ଜମା ଟଙ୍କା ଫେରି ପାଇବାକୁ ଉଦ୍ୟମ କରନ୍ତୁ, ରାଜନୀତି ନୁହେଁ: ବିଜେଡି
1 min read
ଭୁବନେଶ୍ୱର: ୟେସ୍ ବ୍ୟାଙ୍କରେ ଜଗନ୍ନାଥଙ୍କ ଜମା ଟଙ୍କା ପ୍ରସଙ୍ଗରେ ବିଜେପି ଅଭିଯୋଗର ଜବାବ ରଖିଛି ବିଜେଡି । ସାମ୍ବାଦିକ ସମ୍ମିଳନୀରେ ବିଜେଡି ମୁଖପାତ୍ର ଟଙ୍କା ପାଇଁ ରାଜନୀତି ନକରି ଯେଭଳି ଜମା ଟଙ୍କା ମିଳିବ ସେଥିପ୍ରତି ଉଦ୍ୟମ କରିବା ଉଚିତ୍ ବୋଲି କହିଛନ୍ତି । କେନ୍ଦ୍ରରେ କ୍ଷମତାରେ ଥିବା ବିଜେପି ସରକାର ଓ ଆରବିଆଇ, ୟସ୍ ବ୍ୟାଙ୍କର ଜମାକର୍ତ୍ତା ଓ ଜଗନ୍ନାଥ ଟେମ୍ପଲ ଟ୍ରଷ୍ଟ କିବଳି ଜମା ରାଶି ଫେରି ପାଇବେ ସେନେଇ ଉଦ୍ୟମ କରନ୍ତୁ ।
ଏଭଳି ଏକ ପ୍ରସଙ୍ଗକୁ ଅଯଥା ରାଜନୀତିକ ରୂପ ଦେବା ଅନୁଚିତ । ବିଜେପି ନେତା ହରିଚନ୍ଦନଙ୍କ ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ, ବିଜେପି ଲୋକଙ୍କ ମତି ଭ୍ରମ କରୁଛି । ରାଜ୍ୟ ସରକାର ଯାହା ପଦକ୍ଷେପ ନେବା କଥା ନେଉଛନ୍ତି । ବିଜେପି କେବଳ ଲୋକଙ୍କୁ ଦିଗହରା ଓ ଭୟଭୀତ କରିବା ପାଇଁ ମିଥ୍ୟା ଆରୋପ କରୁଥିବା ସେ କହିଛନ୍ତି । ବିଜେପି ସକାଳେ ସାମ୍ବାଦିକ ସମ୍ନିଳନୀ କରି ରାଜ୍ୟ ସରକାର ଏନେଇ ଶ୍ୱେତପତ୍ର ପ୍ରକାଶ କରିବାକୁ ଦାବି କରିଥିଲା ।
