କନ୍ଧମାଳ: ଆରମ୍ଭ ହେବ ଦ୍ଵିତୀୟ କନ୍ଧମାଳ ସାହିତ୍ୟ ମହୋତ୍ସବ  । ପ୍ରକୃତି, ସଂସ୍କୃତି ଓ ସାହିତ୍ୟ ମଧ୍ୟରେ ଥିବା ପାରସ୍ପରିକ ସମ୍ବନ୍ଧ ବିଷୟରେ ହେବ ଆଲୋଚନା । ଆସନ୍ତା ୧୪ ଏବଂ ୧୫ ତାରିଖରୁ ଦୁଇଦିନ ଧରି ଚାଲିବ । ଓଡିଶା ଡାଏରୀ ଫାଉଣ୍ଡେସନ ଓ କଳିଙ୍ଗ ସାହିତ୍ୟ ମହୋତ୍ସବର ମିଳିତ ପ୍ରୟାସରେ ଫୁଲବାଣୀଠାରେ ଆରମ୍ଭ ହେବ ମହୋତ୍ସବ ।

କନ୍ଧମାଳ ଜିଲ୍ଲା ନିଜର ସ୍ଵତନ୍ତ୍ର ସଂସ୍କୃତି, ପ୍ରାକୃତିକ ସୌନ୍ଦର୍ଯ୍ୟ ତଥା ଏଠାକାର ଲୋକଙ୍କ ସରଳପଣିଆ ପାଇଁ ପରିଚିତ । ଏହିସବୁ ଗୁଣ ଜଣେ ଲେଖକ, ବିଚାରକ ତଥା ସାହିତ୍ୟକୁ ପ୍ରେରିତ କରିଥାଏ । ଏହି ଉତ୍ସବରେ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି, ପରିବହନ ମନ୍ତ୍ରୀ ପଦ୍ମନାଭ ବେହେରା , ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର, ପର୍ଯ୍ୟଟନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ଏବଂ ବିଶିଷ୍ଟ ଶିକ୍ଷାବିତ ତଥା କନ୍ଧମାଳ ସାଂସଦ ଅଚ୍ୟୁତ ସାମନ୍ତ ସମ୍ମାନନୀୟ ଅତିଥି ଭାବେ ଯୋଗଦାନ କରିବେ ।

ଏଥିରେ ଇଂରାଜୀ ଭାଷାର ବିଶିଷ୍ଟ କବି ଜୟନ୍ତ ମହାପାତ୍ର ମାର୍ଗଦର୍ଶୀ ଅଭିଭାଷଣ ପ୍ରଦାନ କରିବେ । ଏହି ସାହିତ୍ୟ  ମହୋତ୍ସବରେ ଓଡିଶାର ଅଗ୍ରଣୀ ସାରସ୍ଵତ ଶିଳ୍ପୀ ଜୟନ୍ତ ମହାପାତ୍ର, ଅମରେଶ ପଟ୍ଟନାୟକ, ଜ୍ୟୋତି ନନ୍ଦ, ଅଧ୍ୟାପକ ବିଶ୍ଵରଞ୍ଜନ, ସୂର୍ଯ୍ୟ ମିଶ୍ର, ମୋହିତ ଚକ୍ରବର୍ତ୍ତୀ, ରବି ସ୍ଵାଇଁ, କେଦାର ମିଶ୍ର, ଆଦିତେଶ୍ଵର ମିଶ୍ର, ଅମରେଶ ବିଶ୍ଵାଳ , ମଦନ ମହାପାତ୍ର, ଗିରିଜା ପ୍ରସାଦ ମିଶ୍ର, ସୁଜିତ ପଣ୍ଡା, ରଞ୍ଜିତା ପଣ୍ଡା, ଶରତ ଆଚାର୍ଯ୍ୟ, ନରେନ୍ଦ୍ର ଭୋଇ,ପ୍ରଦୀପ କହଁର, ବିଦେଶୀ ନାୟକ, ତୀର୍ଥଯାନୀ, ମଧୁସୂଦନ ମହାପାତ୍ର, ହାଡିବନ୍ଧୁ ମହାକୁଡ, ପ୍ରକାଶ ସେନାପତି, ନିରଞ୍ଜନ ନାୟକ, ଚନ୍ଦ୍ରଶେଖର ହୋତା, ବୀରେନ୍ଦ୍ର ଦାଶ , କ୍ଷେତ୍ରବାସୀ ମାନସେଠ, ଯୋଗେଶ୍ଵର ପଣ୍ଡା, ଅନିଲ ପଣ୍ଡା ଏବଂ ଅନ୍ୟମାନେ ଯୋଗଦେବାର କାର୍ଯ୍ୟକ୍ରମ ରହିଛି।

ଭୁବନେଶ୍ୱର : (ଅରୁଣ କୁମାର ସାହୁ)  ଓଡ଼ିଶା ପୋଲିସର ମୁଖ୍ୟ ତଥା ଡିଜିପି ଭାବେ ଦାୟିତ୍ୱ ନେବେ ୧୯୮୬ ବ୍ୟାଚ୍‌ର ବରିଷ୍ଠ ଆଇପିଏସ୍‌ ଅଫିସର ଶ୍ରୀ ଅଭୟ ।  ମହିଳା ଓ ଶିଶୁଙ୍କ ସୁରକ୍ଷା, ଆଇନ ଶୃଙ୍ଖଳା, ସାଇବର ଅପରାଧ, ବେଆଇନ୍ ନିଶା ଓ ବନ୍ଧୁକ କାରବାର, ମାଓବାଦୀ ଦମନ ଭଳି ଅନେକ ପ୍ରସଙ୍ଗ ତାଙ୍କ ପାଇଁ ଚ୍ୟାଲେଞ୍ଜ ହୋଇ ରହିଛି । ଏ ସବୁ ଭିତରେ ନୂଆ ପୋଲିସ୍‌ ଡିଜିଙ୍କ ପାଇଁ କଣ ବଡ଼ ଚାଲେଞ୍ଜ ରହିଛି ସେ ଉପରେ ନଜରପକାଇବା ।

ଚ୍ୟାଲେଞ୍ଜ ନମ୍ବର-୧: ରାଜ୍ୟରେ ମହିଳା ଓ ଶିଶୁଙ୍କ ସୁରକ୍ଷା । ଦୁଷ୍କର୍ମ ଓ ନାରୀ ନିର୍ଯାତନା ରୋକିବା ବଡ଼ ଚ୍ୟାଲେଞ୍ଜ ।

ଚ୍ୟାଲେଞ୍ଜ ନମ୍ବର-୨: ସୋସିଆଲ ମିଡିଆ ଗୁଜବରୁ ଟେନସନ । ବିଭିନ୍ନ ପ୍ରସଙ୍ଗ ସୋସିଆଲ ମିଡଆରେ ଆସି ସମାଜ ଉପରେ ବଡ଼ ପ୍ରଭାବ ପକାଉଛି । ଯାହା ଫଳରେ ଦଙ୍ଗା ଭଳି ପରିସ୍ଥିତି ମଧ୍ୟ ଉପୁଜି ଥାଏ । ଏହାକୁ ରୋକିବା ଏକ ଚ୍ୟାଲେଞ୍ଜ ।

ଚ୍ୟାଲେଞ୍ଜ ନମ୍ବର-୩ : ମାଓ ଦମନ । ପୂର୍ବାପେକ୍ଷା ଓଡ଼ିଶାରେ ମାଓ ହିଂସା କମିଛି । ତେବେ ଆଗକୁ ନୂଆ ରଣନୀତି, ପଡ଼ୋଶୀ ରାଜ୍ୟ ସହ ଉତ୍ତମ ସମନ୍ୱୟ ଓ ଗୁଇନ୍ଦା ତଥ୍ୟ ଆଦାନପ୍ର ଦାନ କରି ମାଓ ଅପରେସନ ଡିଜିଙ୍କ ପାଇଁ ରହିବ ଟପ୍‌ ଚ୍ୟାଲେଞ୍ଜ ।

ଚ୍ୟାଲେଞ୍ଜ ନମ୍ବର-୪: ନିଶା ଓ ବନ୍ଧୁକ କାରବାର । ଓଡ଼ିଶାରେ ଚାଲିଛି ବେଆଇନ ନିଶା କାରବାର । ବ୍ରାଉନସୁଗାର ବେପାର କାୟା ମେଲୁଛି । ଗଞ୍ଜେଇ ଚାଷ ସାଙ୍ଗକୁ ନିଶା କାରବାର ଓ ବନ୍ଧୁକ କାରବାର ଉପରେ ରୋକ୍‌ ଲଗାଇବା ରହିବ ଏକ ପ୍ରମୁଖ ଚ୍ୟାଲେଞ୍ଜ । ଡେପୁଟେସନରେ ଥିବା ବେଳେ ଶ୍ରୀ ଅଭୟ ନାକୋଟିକ୍ସ କଣ୍ଟ୍ରୋଲ ବ୍ୟୁରୋର ଡିଜି ଭାବେ ଦାୟିତ୍ୱରେ ଥିଲେ । ତେଣୁ ଏସବୁର ମୁକାବିଲା ତାଙ୍କ ପାଇଁ ସହଜ ହୋଇପାରେ ।

ଚ୍ୟାଲେଞ୍ଜ ନମ୍ବର-୫:  ଆଇନଶୃଙ୍ଖଳା । ରାଲି, ଧରାଣା ସାଙ୍ଗକୁ ମୌଳିକ ସମସ୍ୟାକୁ ନେଇ ବିଭିନ୍ନ ସମୟରେ ଥାନା ପୋଡ଼ା ଜଳା ଓ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥାଏ  । ଭିଭିଆଇପିଙ୍କ ଭିଜିଟ୍ ବେଳେ ସୁରକ୍ଷା ରହିବ ଆଉ ବଡ଼ ଚ୍ୟାଲେଞ୍ଜ ।

ଚ୍ୟାଲେଞ୍ଜ ନମ୍ବର-୬: ସାଇବର ଅପରାଧ । ନୂଆ ଧରଣର ସାଇବର କ୍ରାଇମ୍‌ ଟ୍ରେଣ୍ଡ ଓଡ଼ିଶାରେ ଦେଖିବାକୁ ମିଳୁଛି । ବାରମ୍ବାର ସଚେତନ କଲା ପରେ ବି ଲୋକ ଠକେଇର ଶିକାର ହେଉଛନ୍ତି । ଅନ୍ୟପଟେ ମୋ ସରକାର ଓ ୫-ଟି ଲାଗୁ ପରେ ଥାନା ସ୍ତରରେ ବ୍ୟାପକ ସ୍ୱଚ୍ଛତା ରକ୍ଷା, ଲୋକମାନେ ଉତ୍ତମ ସେବା ପାଇବା ସାଙ୍ଗକୁ ପୋଲିସର ଆଚରଣ ଓ ଉଚ୍ଚାରଣରେ କିଭଳି ଆହୁରି ପରିବର୍ତ୍ତନ ହେବ, ସେ ବି ନୂଆ ଡିଜିଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ରହିବ ।

ବରିଷ୍ଠ ଆଇପିଏସ ଶ୍ରୀ ଅଭୟ ପୂର୍ବରୁ ଓଡ଼ିଶାର ଗୁଇନ୍ଦା ନିର୍ଦ୍ଦେଶକ ରହିବା ସହ ବିଭିନ୍ନ ଜିଲ୍ଲାର ଏସ୍‌ପି ଭାବେ କାର୍ଯ୍ୟ କରିଛନ୍ତି । କେନ୍ଦ୍ରୀୟ ଡେପୁଟସନରେ ଥିବା ବେଳେ ସେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ଡିଜି ଓ ହାଇଦ୍ରାବ୍ରାଦସ୍ଥିତ ଜାତୀୟ ପୋଲିସ ଏକାଡେମୀର ନିର୍ଦ୍ଦେଶକ ଥିଲେ । ଏସବୁରୁ ତାଙ୍କର ଢେର୍‌ ଅଭିଜ୍ଞତା ଥିବାରୁ ସେ ସବୁ ଚାଲେଞ୍ଜକୁ ସଫଳତାର ସହ ସାମ୍ନା କରି ପାରିବେ ବୋଲି ଆଶା ରହିଛି ।