ପଞ୍ଜାବ: କରୋନା ଭାଇରସର ୩୧ ସଂକ୍ରମଣ ମାମଲା ସାମନାକୁ ଆସିବା ପରେ ପଂଜାବ ସରକରା ପୁରା ରାଜ୍ୟାରେ କର୍ଫ୍ୟୁ ଲାଗୁ କରିଛନ୍ତି । ପଂଜାବରେ ଲୋକମାନେ ଲକ୍ ଡାଉନକୁ ମାନୁନଥିବାରୁ ସରକାରଙ୍କୁ ବାଧ୍ୟ ହୋଇ ଏଭଳି ପଦକ୍ଷେପ ନେବାକୁ ପଡିଛି । ୩୧ ମାର୍ଚ୍ଚ ପର୍ଯ୍ୟନ୍ତ ଏହି କର୍ଫ୍ୟୁ ଜାରି ରହିବ ।  ପ୍ରଥମେ ୧୪୪ ଧାରା ଓ ପରେ ଲକ୍ ଡାଉନ୍ କରିବା ସତ୍ୱେ ଲୋକଙ୍କ ଉପରେ ପ୍ରଭାବ ନପଡିବାରୁ କର୍ଫ୍ୟୁ ଜାରି କରାଯାଇଛି ।

ବିଦେଶରେ ରହୁଛନ୍ତି ୨୮ ଲକ୍ଷ ଭାରତୀୟ

ପଂଜାବର ହଜାର ହଜାର ଏନଆରଆଇ ନିକଟରେ ବିଦେଶରୁ ଫେରିଛନ୍ତି । କେବଳ ଜଳନ୍ଧରକୁ ୧୩ ହଜାର ବିଦେଶି ଫେରିଛନ୍ତି ।  ବିଦେଶର ୨୮ ଲକ୍ଷ ୧୯ ହଜାର ୮୩୫ ଜଣ ଭାରତୀୟ ରହୁଛନ୍ତି  । ଏମାନଙ୍କ ମଧ୍ୟରୁ ୟୁଏଇରେ ୮ ଲକ୍ଷ,ଆମେରିକାରେ ୨.୮୦ ଲକ୍ଷ,ଇଂଲଣ୍ଡରେ ୪.୬୬ ଲକ୍ଷ,ଅଷ୍ଟ୍ରେଲିଆରେ ୧.୩୨ ଲକ୍ଷ,ଇଟାଲୀରେ ୨.୫ ଲକ୍ଷ,କାନାଡାରେ ୬ ଲକ୍ଷ ରହୁଛନ୍ତି । ଏମାନଙ୍କ ମଧ୍ୟରୁ ଅନେକ ନିକଟରେ ଭାରତ ଫେରିଥିଲେ ମଧ୍ୟ ସେମାନଙ୍କୁ ଟ୍ରେସ୍ କରାଯାଇ ପାରୁନାହିଁ ।

ଜନତା କର୍ଫ୍ୟୁକୁ ମାନିନଥିଲେ ଲୋକ

ପଂଜାବରେ ଲୋକ ଜନତା କର୍ଫ୍ୟୁକୁ ମାନିନଥିଲେ । କେଉଁଠି ବାହାଘର ହେଉଥିଲା ତ’ କେଉଁଠି ଲୋକ ଏକାଠି ହୋଇ ତାଳି ମାରୁଥିଲେ । ପଟିଆଲାରେ ୩୦ରୁ ଅଧିକ ଲୋକ ଏକାଠି ହୋଇ ରବିବାର ଦିନ ତାଳି ମାରିଥିଲେ । ପୋଲିସେ ଏକାଠି ହୋଇଥିବା ଲୋକଙ୍କ ବିରୋଧରେ ମାମଲା ରୁଜ୍ଜ କରିଛି ।

ଭୁବନେଶ୍ୱର: କରୋନା ଭାଇରସ୍‌ ପାଇଁ ଏବେ ସାହା ବିଶ୍ୱ ଭୟରେ ବଞ୍ଚୁଛି । ଗୋଟିଏ ଲୋକଠାରୁ ଆଉଗୋଟିଏ ଲୋକକୁ ବ୍ୟାପିବାରେ ଲାଗିଛି ଏହି ଭାଇରସ୍‌ । କରୋନାରେ ସାରା ବିଶ୍ୱରେ ଗଲାଣି ୧୪ ହଜାରରୁ ଅଧିକ ଜୀବନ । ଏହି ଭାଇରସ ଲୋକଙ୍କ ଠାରୁ ଲୋକଙ୍କୁ ହେଉଥିବାରୁ ସମସ୍ତଙ୍କୁ ଘରେ ରହିବା ପାଇଁ ବିଭିନ୍ନ ଦେଶ ଆଡଭାଇଜରି ଜାରି କରିଛନ୍ତି ।

ଏଇ ଭିତରେ ଏକ ଫଟୋ ଭାଇରାଲ ହେଉଛି ଯାହା ଲୋକଙ୍କୁ ଅଧିକ ଆଶ୍ଚର୍ଯ୍ୟ କରୁଛି । ଋଷରେ ଲୋକେ ସରକାରଙ୍କ କଥା ନମାନୁଥିବାରୁ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ  ରାସ୍ତ ଉପରେ ୮୦୦ ଟି ସିଂହ ଛାଡ଼ିଛନ୍ତି । ଯାହା ଦ୍ୱାରା ଲୋକ ସିଂହକୁ ଭୟକରି ଘରେ ରହିବେ । ଏଭଳି ଏକ ଫଟୋ ଭାଇରାଲ ହେଉଛି ।

https://twitter.com/_Chinioty/status/1241606270878191617

ପାକିସ୍ତାନୀ ଟ୍ୱିଟର ବ୍ୟବହାରକାରୀ ନାସିର ଚିନିଓଟି ଦୁଇଟି ଫଟୋଗ୍ରାଫ୍ ପୋଷ୍ଟ କରିଛନ୍ତି – ଗୋଟିଏ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ଅନ୍ୟଟି ରାସ୍ତାରେ ବୁଲୁଥିବା ସିଂହ  । ଲକ୍‌ଡାଉନ ପରେ ନାଗରିକଙ୍କ ଆନ୍ଦୋଳନକୁ ବନ୍ଦ କରିବା ପାଇଁ ପୁଟିନ ଋଷରେ ୮୦୦ ସିଂହ ଛାଡିଛନ୍ତି ବୋଲି ଟୁଇଟରେ ଲେଖିଛନ୍ତି । ପୁଟିନଙ୍କ ଦ୍ୱାରା ନିଆଯାଇଥିବା ‘କଠୋର ପଦକ୍ଷେପ’କୁ ସେ ପ୍ରଶଂସା କରିବା ସହ ଏହା କହିଛନ୍ତି ଯେ ଏହା ଲୋକଙ୍କୁ ଘରେ ରହିବାକୁ ପ୍ରେରିତ କରିବ।

ଗୁଗୁଲରେ ଅଲ୍ଟ ନ୍ୟୁଜ୍ ଏହି ଚିତ୍ରକୁ ଏପ୍ରିଲ୍ ୨୦୧୬ରେ ଖୋଜିଥିଲା। ଏହି ଚିତ୍ର ଦକ୍ଷିଣ ଆଫ୍ରିକାର ଜୋହାନ୍ସବର୍ଗର । ବର୍ତ୍ତମାନ ଋଷର ପରିସ୍ଥିତି ସହିତ ଏହାର କୌଣସି ସମ୍ପର୍କ ନାହିଁ । ଫେସବୁକ୍ ପୃଷ୍ଠାରେ ସେୟାର ହୋଇଥିବା ପ୍ରତିଛବିରେ ଲାଗିଥିବା କ୍ୟାପସନରେ ଲେଖାଅଛି, “ଏହା ପ୍ରାୟ ପୁରୁଣା ଖବର ।

ନୂଆଦିଲ୍ଲୀ: କରୋନା ପାଇଁ ଏବେ ସାରା ଦେଶ ଠପ୍‌ ହୋଇଯାଇଛି  । ଦେଶରେ ବିଭିନ୍ନ ପ୍ରକାରର ପଦକ୍ଷେପ ନିଆଯାଇଛି  । ପୁରା ଦେଶ ଏବେ ଖାଁ ଖାଁ ଲାଗୁଛି । ସବୁଠି ଏବେ ଲକ୍‌ଡାଉନର ସ୍ଥିତି ଉପୁଜିଛି । ସବୁ ଜନଗହଳୀପୂର୍ଣ୍ଣ ଅଞ୍ଚଳକୁ ସରକାରଙ୍କ ତରଫରୁ ବାରଣ କରାଯାଇଛି । ଏସବୁ କେବେଳ କରୋନା ଭାଇରସପାଇଁ ହୋଇଛି । ଆଜି ଲୋକସଭା କିଛି ସମୟପାଇଁ ଚାଲିଥିଲା ।

କାୟା ବିସ୍ତାର କରୁଛି ଭୟଙ୍କର କରୋନା ଭାଇରସ, ବିପଦରେ ୮ ଦେଶ

ଏହାପରେ ଲୋକସଭାର ପ୍ରକ୍ରିୟାକୁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି। କରୋନା ଜୀବାଣୁ ବୃଦ୍ଧି ପାଉଥିବା ବିପଦକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି। ବଜେଟ୍ ଅଧିବେଶନର ଦ୍ୱିତୀୟ ପର୍ଯ୍ୟାୟ ଏପ୍ରିଲ୍ ୩ ପର୍ଯ୍ୟନ୍ତ ଚାଲିବାକୁ ସ୍ଥିର ହୋଇଥିଲା । କିନ୍ତୁ କରୋନା ଭାଇରସ୍ ହେତୁ ପ୍ରକ୍ରିୟା ସମୟ ପୂର୍ବରୁ ସ୍ଥଗିତ ରଖାଯାଇଥିଲା । ଏହାପୂର୍ବରୁ ସାଂସଦମାନେ ଲୋକସଭାରେ କରୋନା କମାଣ୍ଡୋଙ୍କ ପାଇଁ କରତାଳି ଦେଇଥିଲେ । ଏହା ବ୍ୟତୀତ ଆଜି ଲୋକସଭାରୁ ଫାଇନାନ୍ସ ବିଲ୍ ୨୦୨୦ ମଧ୍ୟ ପାରିତ ହୋଇଛି।