ୱାସିଂଟନ: ନାସାର ମାର୍ସ୍ ୫୦୦ ଷ୍ଟିମ୍ୟୁଲେସନ୍ କ୍ର୍ୟୁ କରୋନା କାଳରେ କେମିତି କ୍ୱାରେଣ୍ଟାଇନରେ ରହିବେ ସେ ନେଇ ଟିପ୍ସ ଦେଇଛନ୍ତି । ଯାହାକୁ ଆମେରିକାର ଏବିସି ନ୍ୟୁଜ୍ ଟ୍ୱିଟ୍ କରିଛି ।  ଏହି କ୍ର୍ୟୁ ୫୨୦ ଦିନ ଗୋଟିଏ ମହାକାଶ ଯାନରେ ଏକାନ୍ତବାସରେ ଥିଲା । ଏହି ସମୟରେ ସେମାନଙ୍କର ବାହାର ଦୁନିଆ ସହ କୌଣସି ସଂପର୍କ ନଥିଲା । ବାହାର ଦୁନିଆରୁ ଅଲଗା ରହି ମଧ୍ୟ ଜଣେ କେଉଁଭଳି ନିଜ ମାନସିକ ଭାରସାମ୍ୟ ରକ୍ଷା କରିପାରିବ ସେନେଇ କ୍ର୍ୟୁ ଟିପ୍ସ ଦେଇଛି ।

ବିନା ସୂର୍ଯ୍ୟାଲୋକ, ତାଜା ହାୱା କିମ୍ବା ତାଜା ଖାଦ୍ୟରେ ସେମାନେ ୫୨୦ ଦିନ ମହାକାଶ ଯାନରେ ରହିଥିଲେ । ତେଣୁ ନିଶ୍ଚିତ ଭାବେ ସେମାନଙ୍କ ପାଖରେ କ୍ୱାରେଣ୍ଟାଇନରେ ରହିବାକୁ ନେଇ ବିଶେଷ ଟିପ୍ସ ରହିଛି । ଆସନ୍ତୁ ଜାଣିବା ମାର୍ସ ୫୦୦ କ୍ର୍ୟୁ କ୍ୱାରେଣ୍ଟାଇନକୁ ନେଇ କଣ କହୁଛନ୍ତି ।

୧. ସବୁବେଳେ ମନେ ରଖନ୍ତୁ ଯେ, ଏହି ପରିସ୍ଥିତି ସାମୟୀକ, ଅର୍ଥାତ କିଛି ଦିନ ପରେ ଆପଣ ପୁଣିଥରେ ନିଜ ଦୈନନ୍ଦିନ ଜୀବନକୁ ଫେରିବେ । ଜୀବନ ଯେମିତି ଚାଲୁଥିଲା ଭବିଷ୍ୟତରେ ସେମିତି ଚାଲିବ । ତେଣୁ ବର୍ତ୍ତମାନକୁ ନେଇ ବିଶେଷ ଚିନ୍ତା କରନ୍ତୁ ନାହଁ ।

୨. ସବୁଦିନ ସମାନ ସମୟରେ ଶୋଇବାକୁ ଯାଆନ୍ତୁ, ମାନେ ନିଜ ରୁଟିନ୍ ବନାନ୍ତୁ । ଯେଉଁ ସମୟରେ ଶୋଉଛନ୍ତି, ଯେଉଁ ସମୟରେ ବିଛଣା ଛାଡୁଛନ୍ତି ତାକୁ ବଜାୟ ରଖନ୍ତୁ ।

୩. କ୍ୱାରେଣ୍ଟାଇନରେ ରହିବା ମାନେ ସହଜରେ ବୋର ହେବା । ତେଣୁ ନିଜକୁ କୌଣସି ନା କୌଣସି କାମରେ ବ୍ୟସ୍ତ ରଖନ୍ତୁ । ନିଜକୁ ବ୍ୟସ୍ତ ରଖିଲେ ବୋର ହେବେ ନାହିଁ ।

୪. ଆପଣଙ୍କ ପାଖରେ ଥିବା ଲୋକଙ୍କ ସହ କଥାବାର୍ତ୍ତା ହୁଅନ୍ତୁ । ଚିନ୍ତାଠାରୁ ଦୁରେଇ ରୁହନ୍ତୁ । କେବେ ମଧ୍ୟ ମାନସିକ ଚାପକୁ ନିଜ ଉପରେ ଭାରି ହେବାକୁ ଦିଅନ୍ତୁ ନାହିଁ ।

୫. ସବୁବେଳେ ଗୋଟିଏ ଦିନ କଥା ଭାବନ୍ତୁ, ଲମ୍ବା ଅବଧି କଥା ଚିନ୍ତା କରନ୍ତୁ ନାହିଁ ।

The Mars500 simulation crew spent 520 days in a simulated spacecraft without sunlight or fresh food, so they know a little about quarantines. Here are some of their tips to help you through: https://t.co/E0JdKnbfFZ pic.twitter.com/IUK30RJXMc

— ABC News (@ABC) April 29, 2020

ଆମେରିକା: ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜଙ୍ଗ ଉନ୍ ଜୀବିତ କି ମୃତ ? ଏହା ଏବେ ବିଲିୟନ ଡଲାରର ପ୍ରଶ୍ନ ପାଲଟିଯାଇଛି । ଲୌହ ପରଦା ଆବରଣ ତଳେ ଲୁଚିଥିବା ଉତ୍ତର କୋରିଆରୁ କୌଣସି ଖବର ଆସିବା ସହଜ କଥା ନୁହେଁ । ତାହା ଉପରେ ଏହା ସୁପ୍ରିମ ଲିଡରଙ୍କ ଜୀବନ ସଂପର୍କିତ ପ୍ରଶ୍ନ । ଏମିତିରେ ଉତ୍ତର କୋରିଆରୁ କିଛି ତଥ୍ୟ ମିଳିବା କାଠିକର ପାଠ । ଦୁନିଆ କିମ୍ ଜଙ୍ଗଙ୍କୁ ଗତ ୧୮ ଦିନ ଧରି ଦେଖିନାହିଁ । ସେ ଜୀବିତ ନା ମୃତ ତାହା ଜାଣିବା ପାଇଁ ଆମେରିକା ୫ଟି ହାଇଟେକ୍ ଗୁଇନ୍ଦା ବିମାନ ଉତ୍ତର କୋରିଆ ପଠାଇଥିବା ଜଣା ପଡିଛି ।

ଉତ୍ତର କୋରିଆ ଆକାଶରେ ଆମେରିକା ଗୁଇନ୍ଦା ବିମାନ ପଇଁତରା ମାରୁଥିବା ଖବର ପ୍ରଥମେ ବ୍ରେକ୍ କରିଥିଲା ଦକ୍ଷିଣ କୋରିଆ ମିଡିଆ । ଦ.କୋରିଆର ଗୋଟିଏ ଖବର କାଗଜ ଏସଂପର୍କିତ ଦାବି କରିଥିଲା । ରିପୋର୍ଟରେ ଦାବି କରାଯାଇଥିଲା ଯେ,ଆମେରିକା କିମ୍ ଜଙ୍ଗଙ୍କ ସହ ସଂପର୍କିତ ଗୁଜବ ଉପରେ ନଜର ରଖିବାକୁ ଗୁଇନ୍ଦା ବିମାନ ପଠାଇଛି ।
Chosun llboର ରିପୋର୍ଟ ଅନୁସାରେ ଦ.କୋରିଆ ଗୁଇନ୍ଦା ଏଜେନ୍ସି ମଧ୍ୟ ଏହି ଖବରକୁ ସ୍ୱୀକାର କରିଛି । ସେଠାକାର ସେନା ଅନୁସାରେ କିମଙ୍କ ସ୍ୱାସ୍ଥ୍ୟ ବାବଦରେ ଜାଣିବାକୁ ଏହି ବିମାନ ପଠାଯାଇଛି ।

କିମ୍ ବାବଦରେ ତଥ୍ୟ ସଂଗ୍ରହ କରିବା ପାଇଁ RC-12s,E-8C Joint STARS,EO-5C Crazy Hawk ଭଳି ବିମାନ ଏବେ ଉତ୍ତର କୋରିଆ ଆକାଶରେ ପଇଁତରା ମାରୁଛନ୍ତି । EO-5C ବିମାନ ସେନା ଗତିବିଧି ଉପରେ ନଜର ରଖେ । ଅନ୍ୟପକ୍ଷରେ ଦକ୍ଷିଣ କୋରିଆ ମଧ୍ୟ ତଥ୍ୟା ସଂଗ୍ରହ ପାଇଁ ନିଜର ଗୋଟିଏ ବିମାନ ମୁତ୍ତୟନ କରିଛି ।

CIAର ପୂର୍ବତନ ବିଶେଷଜ୍ଞ ଜଙ୍ଗ୍ ପାକଙ୍କ କହିବା ହେଉଛି ଯେ, ଯେଉଁ କେତେଜଣ ବଛାବଛା ବ୍ୟକ୍ତି କିମ୍ ଜୋଙ୍ଗଙ୍କ ଅତି ନିକଟତମ ସେମାନଙ୍କ ପାଖରେ ମଧ୍ୟ କିମଙ୍କ ବାବଦରେ ତଥ୍ୟ ନାହିଁ । କିମ୍ ଜଙ୍ଗଙ୍କ ଜେଜେ କିମ୍ ଇଲଙ୍କ ମୃତ୍ୟୁ ସମ୍ପର୍କରେ ମଧ୍ୟ ବାକି ବିଶ୍ୱ ଅନେକ ଦିନ ପର୍ଯ୍ୟନ୍ତ ଜାଣି ପାରିନଥିଲା । ଉତ୍ତର କୋରିଆ ତରଫରୁ ଆଧିକାରିକ ଘୋଷଣା ପରେ ହିଁ କିମ୍ ଇଲଙ୍କ ମୃତ୍ୟୁ ବାବଦରେ ଜଣା ପଡିଥିଲା ।

ତେବେ ଦ.କୋରିଆ ମଧ୍ୟ ସାର୍ବଜନିକ ଭବେ କିମଙ୍କୁ ନେଇ ଉଡୁଥିବା ଗୁଜବକୁ ଖାରଜ କରିଛି । କିମ୍ କରୋନାକୁ ଡରି ଏକାନ୍ତବାସରେ ଥାଇ ପାରନ୍ତି ବୋଲି ଦକ୍ଷିଣ କୋରିଆ କହୁଛି ।
ଅନେକ ରିପୋର୍ଟରେ କିମ୍ ଜଙ୍ଗ ଗମ୍ଭୀର ଭାବେ ଅସୁସ୍ଥ ଥିବା କୁହାଯାଉଛି । କିନ୍ତୁ ଏହି ରିପୋର୍ଟର ସତ୍ୟତାକୁ ନେଇ ସନ୍ଦେହ ରହିଛି । ତେବେ ନିକଟରେ ଚୀନରୁ ଉତ୍ତର କୋରିଆକୁ ମେଡିକାଲ ଏକ୍ସପର୍ଟଙ୍କ ଟିମ୍ ଆସିଥିଲେ । ଏହାକୁ କିମଙ୍କ ଅସୁସ୍ଥତା ସହ ଯୋଡିକରି ଦେଖାଯାଉଛି ।

କୁଆଡେ ଗଲେ ଉତ୍ତର କୋରିଆ ଶାସକ, କାହିଁକି ସର୍ବସମ୍ମୁଖକୁ ଆସୁ ନାହାଁନ୍ତି କିମ ଜଙ୍ଗ ଉନ୍…‌

କିମଙ୍କ ସ୍ୱାସ୍ଥ୍ୟବସ୍ଥା ଖରାପ ଖବର ଉପରେ ଆମେରିକା ନଜର ରଖିଥିବା କହୁଛି କିନ୍ତୁ ନିକଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏବାବଦରେ ପଚରା ଯାଇଥିଲେ ମଧ୍ୟ ସେ ସ୍ପଷ୍ଟ ଭାବେ କିଛି ବି କହିନଥିଲେ ।
ଅନ୍ୟପକ୍ଷରେ ମଙ୍ଗଳବାର ଦିନ ଏକ ରିପୋର୍ଟରେ ଏହା ଦାବୀ କରାଯାଇଛି ଯେ, କିମ୍ ଜୋଙ୍ଗ ଉନ ଅସୁସ୍ଥ ଥିବା ଖବର ଦେଶ ମଧ୍ୟରେ ପ୍ରସାରିତ ହେଉଛି । dailynk.com ଅନୁସାରେ ଉତ୍ତର କୋରିଆରେ ଭାଇରାଲ ହେଉଥିବା ଗୋଟିଏ ଭିଡିଓରେ କିମ୍ ଗମ୍ଭୀର ଭାବେ ଅସୁସ୍ଥ ବୋଲି ଦାବି କରାଯାଉଛି ।