ଗଞ୍ଜାମ: ଗଞ୍ଜାମ ପାଟପୁର ଥାନା ତପ୍ତପାଣି ଘାଟିରେ ଓଲଟିଲା ବସ୍ । ୫ ମୃତ ୩୦ରୁ ଅଧିକ ଆହତ । ବସ୍ ତଳେ ଆଉ କିଛି ଯାତ୍ରୀ ଚାପି ହୋଇ ରହିଥିବା କୁହାଯାଉଛି । ମୃତକ ହେଲେ ଝୁନୁ ବେହେରା, ବିଦ୍ୟୁତ ନାୟକ ।
ଘନ କୁହୁଡ଼ି କାରଣରୁ ବସ୍ଟି ଓଲଟି ପଡ଼ିଥିବା କୁହାଯାଉଛି । ସମସ୍ତ ଆହତଙ୍କୁ ସାନଖେମୁଣ୍ଡି ହସ୍ପିଟାଲରେ ଭର୍ତ୍ତି କରାଯାଇଛି ।
ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି ଅଗ୍ନିଶମ ଅଧିକାରୀ ।
ଅନୁଗୁଳ: ବେଆଇନ ଅସ୍ତ୍ରଶସ୍ତ୍ର ରଖିବା ଅଭିଯୋଗରେ ଯୁବକ ଗିରଫ ।ଗିରଫ ଯୁବକ ଲିଙ୍ଗରାଯୋଡ଼ି ଗାଁର ସତ୍ୟଜିତ ପ୍ରଧାନ ଓରଫ ବାପି । ବାପି ପାଖରୁ ୩ଟି ପିସ୍ତଲ, ଗୋଟିଏ ମାଗାଜିନ ଓ ୯ଟି ଗୁଳି ଜବତ ।
ନୂଆଦିଲ୍ଲୀ: ଶେଷରେ ପୋଲିସ ଫାଶରେ ପଡ଼ିଲା ସରଜିଲ ଇମାମ । ବିହାରର ଜାହାନାବାଗରେ ଚଢ଼ାଉ ପରେ ତାକୁ ଦିଲ୍ଲୀ କ୍ରାଇମବ୍ରାଞ୍ଚ ଗିରଫ କରିଛି । ଆଲିଗଡ଼ ମୁସଲିମ ବିଶ୍ୱବିଦ୍ୟାଳୟରେ ବିବାଦୀୟ ଭାଷଣ ଦେବା ପରେ ତା’ ନାଁରେ ଦେଶଦ୍ରୋହ ମାମଲା ରୁଜୁ ହୋଇଥିଲା । ଦିଲ୍ଲୀ, ବିହାର, ଆସାମ, ଅରୁଣାଚଳ, ମଣିପୁର ଏବଂ ଉତ୍ତର ପ୍ରଦେଶ ପୋଲିସ ସରଜିଲକୁ ଗିରଫ କରିବା ପାଇଁ ଦିନରାତି ଏକ କରିଦେଇଥିଲେ ।
ସୋମବାର ରାତିରେ ସରଜିଲର ସାନଭାଇକୁ ପୋଲିସ ପଚରାଉଚରା କରିବା ପରେ ସେ ଲୁଚି ରହିଥିବା ସ୍ଥାନରେ ଚଢାଉ କରାଯାଇଥିଲା । ପୋଲିସ ତାକୁ ଗିରଫ କରି ଜାହାନାବାଗ ଥାନାକୁ ନେଇଛି । ଅଧିକ ପଚରାଉଚରା ପାଇଁ ତାକୁ ଦିଲ୍ଲୀ ନିଆଯିବ । ଆସାମକୁ ଭାରତରୁ ଅଲଗା କରିଦେବା ଦରକାର । ଅତ୍ୟନ୍ତ ମାସେ ପାଇଁ ସବୁ ରାସ୍ତା ଓ ରେଳପଥ ବନ୍ଦ କରିଦେବା ଆବଶ୍ୟକ ବୋଲି ସରିଜଲ ଭାଷଣ ଦେଇଥିଲା ।
ଭାରତର ସବୁ ମୁସଲିମ ଦେଶରେ ଚକଅଖ ଜାମ କରି ଶକ୍ତି ପ୍ରଦର୍ଶନ କରନ୍ତୁ ବୋଲି ଆହ୍ଵାନ ଦେଇଥିଲା ସରଜିଲ । ଏହି ଭାଷଣ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ମହାରାଷ୍ଟ୍ର: ନାସିକର ଦେଓଲା ଅଞ୍ଚଳରେ ଭୟଙ୍କର ଦୁର୍ଘଟଣା । ବସ୍-ରିକ୍ସା ମୁହାଁମୁହିଁ ଧକ୍କା, ୨୦ ମୃତ । ୩୦ ଜଣ ଉଦ୍ଧାର, ଏବେ ବି ଜାରି ରହିଛି ଉଦ୍ଧାର କାର୍ଯ୍ୟ ।
ଆନନ୍ଦପୁର: ବାଲି ଉତ୍ତୋଳନକୁ ନେଇ ହାଟଡିହି ବ୍ଲକ ନେଇ ଆମ୍ବୋ ବାଲିଘାଟରେ ଉତ୍ତେଜନା । ପୋଲିସ ସହାୟତାରେ ପ୍ରଶାସନର ବାଲି ଉତ୍ତୋଳନ ଉଦ୍ୟମ ବେଳେ କରଗୋଳା ଗ୍ରାମବାସୀଙ୍କ ବିରୋଧ । ପୋଲିସ-ଗ୍ରାମବାସୀ ମୁହାଁମୁହିଁ, ୭ ଅଟକ । ପୋଲିସ ଗାଡ଼ିକୁ ଦୁର୍ବୃତ୍ତଙ୍କ ଢେଲାମାଡ଼ ।
ଭୁବନେଶ୍ୱର: ଲର୍ଣ୍ଣର୍ସ ହେଉ କି ଡିଏଲ୍ । ଏଣିକି ଆବେଦନ ପାଇଁ ଆପଣଙ୍କୁ ଆଉ କାଗଜ ବୋଝ ମୁଣ୍ଡାଇବାକୁ ପଡ଼ିବନି । କାରଣ ଆସନ୍ତା ଫେବ୍ରୁଆରୀ ୧ ତାରିଖରୁ ଲାଇସେନ୍ସ ଆବେଦନ ପାଇଁ ନୂଆ ନିୟମ ଲାଗୁ ହେବାକୁ ଯାଉଛି । ଆବେଦନକାରୀ ପେପର ଲେସ୍ ମାଧ୍ୟମରେ ଆବେଦନ କରିବେ । ମାନେ ଏଲ୍ଏଲ୍ ଓ ଡିଏଲ୍ ଆବେଦନ ସମ୍ପୂର୍ଣ୍ଣ ଡିଜିଟାଲ ଭାବେ କାର୍ଯ୍ୟ କରିବ ।
LL/DL process to be paperless from Feb 1st:
There is no need to submit paper documents like printed application form, declaration form, slot booking slip, fee payment receipt and photo copies of id/age/address proof, blood group report for LL/DL applicant. #5T pic.twitter.com/YjUlHOfeMJ— State Transport Authority, Odisha (@STAOdisha) January 28, 2020
ପୂର୍ବରୁ ଲାଇସେନ୍ସ ଆବେଦନ ବେଳେ ଆବଶ୍ୟକୀୟ କାଗଜପତ୍ର, ଆବେଦନ ଫର୍ମ, ସ୍ଲଟ ବୁକିଂ ସ୍ଲିପ୍ ଓ ଦେୟର ହାର୍ଡ କପି ବା ପ୍ରିଣ୍ଟ ଆଉଟ୍ ଦେବାକୁ ପଡ଼ୁଥିଲା । ପରିବର୍ତ୍ତିତ ନିୟମ ଅନୁଯାୟୀ ଏସବୁକୁ ଆପଣ ଅନଲାଇନରେ ଦେଇ ସେବା ପାଇପାରିବେ । ଉଭୟ ଲର୍ଣ୍ଣର୍ସ ଲାଇସେନ୍ସ ଓ ଡ୍ରାଇଭିଂ ଲାଇସେନ୍ସ ଆବେଦନ କ୍ଷେତ୍ରରେ ଏହା ଲାଗୁ ହେବ ।
ଆପଣଙ୍କ ଦେୟ ରସିଦ୍ ସହ ଠିକଣା, ଜନ୍ମ ପ୍ରମାଣ ପତ୍ର ଓ ପରିଚୟ ପତ୍ରକୁ ଅନଲାଇନରେ ଦାଖଲ କରି ପୂର୍ବଭଳି ସମସ୍ତ ସୁବିଧା ପାଇପାରିବେ । ଅନଲାଇନରେ ବ୍ଲଡ ଗ୍ରୁପ୍ ରିପୋର୍ଟ ମଧ୍ୟ ଦାଖଲ କରିହେବ । ନୂଆ ମୋଟର ଯାନ ଆଇନ୍ ଲାଗୁ ପରେ ଚଢ଼ା ଫାଇନକୁ ନେଇ ଲୋକ ଆତଙ୍କିତ ହୋଇ ପଡ଼ିଥିଲେ । ଫଳରେ ଆରଟିଓ ଗୁଡ଼ିକରେ ଲାଇସେନ୍ସ ଆବେଦନ ପାଇଁ ଅସମ୍ଭାଳ ଭିଡ଼ ହେଉଛି । ସମସ୍ତ କାଗଜପତ୍ର ଡିଜିଟାଲ ଫର୍ମାଟରେ ଗ୍ରହଣ ହେଲେ ଭିଡ଼ କମିବ ବୋଲି ଆକଳନ କରାଯାଉଛି ।
ବର୍ଷେ ଭିତରେ ଡ୍ରାଇଭିଂ ଲାଇସେନ୍ସ ରିନ୍ୟୁ ନ କଲେ ପୁଣି ଦେବାକୁ ପଡ଼ିବ ପରୀକ୍ଷା
ଭୁବନେଶ୍ୱର: ପ୍ରଖ୍ୟାତ କଣ୍ଠଶିଳ୍ପୀ ସୁନନ୍ଦା ପଟ୍ଟନାୟକଙ୍କ ବିୟୋଗରେ ଆସନ୍ତାକାଲି ରାଜ୍ୟସ୍ତରୀୟ ଶୋକ ସଭା । ସ୍ମୃତିରେ ଦିଆଯିବ ସୁନନ୍ଦା ସମ୍ମାନ ଓ ପ୍ରତିଷ୍ଠା କରାଯିବ ଚେୟାର । ମୁଖ୍ୟମନ୍ତ୍ରୀ କାର୍ଯ୍ୟାଳୟ ତରଫରୁ ସୂଚନା ।
ଭୁବନେଶ୍ୱର: ଏଣିକି ଦଶମ ଶ୍ରେଣୀରେ ସଡ଼କ ସୁରକ୍ଷାକୁ ପାଠ୍ୟକ୍ରମରେ ସାମିଲ କରିବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଏନେଇ ଆସନ୍ତାକାଲି ବାଣିଜ୍ୟ ଓ ପରିବହନ ବିଭାଗ ସହ ଗଣଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ ବୈଠକ ବସିବ । ଖାରବେଳ ଭବନରେ ହେବାକୁ ଥିବା ଏହି ବୈଠକରେ ସଡ଼କ ସୁରକ୍ଷା ପାଠ୍ୟକ୍ରମ ସହ ଛାତ୍ରଛାତ୍ରୀ ଯେପରି ଗାଡ଼ି ଚଲାଇ ସ୍କୁଲ ନଆସିବେ, ସେ ନେଇ ଆଲୋଚନା ହେବ । ଏଥିସହ ଏହି ବୈଠକରେ ସ୍ୱାସ୍ଥ୍ୟ ବିଭାଗ ଓ ଗୃହ ବିଭାଗ ସାମିଲ ହେବେ ।
ସରକାରୀ ଓ ଘରୋଇ ଆମ୍ବୁଲାନ୍ସ ମ୍ୟାପିଂ କରିବା ସହ ଏକକୀରଣ ଦିଗରେ କାମ କରିବ ସ୍ୱାସ୍ଥ୍ୟ ବିଭାଗ । ସେହିପରି AIS-୧୨୫ ନିୟମ ଖିଲାପକାରୀ ଆମ୍ବୁଲାନ୍ସ ବି ଚିହ୍ନଟ କରାଯିବ । ଆସନ୍ତା ୫ ବର୍ଷ ମଧ୍ୟରେ ରାଜ୍ୟ ସରକାର ୧୫୫ କୋଟି ଟଙ୍କା ଖର୍ଚ୍ଚ କରି ପାଟ୍ରୋଲିଂ ଓ ଅନ୍ୟାନ୍ୟ ଆବଶ୍ୟକୀୟ ସଡ଼କ ସୁରକ୍ଷାର ଯେଉଁ ଉପକରଣ କିଣିବେ, ସେ ନେଇ ଗୃହ ବିଭାଗ ସହ ଣଧ୍ୟ ଆଲୋଚନା ହେବ ।
ଦ୍ରୁତଗତିରେ ଗାଡ଼ି ଚଳାଉଥିଲେ, ଲୋକେ ଆର୍ଟିଓ କୁ ଡାକି ୨୫ ହଜାର ଟଙ୍କାର ଫାଇନ କଟାଇଲେ
ଭୁବନେଶ୍ୱର: ଫେବ୍ରୁଆରୀ ୧ ତାରିଖରୁ ପେପର ଲେସ୍ ହେବ ଲାଇସେନ୍ସ ଆବେଦନ ପ୍ରକ୍ରିୟା । ପୂର୍ବଭଳି ଆବଶ୍ୟକୀୟ କାଗଜପତ୍ର, ଆବେଦନ ଫର୍ମ, ସ୍ଲଟ ବୁକିଂ ସ୍ଲିପ୍ ଓ ଦେୟର ହାର୍ଡ କପି ଦେବାକୁ ପଡ଼ିବ ନାହିଁ । ଉଭୟ ଲର୍ଣ୍ଣର୍ସ ଲାଇସେନ୍ସ ଓ ଡ୍ରାଇଭିଂ ଲାଇସେନ୍ସ ଆବେଦନ ସମ୍ପୂର୍ଣ୍ଣ ଡିଜିଟାଲ ହେବ ।
ଭୁବନେଶ୍ୱର: ଓଡ଼ିଶା ପୋଲିସର 5Tରେ ତିନୋଟି ପ୍ରକଳ୍ପର ଶୁଭାରମ୍ଭ । ଭର୍ଚୁଆଲ ପୋଲିସ ଷ୍ଟେସନ, ମେଡିକୋ ଲିଗାଲ ଓପନିଅନ ସିଷ୍ଟମ, ରୋଡ୍ ଆକ୍ସିଡେଣ୍ଟ କେସ୍ ଡକ୍ୟୁମେଣ୍ଟ ମଡ୍ୟୁଲ ପ୍ରକଳ୍ପ । ଲୋକସେବା ଭବନରେ ଶୁଭାରମ୍ଭ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
