ଜଳେଶ୍ୱର: ବାଲେଶ୍ୱର ଜିଲ୍ଲା ଜଳେଶ୍ୱରରୁ ପୁଣି ଧଳାଜହର ଜବତ । ଭୋର ୪ଟା ୩୦ରେ ଶେଖବାଡ଼ ଅଞ୍ଚଳରେ ଚଢାଉ କରି ୫୦ ଗ୍ରାମ ବ୍ରାଉନସୁଗାର ଜବତ ସହ ଜଣଙ୍କୁ ଗିରଫ କରିଛି ପୋଲିସ ।
ଜବତ ବ୍ରାଉନସୁଗାରର ମୂଲ୍ୟ ପ୍ରାୟ ୫ଲକ୍ଷ ଟଙ୍କା ହେବ ବୋଲି ପୋଲିସ କହିଛି । ଜଳେଶ୍ୱର ଅଞ୍ଚଳରେ ବାରମ୍ବାର ବ୍ରାଉନସୁଗାର ଜବତ ହେଉଥିଲେ ହେଁ ଥମୁନି ଧଳା ଜହର କାରବାର ।
ମାଲକାନଗିରି: ମୋଷ୍ଟ ୱାଣ୍ଟେଡ ମାଓ ଦମ୍ପତି ଗିରଫ । ପୂର୍ବତନ ଜିଲ୍ଲାପାଳ ଭିନୀଲ କ୍ରିଷ୍ଣାଙ୍କ ଅପହରଣ ଘଟଣାରେ ସମ୍ପୃକ୍ତ ଟପ୍ ମାଓନେତାଙ୍କୁ ବିଶାଖାପାଟଣା ପୋଲିସ ଗିରଫ କରିଛି । ମାଲକାନଗିରି ଡିଭିଜନାଲ କମିଟିର ସମ୍ପାଦକ ଦାମଦାର ଓରଫ ବାଲେମ ନାରାୟଣ ଏବଂ ତାଙ୍କ ପତ୍ନୀ ଫୁଲବତୀକୁ ଗିରଫ କରାଯାଇଛି ।
ଚିତ୍ରକୋଣ୍ଡା ଜଳ ଭଣ୍ଡାର ଲଞ୍ଚ ଆକ୍ରମଣରେ ୩୫ ଜଣଙ୍କୁ ହତ୍ୟା, ବିଏସଏଫ ଯବାନଙ୍କ ଉପରେ ଆକ୍ରମଣ, କାଲିମେଳ ତେଲରାଇରେ ୧୧ ଜଣ ପୋଲିସଙ୍କୁ ହତ୍ୟା ଭଳି ବହୁ ସଙ୍ଗୀନ ଘଟଣାରେ ଜଡ଼ିତ ଥିଲେ ମାଓ ଦମ୍ପତି । ପୋଲିସର ମୋଷ୍ଟ ୱାଣ୍ଟେଡ ଲିଷ୍ଟରେ ଥିବା ଦାମୋଦର ନାଁରେ ୨୦ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରାଯାଇଥିଲା ।
୨୦୧୧ ଫେବ୍ରୁଆରୀ ୧୬ ତାରିଖରେ ମାଓବାଦୀ ମାନେ ତତ୍କାଳୀନ ମାଲକାନଗିରି ଜିଲ୍ଲାପାଳ ଆର୍.ଭିନୀଲ କ୍ରିଷ୍ଣାଙ୍କୁ ଅପହରଣ କରିନେଇଥିଲେ ମାଓବାଦୀ । ଉନ୍ନୟନମୂଳକ କାର୍ଯ୍ୟର ତଦାରଖ କରି ଫେରିବା ବେଳେ ଲାଲବାହିନୀ ତାଙ୍କୁ ଅପହରଣ କରି ନେଇଥିଲା । ଅପହରଣ ଘଟଣାର ୮ ବର୍ଷ ପରେ ପୋଲିସ ମୁଖ୍ୟ କାର୍ପେଟଦାରଙ୍କୁ ଗିରଫ କରିଛି ।
ୱାଂଶିଟନ୍: ଆକ୍ରମଣ , ପ୍ରତି ଆକ୍ରମଣ ଓ ପ୍ରତିକ୍ରିୟା । ଇରାକରେ ଥିବା ଆମେରିକା ସେନା କ୍ୟାମ୍ପରେ ଇରାନର ମିସାଇଲ ମାଡ଼ ପରେ କଡ଼ା ପ୍ରତିକ୍ରିୟା ରଖିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ୨ ଦେଶ ମଧ୍ୟରେ ଉତ୍ତେଜନା ବଢ଼ି ଚାଲିଥିବା ବେଳେ ଟ୍ରମ୍ପ ପ୍ରେସମିଟ୍ କରି ଇରାନକୁ ଚେତାବନୀ ଦେଇଛନ୍ତି । ଇରାନକୁ ଆଣବିକ ଶକ୍ତି ବନିବାକୁ ଦେବେ ନାହିଁ ବୋଲି କହିଛନ୍ତି ଡୋନାଲ୍ଡ ଟ୍ରମ୍ପ ।
ଇରାନ୍ କରିଥିବା ଆକ୍ରମଣରେ ଆମେରିକା ମିଲିଟାରୀ କ୍ୟାମ୍ପରେ କେହି ମୃତାହତ ହୋଇନାହାନ୍ତି । ଆମେରିକାର ସମସ୍ତ ଯବାନ ସୁରକ୍ଷିତ ଅଛନ୍ତି । କେବଳ କ୍ୟାମ୍ପରେ ସାମାନ୍ୟ କ୍ଷତି ହୋଇଥିବା ଟ୍ରମ୍ପ କହିଛନ୍ତି । ମୁଁ ରାଷ୍ଟ୍ରପତି ଥିବା ଯାଏଁ ଇରାନ ପରମାଣୁ ଅସ୍ତଶସ୍ତ୍ର ରଖିପାରିବ ନାହିଁ ବୋଲି କହିଛନ୍ତି ।
ଇରାନ୍ ହିଂସା ଜାରି ରଖିବା ଯାଏଁ ମଧ୍ୟପ୍ରାଚ୍ୟରେ ଶାନ୍ତି ଆସିପାରିବ ନାହିଁ । ଇରାନକୁ ଆତଙ୍କବାଦ ବିରୋଧରେ ଶିକ୍ଷା ଦେବାକୁ ବିଶ୍ୱକୁ ଏକାଠି ହେବାକୁ ପଡ଼ିବ । ଚୀନ, ଫ୍ରାନ୍ସ ଓ ବ୍ରିଟେନ୍ ଏକାଠି ହୋଇ ଇରାନ୍ ବିରୋଧରେ ଆମେରିକା ସହ ସ୍ୱର ଉଠାଇବାକୁ ଟ୍ରମ୍ପ ଆହ୍ୱାନ ଦେଇଛନ୍ତି ।
ଇରାନ ଜେନେରାଲ କାସେମ ସୋଲେମାନିଙ୍କୁ ହତ୍ୟା କରିବାକୁ ଡୋନାଲ୍ଡ ଟ୍ରମ୍ଫ ଦେଇଥିଲେ ନିର୍ଦ୍ଦେଶ !
ୱାଂଶିଟନ୍: ଇରାନ ଆକ୍ରମଣକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କଡ଼ା ପ୍ରତିକ୍ରିୟା । ମୁଁ ରାଷ୍ଟ୍ରପତି ଥିଲା ଯାଏଁ ଇରାନ ଆମ ମିଲିଟାରୀ କ୍ୟାମ୍ପ ଉପରେ ଆଣବିକ ଅସ୍ତ୍ରଶସ୍ତ୍ର ବ୍ୟବହାର କରିପାରିବ ନାହିଁ । ଗତ ରାତିରେ ଇରାନ୍ କରିଥିବା ଆକ୍ରମଣରେ ଆମେରିକାର କୌଣସି କ୍ଷତି ହୋଇନାହିଁ । ଆମର ସମସ୍ତ ଯବାନ ସୁରକ୍ଷିତ ଅଛନ୍ତି, କେହି ଆହତ ହୋଇନାହାନ୍ତି । କେବଳ ମିଲିଟାରୀ ବେସରେ ସାମାନ୍ୟ କ୍ଷତି ହୋଇଥିବା କହିଲେ ଡୋନାଲ୍ଡ ଟ୍ରମ୍ପ ।
କରଞ୍ଜିଆ: ଅଜଣା ଗାଡ଼ି ଚାପାରେ ମାଆ, ପୁଅ ମୃତ । ଯଶୀପୁର ଥାନା ଟଙ୍ଗାବିଲା ନିକଟରେ ଦୁର୍ଘଟଣା । ମୃତକ ସାନନଈ ଗାଁର ସୂଚନା ।
ନୂଆଦିଲ୍ଲୀ: ୨୦୨୨ ମସିହା ସୁଦ୍ଧା ଦେଶର ନୂଆ ସଂସଦ ଭବନ କାର୍ଯ୍ୟ କରିବ । ଦେଶର ୭୫ ତମ ସ୍ୱାଧୀନତା ଦିବସ ନୂଆ ସଂସଦ ଭବନରେ ପାଳନ କରାଯିବ ବୋଲି ସ୍ପଷ୍ଟ କରିଛନ୍ତି ଲୋକସଭା ବାଚସ୍ପତି ଓମ ବିର୍ଲା । କାନାଡାର ଅଟାୱାରେ ଆୟୋଜିତ ରାଜ୍ୟଗୋଷ୍ଠୀ ଦେଶ ମାନଙ୍କର ବାଚସ୍ପତି ଓ ପୀଠାସିନ ଅଧିକାରୀ ମାନଙ୍କର ୨୫ ତମ ସମ୍ମିଳନୀ ଅବସରରେ ସେ ଏକଥା ସ୍ପଷ୍ଟ କରିଛନ୍ତି । ଏହାମଧ୍ୟରେ ରାଷ୍ଟ୍ରପତି ଭବନରୁ ଇଣ୍ଡିଆ ଗେଟ୍ ମଧ୍ୟରେ ସେଣ୍ଟ୍ରାଲ ଭିଷ୍ଟାର ପୁନଃ ନିର୍ମାଣ କାମ ଆରମ୍ଭ ହୋଇସାରିଲାଣି । ଯାହା ଅନ୍ତତଃପକ୍ଷେ ୨୫୦ ବର୍ଷ ସୁରକ୍ଷିତ ରଖିବାକୁ ଲକ୍ଷ୍ୟ ରଖାଯାଇଛି ।
ନୂଆ ଭାରତ ଗଠନ ପାଇଁ ସଂସଦ ଭବନ ପର୍ଯ୍ୟାପ୍ତ ସ୍ଥାନ ଓ ସୁବିଧାର ଆବଶ୍ୟକତା ରହିଛି । କିନ୍ତୁ ବର୍ତ୍ତମାନର ବିଲ୍ଡିଂରେ ସାଂସଦ ଓ କର୍ମଚାରୀ ମାନେ କରିବା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି । ୧୯୨୭ ମସିହାରେ ନିର୍ମାଣ ହୋଇଥିବା ସଂସଦ ଭବନକୁ ଏବେ ୯୨ ବର୍ଷ ପୁରିଲାଣି । ନୂତନ ବିଲ୍ଡିଂ ନିର୍ମାଣ ନେଇ ଗତ କିଛି ଦିନ ଧରି ଚର୍ଚ୍ଚା ହେଉଥିଲା । ହେଲେ ସରକାରୀ ଭାବେ କୌଣସି ବିବୃତି ଆସିନଥିଲା । ନୂତନ ବିଲ୍ଡିଂ ନିର୍ମାଣ ନେଇ ସମସ୍ତଙ୍କ ସହ ଆବଶ୍ୟକୀୟ ବିଚାର ବିମର୍ଶ ଶେଷ ହୋଇଥିବା ବାଚସ୍ପତି ଓମ ବିର୍ଲା ସ୍ପଷ୍ଟ କରିଛନ୍ତି ।
ଭୁବନେଶ୍ୱର: ହଷ୍ଟେଲରେ ଛାତ୍ରୀଙ୍କ ଆତ୍ମହତ୍ୟା । ସରକାରୀ ପଲିଟେକନିକର ପ୍ରଥମ ବର୍ଷର ଛାତ୍ରୀ, ଘର ଯାଜପୁର । କ୍ଲାସ୍ ଚାଲିଥିବା ବେଳେ ଆତ୍ମହତ୍ୟା କରିଥିବା ସୂଚନା । ଆତ୍ମହତ୍ୟାର କାରଣ ଅସ୍ପଷ୍ଟ, ଚନ୍ଦ୍ରଶେଖରପୁର ପୋଲିସର ତଦନ୍ତ ।
କଟକ: କଳାହାଣ୍ଡି ଜିଲ୍ଲାରେ ଛତର ଯାତ୍ରାରେ ବଳି ବନ୍ଦ କରିବାକୁ ନିର୍ଦ୍ଦେଶ ଜାରି କଲେ ହାଇକୋର୍ଟ । ଯାତ୍ରାର ଏକ ମାସ ପୂର୍ବରୁ ସଚେତନତା କରିବାକୁ ଜିଲ୍ଲା ପ୍ରଶାସନ ଓ ପୋଲିସକୁ ନିର୍ଦ୍ଦେଶ । ଯାତ୍ରା ଉପରେ ନଜର ରଖିବ ସିସିଟିଭି । ନିର୍ଦ୍ଦେଶ କାର୍ଯ୍ୟକାରୀରେ ଅବହେଳା ହେଲେ ବ୍ୟକ୍ତିଗତ ଭାବେ ଦାୟୀ ରହିବେ ଏସପି ଓ କଲେକ୍ଟର ।
ମୟୂରଭଞ୍ଜ- ସାରା ରାଜ୍ୟ ଆଜି ବନ୍ଦ। ହେଲେ ଏହି ବନ୍ଦ ବେଳେ ବାରିପଦାକୁ ମିଳିଛି ବଡ଼ ଉପହାର। ମୁଖ୍ୟମନ୍ତ୍ରୀଙ୍କ ଦିନକିଆ ଗସ୍ତ ଆଜି ମୟୂରଭଂଜବାସୀଙ୍କ ମୁହଁରେ ହସ ଫୁଟାଇଛି। କାରଣ ଜିଲ୍ଲାର ବିକାଶ ପାଇଁ ହାତ ଖୋଲି ଦେଇଛନ୍ତି ନବୀନ ପଟ୍ଟନାୟକ। ବିଭିନ୍ନ ଜନହିତକର ପ୍ରକଳ୍ପର ଶିଳାନ୍ୟାସ କରିଛନ୍ତି। ଯାହାର ବ୍ୟୟ ଅଟକଳ ୨ଶହ କୋଟିରୁ ଅଧିକ। ବିକାଶର ବଳୟ ଭିତରକୁ ଆସିବ ଏହି ଆଦିବାସୀ ଜିଲ୍ଲା।
୧୮ଟି ପାଇପ୍ ଜଳ ଯୋଗାଣ ପ୍ରକଳ୍ପ
୫ଟି ହାଇଲେଭଲ୍ ସେତୁର ଉଦ୍ଘାଟନ କରିଛନ୍ତି ମୁଖ୍ୟମୃନ୍ତ୍ରୀ। ଏହି ଅବସରରେ ମୋରଡାର ଭାଲିଆଶୋଳରେ ଦୁଇ ଦୁଇଟି ଆଦର୍ଶ ବିଦ୍ୟାଳୟର ଛାତ୍ରୀ ନିବାସକୁ ଉଦଘାଟନ କରିଛନ୍ତି ନବୀନ। କେବଳ ସେତିକି ନୁହେଁ ଆଜି ୨ଶହ କୋଟି ୩୦ଲକ୍ଷ ଟଙ୍କା ବ୍ୟୟ ଅଟକଳରେ ବିଭିନ୍ନ ପ୍ରକଳ୍ପର ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ।
ଜଳଯୋଗାଣ ପ୍ରକଳ୍ପ, ରାସ୍ତା କାମର ଉନ୍ନତି ଓ ପ୍ରଶସ୍ତିକରଣ ସାଙ୍ଗକୁ ଏମ୍ପିସି କଲେଜ ପାଇଁ କମ୍ପୋଜିଟ୍ ବ୍ଲକ୍ ସାଙ୍ଗକୁ ସେତୁ ପାଇଁ ମଧ୍ୟ ଶୁଭ ଦେଇଛନ୍ତି ମୁଖ୍ୟମନ୍ତ୍ରୀ।
ମୁଖ୍ୟମନ୍ତ୍ରୀଙ୍କ ଏହି ଦିନିକିଆ ଗସ୍ତ ଏ ଅଚଂଳର ଆଦିବାସୀ ପିଲା ଓ ଅଭିଭାବକଙ୍କୁ ଖୁବ୍ ଉତ୍ସାହିତ କରିଛି। କାରଣ ବାରିପଦା ଠାରେ ଉଦ୍ଘାଟିତ୍ ହୋଇଛି ଆଦାନୀ ସହାୟତାରେ କିସ୍ ପ୍ରତିଷ୍ଠା କରିଥିବା ଆଦିବାସୀ ସ୍କୁଲ୍। ଏହି ଆବାସିକ ସ୍କୁଲ୍ରେ ୧୫ଶହ ପିଲାଙ୍କ ପାଇଁ ରହିବା, ଖାଇବାପିଇବା ସହ ପାଠପଢ଼ାର ବ୍ୟବସ୍ଥା ରହିଛି। ଏହି ସମାରୋହରେ ରାଜସ୍ୱମନ୍ତ୍ରୀ ସୁଦାମ ମାରାଣ୍ଡି, ସାଂସଦ ଅଚ୍ୟୁତାନନ୍ଦ ସାମନ୍ତ, ସରୋଜିନୀ ହେମ୍ବ୍ରମ, ଇଂ ବିଶ୍ୱେଶର ଟୁଡୁ, ବାରିପଦା ବିଧାୟକ ପ୍ରକାଶ ସୋରେନ, ଜିଲ୍ଲାପାଳ ଏବଂ ଆଦାନୀ ଗୃପ୍ର ଚେୟାର ପର୍ସନ ପ୍ରୀତିଜୀ ଆଦାନି ପ୍ରମୁଖ ଉପସ୍ଥିତ ରହିଥିଲେ ।
ଏସବୁ ଭିତରେ ଆଜି ମୁଖ୍ୟମନ୍ତ୍ରୀଙ୍କ ବାରିପଦାବାସୀଙ୍କ ଦେଇଛନ୍ତି ମନେ ରହିବା ଭଳି ଉପହାର। ଜଗନ୍ନାଥ ମନ୍ଦିରର ବିକାଶ ପାଇଁ ୫କୋଟିର ପ୍ୟାକେଜ୍ ଘୋଷଣା କରିଛନ୍ତି ।
ରାଉରକେଲା: ବିଶ୍ରା ରେଞ୍ଜ ଚିତାପେଡ଼ି କୁଦା ହୁରାଙ୍ଗ ଗାଁ ନିକଟ ଜଙ୍ଗଲରୁ ମାଈ ହାତୀର ମୃତଦେହ ଉଦ୍ଧାର । ମୃତ ହାତୀର ବୟସ ୧୫ ବର୍ଷରୁ ଅଧିକ ହେବ ବୋଲି ବନ ବିଭାଗର ସୂଚନା । ମୃତ୍ୟୁର କାରଣ ଅସ୍ପଷ୍ଟ, ବନ ବିଭାଗର ତଦନ୍ତ ।
