲିକ ସେଲ୍ଫି ପାଇଁ ଲଗାଇ ଥିଲେ। ତେବେ ଦିଦି ମୁଣ୍ଡ ନୂଆଇଁ ଜଗନାଥ ଧାମ ଉଠାଇ ନେଇଥିବା ନେଇ ସୋସିଆଲ ମିଡିଆରେ ଚର୍ଚ୍ଚା ପରେ ଗତକାଲି ରାତିରେ ପୁଣି ସ୍ଥାୟୀ ଭାବେ ମନ୍ଦିର ସମ୍ମୁଖରେ ଜଗନ୍ନାଥ ଧାମ ବୋଲି ଲଗା ଯାଇଛି । ଖାଲି ସେତିକି ନୁହେଁ ପୂର୍ବରୁ ଯେଉଁ ସେଲ୍ଫି ପଏଣ୍ଟ କରାଯାଇଥିଲା ପୁଣି ତାକୁ ତିଆରି ପାଇଁ ବ୍ୟବସ୍ତା ଚାଲିଥିବା ସୂଚନା ରହିଛି।
ଟ୍ରାକ୍ଟର ସହ ଧକ୍କା ହୋଇ ନାଳକୁ ଖସିପଡ଼ିଲା ବସ୍
ନନ୍ଦିଘୋଷ ବ୍ୟୁରୋ: ରାସ୍ତାରୁ ତଳକୁ ଓଲଟିପଡ଼ିଲା ଯାତ୍ରୀବାହୀ ବସ । ଟ୍ରାକ୍ଟର ସହିତ ଧକ୍କା ପରେ ନାଳକୁ ଖସିପଡ଼ିଲା ବସ୍ । ବସରେ ୨୭ ଜଣ ଯାତ୍ରୀ ରହିଥିବା ବେଳେସେମନାଙ୍କ ମଧ୍ୟରୁ ୧୬ଜଣ ଆହତର ହୋଇଛନ୍ତି । ବିଚିତ୍ରପୁରରୁ ବାଲେଶ୍ୱର ଆସୁଥିବା ବେଳେ କସିମିଳା ନିକଟରେ ଦୁର୍ଘଟଣା। ଆହତମ ଯାତ୍ରୀଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଆହତ ଯାତ୍ରୀଙ୍କ ମଧ୍ୟରେ ମହିଳା ଓ ଶିଶୁ ମଧ୍ୟ ରହିଛନ୍ତି ।
ଭଦ୍ରକରେ ବାଣ ବିସ୍ଫୋରଣ : ୫ ଗୁରୁତର
ନନ୍ଦିଘୋଷ ବ୍ୟୁରୋ: ଭଦ୍ରକରେ ବାଣ ବିସ୍ଫୋରଣ । ଭଦ୍ରକ ହଳଦିଡ଼ିହ ବାଇପାସ ସ୍ଥିତ ଏକ ବାଣ କାରଖାନାରେ ବିସ୍ଫୋରଣ । ବାଣ ବିସ୍ଫୋରଣରେ ୫ଜଣ ଗୁରୁତର ହୋଇଛନ୍ତି । ବାଣ ତିଆରି କରୁଥିବା ବେଳେ ବିସ୍ଫୋରଣ ହୋଇଛି । ସମସ୍ତ ଗୁରୁତରଙ୍କୁ ଭଦ୍ରକ ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ କରୁଛି । ବିସ୍ଫୋରଣ ଏତେ ଜୋରରେ ହୋଇଥିଲା ଆଖପାଖ ଅଞ୍ଚଳରୁ ଲୋକେ ଧାଇଁ ଆସିଥିଲେ ।
ନଦୀରେ ବୁଡ଼ି ୪ ଯୁବକଙ୍କ ମୃତ୍ୟୁ
ନନ୍ଦିଘୋଷ ବ୍ୟୁରୋ: ଗୁଜରାଟ ଆମରେଲି ଜିଲ୍ଲାରେ ଅଘଟଣ। ନଦୀରେ ବୁଡ଼ି ୪ ଯୁବକଙ୍କ ମୃତ୍ୟୁ। ଆମରେଲି ଜିଲ୍ଲାର ମିଠାପୁର ଡୁଙ୍ଗରି ଗାଁ ନିକଟରେ ଥିବା ଶେତ୍ରୁଞ୍ଜି ନଦୀରେ ଚାରି ଜଣ ଯୁବକଙ୍କ ବୁଡ଼ି ମୃତ୍ୟୁ ହୋଇଛି। ଯୁବକମାନେ ମିଠାପୁର ଡୁଙ୍ଗରି ଗାଁର ବାସିନ୍ଦା ଥିଲେ ବୋଲି ଜଣାପଡିଛି। ଖବର ପାଇ ଉଦ୍ଧାରକାରୀ ଦଳ ପହଞ୍ଚି ନଦିରୁ ମୃତ ୪ ଯୁବକଙ୍କ ମୃତଦେହ ବାହାର କରିଥିଲେ। ମୃତଦେହଗୁଡ଼ିକୁ ସ୍ଥାନୀୟ ପୋଲିସକୁ ହସ୍ତାନ୍ତର କରାଯାଇଛି। ଶବ ବ୍ୟବଚ୍ଛେଦ ଲାଗି ସିଭିଲ ହସ୍ପିଟାଲକୁ ପଠାଇଛି ସ୍ଥାନୀୟ ପ୍ରଶାସନ। ଘଟଣାସ୍ଥଳରେ ସମସ୍ତ ଚାରି ଜଣଙ୍କୁ ମୃତ ଘୋଷଣା କରାଯାଇଥିଲା। ଅଗ୍ନିଶମଏବଂଜରୁରୀକାଳୀନ ସେବାର ଦୁଇଟି ଦଳ ଘଟଣାସ୍ଥଳରେ ପହଞ୍ଚି ମୃତକଙ୍କୁ ଉଦ୍ଧାର କରିଥିଲେ। ଅଧିକ ଆଇନଗତପ୍ରକ୍ରିୟା ପାଇଁ ମୃତଦେହଗୁଡ଼ିକୁ ପୋଲିସକୁ ହସ୍ତାନ୍ତର କରିଛନ୍ତି।
ପୋଲିସ ଇନଫର୍ମର ସନ୍ଦେହରେ ନାଏବ ସରପଞ୍ଚଙ୍କୁ ମାରିଦେଲେ ମାଓବାଦୀ
ନନ୍ଦିଘୋଷ ବ୍ୟୁରୋ: ମାଲକାନଗିରି ଛତିଶଗଡ଼ ସୀମାନ୍ତ ସୁକୁମା ଜିଲ୍ଲାରେ ମାଓବାଦୀଙ୍କ ବର୍ବର କାଣ୍ଡ । ପୋଲିସ ଇନଫର୍ମର ସନ୍ଦେହରେ ତାର୍ଲବେଡ଼ା ନାଏବ ସରପଞ୍ଚଙ୍କୁ ଗଳା କାଟି ହତ୍ୟା କରିଛନ୍ତି ମାଓବାଦୀ । ମୃତକଙ୍କ ନାଁ ମୁଚାକି ରାମା । ଘଟଣା ପରେ ସୁରକ୍ଷା କର୍ମୀଙ୍କ ପକ୍ଷରୁ କମ୍ବିଂ ଅପରେସନକୁ ଜୋରଦାର କରାଯାଇଛି ।
ଫିଲ୍ମ ରିଲିଜ୍ ହେବା ପୂର୍ବରୁ ଭାଇରାଲ ହେବାରେ ଲାଗିଛି ବାବୁସାନଙ୍କ ଅଭିନୀତ ‘ବୋଉ ବୁଟୁ ଭୁତ’ର କ୍ଲିପ୍
ନନ୍ଦିଘୋଷ ବ୍ୟୁରୋ: ରଜରେ ରିଲିଜ ହେବାକୁ ଯାଉଛି ଓଲିଉଡ ଷ୍ଟାର ବାବୁସାନଙ୍କ ବହୁ ଚର୍ଚ୍ଚିତ ସିନେମା ‘ବୋଉ ବୁଟୁ ଭୁତ’। କିନ୍ତୁ ଫିଲ୍ମ ରିଲିଜ୍ ହେବା ପୂର୍ବରୁ ଏକ କ୍ଲିପ୍ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରା ଲାଗିଛି । ଗୋଟିଏ ପଟେ ପାଇରେସିକୁ ସମ୍ପୂର୍ଣ୍ଣ ଭାବେ ବନ୍ଦ କରିବାରେ ଆମେ ସମର୍ଥ ହୋଇନଥିବା ବେଳେ ଅପର ପକ୍ଷେ କ୍ଲିପ ଲିକ ହେବା ଘଟଣା ନିର୍ମାତା ନିର୍ଦ୍ଦେଶକଙ୍କ ମୁଣ୍ଡ ବିନ୍ଧାର କାରଣ ପାଲଟିଛି। ତେବେ କେଉଁ ସୋର୍ସରୁ ଏହା ଲିକ ହୋଇଛି ଏବଂ କେଉଁ ଉଦ୍ଦେଶ୍ୟ ରଖି ଏପରି କରାଯାଇଛି ତାହା ଏପର୍ଯ୍ୟନ୍ତ ଜଣା ପଡି ନାହିଁ। ‘ବୋଉ ବୁଟୁ ଭୁତ’ର ବ୍ୟାବସାୟିକ ସଫଳତା ଉପରେ ଏହା ନିଶ୍ଚିତ ଭାବେ ପ୍ରଭାବ ପକାଇବ ବୋଲି ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି। ଏହାକୁ ନେଇ ନିର୍ଦ୍ଦେଶକ ଜଗଦିଶ ମିଶ୍ର ଏବଂ ଅଭିନେତା ବାବୁସାନ ମହାନ୍ତି ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି।
ରାଜଧାନୀରେ ମାଡ଼ିଗଲା ହାଇଓ୍ବା, ଜଣେ ମୃତ
ନନ୍ଦିଘୋଷ ବ୍ୟୁରୋ: ରାଜଧାନୀ ଭୁବନେଶ୍ଵର ସ୍ଥିତ କଳିଙ୍ଗ ବିହାର ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ହାଇୱା ମାଡ଼ିଯାଇ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି l ମୃତକ ଗଞ୍ଜାମ ଅଞ୍ଚଳର ଭଞ୍ଜ ନାୟକ । ସେ କଳିଙ୍ଗ ବିହାରରେ ରହି ଦିନ ମଜୁରିଆ ଭାବେ କାମ କରୁଥିଲେ । ଆଜି ସକାଳୁ କାମକୁ ଯାଉଥିବା ବେଳେ କଳିଙ୍ଗ ବିହାର ଛକରେ ଖୋର୍ଦ୍ଧା ପଟୁ ଦ୍ରୁତଗତିରେ ଆସୁଥିବା ହାଇୱା ସ୍ପିଡ୍ ବ୍ରେକର ଡେଇଁ ଭଞ୍ଜ ନାୟକଙ୍କ ଉପରେ ମାଡ଼ିଯାଇଥିବା କହିଛନ୍ତି ପ୍ରତ୍ୟେକ୍ଷଦର୍ଶୀ । ଡ୍ରାଇଭର ଜଣଙ୍କ ଦ୍ରୁତ ଗତିରେ ଥିବା ବେଳେ ବେପରୁଆ ଗାଡ଼ି ଚାଳନା ଯୋଗୁଁ ଏହି ଦୁର୍ଘଟଣା ଘଟି ଜଣେ ନିରିହ ଗରିବ ଲୋକଙ୍କ ଜୀବନ ଯାଇଛି । ଖବର ପାଇ ମୃତକଙ୍କ ସ୍ତ୍ରୀ ଘଟଣାସ୍ଥଳରେ ପହଞ୍ଚି ସ୍ଵାମୀର ମୃତଦେହ ନିକଟରେ ବାହୁନି ବାହୁନି କାନ୍ଧୁଥିବାର ଦେଖିବାକୁ ମିଳିଛି । ଘରେ କେହି ରୋଜଗାରିଆ ନଥିବାରୁ ମହିଳାଙ୍କୁ ଆର୍ଥିକ ସହାୟତା ପାଇଁ ଦାବି କରିଛନ୍ତି ସାଧାରଣ ଲୋକେ । ସେପଟେ ବେପରୁଆ ଗାଡ଼ି ଚାଳନା ପାଇଁ ଲଗାତାର କିଛି ଦିନ ହେବ ଏଭଳି ସଡକ ଦୁର୍ଘଟଣା ଘଟୁଥିବା କହିଛନ୍ତି ସ୍ଲୋଥାନୀୟ ଲୋକେ ।
ପୂରଣ ହେବାକୁ ଯାଉଛି ରୋହିତଙ୍କ ସ୍ବପ୍ନ
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଅଧିନାୟକ ରୋହିତ ଶର୍ମାଙ୍କ ଜୀବନର ସବୁଠୁ ବଡ଼ ଖୁସିର ଦିନ ଆସୁଛି । ବାପାଙ୍କ ଦୀର୍ଘଦିନର ସ୍ବପ୍ନ ପୂରଣ ହେବାକୁ ଯାଉଛି । ମୁମ୍ବାଇର ଓ୍ବାଖଡେ ଷ୍ଟାଡିୟମରେ ଏକ ଷ୍ଟାଣ୍ଡ ହେବାକୁ ଯାଉଛି । ରୋହିତ ଶର୍ମା ୧୩ ମଇରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ ପାଇଁ ମୁମ୍ବାଇରେ ରହିବେ। ଏହି କାରଣରୁ ମୁମ୍ବାଇ କ୍ରିକେଟ ଆସୋସିଏସନ ୱାଙ୍ଖେଡେ ଷ୍ଟାଡିୟମର ଏକ ଷ୍ଟାଣ୍ଡକୁ ତାଙ୍କ ନାମରେ ନାମିତ କରିବା ପାଇଁ ଏକ କାର୍ଯ୍ୟକ୍ରମ ଆୟୋଜନ କରିଛି। ମୁମ୍ବାଇ ଇଣ୍ଡିଆନ୍ସ ମେ ୧୫ ତାରିଖରେ ୱାଙ୍ଖଡେ ଷ୍ଟାଡିୟମରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଖେଳିବ।
ଯେତେବେଳେ ରୋହିତ ଶର୍ମାଙ୍କ ନାମରେ ୱାଙ୍ଖଡେରେ ଏକ ଷ୍ଟାଣ୍ଡ ନିର୍ମାଣ କରାଯାଏ, ତାଙ୍କ ବାପାମାଆ ତାଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରୁଥିବାର ଦେଖାଯାଏ। ପ୍ରକୃତରେ, ରୋହିତ ଶର୍ମା ବିମଲ କୁମାରଙ୍କ ସହ କଥାବାର୍ତ୍ତାରେ କହିଥିଲେ ଯେ ତାଙ୍କ ବାପାମା ଷ୍ଟାଡିୟମରେ ଅଧିକ ମ୍ୟାଚ୍ ଦେଖନ୍ତି ନାହିଁ। କିନ୍ତୁ ସେ ସେମାନଙ୍କୁ କହିଛନ୍ତି ଯେ ଯେତେବେଳେ ୱାଙ୍ଖଡେରେ ସେମାନଙ୍କ ନାମରେ ଏକ ଷ୍ଟାଣ୍ଡ ନାମିତ ହେବ, ସେମାନଙ୍କୁ ମ୍ୟାଚ୍ ଦେଖିବା ପାଇଁ ସେଠାରେ ଆସି ବସିବାକୁ ପଡିବ।
ଗାଜା ଦଖଲ ପାଇଁ ଇସ୍ରାଏଲର ବଡ଼ ଯୋଜନା
ନନ୍ଦିଘୋଷ ବ୍ୟୁରୋ: ସଂପୂର୍ଣ୍ଣ ଗାଜା ଦଖଲ ପାଇଁ ଇସ୍ରାଏଲର ବଡ଼ ଯୋଜନା । କ୍ୟାବିନେଟରେ ହେଲା ନିଷ୍ପତ୍ତି। ଆକ୍ରମଣକୁ ଜୋରଦାର କରି ସଂପୂର୍ଣ୍ଣ ଗାଜା ଅକ୍ତିଆର କରିବାକୁ ପ୍ଲାନ କରାଯାଇଛି। ପାଲେଷ୍ଟାଇନବାସୀଙ୍କୁ ତଡ଼ି ଇହୁଦୀଙ୍କୁ ଥଇଥାନ କରିବାକୁ ନେତାନ୍ୟାହୁଙ୍କ ବଡ଼ ଯୋଜନା ରହିଛି। ଇସ୍ରାଏଲ ନୂତନ ଯୋଜନା ଅନୁଯାୟୀ ସମଗ୍ର ଗାଜାକୁ କବଜା କରାଯିବ। ସର୍ତ୍ତ ଅନୁଯାୟୀ ବନ୍ଧକମାନଙ୍କୁ ମୁକ୍ତ କରିବା ଏବଂ ଯୁଦ୍ଧବିରତି ପାଇଁ ହମାସ ଉପରେ ଚାପ ବୃଦ୍ଧି କରିବା ପାଇଁ ଇସ୍ରାଏଲର ପ୍ରୟାସର ଏକ ଅଂଶ ହେଉଛି ଏହି ଯୋଜନା। ଇସ୍ରାଏଲର ସୁରକ୍ଷା କ୍ୟାବିନେଟ ଗତକାଲି ସମସ୍ତ ଗାଜା ଷ୍ଟ୍ରିପକୁ କବଜା କରିବା ଏବଂ ସେଠାରେ ଅନିର୍ଦ୍ଦିଷ୍ଟ ସମୟ ପାଇଁ ରହିବା ପାଇଁ ଏକ ଯୋଜନାକୁ ଅନୁମୋଦନ କରିଛି। ଏହି ଯୋଜନା ହେଉଛି ହମାସ ଉପରେ ବନ୍ଧକମାନଙ୍କୁ ମୁକ୍ତ କରିବା । ଇସ୍ରାଏଲର ସର୍ତ୍ତାବଳୀରେ ଯୁଦ୍ଧବିରତି ପାଇଁ ଆଲୋଚନା କରିବା ପାଇଁ ଚାପ ବୃଦ୍ଧି କରିବା ପାଇଁ ଇସ୍ରାଏଲର ପ୍ରୟାସର ଏକ ଅଂଶ। ଲକ୍ଷ ଲକ୍ଷ ପାଲେଷ୍ଟାଇନବାସୀଙ୍କୁ ଦକ୍ଷିଣ ଗାଜାକୁ ସ୍ଥାନାନ୍ତରିତ କରାଯିବ। ଦରକାର ପଡି଼ଲେ ପରେ ଇସ୍ରାଏଲବାସିନ୍ଦାଙ୍କୁ ଗାଜାରେ ଥଇଥାନ କରିବାକୁ ମଧ୍ୟ ଯୋଜନା କରାଯାଇଛି।