ଯାଜପୁର: ଯାଜପୁର ଟାଉନ- ବରୁହାଁ ୨୦ ନଂ ଜାତୀୟ ରାଜପଥ ରାସ୍ତାର କବୀରପୁର ଠାରେ ଭାରସାମ୍ୟ ହରାଇ ପୋଖରୀରେ ବୁଡି ୨ ଜଣ ଯୁବକଙ୍କ ମୃତ୍ୟୁ ହୋଇଛି । ମୃତକ ଦ୍ୱୟ ଯାଜପୁର ଟାଉନ ଅଞ୍ଚଳର ହୋଇଥିବା ବେଳେ ଜଣକଙ୍କ ନାମ ଅଭିଜିତ ଉପାଧ୍ୟାୟ(୨୧) ଓ ଅନ୍ୟ ଜଣେ ସୁଶିଲ ରାୟ(୨୫)। ସେମାନେ ଗତକାଲି ଘରୁ ନିଜର ବଜାଜ୍ ପଲସର ବାଇକରେ କଟକ ଯାଇଥିଲେ। କିନ୍ତୁ ଯିବା ବାଟରେ ବଙ୍କାଣିଆ ରାସ୍ତାରେ କୌଣସି ମତେ ଭାରସାମ୍ୟ ହରାଇ ପୋଖରୀ ଭିତରୁ ପଶି ଯାଇଥିଲେ। ରାତିର ଘଟଣା ହୋଇଥିବାରୁ ଏହାକୁ ଅନ୍ୟ ଯାତ୍ରୀମାନେ ମଧ୍ୟ ଜାଣିପାରିନଥିଲେ। ତେବେ ଆଜି ସକାଳୁ କିଛି ଲୋକ ଗୋଟିଏ ହେଲମେଟ ଭାସୁଥିବା ଦେଖିବା ସହ ପୋଖରୀ ମୂଳରେ ବାଇକଟିଏ ପଡିଥିବା ଦେଖିବାକୁ ପାଇଥିଲେ। ପରେ ଏନେଇ ସଦର ଥାନାକୁ ଖବର ଦେଇଥିଲେ। ଗ୍ରାମାବାସୀଙ୍କ ଖୋଜାଖୋଜି ବେଳେ ପୋଖରୀରୁ ଦୁଇ ଜଣଙ୍କର ମୃତ ଦେହ ଉଦ୍ଧାର କରି ଯାଜପୁର ଟାଉନ ମେଡିକାଲକୁ ବ୍ୟବଚ୍ଛେଦ ପାଇଁ ପଠାଯାଇଛି। ଘଟଣା ପରେ ମେଡିକାଲ ପରିସରରେ ଶୋକାକୂଳ ପରିବେଶ ସୃଷ୍ଟି ହୋଇଛି।
କରୋନା ପାଇଁ ଫେରିଲା ଆଟେଣ୍ଡାନ୍ସ ରେଜିଷ୍ଟର
ନୂଆଦିଲ୍ଲୀ: ଦେଶରେ ନିଦ ହଜାଇଲାଣି କରୋନା । ସଂକ୍ରମଣ ଦ୍ୱାରା ବ୍ୟାପୁଥିବା ଏହି ମହାମାରୀକୁ ରୋକିବାକୁ ସରକାର ଯଥା ସମ୍ଭବ ପଦକ୍ଷେପ ଗ୍ରହଣ କରୁଛନ୍ତି । ପର୍ଯ୍ୟଟକଙ୍କ ସଂସଦ ଭ୍ରମଣ ଉପରେ କଟକଣା କରାଯାଇଥିବା ବେଳେ ସରକାର ଆଉ ଏକ ପଦକ୍ଷେପ ନେଇଛନ୍ତି । କରୋନା ସଂକ୍ରମଣରୁ ବର୍ତ୍ତିବା ପାଇଁ ବାୟୋମେଟ୍ରିକ୍ ଉପସ୍ଥାପନ ଉପରେ ପ୍ରତିବନ୍ଧକ ଲଗାଇଛନ୍ତି କେନ୍ଦ୍ର ସରକାର ।
ସରକାର ଜାରି କରିଥିବା ନିର୍ଦ୍ଦେଶ ଅନୁଯାୟୀ ସମସ୍ତ ମନ୍ତ୍ରାଳୟ ଓ ବିଭାଗରେ ଲାଗିଥିବା ବାୟୋମେଟ୍ରିକ ମେସିନକୁ କର୍ମଚାରୀ ଉପସ୍ଥାପନ ପାଇଁ ବ୍ୟବହାର କରିବେ ନାହିଁ । ତା ପରିବର୍ତ୍ତେ ସେମାନେ ପୂର୍ବଭଳି ରେଜିଷ୍ଟରରେ ଦସ୍ତଖତ କରି ଉପସ୍ଥାପ ଭରିବେ । ଏନେଇ ସମସ୍ତ ମନ୍ତ୍ରାଳୟକୁ କେନ୍ଦ୍ର ସରକାର ନିର୍ଦ୍ଦେଶନାମା ଜାରି କରିଛନ୍ତି ।
‘ବିଜୁ ବାବୁ କେବେ ମଧ୍ୟ ରାଜନୈତିକ ଶତ୍ରୁତାରେ ବିଶ୍ୱାସ କରୁନଥିଲେ’
ଭୁବନେଶ୍ୱର: ବିଜୁ ବାବୁ ଥିଲେ ସହିଷ୍ଣୁ । ସେ ରାଜନୈତିକ ଶତ୍ରୁତାରେ ବିଶ୍ୱାସ କରୁନଥିଲେ । ଏଭଳି କହିଛନ୍ତି କଂଗ୍ରେସର ବରିଷ୍ଠ ନେତା ନରସିଂହ ମିଶ୍ର । କମିକ୍ସ ପୁସ୍ତକ ‘ଆଡଭେଞ୍ଚର୍ସ ଅଫ୍ ଡେୟାର ଡେଭିଲ ଡେମୋକ୍ରାଟ୍’ ଉନ୍ମୋଚନ ଅବସରରେ ବିଜୁ ବାବୁଙ୍କ ବ୍ୟକ୍ତିତ୍ୱକୁ ମନେଇ ପକାଇ ଏମିତି ସେ କହିଥିଲେ ।
କଂଗ୍ରେସ ନେତା ନରସିଂହ ମିଶ୍ର ମଧ୍ୟ ବିଜୁ ବାବୁଙ୍କୁ ଡେମୋକ୍ରାଟ୍ ଓ ଡେୟାର ଡେଭିଲ ବୋଲି କହିଥିଲେ । ବିଜୁ ବାବୁ କେବେ ମଧ୍ୟ ରାଜନୈତିକ ଶତ୍ରୁତାରେ ବିଶ୍ୱାସ କରୁନଥିଲେ । କୌଣସି ଲୋକ ବିରୋଧ କଲେ ମଧ୍ୟ ସେ ତାଙ୍କ ସହିତ ଶତ୍ରୁତା ଆଚରଣ କରୁନଥିଲେ । କିନ୍ତୁ, ଏବେ ରାଜନୀତିରେ ସହିଷ୍ଣୁତା ଶବ୍ଦ ହଜିବାକୁ ଲାଗିଲାଣି । ବିଜୁ ବାବୁ ସହିଷ୍ଣୁ ଥିଲେ ଓ ଡେୟାର ଡେଭିଲ ମଧ୍ୟ ଥିଲେ । ୧୯୬୨ରେ ଓଡ଼ିଶାକୁ ବାକି ଦେଶ ଦୁଇଟି କାରଣ ପାଇଁ ଚିହ୍ନୁଥିଲା । ଗୋଟିଏ ଥିଲା ଓଡ଼ିଶା ଜଗନ୍ନାଥଙ୍କ ଦେଶ ଏବଂ ଦ୍ୱିତୀୟ କାରଣ ଥିଲେ ବିଜୁ ବାବୁ । ସେତେବେଳେ ଓଡ଼ିଶାକୁ ବିଜୁ ବାବୁଙ୍କ ରାଜ୍ୟ ବୋଲି ବାକି ଭାରତ ଜାଣୁଥିଲା ।
ବିଜୁ ପଟ୍ଟନାୟକଙ୍କ ସହ ନିଜ ସମ୍ପର୍କ ବାବଦରେ କହି ସେ କହିଥିଲ ଯେ, ବିଜୁ ବାବୁ ମୋ ରାଜନୈତିକ ଜୀବନର ଟର୍ଣ୍ଣିଂ ପଏଣ୍ଟ୍ ଥିଲେ । ୧୯୨ରେ ତାଙ୍କ ସହ ପ୍ରଥମ ଦେଖା ବେଳେ ମୁଁ ଛାତ୍ର ଥିଲି । ତାଙ୍କୁ କଳା ପତାକା ପ୍ରଦର୍ଶନ କରିଥିଲୁ । ତଥାପି ତାଙ୍କ ମନରେ ମୋ ପ୍ରତି ରାଜନୈତିକ ଆକ୍ରୋଶ ନଥିଲା । ସେ ମୋ ବଡ଼ ବାପାଙ୍କୁ ମୋ ବିଷୟରେ ପଚାରିଥିଲେ। ସେ ମୋତେ ଦେଖାକରିବାକୁ ଡକାଇଥିଲେ । କିନ୍ତୁ ମୁଁ ମନା କରିଥିଲି । ତେବେ, ବଡ଼ ବାପା ମୋତେ ତାଙ୍କ ପାଖକୁ ନେଇକି ଯାଇଥିଲେ । ବିଜୁ ବାବୁ ମୋତେ ଗାଡ଼ିରେ ବସିବାକୁ କହିଲେ । ମୁଁ ମନା କରି ଦେଇଥିଲି । ଆଉ ଥରେ ବିଜୁ ବାବୁଙ୍କୁ ପଥର ମାଡ଼ ହୋଇଥିଲା । ତାଙ୍କୁ ସୁରକ୍ଷା ଦେବାକୁ ବଡ଼ବାପା ଥିଲେ । ହେଲେ ତାଙ୍କୁ ହଟାଇ ନିଜେ ମାଡ଼ ଖାଇଲେ । ରକ୍ତାକ୍ତ ହେଲେ କିନ୍ତୁ, କୌଣସି ପୋଲିସ କେସ ହୋଇନଥିଲା । ଏପରି ବ୍ୟକ୍ତିତ୍ୱ ଥିଲେ ବିଜୁ । ପରେ ଓକିଲ ଭାବେ କଟକ ଆସିଥିଲି । ଖବର ପାଇ ବିଜୁ ଡକାଇଲେ ଅଫିସ । ଯାହା ବିରୋଧୀ ଦଳ ନେତାଙ୍କ ଘର ଥିଲା । ବିଜୁ ମୋତେ ନିର୍ବାଚନ ଲଢ଼ିବାକୁ କହିଲେ । ମୁଁ କହିଲି ଆପଣ ଜନତା ଦଳ, ମୁଁ ବାମପନ୍ଥୀ । ନିର୍ବାଚନ ଲଢ଼ିବାକୁ ମୋର ଇଚ୍ଛା ନାହିଁ । CPI ନେତା ଲୋକନାଥ ଚୌଧୁରୀଙ୍କ ସହ ବିଜୁବାବୁ ଏ ସମ୍ପର୍କରେ ଆଲୋଚନା କରିଥିଲେ । ତେଣୁ ଦଳରୁ ଇସ୍ତଫା ନ ଦେଇ ବି ଇଚ୍ଛା ବିରୋଧରେ ଜନତା ଦଳ ଟିକେଟରେ ଲଢିଲି, ଜିତିଲି ଓ କ୍ୟାବିନେଟ ମନ୍ତ୍ରୀ ହେଲି ।
ବିଜୁଙ୍କ ଜିବନୀକୁ ନେଇ କମିକ୍ସ ବୁକ୍ ‘ଆଡଭେଞ୍ଚର୍ସ ଅଫ୍ ଡେୟାର ଡେଭିଲ ଡେମୋକ୍ରାଟ୍’
କୁଆ ପଥର ମାଡ଼ରେ ଫସଲ ନଷ୍ଟ: ପରିବାର ପ୍ରତିପୋଷଣ ଲାଗି ପ୍ରଶାସନ ଭରସାରେ ଚାଷୀ
ବରଗଡ଼: ସମଗ୍ର ରାଜ୍ୟରେ ଚାଷ ପାଇଁ ବେଶ ସୁନାମ ଅର୍ଜନ କରିଛି ବରଗଡ ଜିଲ୍ଳା । ସେ ଧାନ ଚାଷ ହେଉ ବା ପନିପରିବା ଚାଷ, ସବୁଥିରେ ଏକ ଭିନ୍ନ ପରିଚୟ ସୃଷ୍ଟି କରିପାରିଛନ୍ତି ବରଗଡ ଜିଲ୍ଳାର ଚାଷୀ । ତେବେ ବରଗଡ ଜିଲ୍ଳା ଏକ କୃଷି ପ୍ରଧାନ ଜିଲ୍ଲା ରୂପେ ପରିଗଣିତ । ଜିଲ୍ଳାରେ ପ୍ରାୟ ୬୦% ଭାଗ ଚାଷ ଜମି ରହିଥିବା ବେଳେ ଏଠାକାର ୮୦% ଭାଗ ଲୋକ ଚାଷ ଉପରେ ନିର୍ଭର କରି ପରିବାର ପୋଷଣ କରିଥାନ୍ତି ।
ସେ ଧନୀ ହେଉ ବା ଗରୀବ ସବୁ ବର୍ଗର ଲୋକଙ୍କ ପାଇଁ ଚାଷ ହେଉଛି ଏଠାକାର ପ୍ରଧାନ ଜୀବିକା। ତେଣୁ ଜିଲ୍ଳାର ୩ ଲକ୍ଷ ପରିବାର ଚାଷ ଉପରେ ନିର୍ଭରଶୀଲ ଥିବା ବେଳେ ୨ଲକ୍ଷ, ୪୭ ହଜାର ୨୨ଜଣ ଶ୍ରମିକ ଚାଷ କାମ କରି ପରିବାର ପୋଷଣ କରିଥାନ୍ତି ।
ତେବେ ପ୍ରାୟ ୨ ଲକ୍ଷ ୪ ହଜାର ୨୪୭ ହେକ୍ଟର ଜମିରେ ଧାନ ଚାଷ କରାଯାଉଥିବା ବେଳେ ୧ଲକ୍ଷ ୪୪ ହଜାର ୫ ଶହ ହେକ୍ଟର ଜମିରେ ପନିପରିବା ତଥା ଅନ୍ୟାନ ଚାଷ କରାଯାଇ ବ୍ୟାପକ ଫସଲ ଅମଳ କରାଯାଇଥାଏ ।
ମାତ୍ର ଅଦିନିଆ ବର୍ଷା ଓ କୁଆପଥର ବର୍ଷା ବରଗଡ ଜିଲ୍ଲାର ସୋହେଲା ଅଞ୍ଚଳରେ ବ୍ୟାପକ କ୍ଷୟକ୍ଷତି କରିଛି l ବାଇଗଣ, କଖାରୁ, ଆଳୁ, ପିଆଜ, ପୋଟଳ, ଇତ୍ୟାଦି ଫସଲ ହାନି ହୋଇଛି l ଉଜୁଡା କ୍ଷେତ କୁ ଦେଖି ଚିନ୍ତାରେ ଚାଷୀ l
ତେବେ ବରଗଡ଼ ଜିଲ୍ଲା ର ସୋହେଲା ଅଂଚଳ ରେ ପନିପରିବା ଚାଷ ଠାରୁ ଆରମ୍ଭ କରି ଡ଼ାଲି ଜାତୀୟ ଶସ୍ୟ ଏବଂ ତୈଳଜାତୀୟ ଶସ୍ୟ ଯାହାକି ମୁଗ, ବିରି, କୋଳଥ ପରି ଡ଼ାଲି ଜାତୀୟ ଫସଲ ତଥା ଚିନାବାଦାମ, ସୋରିଷ, ରାଶି, ସୂର୍ଯ୍ୟମୁଖୀ ତୈଳବୀଜ ଫସଲର ମଧ୍ୟ ବ୍ୟାପକ କ୍ଷତି ହୋଇଛି l ଉଜୁଡା ଖେତକୁ ଦେଖି ପରିବାର କିପରି ପୋଷଣ କରିବେ ଚିନ୍ତା କରିବା ସହ ଚାଷୀ ପ୍ରଶାସନଠୁ ସାହାଯ୍ୟ ମିଳିବ ବୋଲି ଆଶା କରିଛନ୍ତି l
ଚାଷ ଓ ଚାଷୀ ଙ୍କ ପାଇଁ ଅଧିକ ଅନୁସାଙ୍ଗିକ ସୁବିଧା ସୁଯୋଗ ମିଳିଲେ ବରଗଡ଼ ଜିଲ୍ଲା କେବଳ ଓଡ଼ିଶା ନୁହଁ ସାରା ଦେଶରେ ଚାଷ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବ l ମାତ୍ର ଏହି ଅଦିନିଆ କୁଆପଥର ବର୍ଷା ବରଗଡ ଜ଼ିଲ୍ଲା ର ଚାଷୀ କୁ ହତାଶ କରିଛି ଓ ପ୍ରଶାସନ ତରଫରୁ ସହାୟତା ର ଆଶା ପୂରଣ ନହେଲେ ଚାଷୀ ରାଜରାସ୍ତା କୁ ଓ଼ଲ୍ଳେଇବେ ବୋଲି ଚେତାବନି ଦେଇଛନ୍ତି l
ଗୁଣ୍ଡଳବା ନିକଟ ସମୁଦ୍ର କୂଳରେ ୩୦ଫୁଟର ତିମି
କୋଣାର୍କ: ଅସ୍ତରଙ୍ଗର ଗୁଣ୍ଡଳବା ନିକଟ ସମୁଦ୍ର କୂଳରେ ଏକ ଠାବ ହୋଇଥିବା ବିଶାଳକାୟ ତିମି ମାଛର ମୃତଦେହକୁ ସ୍ଥାନୀୟ ବନ ବିଭାଗ ପକ୍ଷରୁ ଜେସିବି ମେସିନ ସାହାଯ୍ୟରେ ଉଦ୍ଧାର କରାଯାଇଛି । ପଶୁ ଚିକିତ୍ସକଙ୍କ ଦ୍ଵାରା ମୃତଦେହର ବ୍ୟବଛେଦ କରାଯିବା ପରେ ମୃତତିମିର କିଡନୀରେ କ୍ଷତ ସୃଷ୍ଟି ହେବା ସହ ଦେହରେ ମଧ୍ୟ ଅନେକ ସ୍ଥାନରେ କ୍ଷତ ରହିଥିବା ଜଣାପଡିଛି । ଦେଢ଼ ମାସରୁ ଦୁଇ ମାସ ହେଲା ତିମିଟି ମୃତ୍ୟୁ ହୋଇଥିବା ସ୍ତାନୀୟ ପଶୁ ଚିକିତ୍ସକ କହିଛନ୍ତି । ଟ୍ରଲର କିମ୍ବା ଜାହାଜ ମାଡରେ ତିମିର ମୃତ୍ୟୁ ହୋଇଥିବା ସେ କହିଛନ୍ତି । ଗତକାଲି ସନ୍ଧ୍ୟାରେ ମୃତଦେହଟି ଦେଖି ସ୍ଥାନୀୟ ଲୋକେ ବନବିଭାଗକୁ ଖବର ଦେବା ପରେ ଆଜି ସକାଳୁ ଅସ୍ତରଙ୍ଗ ବନ କର୍ମଚାରି ମାନେ ପହଂଚି ତିମି ମାଛକୁ ଉଦ୍ଧାର କରିଥିଲେ । ମୃତ ତିମିଟି ୩୦ଫୁଟରୁ ଊର୍ଦ୍ଧ୍ୱ ଲମ୍ବା ହେବ । ଏହି ତିମି ମାଛଟି blue wheell ପ୍ରଜାତିର ହେବ ବୋଲି ଜଣା ପଡ଼ିଛି । ବ୍ୟବଚ୍ଛେଦ ପରେ ସମୁଦ୍ର କୂଳରେ ତିମିର ଗଳିତ ଦେହକୁ ବନ ବିଭାଗ ପକ୍ଷରୁ ସମୁଦ୍ରକୂଳରେ ପୋତା ଯାଇଛି ।
ଭାଇରାଲ୍ ଆରଟିଓଙ୍କ ଘରେ ଭିଜିଲାନ୍ସ ଚଢ଼ାଉ
ନବରଙ୍ଗପୁର ଆରଟିଓ ଗଣେଶ୍ୱର କହଁରଙ୍କ ନବରଙ୍ଗପୁର ଥିବା ଭଡ଼ା ଘରେ ଭିଜିଲାନ୍ସ ଚଢ଼ାଉ । ଏକକାଳୀନ ୬ଟି ଜାଗାରେ ଜୟପୁର ଭିଜିଲାନ୍ସ ଦ୍ୱାରା ଚଢ଼ାଉ l ପୂର୍ବରୁ ଆରଟିଓଙ୍କୁ ଲାଞ୍ଚ ଟଙ୍କା ଫେରସ୍ତ ମାଗୁଥିବାବେଳେ ହୋଇଥିବା ଯୁକ୍ତିତର୍କର ଏକ ଭିଡିଓ ଗତ ୨୧ ତାରିଖରେ ଭାଇରଲ ହୋଇଥିଲା l
ପରବର୍ତ୍ତୀ ସମୟରେ ୨୨ ତାରିଖରେ ଆରଟିଓ ଅଫିସର ଡାଟା ଏଣ୍ଟ୍ରି ଅପରେଟର ଆକାଶ ହରିଜନ ଏନେଇ ନବରଙ୍ଗପୁର ଥାନାରେ ଆରଟିଓଙ୍କ ବିରୋଧରେ ମାମଲା ରୁଜୁ କରିଥିଲେ । ନବରଙ୍ଗପୁର ପୋଲିସ କେସ ନମ୍ବର ୪୮/୨୦ରେ ରେଜିଷ୍ଟର କରି ୪୨୦, ୫୦୬ ଓ privention of corruption act ୭(କ) ଦଫା ଲଗାଇଥିଲା l ତେଣୁ ଆଜି ଜୟପୁର ଭିଜିଲାନ୍ସ ଟିମ ତାଙ୍କର ନବରଙ୍ଗପୁର ସ୍ଥିତ ଭଡା ଘର, ଅଫିସ, ଫୁଲବାଣୀର ଘରେ, ଭୁବନେଶ୍ୱର ଘରେ, ପାରଳାଖେମୁଣ୍ଡି ଘରେ ଓ ଅନ୍ୟ ଏକ କର୍ମଚାରୀଙ୍କ ଘରେ ଚଢ଼ାଉ ଚାଲିଛି ।
କରୋନା ପାଇଁ ନୂଆ ନିୟମ, ଜାଣନ୍ତୁ କାହା ପାଇଁ ଉଦ୍ଦିଷ୍ଟ କେଉଁ ରଙ୍ଗର ପାସ୍
ନୂଆଦିଲ୍ଲୀ: ଗଣତନ୍ତ୍ରର ସର୍ବୋଚ୍ଚ ମନ୍ଦିର ସଂସଦ ବା ପାର୍ଲିଆମେଣ୍ଟ ପରିଦର୍ଶନ ଉପରେ କଟକଣା । ମହାମାରୀ ପ୍ରାଣଘାତୀ କରୋନା ପାଇଁ ସଂସଦ ପରିଦର୍ଶନ ଉପରେ କଟକଣା ଜାରି କରାଯାଇଛି । ହୋଲି ପରେ ଅର୍ଥାତ୍ ମାର୍ଚ୍ଚ ୧୧ରୁ କେହି ଆଗନ୍ତୁକ ସଂସଦ ପରିଦର୍ଶନ କରିପାରିବେ ନାହିଁ । ଉଭୟ ସଂସଦର ସଦସ୍ୟ ଆସନ୍ତା ୧୧ ତାରିଖରୁ ପାର୍ଲିଆମେଣ୍ଟ ପରିସରରେ ପରିଦର୍ଶନକାରୀଙ୍କୁ ଭେଟି ପାରିବେ ନାହିଁ ।
ହୋଲି ପରେ ୧୧ ତାରିଖରୁ ସଂସଦକୁ ସାଂସଦମାନେ କାହାରିକୁ ନେଇ ପାରିବେ ନାହିଁ । ଏହାକୁ କଡ଼ାକଡ଼ି ପାଳନ କରିବାକୁ ବିଜ୍ଞପ୍ତି ଜାରି ହୋଇଛି । ଏଥିସହ କରୋନାର ଭୟାବହତାକୁ ଦେଖି ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି ।
ଭାଇରସ୍ ସଂକ୍ରମଣ ରୋକିବାକୁ ଆଡଭାଇଜରି ଜାରି କରିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ । ସଂସଦ ପରିସରରେ ଅଧିକ ଗହଳି ନକରିବାକୁ କୁହାଯାଇଛି । ଏନେଇ ସଂସଦ ପରିସରରେ ଥିବା ସବୁ ରାଜନୀତିକ ଦଳର କାର୍ଯ୍ୟାଳୟକୁ ମଧ୍ୟ ଜଣାଇ ଦିଆଯାଇଛି । ଏଥିପାଇଁ କଲର କୋଡେଡ୍ ପାସର ବ୍ୟବସ୍ଥା କରାଯାଇଛି ।
ପବ୍ଲିକ୍ ଗ୍ୟାଲେରୀ ପାଇଁ ଧଳା ରଙ୍ଗର ପାସ୍ ରହିଛି । ଯାହାକି କେବଳ ଗୃହର କାର୍ଯ୍ୟକ୍ରମ ଦେଖିବା ପାଇଁ ଉଦ୍ଦିଷ୍ଟ । ଏଥିସହ ଗୃହ କାର୍ଯ୍ୟ ସରିବା ମାତ୍ରେ ଭ୍ରମଣକାରୀ ଯେପରି ସଂସଦ ଛାଡ଼ନ୍ତି, ସେଥିପ୍ରତି ଦୃଷ୍ଟି ଦେବାକୁ ସୁରକ୍ଷାକର୍ମୀଙ୍କୁ କୁହାଯାଇଛି । ସେହିପରି ବୁଲିବାକୁ ଆସୁଥିବା ବ୍ୟକ୍ତି ବିଶେଷଙ୍କୁ ବ୍ଲୁ ବା ନୀଳ ରଙ୍ଗର ପାସ୍ ଦିଆଯିବ । ସାଂସଦ ସେମାନଙ୍କୁ ଭେଟିବାକୁ ଆସୁଥିବା ବ୍ୟକ୍ତିଙ୍କୁ ସଂସଦ ପରିସରରେ ଦେଖା ନକରି ରିସେପସନ୍ ଏରିଆରେ ଦେଖିବାକୁ କୁହାଯାଇଛି ।
ସେହିଭଳି ରାଜ୍ୟସଭା ଓ ଲୋକସଭାର ଅଧ୍ୟକ୍ଷ, ସାଧାରଣ ସଚିବ, ପ୍ରଧାନମନ୍ତ୍ରୀ, ବାଚସ୍ପତି, ଉପ ବାତସ୍ପତି, ମନ୍ତ୍ରୀ ଓ ମନ୍ତ୍ରାଳୟ ସହ ଜଡ଼ିତ କର୍ମଚାରୀଙ୍କ ପାଇଁ ରେଡ୍ କଲର ପାସ୍ କରାଯାଇଛି । ସେମାନଙ୍କ ପାଇଁ ଉଦ୍ଦିଷ୍ଟ ଗେଟରେ ପାସକୁ ଦେଖାଇ ସେମାନେ ସଂସଦ ଆସିପାରିବେ ।
YES ବ୍ୟାଙ୍କରୁ ଟଙ୍କା ଉଠାଣ ଉପରେ ଆରବିଆଇର କଟକଣା
ମୁମ୍ବାଇ: YES ବ୍ୟାଙ୍କ ଉପରେ ଭାରତୀୟ ରିଜର୍ଭ ବ୍ୟାଙ୍କର କଟକଣା । ଏହି ବ୍ୟାଙ୍କରୁ ଗ୍ରାହକଙ୍କ ଟଙ୍କା ଉଠାଣ ସୀମା ୫୦ ହଜାର ଟଙ୍କା ନିର୍ଦ୍ଧାରଣ କରିଛି ରିଜର୍ଭ ବ୍ୟାଙ୍କ । ଗୋଟିଏ ମାସରେ ସର୍ବାଧିକ ୫୦ ହଜାର ଟଙ୍କା ହିଁ ଉଠାଇ ପାରିବେ । ଏପରିକି ଏଟିଏମ ଓ ଇଣ୍ଟରନେଟ ବ୍ୟାଙ୍କିଂ ସେବା ବନ୍ଦ କରାଯାଇଛି । ନୂଆ ନିୟମ ମାର୍ଚ୍ଚ ୫ରୁ ଲାଗୁ ହୋଇଛି । ଏହା ଏପ୍ରିଲ ୩ ତାରିଖ ପର୍ଯ୍ୟନ୍ତ ବଳବତ୍ତର ରହିବ । ବ୍ୟାଙ୍କର ସ୍ଥିତି ସୁଧାରିବାକୁ ଆରବିଆଇ ଏଭଳି ନିଷ୍ପତ୍ତି ନେଇଛି ।
ଅନ୍ୟପକ୍ଷରେ YES ବ୍ୟାଙ୍କରେ ଏସବିଆଇ ନିବେଶ କରିପାରେ । ଏଥିପାଇଁ ବୋର୍ଡ ପକ୍ଷରୁ ମଞ୍ଜୁରି ମିଳିସାରିଥିବା କୁହାଯାଉଛି । SBIର ପୂର୍ବତନ ମୁଖ୍ୟ ବିତ୍ତୀୟ ଅଧିକାରୀ ପ୍ରଶାନ୍ତ କୁମାରଙ୍କୁ ୟେସ୍ ବ୍ୟାଙ୍କର ପ୍ରଶାସକ ନିଯୁକ୍ତ କରାଯାଇଛି । ଋଣ ଭାରରେ ବୁଡ଼ିଥିବା ବ୍ୟାଙ୍କକୁ ସଙ୍କଟରୁ ମୁକୁଳାଇବାକୁ ଉଦ୍ୟମ ଆରମ୍ଭ କରିଛି ଆରବିଆଇ ।
ବିଜୁଙ୍କ ଜିବନୀକୁ ନେଇ କମିକ୍ସ ବୁକ୍ ‘ଆଡଭେଞ୍ଚର୍ସ ଅଫ୍ ଡେୟାର ଡେଭିଲ ଡେମୋକ୍ରାଟ୍’
ଭୁବନେଶ୍ୱର: ବିଜୁ ପଟ୍ଟନାୟଙ୍କ ଜୟନ୍ତୀ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଉନ୍ମୋଚିତ ହୋଇଛି କମିକ୍ସ ବୁକ୍ ଡେୟାର ଡେଭିଲ୍ ଡେମୋକ୍ରାଟ୍ । କଳିଙ୍ଗ ଫାଉଣ୍ଡେସନ୍ ଟ୍ରଷ୍ଟ ପକ୍ଷରୁ ହୋଟେଲ ମେ ଫେୟାରରେ ଆୟୋଜିତ ଉତ୍ସବରେ ମୁଖ୍ୟମନ୍ତ୍ରୀଙ୍କ ସମେତ ବିଭିନ୍ନ ରାଜନୈତିକ ଦଳର ନେତୃବୃନ୍ଦ ଯୋଗ ଦେଇଥିଲେ ।
ପୁସ୍ତକ ଉନ୍ମୋଚନ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜୁ ବାବୁଙ୍କୁ କିମ୍ବଦନ୍ତୀ ଭାବେ ବର୍ଣ୍ଣନା କରିଥିଲେ । ୧୦୪ ତମ ଜନ୍ମ ଦିନରେ ତାଙ୍କ ସ୍ମୃତିକୁ ସ୍ନେହରେ ସମସ୍ତେ ମନେ ରଖୁଛନ୍ତି । ଡେୟାର ଡେଭିଲ ବହି ପାଇଁ ମୁଁ ବହୁତ ଖୁସି । ଇଣ୍ଡୋନେସିଆ ସ୍ୱାଧୀନତାରେ ତାଙ୍କ ଯୋଗଦାନ, ଗରିବ କଲ୍ୟାଣ କଥା ଏବେ ମଧ୍ୟ ମନେ ରହିଛି । ସେ ଜଣେ ସଚ୍ଚା ଜାତୀୟତାବାଦୀ ନେତା । କାଶ୍ମୀର ମିଶନରେ ତାଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା । ଏହି ବହି ବିଜୁ ବାବୁଙ୍କ ଜନ୍ମଭୂମି ପ୍ରତି ସେବା ମନୋଭାବକୁ ପିଲାଙ୍କ ପାଖରେ ପହଞ୍ଚାଇବ ।
ବିଜେପି ନେତା କନକ ବର୍ଦ୍ଧନ ସିଂଦେଓ ଏହି ଅବସରରେ ସ୍ୱର୍ଗୀୟ ବିଜୁ ପଟନାୟକଙ୍କ ସ୍ମୃତି ଚାରଣ କରିଥିଲେ । ୧୯୯୦ ଦଶକରେ ବିଜୁ ପଟ୍ଟନାୟକ ତାଙ୍କୁ ୨୧ ଦିନ ଜେଲ ପଠାଇ ଫ୍ରି ପବ୍ଲିସିଟି ଦେଇଥିଲେ ବୋଲି ସିଂଦେଓ କହିଥିଲେ । ଏହାସହ ତାଙ୍କ ଜେଜେବାପାଙ୍କ ମରଶରୀରକୁ ଟ୍ରକରେ ବଲାଙ୍ଗିର ପର୍ଯ୍ୟନ୍ତ ବିଜୁ ବାବୁ ନେଇକରି ଯାଇଥିଲେ ବୋଲି ସିଂଦେଓ କହିଥିଲେ ।
କଂଗ୍ରେସ ନେତା ନରସିଂହ ମିଶ୍ର ମଧ୍ୟ ଏହି ଅବସରରେ ଯୋଗ ଦେଇ ବିଜୁ ବାବୁ ଡେମୋକ୍ରାଟ୍ ଓ ଡେୟାର ଡେଭିଲ ଥିଲେ ବୋଲି କହିଥିଲେ । କୌଣସି ଲୋକ ବିରୋଧାଚରଣ କଲେ ମଧ୍ୟ ସେ ଶତ୍ରୁତା ଆଚରଣ କରୁନଥିଲେ । ଏବେ ରାଜନୀତିରେ ସହିଷ୍ଣୁତା ଶବ୍ଦ ହଜିବାକୁ ଲାଗିଲାଣି । ବିଜୁ ବାବୁ ସହିଷ୍ଣୁ ଥିଲେ ଓ ଡେୟାର ଡେଭିଲ ମଧ୍ୟ ଥିଲେ । ୧୯୬୨ରେ ଓଡ଼ିଶାର ପରିଚୟ ଥିଲା ଜଗନ୍ନାଥଙ୍କ ଦେଶ କିମ୍ବା ବିଜୁ ବାବୁଙ୍କ ରାଜ୍ୟ ।
ଶ୍ରୀ ମିଶ୍ର କହିଥିଲେ ଯେ, ବିଜୁ ବାବୁ ମୋ ରାଜନୈତିକ ଜୀବନର ଟର୍ଣ୍ଣିଂପଏଣ୍ଟ୍ ଥିଲେ । ୧୯୨ରେ ପ୍ରଥମ ଦେଖା ବେଳେ ମୁଁ ଛାତ୍ର ଥିଲି । ତାଙ୍କୁ କଳା ପତାକା ପ୍ରଦର୍ଶନ କରିଥିଲୁ । ମୋ ବଡ଼ ବାପାଙ୍କୁ ସେ ମୋ ବିଷୟରେ ପଚାରିଥିଲେ। ସେ ମୋତେ ଦେଖାକରିବାକୁ ଡକାଇଥିଲେ । କିନ୍ତୁ ମୁଁ ମନା କରିଥିଲି । ତେବେ, ବଡ଼ ବାପା ମୋତେ ତାଙ୍କ ପାଖକୁ ନେଇକି ଯାଇଥିଲେ । ବିଜୁ ବାବୁ ମୋତେ ଗାଡ଼ିରେ ବସିବାକୁ କହିଲେ । ମୁଁ ମନା କରି ଦେଇଥିଲି । ଆଉ ଥରେ ବିଜୁ ବାବୁଙ୍କୁ ପଥର ମାଡ଼ ହୋଇଥିଲା । ତାଙ୍କୁ ସୁରକ୍ଷା ଦେବାକୁ ବଡ଼ବାପା ଥିଲେ । ହେଲେ ତାଙ୍କୁ ହଟାଇ ନିଜେ ମାଡ଼ ଖାଇଲେ । ରକ୍ତାକ୍ତ ହେଲେ କିନ୍ତୁ, କୌଣସି ପୋଲିସ କେସ ହୋଇନଥିଲା । ଏପରି ବ୍ୟକ୍ତିତ୍ୱ ଥିଲେ ବିଜୁ । ପରେ ଓକିଲ ଭାବେ କଟକ ଆସିଥିଲି । ଖବର ପାଇ ବିଜୁ ଡକାଇଲେ ଅଫିସ । ଯାହା ବିରୋଧୀ ଦଳ ନେତାଙ୍କ ଘର ଥିଲା । ବିଜୁ ମୋତେ ନିର୍ବାଚନ ଲଢ଼ିବାକୁ କହିଲେ । ମୁଁ କହିଲି ଆପଣ ଜନତା ଦଳ, ମୁଁ ବାମ ପନ୍ଥୀ। ନିର୍ବାଚନ ଲଢ଼ିବାକୁ ମୋର ଇଚ୍ଛା ନାହିଁ । CPI ନେତା ଲୋକନାଥ ଚୌଧୁରୀଙ୍କ ସହ ବିଜୁବାବୁ ଏ ସମ୍ପର୍କରେ ଆଲୋଚନା କରିଥିଲେ । ତେଣୁ ଦଳରୁ ଇସ୍ତଫା ନ ଦେଇ ବି ଇଚ୍ଛା ବିରୋଧରେ ଜନତା ଦଳ ଟିକେଟରେ ଲଢିଲି, ଜିତିଲି ଓ କ୍ୟାବିନେଟ ମନ୍ତ୍ରୀ ହେଲି ।