ନୂଆଦିଲ୍ଲୀ: ଆଜି ଦେଶରେ କିଛି ବଡ଼ ପରିବର୍ତ୍ତନ ହୋଇଛି । ଯାହା ଆପଣଙ୍କ ଜୀବନ ଉପରେ ସିଧାସଳଖ ପ୍ରଭାବ ପକାଇବ । ଗୋଟିଏ ପଟେ ଆପଣ ଏହି ନୂତନ ନିୟମରୁ ଫାଇଦା ପାଇବେ । ଅନ୍ୟପକ୍ଷରେ ଯଦି ଆପଣ କିଛି କଥାର ଧ୍ୟାନ ରଖନ୍ତି ନାହିଁ ତେବେ ଆପଣଙ୍କୁ ଆର୍ଥିକ କ୍ଷତିର ସମ୍ମୁଖୀନ ହେବାକୁ ପଡିବ । ଏହି ସବୁ ନିୟମ ପରିବର୍ତ୍ତନ ମଧ୍ୟରେ ପେନସନ, ଏଟିଏମ୍, ରେଳବାଇ, ଏୟାରଲାଇନ୍ସ, ଗ୍ୟାସ୍ ସିଲିଣ୍ଡର, ଫିକ୍ସ ଡ଼ିପୋଜିଟ ଏବଂ ଡିଜିଟାଲ୍ ୱାଲେଟ୍ ଉପରେ ସୁଧ ଅନ୍ତର୍ଭୁକ୍ତ ରହିଛି। ଆସନ୍ତୁ ଜାଣିବା ଏହି ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଗୁଡ଼ିକ ବିଷୟରେ ।
ମେ ମାସରୁ ସମ୍ପୂର୍ଣ୍ଣ ପେନସନ୍ ଉପଲବ୍ଧ ହେବ
କର୍ମଚାରୀଙ୍କ ପାଇଁ କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ଏକ ଖୁସି ଖବର ଦେଇଛି । ସରକାର ସମ୍ପୂର୍ଣ୍ଣ ପେନସନ ରାଶି ପ୍ରଦାନ ବ୍ୟବସ୍ଥାକୁ ପୁନଃ ଆରମ୍ଭ କରିଛନ୍ତି । ଏହା ଅଧୀନରେ ବର୍ତ୍ତମାନ ମେ ମାସରୁ ସମ୍ପୂର୍ଣ୍ଣ ପେନସନ ଆରମ୍ଭ ହେବ। ଯେଉଁମାନେ ଏହି ବିକଳ୍ପକୁ ବାଛନ୍ତି ସେମାନେ କିଛି ଦିନ ପରେ ପୁନଃ ସ୍ଥାପନ ଆକାରରେ ସମ୍ପୂର୍ଣ୍ଣ ପେନସନ ପାଇବେ । ଏହି ନିୟମକୁ ୨୦୦୯ ରେ ପ୍ରତ୍ୟାହାର କରାଯାଇଥିଲା । ତେବେ ଏହି ନିୟମ ଦ୍ୱାରା ଦେଶରେ ୬.୭ ଲକ୍ଷରୁ ଅଧିକ ପେନସନଭୋଗୀ ଉପକୃତ ହେବେ ।
ଏଟିଏମ୍ କ୍ଷେତ୍ରରେ ମଧ୍ୟ ନିୟମ ବଦଳିଛି
ଦେଶରେ କରୋନା ଭାଇରସର ବିସ୍ତାରକୁ ରୋକିବା ପାଇଁ ସରକାର ଲକଡାଉନ ଘୋଷଣା କରିଛନ୍ତି । ଅଧିକ ସତର୍କତା ପାଇଁ, ବର୍ତ୍ତମାନ ଏଟିଏମ୍ ପାଇଁ ମଧ୍ୟ ନୂତନ ବ୍ୟବସ୍ଥା ସ୍ଥିର ହେବାକୁ ଯାଉଛି । ପ୍ରତ୍ୟେକ ବ୍ୟକ୍ତି ଏଟିଏମ୍ ବ୍ୟବହାର କରିବା ପରେ ଏହାକୁ ସଫା କରାଯିବ । ଗାଜିଆବାଦ ଏବଂ ଚେନ୍ନାଇରେ ଏହି ବ୍ୟବସ୍ଥା ଆରମ୍ଭ ହୋଇଛି ଏବଂ ଏହି ନିୟମକୁ କଡ଼ାକଡ଼ି ପାଳନ କରାଯାଇଛି । ମୁନିସିପାଲିଟି କର୍ପୋରେସନ ବର୍ତ୍ତମାନ ହଟସ୍ପଟ ଅଞ୍ଚଳରେ ଥିବା ଏଟିଏମ ଗୁଡ଼ିକୁ ଦିନକୁ ଦୁଇଥର ପରିମଳ ବ୍ୟବସ୍ଥା କରିଛି ।
୪ ଘଣ୍ଟା ପୂର୍ବରୁ ବଦଳାଇପାରିବେ ବୋର୍ଡିଂ ଷ୍ଟେସନ
ଦେଶରେ ଲକଡାଉନ କାରଣରୁ ରେଳ ସେବା ବନ୍ଦ ରହିଛି । କିନ୍ତୁ ରେଳ ସେବା ପାଇଁ ଏକ ନୂତନ ନିୟମ ଭବିଷ୍ୟତରେ କାର୍ଯ୍ୟକାରୀ ହୋଇଛି । ଏହି ନିୟମଗୁଡିକ ମଧ୍ୟରୁ କେତେକ ମେ ୧ ରୁ କାର୍ଯ୍ୟକାରୀ ହେବାକୁ ଯାଉଛି । ଯାହା ଅନୁଯାୟୀ, ବର୍ତ୍ତମାନ ଯାତ୍ରୀମାନେ ଟ୍ରେନ୍ ଛାଡ଼ିବାର ଚାରିଘଣ୍ଟା ପୂର୍ବରୁ ନିଜର ବୋର୍ଡିଂ ଷ୍ଟେସନକୁ ପରିବର୍ତ୍ତନ କରିପାରିବେ । ପୂର୍ବରୁ ଯାତ୍ରୀମାନେ ଟ୍ରେନ୍ ଛାଡ଼ିବାର ୨୪ ଘଣ୍ଟା ପୂର୍ବରୁ ସେମାନଙ୍କର ବୋର୍ଡିଂ ଷ୍ଟେସନ୍ ପରିବର୍ତ୍ତନ କରିପାରୁଥିଲେ । ଅନ୍ୟପକ୍ଷରେ ସବୁଠାରୁ ବଡ଼ କଥା ହେଉଛି ଯଦି ଯାତ୍ରୀମାନେ ଯାତ୍ରା ନକରନ୍ତି ଏବଂ ବୋର୍ଡିଂ ଷ୍ଟେସନ ବଦଳାଇବା ପରେ ମଧ୍ୟ ଟିକେଟ୍ ବାତିଲ କରନ୍ତି, ତେବେ ସେମାନଙ୍କୁ କୌଣସି ଫେରସ୍ତ ଦିଆଯିବ ନାହିଁ ।
LPG ସିଲିଣ୍ଡର କ୍ଷେତ୍ରରେ ନିୟମ କୋହଳ
ଆଜିଠାରୁ ୧୯ କିଲୋଗ୍ରାମ ଏବଂ ୧୪.୨ କିଲୋଗ୍ରାମ ଅଣ ସବସିଡିଯୁକ୍ତ ଏଲପିଜି ସିଲିଣ୍ଡରର ମୂଲ୍ୟ ଶସ୍ତା ହୋଇଛି । ୧୪.୨ କିଲୋଗ୍ରାମ ଅଣ ସବସିଡିଯୁକ୍ତ ଏଲପିଜି ସିଲିଣ୍ଡର ଦିଲ୍ଲୀରେ ୧୬୨.୫୦ ଟଙ୍କା ଶସ୍ତା ହୋଇଛି । ଏହା ପରେ ଏହାର ମୂଲ୍ୟ ୫୮୧.୫୦ ଟଙ୍କା ଥିଲା, ଯାହା ପୂର୍ବରୁ ୭୪୪ ଟଙ୍କା ଥିଲା । କୋଲକାତାରେ ଏହାର ମୂଲ୍ୟ ୭୭୪.୫୦ ରୁ ୫୮୪.୫୦ ଟଙ୍କା, ମୁମ୍ବାଇରେ ୭୧୪.୫୦ ରୁ ୫୭୯ ଟଙ୍କାକୁ ଖସି ଆସିଛି । ସେହିଭଳି ଚେନ୍ନାଇରେ ଏହା ପୂର୍ବରୁ ୭୬୧.୫୦ ଟଙ୍କା ଥିଲା, ଯାହା ଆଜିଠାରୁ ୫୬୯.୫୦ ଟଙ୍କା ହୋଇଛି ।
୧୯ କିଲୋଗ୍ରାମ ସିଲିଣ୍ଡର ମଧ୍ୟ ଶସ୍ତା ହୋଇଛି । ୧୯ କିଲୋଗ୍ରାମ ସିଲିଣ୍ଡର ଦିଲ୍ଲୀରେ ୨୫୬ ଟଙ୍କା ଶସ୍ତା ହୋଇଛି । ଏହା ପରେ ଏହାର ମୂଲ୍ୟ ୧୦୨୯.୫୦ ଟଙ୍କା ହୋଇଛି, ଯାହା ପୂର୍ବରୁ ୧୨୮୫.୫୦ ଟଙ୍କା ଥିଲା । କୋଲକାତାରେ ଏହାର ମୂଲ୍ୟ ୧୩୪୮.୫୦ରୁ ୧୦୮୬ ଟଙ୍କାକୁ ହ୍ରାସ ପାଇଛି, ମୁମ୍ବାଇରେ ଏହା ୧୨୩୪.୫୦ ଟଙ୍କାରୁ ୯୭୮ ଟଙ୍କାକୁ ହ୍ରାସ ପାଇଛି । ଚେନ୍ନାଇରେ ଏହା ପୂର୍ବରୁ ୧୪୦୨ ଟଙ୍କା ଥିଲା, ଯାହା ଆଜିଠାରୁ ୧୧୪୪.୫୦ ଟଙ୍କା ହୋଇଛି ।
ମିଳିବ କମ୍ ସୁଧ
ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ୧ ମଇ ୨୦୨୦ ରୁ ସଞ୍ଚୟ ଆକାଉଣ୍ଟ ଉପରେ ସୁଧ ପରିବର୍ତ୍ତନ କରିଛି । ବର୍ତ୍ତମାନ ଗ୍ରାହକମାନେ ଏକ ଲକ୍ଷରୁ ଅଧିକ ସଞ୍ଚୟ ଜମା ଖାତା ଉପରେ କମ୍ ସୁଧ ପାଇବେ । ଏକ ଲକ୍ଷ ପର୍ଯ୍ୟନ୍ତ ଜମା ଉପରେ, ଆପଣ ବାର୍ଷିକ ୩.୫୦ ପ୍ରତିଶତ ପାଇବେ ଏବଂ ଏକ ଲକ୍ଷରୁ ଅଧିକ ଜମା ଉପରେ ଆପଣ ବାର୍ଷିକ ୨.୭୫ ପ୍ରତିଶତ ସୁଧ ପାଇବେ । ଯାହା ପୂର୍ବରୁ ୩.୨୫ ପ୍ରତିଶତ ଥିଲା ।
ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଏପ୍ରିଲ ମାସରେ ରେପୋ ହାରକୁ ୨୫ ଆଧାର ପଏଣ୍ଟ ହ୍ରାସ କରିଥିଲା । ଏହା ୬.୨୫% ରୁ ୬% କୁ ବୃଦ୍ଧି ପାଇଛି । ପରବର୍ତ୍ତୀ ସମୟରେ, ଏସ୍ବିଆଇ ସଞ୍ଚୟ ଜମା ଉପରେ ସୁଧ ହାର ହ୍ରାସ କରିଛି ।
ଏୟାର ଇଣ୍ଡିଆ ଟିକେଟ ବାତିଲ କଲେ ଦେବାକୁ ପଡ଼ିବନି ଦେୟ
ଏହା ସହିତ ସରକାରୀ ଏୟାରଲାଇନ୍ସ ଏୟାର ଇଣ୍ଡିଆ ମଧ୍ୟ ତାର ନିୟମକୁ ବଦଳାଇ ଦେଇଛି । ମେ ୧ ରୁ ଯାତ୍ରୀମାନଙ୍କୁ ଏୟାର ଇଣ୍ଡିଆ ଏକ ବଡ଼ ସୁବିଧା ଯୋଗାଇବାକୁ ଯାଉଛି । ଏହା ଅଧୀନରେ ବର୍ତ୍ତମାନ ଯାତ୍ରୀମାନଙ୍କୁ ଟିକେଟ୍ ବାତିଲ ଉପରେ କୌଣସି ଅତିରିକ୍ତ ଦେୟ ଦେବାକୁ ପଡ଼ିବ ନାହିଁ । ଟିକେଟ୍ ବୁକିଂର ୨୪ ଘଣ୍ଟା ମଧ୍ୟରେ ବାତିଲ୍ କିମ୍ବା ପରିବର୍ତ୍ତନ ପାଇଁ ବାତିଲ୍ ଦେୟ ଆଦାୟ କରାଯିବ ନାହିଁ । ୨୪ ଏପ୍ରିଲରେ କମ୍ପାନୀ ଏ ବିଷୟରେ ସୂଚନା ଦେଇଥିଲା ।
ବାବଲି ନିଜ ଇନଷ୍ଟାଗ୍ରାମ ଷ୍ଟୋରୀରେ ଲୋକଙ୍କୁ ସେମାନଙ୍କ ସମବେଦନା ପାଇଁ ଧନ୍ୟବାଦ ଜଣାଇବା ସହ ଏକ ନୋଟ୍ ଲେଖିଛନ୍ତି । ସେ ଲେଖିଛନ୍ତି ‘ ମୋର ପ୍ରିୟ ବନ୍ଧୁମାନେ ଆପଣଙ୍କ ଦ୍ୱାରା ଦିଆଯାଇଥିବା ସମ୍ବେଦନା ପାଇଁ ମୁଁ ବହୁତ କୃତଜ୍ଞ । ଆପଣମାନେ ବୁଝିବାକୁ ଚେଷ୍ଟା କରନ୍ତୁ ମୁଁ ଆପଣଙ୍କୁ ଉତ୍ତର ଦେବା ସ୍ଥିତିରେ ନାହିଁ କାରଣ ମୋ ପାଖେ କୌଣସି ଶବ୍ଦ ନାହିଁ । ମୁଁ ଆପଣଙ୍କୁ ଉତ୍ତର ଦେବି କିନ୍ତୁ ଏବେ ନୁହେଁ । ବହୁତ ବହୁତ ଧନ୍ୟବାଦ । ମୁଁ ଆପଣ ସମସ୍ତଙ୍କୁ ବହୁତ ଭଲପାଏ’ । ଇରଫାନଙ୍କ ମୃତ୍ୟୁରେ ତାଙ୍କ ଦୁଇ ପୁଅ ବାବିଲ ଏବଂ ଆୟାନ ପୂରା ଭାଙ୍ଗି ପଡ଼ିଛନ୍ତି । ଇରଫାନଙ୍କ ମୃତଦେହକୁ ଡାକ୍ତରଖାନାରୁ ଶ୍ମଶାନକୁ ନିଆଯାଉଥିବା ବେଳେ ବାବିଲ ତାଙ୍କ ସମ୍ପର୍କୀୟଙ୍କୁ ଧରି କାନ୍ଦୁଥିବା ଦେଖିବାକୁ ମିଳିଥିଲା ।
