ସୋନୁଙ୍କ ପୁରୁଣା ଦିନର ଫଟୋ ଏବେ ଭାଇରାଲ ହେବାରେ ଲାଗିଛି । ତାଙ୍କର ଜଣେ ପ୍ରଶଂସକ ଟ୍ୱିଟ କରି ଏକ ଫଟୋ ସେୟାର କରିଛନ୍ତି। ଏହି ଫଟୋ ପ୍ରକୃତରେ ସେହି ସମୟର ଯେତେବେଳେ ସୋନୁ ୨୩ ବର୍ଷ ପୂର୍ବେ ଆଖିରେ ଅଭିନେତାର ସ୍ୱପ୍ନ ନେଇ ମୁମ୍ବାଇ ଆସିଥିଲେ । ସେ ସମୟରେ ସୋନୁ ୪୨୦ ଟଙ୍କା ଟିକେଟ୍ ନେଇ ଲୋକାଲ ଟ୍ରେନରେ ଯାତ୍ରା କରୁଥିଲେ । ଟ୍ରେନ ଟିକଟରେ ତାଙ୍କର ଏହି ଯାତ୍ରା ବୋରୱାଲୀରୁ ଚର୍ଚ୍ଚଗେଟ୍ ପର୍ଯ୍ୟନ୍ତ ଥିଲା । ସୋନୁ ସୁଦଙ୍କ ଏହି ଫଟୋ ସେୟାର କରିଥିବା ପ୍ରଶଂସକ ଅଭିନେତାଙ୍କ ପ୍ରଶଂସା କରି ଲେଖିଛନ୍ତି- ‘ଯିଏ ପ୍ରକୃତରେ ସଂଘର୍ଷ କରିଛି, ସେ ଅନ୍ୟ ଲୋକଙ୍କ ଯନ୍ତ୍ରଣା ବୁଝିଛି, ସୋନୁ ସୁଦ ୪୨୦ ଟଙ୍କାର ଟିକେଟ କରି ଯାତ୍ରା କରୁଥିଲେ ।
Life is a full circle ⭕️ https://t.co/XTVp1ysRaz
— sonu sood (@SonuSood) May 29, 2020
ସୋନୁଙ୍କ ପ୍ରଥମ ଚଳଚ୍ଚିତ୍ର ୧୯୯୯ରେ ଆସିଥିଲା
ସୋନୁ ତାଙ୍କ ଚଳଚ୍ଚିତ୍ର କ୍ୟାରିୟର ୧୯୯୯ରେ ଆରମ୍ଭ କରିଥିଲେ । ସେ ତାମିଲ ଚଳଚ୍ଚିତ୍ର କାଲାଜାଗର ସହିତ ଅଭିନୟ ଜୀବନର ଶୁଭାରମ୍ଭ କରିଥିଲେ । ୨୦୦୧ ମସିହାରେ, ସହିଦ-ଏ-ଆଜମ ଭାଗବତ ସିଂଙ୍କ ଚରିତ୍ର ସହିତ ବଲିଉଡରେ ସେ ପାଦ ଦେଇଥିଲେ । ଏହା ପରେ ସେ ଗୋଟିଏ ପରେ ଗୋଟିଏ ଫିଲ୍ମ କରିବା ଆରମ୍ଭ କରିଥିଲେ । ପ୍ରାରମ୍ଭିକ ଦିନରେ ସେ ଇଣ୍ଡଷ୍ଟ୍ରିରେ କୌଣସି ବିଶେଷ ପରିଚୟ ପାଇ ପାରି ନଥିଲେ କିନ୍ତୁ ଧୀରେ ଧୀରେ ସେ ଏଠାରେ ପାଦ ଦେବା ଆରମ୍ଭ କରିଥିଲେ । ତା’ପରେ ସେ ଯୁବା, ଚନ୍ଦ୍ରମୁଖୀ, ଆଶିକ୍ ବାନାୟା ଆପନେ, ଯୋଦ୍ଧା ଆକବର, ସିଂ ଇଜ୍ କିଙ୍ଗ, ଦବଙ୍ଗ, ଆର ରାଜକୁମାର, ଗବର ଇଜ୍ ବ୍ୟାକ୍ ଇତ୍ୟାଦି ସଫଳ ଚଳଚ୍ଚିତ୍ର ପାଇଥିଲେ ।
ଅନେକ ଚଳଚ୍ଚିତ୍ରରେ ସୋନୁ ସୁଦଙ୍କୁ ଏକ ଖଳନାୟକ ଭୂମିକା ଦେଖିବାକୁ ମିଳିଛି । କିନ୍ତୁ ପରଦାର ଏହି ଭିଲେନ୍ ବାସ୍ତବ ଜୀବନରେ ଉତ୍ତମ କାର୍ଯ୍ୟ କରି ଲୋକଙ୍କ ହୃଦୟ ଜିତିଛନ୍ତି । ତାଙ୍କର ଆଗାମୀ ପ୍ରୋଜେକ୍ଟ ହେଉଛି ଚଳଚ୍ଚିତ୍ର ପୃଥ୍ୱୀରାଜ । ଏଥିରେ ତାଙ୍କସହ ଅକ୍ଷୟ କୁମାର ମୁଖ୍ୟ ଭୂମିକାରେ ଅଛନ୍ତି ।
