ଜଳେଶ୍ୱର: ମୋ ସରକାରର ଶିକାର ହେଲେ ୩ ଲାଞ୍ଚୁଆ ଅଧିକାରୀ  । ଲାଞ୍ଚ ନେବା ଅଭିଯୋଗରେ ବାଲେଶ୍ୱର ଜିଲ୍ଲା ଜଳେଶ୍ୱର ବ୍ଲକ ପଶ୍ଚିମାବାଦ ଗ୍ରାମ ପଞ୍ଚାୟତର ଜିଆର୍‌ଏସ୍‌ ସବିତା ପୃଷ୍ଟିଙ୍କୁ କାର୍ଯ୍ୟରୁ ଅବ୍ୟାହତି ଦିଆଯାଇଛି । ପିଇଓ ସୁଶାନ୍ତ ଜେନାଙ୍କୁ କାରଣ ଦର୍ଶାଅ ନୋଟିସ୍‌ ଜାରି କରାଯାଇଛି ।

ଖାଲି ସେତିକି ନୁହେଁ ଜେଇ ଦୀନେଶ କୁମାର ଅଢ଼ାଙ୍କୁ ପଞ୍ଚାୟତ ଦାୟିତ୍ୱରୁ ହଟାଯାଇଛି । ଆବାସ ଯୋଜନା ନେଇ ମୋ ସରକାରରୁ ହିତାଧିକାରୀଙ୍କୁ ଫୋନ କଲ ଯାଇଥିଲା । ସେଥିମଧ୍ୟରୁ ଜଣେ ହିତାଧିକାରୀ ଦୁର୍ନୀତି ନେଇ ସୂଚନା ଦେଇଥିଲେ । ସୂଚନା ମିଳିବା ପରେ ବାଲେଶ୍ୱର ଜିଲ୍ଲାପାଳଙ୍କୁ ୧୦-୧୫ ହିତାଧିକାରୀଙ୍କୁ ଯାଞ୍ଚ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା ।

ତଦନ୍ତରୁ ଏମାନେ ଗ୍ରାମିଣ ଆବାସ ଯୋଜନାରେ ଲାଞ୍ଚ କାରବାର ହୋଇଥିବା ନେଇ ଜିଲ୍ଲାପାଳ ସୂଚନା ପାଇଥିଲେ । ଫଟୋ ଅପ୍‌ଲୋଡ୍‌ ଓ ବିଲ୍‌ ପେମେଣ୍ଟ ପାଇଁ ଜିଆର୍‌ଏସ୍‌ ହିତାଧିକାରୀଙ୍କ ଠାରୁ ଅର୍ଥ ସଂଗ୍ରହ କରିଥିବା ବେଳେ ଅନ୍ୟ ଅଧିକାରୀମାନେ ସମ୍ପୃକ୍ତ ଥିବା ଜିଲ୍ଲାପାଳ ତଦନ୍ତ ବେଳେ ଜାଣିବାକୁ ପାଇଥିଲେ । ପରେ ତିନିଜଣଙ୍କ ଉପରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

ଭୁବନେଶ୍ୱର: ଓଡ଼ିଶାକୁ ଫେରାଇ ଆଣିଲା ମୋ ପରିବାର ଯୋଜନା  । ସୁଦୂର ରାଇଜରୁ ଘରକୁ  ଫେରିଲେ ୪ଜଣ ଓଡ଼ିଆ ଶ୍ରମିକ । ଏ ସବୁ କେବଳ ସମ୍ଭବ ହୋଇଛି ରାଜ୍ୟ ସରକାରଙ୍କର ମୋ ପରିବାର ଯୋଜନା ପାଇଁ । ତେଲେଙ୍ଗାନାର ଏକ ଇଟା ଭାଟିରେ ଏମାନଙ୍କୁ ରଖି କାମ କରାଉଥିଲା ମାଲିକ । ଏନେଇ ଜଣେ ଶ୍ରମିକ ମୋ ପରିବାର ହେଲ୍ପ ଲାଇନ ନମ୍ବରରେ ଜଣାଇବା ପରେ ଏମାନଙ୍କୁ ଉଦ୍ଧାର କରାଯାଇଛି ।

ସୂଚନା ଅନୁଯାୟୀ, ସୁବର୍ଣ୍ଣପୁର ଜିଲ୍ଲା ବାବୁପାଲି ଗାଁର ୪ଜଣ ଶ୍ରମିକ କାମ କରିବା ପାଇଁ ତେଲେଙ୍ଗାନା ଯାଇଥିଲେ । ସେମାନେ ହେଉଛନ୍ତି ତ୍ରିନାଥ ସୁନା, ତିଳୋତମା ସୁନା, ହିତ ନନ୍ଦ ଏବଂ ସରସ୍ୱତୀ ମହାନନ୍ଦ । ଏମାନେ ତେଲେଙ୍ଗାନାର ରାଙ୍ଗାରେଡ୍ଡୀ ଅଞ୍ଚଳର ଏକ ଇଟାଭାଟିରେ ରହି କାମ କରୁଥିଲେ । ଏବଂ ସେଠାରେ ଭାଟିର ମାଲିକ ଏମାନଙ୍କୁ ନଛାଡ଼ିବାରୁ ସେଠାରେ ଶ୍ରମିକ ମାନେ ଫସିଯାଇଥିଲେ । ଏ ସମ୍ପର୍କରେ ଶ୍ରମିକ ମାନେ ଓଡ଼ିଶା ମୋ ପରିବାରର ହେଲ୍ପ ଲାଇନ୍ ନମ୍ୱରକୁ ଫୋନ୍ କରିଜଣାଇଥିଲେ । ଏହାପରେ ତୁରନ୍ତ ଏହି ଘଟଣା ସମ୍ପର୍କରେ ଓଡ଼ିଶା ମୋ ପରିବାରର ଆବାହକ ଅରୂପ ପଟ୍ଟନାୟକଙ୍କୁ ଅବଗତ କରାଯାଇଥିଲା । ଶ୍ରୀ ପଟ୍ଟନାୟକ ଘଟଣା ବିଷୟରେ ଅବଗତ ହେବା ପରେ ଆନ୍ଧ୍ରପ୍ରଦେଶ ପୂର୍ବତନ ଡି.ଜି.ପି ଏସ୍‌.ଏ ହୁଡ୍ଡାଙ୍କୁ ଅବଗତ କରାଇଥିଲେ ।  ପରେ ଶ୍ରୀ ହୁଡ୍ଡା ଘଟଣା ସମ୍ପର୍କରେ ତେଲେଙ୍ଗାନା ଅତିରିକ୍ତ ଡି.ଜି ଜିତେନ୍ଦ୍ର କୁମାରଙ୍କୁ ଅବଗତ କରାଇ ତୁରନ୍ତ ତଦନ୍ତ ପାଇଁ ଅନୁରୋଧ କରିଥିଲେ । ଏହାପରେ କୁନ୍ଦୁକୁର ଏସ୍‌.ଏଚ୍‌. ଓ ଇଟାଭାଟିରେ ପହଞ୍ଚି ଶ୍ରମିକମାନଙ୍କୁ ଉଦ୍ଧାର କରିବା ସହ ସେମାନଙ୍କୁ କୁନ୍ଦୁକୁର ଥାନାକୁ ନେଇ ଯାଇଥିଲେ । ଏବଂ ସମ୍ପୃକ୍ତ ଇଟାଭାଟିର ମାଲିକଙ୍କୁ ସେମାନଙ୍କୁ ନିଜ ଘରକୁ ପଠାଇବାର ସମସ୍ତ ବନ୍ଦୋବସ୍ତ କରିବାକୁ କହିଥିଲେ । ଫେବ୍ରୁଆରୀ ୧୮ ତାରିଖରେ ଶ୍ରମିକମାନେ ଟ୍ରେନ୍‌ ମାଧ୍ୟମରେ ପ୍ରଥମେ ସିକନ୍ଦରାବାଦରୁ ବରପାଲି ଆସିଥିଲେ ଓ ପରେ ବରପାଲିରୁ ସୁବର୍ଣ୍ଣପୁର ଅନ୍ୟ ଏକ ଟ୍ରେନ୍‌ ମାଧ୍ୟମରେ ଆସି ୧୯ ତାରିଖରେ ସୁବର୍ଣ୍ଣପୁରରେ ପହଞ୍ଚି ନିଜ ନିଜ ଘରକୁ ପ୍ରତ୍ୟାବର୍ତ୍ତନ କରିଥିଲେ । ଉଦ୍ଧାର ହୋଇ ଆସିଥିବା ଶ୍ରମିକମାନେ ଓଡ଼ିଶା ମୋ ପରିବାର ଏଭଳି ସହଯୋଗ ଓ ବଦନ୍ୟତା ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଓଡ଼ିଶା ମୋ ପରିବାର ସଦସ୍ୟଙ୍କ ପ୍ରତି ନିଜର କୃତଜ୍ଞତା ଜ୍ଞାପନ କରିଥିଲେ ।

ସମ୍ବଲପୁର: ପୋଲ ତଳେ ପଡ଼ିଛି ଲକ୍ଷାଧିକ ଟଙ୍କା । ଭଲ ଟଙ୍କା ନୁହେଁ, ଉଇ ଖାଇଥିବା ଖଣ୍ଡ ଖଣ୍ଡ ୫ଶହ ଟଙ୍କିଆ ନୋଟ । ସମ୍ବଲପୁର ସଦର ଥାନା ଅନ୍ତର୍ଗତ ତୁମ୍ବେସିଂହା ପୋଲ ତଳେ ଲକ୍ଷାଧିକ ଟଙ୍କା ପଡ଼ିଥିବା ଦେଖିବାକୁ ମିଳିଛି ।

ସବୁତକ ହେଉଛି ୫ଶହ ଟଙ୍କିଆ ନୋଟ୍‌ । କିଛି ନୋଟ୍‌ ଉଈ ଲାଗି ନଷ୍ଟ ହୋଇଯାଇଥିବା ବେଳେ ଆଉ କିଛି ନୋଟ୍‌ ପୋଡ଼ି ଯାଇଛି । କିନ୍ତୁ କିଏ ଓ କାହିଁକି ଏଠାରେ ଟଙ୍କା ଫିଙ୍ଗିଲା ତାହା ଜଣାପଡ଼ିନାହିଁ ।

ପୋଲିସ ପହଞ୍ଚି ଟଙ୍କା ଜବତ କରିଛି । ଉଈ ଖାଇ ନଷ୍ଟ ହୋଇଯିବା ଓ ପୋଡ଼ିଯିବା କାରଣରୁ କେହି ଫିଙ୍ଗି ଦେଇଥିବା ଲୋକମାନେ ସନ୍ଦେହ କରୁଛନ୍ତି ।

ବ୍ରହ୍ମପୁର: ଆଖି ବୁଜିଲେ ବ୍ରହ୍ମପୁରର ମୀନାକ୍ଷୀ ମିଶ୍ର। ଭୁବନେଶ୍ୱରର ଏକ ଘରୋଇ ହସପିଟାଲରେ ତାଙ୍କର ମୃତ୍ୟୁ ହୋଇଛି। ଗତ ୧୪ ତାରିଖରେ କଟକ ଏସସିବିରୁ ଭୁବନେଶ୍ୱରର ଏକ ଘରୋଇ ହସପିଟାଲକୁ ତାଙ୍କୁ ସ୍ଥାନାନ୍ତର କରାଯାଇଥିଲା। ପୁଅର ଗିରଫଦାରୀ ପ୍ରତିବାଦରେ ମୀନାକ୍ଷୀ ପୋଲିସ ଡିଜି ଓ ଏସପିଙ୍କୁ ଭେଟିଥିଲେ । ହେଲେ କୈାଣସି ସୁଫଳ ନମିଳିବାରୁ ଏସପି ଅଫିସ ସାମନାରେ ଦେହରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କରିଥିଲେ।

ପାର୍କିଂକୁ ନେଇ ମା, ପୁଅଙ୍କୁ ମରଣାନ୍ତକ ଆକ୍ରମଣ

ମୀନାକ୍ଷୀଙ୍କ ଶରୀରର ୯୫ପ୍ରତିଶତ ପୋଡ଼ି ହୋଇଯାଇଥିଲା। ଗତ ୨୭ ତାରିଖରେ ବୈଦ୍ୟନାଥପୁର ଥାନା ପଣ୍ଡା କଲୋନୀରେ ମରଣାନ୍ତକ ଆକ୍ରମଣର ଭିଡିଓ ସିସିଟିଭିରେ କଏଦ ହୋଇଥିଲା। ବ୍ୟାଟ୍‌ ଓ ଖଣ୍ଡାରେ ମୀନାକ୍ଷୀ ଓ ତାଙ୍କ ପୁଅ କୃତ୍ତିବାସଙ୍କୁ ମରଣାନ୍ତକ ଆକ୍ରମଣ ହୋଇଥିଲା।

ଆକ୍ରମଣକାରୀଙ୍କୁ ଅଟକାଇବାକୁ ଯାଇ ମୀନକ୍ଷୀ ମଧ୍ୟ ଆହତ ହୋଇଥିଲେ । ରକ୍ତଜୁଡୁବୁଡୁ ଅବସ୍ଥାରେ ଉଭୟଙ୍କୁ ବ୍ରହ୍ମପୁର ବଡ଼ ମେଡିକାଲ୍‌କୁ ନିଆଯାଇଥିଲା । ଘଟଣାରେ ପୋଲିସ ୪ ଆକ୍ରମଣକାରୀଙ୍କୁ ଗିରଫ କରିଥିଲା। ପରେ ପୋଲିସ ମୀନାକ୍ଷୀଙ୍କ ପୁଅକୁ ଗିରଫ କରିଥିଲା।