ସୁନ୍ଦରଗଡ଼: କରୋନା ପାଇଁ କଳା ମଚ୍‌ ମଚ୍‌ ରାସ୍ତାରେ ଲେଖି ହେଉଛି  ଗୋଟିଏ ପରେ ଗୋଟିଏ କରୁଣ ଚିତ୍ର । ଲକ୍‌ଡାଉନରେ ରାସ୍ତା ପାଲଟିଛି ପ୍ରବାସୀଙ୍କ ଦୁଃଖର ମୁକ ସାକ୍ଷୀ । କାରଣ ଏହି ଭିତରେ ପ୍ରବାସୀଙ୍କ ଝାଳ ଏବଂ କୋହଫଟା ଲୁହରେ ଭିଜୁଛି ଦେଶର ସବୁ ରାସ୍ତା । କେତେବେଳେ ଭିଟାମାଟିକୁ ଯାତ୍ରା ଟ୍ରକ୍‌ ଚକା ତଳେ ଅଟକି ଯାଉଛିତ ପୁଣି କେତେବେଳେ ଭୋକିଲା ପେଟରେ ପାଦେ ଆଗଉନି ପାଦ । ପାଞ୍ଚ ଇଞ୍ଚର ପକେଟରେ ପାଞ୍ଚ ଟଙ୍କାଟେ ନଥିବାରୁ ରାସ୍ତାର ଧୁଳିରେ ଉଭେଉ ଯାଉଛି ଘରକୁ ଲେଉଟିବାର ସ୍ୱପ୍ନ । ତେବେ ଏଇ ଭିତରେ ରାସ୍ତାରେ ଆଙ୍କି ହୋଇଛି ଆଉଗୋଟିଏ କରୁଣ କାହାଣୀର ମାନଚିତ୍ର । ଯନ୍ତ୍ରଣା ଆଗରେ ହାର ମାନିଛି ମାଆର ମମତା ଆଉ ଉଭେଇ ଯାଇଛି କୁଆଁ କୁଆଁ ଡ଼ାକ । 

ଥକିଲା ପାଦରେ ଗର୍ଭକୁ ଧରି ଆଉ କେତେ ବାଟ ବା ଚାଲିଥାନ୍ତା । ଯେତେବେଳେ ପାଦର ଯନ୍ତ୍ରଣାଠାରୁ ଗର୍ଭର ଯନ୍ତ୍ରଣା ଅଧିକ ହେବାକୁ ଲାଗିଲା ସେତବେଳେ ବିଚ୍‌ ରାସ୍ତା ଉପରେ ସୁଭିଲା କୁଆଁ କୁଆଁ ଡ଼ାକ । ହେଲେ ମାଆର ଖୁସି ଯେମିତି ତାର ଯନ୍ତ୍ରଣା ଆଗରେ ମଉଳି ଯାଇଥିଲା । ଶିଶୁ ପୁତ୍ରକୁ ଜନ୍ମ ଦେଇ ମଧ୍ୟ ସବୁ ଖୁସିକୁ ପାଛୋଟି ଦେଇଥିଲା ମାଆ । ପୁଅ ସିନା ଜନ୍ମ ହେଲା ହେଲେ ମାଆର ଯନ୍ତ୍ରଣା ସେ ଖୁସିଠାରୁ ଅଧିକ ବଡ଼ିଯାଇଥିଲା । ଏଭଳି ଏକ ଘଟଣା ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲାରେ । ରାସ୍ତାରେ ଚାଲି ଚାଲି ଯାଉଥିବା ବେଳେ ଏକ ପ୍ରବାସୀ ମହିଳା ରାସ୍ତା ଉପରେ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ । ତାପରେ ସେହି ପୁତ୍ରଟିକୁ ରାସ୍ତାରେ ଛାଡ଼ି ଚାଲିଯାଇଥିଲେ ।

ସୂଚନା ଅନୁଯାୟୀ, ଝାଡଖଣ୍ଡରୁ ଛତିଶଗଡ଼କୁ ଚାଲି ଚାଲି ୧୫ ଜଣିଆ ପ୍ରବାସୀ ଶ୍ରମିକ ତାଙ୍କ ଭିଟାମାଟିକୁ ଯାଉଥିଲେ । ସେହି ସମୟରେ ସେମାନଙ୍କ ମଧ୍ୟରୁ ଜଣଙ୍କର ଗର୍ଭ ଜନ୍ତ୍ରଣା ହୋଇଥିଲା । ଯାହାପରେ ସେ ସୁନ୍ଦରଗଡ଼ ଜିଲ୍ଲା ଚିକଟମାଟି ନିକଟ ରାସ୍ତା କଡ଼ରେ ଶିଶୁଟିକୁ ଜନ୍ମ ଦେଇଥିଲେ । କିନ୍ତୁ ଜନ୍ମ ଦେବା ପରେ ଶିଶୁ ପୁତ୍ରଟିକୁ ମାଆ ସାଙ୍ଗରେ ନନେଇ ସେହି ରାସ୍ତା ଉପରେ ଛାଡ଼ି ଚାଲିଯାଇଥିଲା । ପୁଅକୁ ଯନ୍ତ୍ରଣା ପାଇଁ ଛାଡ଼ିଲା ନା ସାଙ୍ଗରେ ଏତେବାଟ କେମିତିବା ନେଇ ଯାଇଥାନ୍ତା ସେ ନେଇ ଛାଡ଼ିଲା ତାହା ଏବେ ଅସ୍ପଷ୍ଟ ରହିଛି । ତେବେ ସୁନ୍ଦରଗଡ଼ର ଶିଶୁ ମଙ୍ଗଳ କମିଟି ଓ ଚାଇଲ୍ଡ ଲାଇନ୍ ଶିଶୁଟିକୁ‌ ଉଦ୍ଧାର କରିଛନ୍ତି ।

ପୁରୀ: ରାଜ୍ୟରେ କରୋନା ଗ୍ରାଫ ବଢ଼ିବାରେ ଲାଗିଛି  । ଦିନକୁ ଦିନ ବଢ଼ିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ପୁରୀରୁ ପୁଣି ୪ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ପୁରୀରେ କରୋନା ପଜିଟଭଙ୍କ ସଂଖ୍ୟା ୨୯ରେ ପହଞ୍ଚିଛି । ତେବେ ଆଜି ଦିନକ ଭିତରେ ପୁରୀରୁ ୧୧ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ।  ଏହି ୪ ଜଣଙ୍କ ମଧ୍ୟରୁ ଜଣେ ହେଉଛନ୍ତି ପିପିଲିର, ଜଣେ ହେଉଛନ୍ତି କୋଣାର୍କର ଏବଂ ଦୁଇଜଣ ହେଉଛନ୍ତି ପୁରୀ ଟାଉନର ।

ତେବେ ଏମାନଙ୍କ ମଧ୍ୟରୁ ୩ ଜଣେ କ୍ୱାରେଣ୍ଟାଇନ୍‌ ସେଣ୍ଟରରେ ଥିବା ବେଳେ ଜଣେ ୧୫ ତାରିଖରେ ଗିରଫ ହୋଇ କୁମ୍ଭାରପଡ଼ା ଥାନାକୁ ଆସିଥିଲେ । ଏଭଳି ସୂଚନା ଦେଇଛନ୍ତି ପୁରୀ ଜିଲ୍ଲାପାଳ ବଲଓ୍ୱନ୍ତ ସିଂ । ତେବେ ଆଜି ପୁରୀ କୁମ୍ଭାରପଡ଼ା ଥାନାରୁ ଜଣେ କରୋନା ପଜିଟିଭ ଚିହ୍ନଟ ହୋଉଥିଲେ । ଅଭିଯୁକ୍ତ ଜଣକ ଅରେନ୍ଦ୍ର ପୋଖରୀ ଅଞ୍ଚଳର ହୋଇଥିବାରୁ ଉକ୍ତ ଅଞ୍ଚଳକୁ ସୁଲ କରାଯିବା ପାଇଁ କାର୍ଯ୍ୟ ଚାଲୁଛି ବୋଲି କହିଛନ୍ତି ଜିଲ୍ଲାପାଳ ।  ଏହାସହ ଅଭିଯୁକ୍ତ ପଜିଟିଭ ଜଣକ କାହା କାହା ସହ ମିସିଛନ୍ତି ସେ ନେଇ ଏବେ କଣ୍ଟାକ୍ଟ ଟ୍ରେସିଂ ଚାଲୁଛି ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।

କଣ୍ଟେନ୍‌ମେଣ୍ଟ ଜୋନ୍‌ ବ୍ୟତୀତ ଅନ୍ୟ ସବୁ ଜୋନ୍‌ରେ ଗଡ଼ିବ ବସ୍

ଭୁବନେଶ୍ୱର: ରାଜ୍ୟରେ ବଢ଼ିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା ।  ବଲାଙ୍ଗିରରେ ପୁଣି ୨ କରୋନା ସଂକ୍ରମିତ ଚିହ୍ନଟ । ଦୁଇ ଜଣ ହେଲେ ବଲାଙ୍ଗିର ଜିଲ୍ଲା ପୁଇଁତଲା ବ୍ଲକ ଅନ୍ତଗତ ବନ୍ଧପଡ଼ା ପଞ୍ଚାୟତ ଅଞ୍ଚଳର । ଆକ୍ରାନ୍ତ ଦୁଇ ଜଣ ସୁରତ  ଫେରନ୍ତା ବୋଲି ଜଣାପଡ଼ିଛି । ଗତ ୮ତାରିଖରେ ସୁରତରୁ ଫେରି ଥିଲେ ଦୁଇଜଣ  । ସୁରତରୁ ଫେରି କ୍ୱାରେଣ୍ଟାଇନ୍ ସେଣ୍ଟରରେ ରହିଥିଲେ ।

ସଂକ୍ରମିତ ଚିହ୍ନଟ ହେବା ପରେ ଦୁଇ ଜଣଙ୍କୁ ଭୁବନେଶ୍ୱର କିମସ୍ କୋଭିଡ ହସ୍ପିଟାଲ କୁ ସ୍ଥାନାନ୍ତରୀତ କରାଯାଇଛି । ଏହାସହ ବଲାଙ୍ଗିରରେ ସଂକ୍ରମିତଙ୍କ ସଂଖ୍ୟା ୬କୁ ବୃଦ୍ଧି ପାଇଛି । ଗତକାଲି ବଲାଙ୍ଗିରରୁ ୨ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ । ବଲାଙ୍ଗିର ଜିଲ୍ଲାପାଳ ଅରିନ୍ଦମ ଡାକୁଆ ଙ୍କ ସୂଚନା ଦେଇଛନ୍ତି । ତେବେ ଓଡ଼ିଶାରେ ଏବେ କରୋନା ମୋଟ ସଂଖ୍ୟା ୮୩୦ ଥିବା ବେଳେ ସକ୍ରିୟ ରହିଛନ୍ତି ୬୦୬ । ସେହିଭଳି ୨୨୦ଜଣ ସୁସ୍ଥ ହୋଇଥିବା ବେଳେ ୪ ଜଣଙ୍କର ମୃତ୍ୟୁ ହୋଇଛି ।

କଣ୍ଟେନ୍‌ମେଣ୍ଟ ଜୋନ୍‌ ବ୍ୟତୀତ ଅନ୍ୟ ସବୁ ଜୋନ୍‌ରେ ଗଡ଼ିବ ବସ୍

ପୁରୀ: ଅଭିଯୁକ୍ତଙ୍କଠାରେ କରୋନା ପଜିଠିଭ ହେଲା ଚିହ୍ନଟ । ପୁରୀ କୁମ୍ଭାରପଡ଼ା ଥାନାରେ ଦେଖିବାକୁ ମିଳିଛି ଏଭଳି ଘଟଣା । ଏହାପରେ ସମସ୍ତ ଷ୍ଟାଫ୍‌ଙ୍କୁ କ୍ୱାରେଣ୍ଟାଇନ୍‌କୁ ପଠାଯାଇଥିବା ସୂଚନା ମିଳୁଛି । ୨୭ରୁ ୩୦ଜଣ ଅଧିକାରୀଙ୍କୁ କ୍ୱାରେଣ୍ଟାଇନ୍‌ ହୋମକୁ ପଠାଯାଇଛି । ୨ଦିନ ତଳେ ଜଣେ ଅଭିଯୁକ୍ତଙ୍କୁ ଥାନାକୁ ଅଣାଯାଇଥିଲା । ତାଙ୍କଠାରେ କରୋନା ପଜିଟିଭ ଚିହ୍ନଟ ହେବା ପରେ ପ୍ରଶାସନ ପକ୍ଷରୁ ଏଭଳି ପଦକ୍ଷେପ ନିଆଯାଉଥିବା ଅନୁମାନ କରାଯାଉଛି । ଥାନାର ସମସ୍ତ କର୍ମଚାରୀଙ୍କୁ କ୍ୱାରେଣ୍ଟାଇନ୍‌ରେ ପଠାଇବା ପରେ ସମଗ୍ର ଥାନାକୁ ସାନିଟାଇଜ୍‌ କରାଯାଇଛି । ଏଥିସହ ନୂଆ କର୍ମଚାରୀ ଓ ଅଧିକାରୀ ଏଠାରେ କାମ କରିବେ।

ସୂଚନା ଅନୁଯାୟୀ, ଦୁଇ ଦିନ ପୂର୍ବରୁ ଗଣ୍ଡୋଗଳରେ ଜଣଙ୍କୁ ଗିରଫ କରାଯାଇଥିଲା । ଗିରଫ କରେ ଉକ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ ମଧ୍ୟ କରାଯାଇଥିଲା । ତାଙ୍କର ଜାମିନ ନାମଞ୍ଜୁର ହେବାରୁ ଅଭିଯୁକ୍ତଙ୍କୁ ଜେଲକୁ ପଠାଯାଇଥିଲା । ତେବେ ତାଙ୍କର ସ୍ୱାବ୍‌ ଟେଷ୍ଟ ପଜିଟିଭ ଆସିବା ପରେ ଅଭିଯୁକ୍ତଙ୍କୁ କରୋନା ହୋଇଛି ବୋଲି ଅନୁମାନ କରାଯାଉଛି । ଏନେଇ ପୁରା ଥାନାକୁ ଅଗ୍ନିସମ ବିଭାଗ ସାନିଟାଇଜ କରାଯାଇଛି ।

ସେପଟେ ସାନିଟାଇଜ ପରେ କୁମ୍ଭାରପଡ଼ା ଥାନାକୁ ନୂଆ ଅସ୍ଥାୟୀ କର୍ମଚାରୀମାନେ ଆସିବେ ବୋଲି ସୂଚନା ରହିଛି । ଅଭିଯୁକ୍ତ ଜଣକ ନରେନ୍ଦ୍ରକୋଣ ଅଞ୍ଚଳର ହୋଇଥିବାରୁ ସେ ଅଞ୍ଚଳକୁ ପୁରା ସାନିଟାଇଜ କରାଯିବ ବୋଲି କୁହାଯାଉଛି । ତେବେ ପ୍ରାଥମିକ ପର୍ଯ୍ୟାୟ ପରେ ପଜିଟିଭ ଆସିଥିବେ ଅଭିଯୁକ୍ତଙ୍କ ସହ ମିସିଥିବା ଜଜଙ୍କ ଘର ମଧ୍ୟ ସାନିଟାଇଜ ହେବାର ବ୍ୟବସ୍ଥା ରହିଛି । ତେବେ ତାଙ୍କ ସହ କିଏ କିଏ ମିସିଛନ୍ତି ତାହା ପରବର୍ତ୍ତି ମୁହୂର୍ତ୍ତରେ ତଦନ୍ତ କରାଯାଇ ଜଣାପଡ଼ିବ ବୋଲି ସୂଚନା ମିଳିଛି ।

କଣ୍ଟେନ୍‌ମେଣ୍ଟ ଜୋନ୍‌ ବ୍ୟତୀତ ଅନ୍ୟ ସବୁ ଜୋନ୍‌ରେ ଗଡ଼ିବ ବସ୍