କାବୁରେ ଆସୁନି କରୋନା । କରୋନାଠୁ ବଞ୍ଚିବାକୁ ପ୍ରତ୍ୟେକ ଦେଶର ସରକାର କଠୋର ନିଷ୍ପତ୍ତି ନେଉଛନ୍ତି । ଏକ ଲକଡାଉନ ଏବଂ ସଟଡାଉନ କରି ଏହି ସଂକ୍ରମଣ ରୋକିବାକୁ ପ୍ରୟାସ କରାଯାଉଛି । ତଥାପି କରୋନା ଭାଇରସ୍ ସମଗ୍ର ବିଶ୍ୱରେ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଭାରତରେ ମଧ୍ୟ କରୋନା ଯୋଗୁଁ ପ୍ରଥମ ପର୍ଯ୍ୟାୟ ୨୪ ମାର୍ଚ୍ଚରୁ ୧୪ ଏପ୍ରିଲ ପର୍ଯ୍ୟନ୍ତ ଲକଡାଉନ କରାଯାଇଥିବା ବେଳେ ପରେ ଏହାକୁ ବଢାଇ ଦ୍ୱିତୀୟ ପର୍ଯ୍ୟାୟ ୩ ମେ ପର୍ଯ୍ୟନ୍ତ କରାଯାଇଛି । ବର୍ତ୍ତମାନ ପର୍ଯ୍ୟନ୍ତ ସାରା ଦେଶରେ କରୋନା ଭୁତାଣୁ ଯୋଗୁଁ ୧୨୭୫୯ରୁ ଅଧିକ ଲୋକ ସଂକ୍ରମିତ ହୋଇଥିବାବେଳେ ୪୨୦ ଜଣଙ୍କର ମୃତ୍ୟୁ ହୋଇସାରିଲାଣି । ବିଶ୍ୱବ୍ୟାପୀ କରୋନାରୁ ସଂକ୍ରମଣ ସଂଖ୍ୟା ୨୧.୫୧ ଲକ୍ଷରୁ ଅଧିକ ହୋଇଥିବାବେଳେ ମୃତ୍ୟୁ ବରଣ କରୁଥିବା ଲୋକଙ୍କ ସଂଖ୍ୟା ୧.୪୩ ଲକ୍ଷ ଟପିଛି ।

ସମଗ୍ର ବିଶ୍ୱରେ ୫.୨୬ ଲକ୍ଷରୁ ଅଧିକ ଲୋକ ସୁସ୍ଥ ହୋଇ ଘରକୁ ଫେରିଛନ୍ତି, ଏବଂ ଭାରତରେ ୧୫୦୦ରୁ ଅଧିକ ଲୋକ କରୋନାକୁ ପରାସ୍ତ କରିବାରେ ସଫଳ ହୋଇଛନ୍ତି । ଏଭଳି ପରିସ୍ଥିତିରେ ଆପଣମାନଙ୍କ ମନରେ ଏକ ପ୍ରଶ୍ନ ଉଠୁଥିବ ଯେ, ଏହି ଭୂତାଣୁ ଶରୀରକୁ କିପରି ଆକ୍ରମଣ କରିଥାଏ ଏବଂ ଶରୀର କେଉଁସ୍ଥାନରେ ଆକ୍ରମଣ କରିଥାଏ । ଆପଣମାନଙ୍କ ମନରେ ପ୍ରଶ୍ନ ଥିବ ଆମ ଶରୀର କରୋନା ସହ କିପରି ଲଢେ । ଆସନ୍ତୁ ଜାଣିବା ଏମିତି କିଛି ପ୍ରଶ୍ନର ଉତ୍ତର

କରୋନା ଭୂତାଣୁ ଶରୀର ଉପରେ କିପରି ଆକ୍ରମଣ କରେ?

କରୋନା ଭୂତାଣୁ ନାକ, ପାଟି କିମ୍ବା ଆଖି ଦେଇ ଶରୀରକୁ ପ୍ରବେଶ କରି ଶ୍ୱାସ ନଳି କିମ୍ବା ଫୁସଫୁସ ଭିତରକୁ ଯାଇ ସେଠାରେ ଲାଗି ରହିଥାଏ ।

ଭୂତାଣୁ ଧୀରେ ଧୀରେ ତା ଅଧିନକୁ ଆଣିବା ଆରମ୍ଭ କରିଦିଏ । ଏବଂ କୋଷ ଗୁଡ଼ିକୁ ମାରି ତାକୁ ନିଜ ଭଳି ଭାଇରସରେ ପରିଣତ କରିଦିଏ । ଏହା ପରେ, ସେ ଜଣେ ବ୍ୟକ୍ତିଙ୍କଠାରୁ ଅନ୍ୟ ଜଣକୁ ବିସ୍ତାର କରିବାର କ୍ଷମତା ହାସଲ କରେ ।

ଯେତେବେଳେ ଭୂତାଣୁ ଅନେକ କୋଷକୁ ମାରିବାରେ ସକ୍ଷମ ହୁଏ, ସେତେବେଳେ ଆମର ଇମ୍ୟୁନି ସିଷ୍ଟମ୍ ଏହାର ମୁକାବିଲା କରିବାକୁ ଲାଗେ, ଯାହାଫଳରେ ଆମକୁ ସାମାନ୍ୟ ଜଳନ ଅନୁଭବ କରାଇଥାଏ । ଯାହା ଫଳରେ ଫୁସଫୁସ ଭିତରେ ଥିବା ନଳିରେ ଏକ ତରଳ ପଦାର୍ଥ ଜମା ହେବାରେ ଲାଗିଥାଏ, ଯାହା ଶୁଖିଲା କାଶ ସହ ଶ୍ୱାସ ନେବାରେ ଅସୁବିଧା ସୃଷ୍ଟି କରାଏ ।

• ଗୁରୁତର ଅବସ୍ଥାରେ ଫୁସଫୁସରେ ଜ୍ୱଳନ ଅନୁଭବ କାରଣରୁ ସାଇଟୋକାଇନ୍ ଷ୍ଟୋର୍ମ ଡର ସୃଷ୍ଟି କରିଦେଇଥାଏ । ଯାହା SARS ଏବଂ MERS ରୋଗୀଙ୍କ କ୍ଷେତ୍ରରେ ଏକ ସାଧାରଣ ଲକ୍ଷଣ ଥିଲା ।
• ଯେତେବେଳେ ଅନେକ ଆଲଭୋଲି ଅର୍ଥାତ୍ ଫୁସଫୁସ ଭିତରେ ଥିବା ନଳି ଏହି ଭୂତାଣୁ କାରଣରୁ ନଷ୍ଟ ହୋଇଯାଏ, ତେବେ ରୋଗୀକୁ ଭେଣ୍ଟିଲେଟର ଆବଶ୍ୟକ ହୋଇଥାଏ । ଗୁରୁତର ଅବସ୍ଥା ହୋଇଯାଇଥିବାରୁ ଶରୀରର ଅନେକ ଅଂଶ ବିଫଳ ହେବା ଆରମ୍ଭ କରି ରୋଗୀମାନେ ପ୍ରାଣ ହରାଇଥାନ୍ତି ।

କରୋନାର ସାଧାରଣ ମାମଲାରେ କ’ଣ ହୁଏ?

ଜଣେ ରୋଗୀ ସଂପୂର୍ଣ୍ଣ ସୁସ୍ଥ ହେବା ପାଇଁ ପ୍ରାୟ ୬ ସପ୍ତାହ ଲାଗିଥାଏ ଏବଂ ଅଧିକାଂଶ ରୋଗୀ କରୋନା ଭୂତାଣୁର ସାମାନ୍ୟ ଲକ୍ଷଣ ଦେଖନ୍ତି । କେବଳ ୧୫ରୁ ୨୦ ପ୍ରତିଶତ ମାମଲା ଅଧିକ ଗମ୍ଭୀର ଅଟେ । ସାମାନ୍ୟ ପରିସ୍ଥିତିରେ ସାମାନ୍ୟ କଫ, ଜ୍ୱର, ଛାତି ଯନ୍ତ୍ରଣା ଏବଂ ମାଂସପେଶୀ ଯନ୍ତ୍ରଣା ହେବାର ଜଣାପଡ଼ିଛି । ଏହିପରି ରୋଗୀମାନେ ପ୍ରାୟ ଦୁଇ ସପ୍ତାହ ମଧ୍ୟରେ ସୁସ୍ଥ ହୁଅନ୍ତି । ଏହିପରି ଲୋକମାନେ ଆଇସେଲେସନ କରି ସୁସ୍ଥ ହୋଇପାରିବେ ।  ଯଦି ଏପରି କିଛି ରୋଗୀ ଅଛନ୍ତି ତେବେ ସେମାନେ ସଂକ୍ରମିତ ହୋଇ ଆରୋଗ୍ୟ ହୁଅନ୍ତି ଏବଂ ସେମାନଙ୍କ ଠାରେ କୌଣସି ଲକ୍ଷଣ ଦେଖାଯାଏ ନାହିଁ ।

ମଧ୍ୟମ ଧରଣ ମାମଲାରେ ହସ୍ପିଟାଲ ଯିବାକୁ ପଡେ

କମ୍ ଗୁରୁତର ସଂକ୍ରମଣ ମାମଲାରେ  ଡାକ୍ତରଙ୍କ ପରାମର୍ଶ ନେବା ଆବଶ୍ୟକ ।  ଏପରି ପରିସ୍ଥିତିରେ ରୋଗୀମାନେ ନିଶ୍ୱାସ ନେବାରେ ବହୁତ ଅସୁବିଧାର ସମ୍ମୁଖୀନ ହୁଅନ୍ତି। କେତେକ ରୋଗୀ ଉଚ୍ଚ ଜ୍ୱର ଏବଂ ବଦହଜମି ଦେଖାଦିଏ । ଏହିପରି ରୋଗୀଙ୍କୁ ଆଇ ବି ଫ୍ଲୁଡ ଦେବା ଆବଶ୍ୟକ । ତେଣୁ ସେମାନଙ୍କୁ ହସ୍ପିଟାଲ ଯିବାକୁ ପଡେ ।

ଗୁରୁତର ମାମଲା ଜୀବନ ନେଇଥାଏ

କରୋନା ଭୂତାଣୁ ସଂକ୍ରମଣର ମାତ୍ର ୧୫-୨୦ ପ୍ରତିଶତ ମାମଲା ସାଂଘାତିକ ହୋଇପାରେ । ଏହିପରି ରୋଗୀଙ୍କ ଫୁସଫୁସରେ ଅତ୍ୟଧିକ ତରଳ ପଦାର୍ଥ ଜମା ହୋଇଯାଏ ଫଳରେ ନିଶ୍ୱାସ ପ୍ରଶ୍ୱାସ ନେବା କଷ୍ଟକର ହୋଇଯାଏ ଏବଂ ଭେଣ୍ଟିଲେଟର ଆବଶ୍ୟକ ପଡ଼ିଥାଏ । କିଛି ସପ୍ତାହ ପର୍ଯ୍ୟନ୍ତ ଭେଣ୍ଟିଲେଟରରେ ରଖିବା ଆବଶ୍ୟକ ହେବା ସହ ବୃଦ୍ଧ ଏବଂ ପୂର୍ବରୁ କୌଣସି ରୋଗ କିମ୍ବା ହୃଦ ରୋଗରେ ପୀଡିତ ରୋଗୀମାନେ କିଛିଟା ଏଥିରୁ ମୁକ୍ତି ପାଇବାକୁ ସକ୍ଷମ ହୋଇପାରନ୍ତି । ଏପରି ପରିସ୍ଥିତିରେ, ୩୦-୪୦ ପ୍ରତିଶତ ଲୋକ ମୃତ୍ୟୁ ବରଣ କରନ୍ତି । ଏହିପରି ରୋଗୀମାନଙ୍କୁ ଭେଣ୍ଟିଲେଟରରୁ ବାହାର କରିବା ପୂର୍ବରୁ ସେ କିଛି ଗିଳିବାରେ ସକ୍ଷମ ଅଛନ୍ତି କି ନାହିଁ ତାହାକୁ ନିଶ୍ଚିତ କରିବାକୁ ପଡେ । ଏହା କମ୍ ଅମ୍ଳଜାନ ଆବଶ୍ୟକ କରେ ଏବଂ କାର୍ବନ ଡାଇଅକ୍ସାଇଡ୍ ସଫା କରିବାର ସାହାଜ୍ୟ କରେ ।

କେତେବେଳେ ରୋଗୀ ଡିସଚାର୍ଜ ହୁଅନ୍ତି ?

କୌଣସି ରୋଗୀ ସେତେବେଳେ ଡିସଚାର୍ଜ ହୁଅନ୍ତି ଯେତେବେଳେ ତାଙ୍କ ରିପୋର୍ଟ କ୍ରମାଗତ ଦୁଇଥର ନେଗେଟିଭ୍ ଆସେ । ତଥାପି, ବିଭିନ୍ନ ଦେଶରେ କିଛି ଅଧିକ ଗୁରୁତ୍ୱପୂର୍ଣ୍ଣ ନିୟମ କରାଯାଇଛି । ଚାଇନାରେ, ଯଦି ଜଣେ ରୋଗୀ ୩-୪ ଦିନ ଜ୍ୱରରେ ପୀଡିତ ନୁହଁନ୍ତି ଏବଂ ଫୁସଫୁସରେ ଜ୍ୱଳନ ଅନୁଭବ କରନ୍ତି ନାହିଁ, ତେବେ ସେ ଆରୋଗ୍ୟ ହୋଇଥିବା ମାନିନିଆଯାଏ । ଏଥି ସହିତ, ଯୁକ୍ତରାଷ୍ଟ୍ରରେ ରୋଗୀଙ୍କଠାରେ  ସାମାନ୍ୟ ଲକ୍ଷଣ ଦେଖାଗଲେ ମଧ୍ୟ ତାଙ୍କୁ ଅତିକମରେ ସପ୍ତାହେ ପର୍ଯ୍ୟନ୍ତ ହସ୍ପିଟାଲରେ ରଖାଯାଏ । ଅନ୍ୟପକ୍ଷରେ ଭାରତ ଭଳି ଦେଶରେ, ଡିସଚାର୍ଜ ହେବା ପରେ ମଧ୍ୟ ଅତି କମରେ ୧୪ ଦିନ ସେଲ୍ଫ କ୍ୱାରେଣ୍ଟାଇନରେ ରହିବାକୁ ପଡିଥାଏ ।