ମଣିପୁର: ବର୍ତ୍ତମାନ ସମଯରେ ଯେଉଁଠାରେ କୋରନା ବିରୋଧରେ ଲଢ଼େଇ ଚାଲିଛି, ଏମିତିରେ ଦୁଇଟି ରାଜ୍ୟରୁ ଆଶ୍ୱସ୍ତିର ଖବର ଆସିଛି । ଗୋଆ ପରେ ଏବେ ମଣିପୁର କରୋନା ସଂକ୍ରମଣରୁ ମୁକ୍ତ ହୋଇଛି । ମଣିପୁର ମୁଖ୍ୟମନ୍ତ୍ରୀ ଏନ.ବିରେନ ସିଂହ ଟ୍ୱିଟ କରି ଏହି ସୂଚନା ଦେଇଛନ୍ତି । ମଣିପୁର କରୋନା ମୁକ୍ତ ହୋଇଯାଇଛି, ସବୁ କରୋନା ଆକ୍ରାନ୍ତ ସମ୍ପୂର୍ଣ୍ଣ ଭାବରେ ସୁସ୍ଥ ହୋଇଛନ୍ତି ଏବଂ ସେମାନଙ୍କ ରିପୋର୍ଟ ନେଗେଟିଭ ଆସିଥିବା ବେଳେ ରାଜ୍ୟରେ ନୂଆ କରୋନା ଆକ୍ରାନ୍ତ ରିପୋର୍ଟ ଆସିନଥିବା ମୁଖ୍ୟମନ୍ତ୍ରୀ ଏନ.ବିରେନ ସୂଚନା ଦେଇଛନ୍ତି ।

I am glad to share that Manipur is now Corona free. Both patients have fully recovered and have tested negative. There are no fresh cases of the virus in the state: Manipur CM N Biren Singh pic.twitter.com/5d9xR7kg8g

— ANI (@ANI) April 20, 2020

ସଂକ୍ରମଣରୁ ମୁକ୍ତ ହୋଇଥିବା ପ୍ରଥମ ରାଜ୍ୟ ଥିଲା ଗୋଆ-

ଗୋଆରେ କରୋନା ଭାଇରସ ସଂକ୍ରମିତ ସମସ୍ତ ରୋଗୀ ସୁସ୍ଥ ହୋଇ ଘରକୁ ଫେରିଥିଲେ । ରାଜ୍ୟର ସ୍ୱାସ୍ଥମନ୍ତ୍ରୀ ବିଶ୍ୱଜୀତ ରାଣେ ରବିବାର ଏହି ସୂଚନା ଦେଇଛନ୍ତି । ଏହା ସହିତ ଗୋଆ ରାଜ୍ୟ ମଧ୍ୟ କରୋନା ମୁକ୍ତ ହୋଇଥିବା ସେ କହିଛନ୍ତି । ରାଣେ କହିଛନ୍ତି ଯେ, ୭ଟି ମାମଲାରେ ଶେଷ ଆକ୍ରାନ୍ତ ୩ ଅପ୍ରେଲ ଦିନ ସାମ୍ନାକୁ ଆସିଥିଲା । ସମସ୍ତଙ୍କ ଚିକିତ୍ସା କରାଗଲା ଏବଂ ରିପୋର୍ଟ ନେଗେଟିଭ ଆସିବା ପରେ ତାଙ୍କୁ ଡାକ୍ତରଖାନାରୁ ଛଡ଼ା ଗଲା ।

କରୋନା କବଳରୁ ମୁକ୍ତ ହେଉଛି ଭାରତ । ଆକ୍ରାନ୍ତଙ୍କ ମଧ୍ୟରୁ ସୁସ୍ଥ ହେଉଛନ୍ତି ୮୦ ପ୍ରତିଶତ ଲୋକେ । ମହାରାଷ୍ଟ୍ର ଓ ଦିଲ୍ଲୀରେ କରୋନା ସ୍ଥିତି ସାଂଘାତିକ ହୋଇଛି । ମହାରାଷ୍ଟ୍ରରେ ଆକ୍ରାନ୍ତଙ୍କ ସଂଖ୍ୟା ୪ ହଜାର ୨ଶହ ଟପିଥିବା ବେଳେ ଦିଲ୍ଲୀରେ ଦୁଇ ହଜାର ଛୁଇଁବ ସଂଖ୍ୟା । ୨୪ ଘଣ୍ଟାରେ ଦେଶରେ ୧୩୮୪ଟି ନୂଆ କେସ୍‌ ସାମ୍ନାକୁ ଆସିଛି । ଅପରପକ୍ଷରେ ୨୭ ଜଣଙ୍କର ମୃତ୍ୟୁ ହୋଇଛି । ଦେଶରେ ୨୩୩୧ ଜଣ ସୁସ୍ଥ ହୋଇଛନ୍ତି । ମୃତ୍ୟୁ ସଂଖ୍ୟା ଓ ଆରୋଗ୍ୟ ହେଉଥିବା ରୋଗୀଙ୍କ ଅନୁପାତ ୮୦-୨୦ ରହିଛି । ପୂର୍ବାପେକ୍ଷା ଏବେର ସ୍ଥିତି ବହୁତ ଭଲ ରହିଛି ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ର।ଳୟ କହିଛି ।

ଏପଟେ ପ୍ରଧାନମନ୍ତ୍ରୀଙ୍କ ଅନୁମୋଦନ କ୍ରମେ ଦେଶରେ ଆଜିଠୁ କିଛି ସ୍ଥାନରେ ଲକ୍‌ଡାଉନ କଟକଣା କୋହଳ କରାଯିବ । କିନ୍ତୁ ହଟ୍‌ସ୍ପଟ୍‌ ଏରିଆରେ କଟକଣା ଜାରି ରହିବ । କୃଷି ଓ ଶ୍ରମ କ୍ଷେତ୍ରରେ କଟକଣା କୋହଳ କରାଯିବ। ସାମାଜିକ ଦୂରତା ରଖି କୃଷକ ଓ ଶ୍ରମିକ କାମ କରିବେ । ଚାଷ ପାଇଁ ଆବଶ୍ୟକ ସାମଗ୍ରୀ ଦୋକାନ ଖୋଲା ରଖିବାକୁ ନିଷ୍ପତ୍ତି ନିଆଯାଇଛି । ଗ୍ରାମାଞ୍ଚଳରେ ଜଙ୍ଗଲଜାତ ଦ୍ରବ୍ୟ ବିକ୍ରି ଓ ସାମଗ୍ରୀ ରପ୍ତାନୀ କରିବାକୁ ମଧ୍ୟ ଅନୁମତି ଦିଆଯାଇଛି । ମନ୍‌ରେଗା ଯୋଜନା ମାଧ୍ୟମରେ ଶ୍ରମିକଙ୍କୁ କାମ ଯୋଗାଇ ଦେବାକୁ ସରକାର ନିଷ୍ପତ୍ତି ନେଇଛନ୍ତି । ଯେଉଁ ଅଞ୍ଚଳରେ କଟକଣା ହଟାଯାଉଛି, ସେଠାକାର ସ୍ଥିତି ଉପରେ ନଜର ରଖିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦିଆଯାଇଛି ।