ଭୁବନେଶ୍ୱର: ଦକ୍ଷିଣ ବଙ୍ଗୋପସାଗରରେ ସୃଷ୍ଟ ସାମୁଦ୍ରି ଝଡ଼ ଅମ୍ପାନ ଏବେ ସୁପର ସାଇକ୍ଳୋନ୍‌ର ଷ୍ଟର୍ମରେ ପରିଣତ ହୋଇଛି । ଅତି ଭୀଷଣ ସାମୁଦ୍ରିକ ଝଡ଼ରୁ ଆଜି ଦିନ ୧୧ଟା୩୦ ମିନିଟରେ  ସୁପର ସାଇକ୍ଳୋନର ରୂପ ନେଇଛି । ବର୍ତ୍ତମାନ ପାରାଦୀପଠାରୁ ୭୮୦ କିଲୋମିଟର ଦକ୍ଷିଣରେ ଅବସ୍ଥିତ ।

The Extremely Severe Cyclonic Storm ‘AMPHAN’ (pronounced as UM-PUN) intensified into Super Cyclonic Storm at 1130 IST of today, the 18th May, 2020.

— India Meteorological Department (@Indiametdept) May 18, 2020

ଗତ ୬ ଘଣ୍ଟା ମଧ୍ୟରେ ଘଣ୍ଟାକୁ ୧୩ କିଲୋମିଟର ବେଗରେ ଗିତି କରୁଛି । ତେବେ ଆଗକୁ ବଢ଼ିବା ସହ ଏହାର ଗତି କମିବ ଏବଂ କିଛିଟା ଦୁର୍ବଳ ହୋଇ ଅତି ଭୀଷଣ ସାମୁଦ୍ରିକ ଝଡ଼ରେ ପରିଣତ ହେବ । ଲ୍ୟାଣ୍ଡଫଲ୍ ବେଳକୁ ଏହା ଅତି ଭୀଷଣ ସାମୁଦ୍ରିକ ଝଡ଼ ହୋଇ ଲ୍ୟାଣ୍ଡଫଲ କରିବ ବୋଲି ଅନୁମାନ କରାଯାଉଛି । ପୂର୍ବରୁ କରାଯାଉଥିବା ଅନୁମାନ ଅନୁଯାୟୀ ପଶ୍ଚିମବଙ୍ଗର ଦୀଘା ଏବଂ ପଶ୍ଚିମବଙ୍ଗର ହାତିଆ ଦୀପ ମଧ୍ୟବର୍ତ୍ତୀ ଅଞ୍ଚଳରେ ଏହା ଲ୍ୟାଣ୍ଡଫଲ୍ କରିବ । ତେବେ ଏହାର ପ୍ରଭାବରେ ଉତ୍ତର ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ସାଙ୍ଗକୁ ୧୧୦ରୁ ୧୨୦ କିମି ବେଗରେ ପବନ ବହିବ ବୋଲି ସୂଚନା ଦେଇଛନ୍ତି ସ୍ୱତନ୍ତ୍ର ରିଲିପ୍‌ କମିଶନର ପ୍ରଦୀପ ଜେନା  । ତେବେ ସମ୍ଭାବ୍ୟ ବାତ୍ୟା ନେଇ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ବାଲେଶ୍ୱର ଓ ଭଦ୍ରକ ଯାଇ ପ୍ରସ୍ତୁତି ଅନୁଧ୍ୟାନ କରୁଛନ୍ତି ପୋଲିସ ଡିଜି ଅଭୟ । ଏନ୍‌ଡିଆରଏଫ୍‌ ଏବଂ ଅଗ୍ନିଶମବାହିନୀ ପ୍ରସ୍ତୁତ ଅଛନ୍ତି । ଆଜି ସ୍ଥାନାନ୍ତର ପ୍ରକ୍ରିୟା ଆରମ୍ଭ ହେବ ।

ଅମ୍ପାନର ପ୍ରଭାବରେ ସୋମବାର ସନ୍ଧ୍ୟାରୁ ଗଜପତି, ଗଞ୍ଜାମ,ପୁରୀ, ଜଗତସିଂହପୁର, କୋରାପୁଟ ଓ ରାୟଗଡ଼ାରେ ସାମାନ୍ୟରୁ ପ୍ରବଳ ବର୍ଷା ଆଶଙ୍କା । ୧୯ରୁ ୨୦ ଯାଏଁ ପ୍ରବଳରୁ ଅତି ପ୍ରବଳ ବର୍ଷ ଆଶଙ୍କା । ବାଲେଶ୍ୱର, ଭ୍ରଦକ, ଜଗତସିଂହପୁର, ମୟୂରଭଞ୍ଜର କିଛି ଅଞ୍ଚଳରେ ବର୍ଷା ହେବ । କଟକ ଓ ପୁରୀରେ ମଧ୍ୟ ବର୍ଷା ହୋଇପାରେ ।  ୧୯ ତାରିଖ ସକାଳ ପରଠାରୁ ପବନର ବେଗ ବଢ଼ିପାରେ  । ଦକ୍ଷିଣ ଓଡ଼ିଶା ଉପକୂଳ ଅଞ୍ଚଳରେ ବଢ଼ିପାରେ । ୨୦ ସକାଳକୁ ବେଳକୁ ଉତ୍ତର ଉପକୂଳରେ କେନ୍ଦ୍ରାପଡ଼ା, ଜଗତସିଂହପୁର, ମୟୂରଭଞ୍ଜ, ବାଲେଶ୍ୱର, ଭଦ୍ରକରେ ପବନର ବେଗ ବଢ଼ିବ ।

ଉପକୂଳ ପାଖାପଖି ତାହା ୧୧୦ରୁ ୧୨୦ ବେଗରେ ପବନ ବହିବ । ପାରାଦୀପ, ଧାମରା, ଭିତରକନିବା, ବାଲେଶ୍ୱର ଦୀଘା ନିକଟବର୍ତ୍ତୀ ଅଞ୍ଚଳ ପବନ ବହିବା ଆଶଙ୍କା । କଚ୍ଚା ଘର, ଚାଳ ଘର, ଆଜବେଷ୍ଟ ଘରେ ରହୁଥିବା ଲୋକଙ୍କୁ ନିକଟସ୍ଥ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବ । ଯେଉଁଠାରେ ସମୁଦ୍ର ଜୁଆର ପାଣି ଆସିବାର ଅଛି ଏବଂ ତଳିଆ ଅଞ୍ଚଳକୁ ସ୍ଥାନାନ୍ତର କରାଯିବ । ଆଜି ଅପରାହ୍ନ ପରଠାରୁ ଲୋକଙ୍କୁ ସ୍ଥାନାନ୍ତର କରିବାକୁ ଚେଷ୍ଟା କରାଯିବ । ଆସନ୍ତକାଲିଠାରୁ ସ୍ଥାନାନ୍ତର ପାଇଁ ବିଶେଷ ଧ୍ୟାନ ଦିଆଯିବ । କ୍ୱାରେଣ୍ଟାଇନ ସେଣ୍ଟରରେ ନେଗେଟଭ୍ ଚିହ୍ନଟ ହୋଇଥିବା ଲୋକଙ୍କ ଯଦି ପକ୍କା ଘର ଥିବା ସେମାନଙ୍କୁ ଘରକୁ ପଠାଇଦିଆଯିବ । ସମୁଦ୍ର ମଧ୍ୟକୁ ଯିବାକୁ ମତ୍ସ୍ୟଜୀବୀଙ୍କୁ ମନା କରାଯାଇଛି ।

ନୂଆଦିଲ୍ଲୀ: ଦକ୍ଷିଣ ବଙ୍ଗୋପସାଗରେ ସୃଷ୍ଟ ସାମୁଦ୍ରିକ ଝଡ଼ ଅମ୍ପାନ ଅତି ଭୀଷଣ ସାମୁଦ୍ରିକ ଝଡ଼ର ରୂପ ନେଇଛି । ଏବେ ପାରାଦୀପ ଠାରୁ ୭୯୦କିମି ଏବଂ ଦୀଘାଠାରୁ ୯୯୦ କିଲୋମିଟର ଦୂରରେ ରହିଛି । ଘଣ୍ଟା ପ୍ରତି ୧୩ କିମି ବେଗରେ ଗତି କରୁଛି । ଏହା କ୍ରମଶଃ ଶକ୍ତିଶାଳୀ ହେବାରେ ଲାଗିଛି । ଆସନ୍ତା ୧୨ ଘଣ୍ଟା ମଧ୍ୟରେ ଅଧିକ ଘନୀଭୂତ ହେବ । ଓଡ଼ିଶା ଏବଂ ପଶ୍ଚିମବଙ୍ଗ ପାଇଁ ଜାରି ପୂର୍ବାନୁମାନ ବଜାୟ ରହିବ । ଦୀଘା ଏବଂ ହାତିଆ ଦୀପ ମଧ୍ୟବର୍ତ୍ତୀ ଅଞ୍ଚଳରେ ଲ୍ୟାଣ୍ଡଫଲ କରିବ । ଆସନ୍ତ ୧୨ ଘଣ୍ଟା ମଧ୍ୟରେ ଏହା ଆହୁରି ଅଧିକ ଶକ୍ତିଶାଳୀ ହେବ ବୋଲି ସୂଚନା ରହିଛି । ଏବଂ ଏହା ସୁପର ସାଇକ୍ଳୋନ୍‌ ଷ୍ଟର୍ମର ରୂପ ନେଇପାରିବ ।

ଭୁବନେଶ୍ୱର: ଭୀଷଣ ସାମୁଦ୍ରିକ ଝଡ଼ ହୋଇଛି ଅମ୍ଫାନ୍‌। ଆସନ୍ତା ୬ଘଣ୍ଟା ଭିତରେ ଅତି ଭୟଙ୍କର ରୂପ ନେବ। ଏବେ ଏହା ପାରାଦୀପଠାରୁ 820 କିଲୋମିଟର ଦୂରରରେ ରହିଛି। ସେହିପରି ପଶ୍ଚିମବଙ୍ଗ ଦୀଘାରୁ ଦକ୍ଷିଣ, ଦକ୍ଷିଣ-ପୂର୍ବରେ ୯୮୦ କିଲୋମିଟର ଦୂରରେ ରହିଛି ଅମ୍ଫାନ୍‌।

ଦିଗ ପରିବର୍ତ୍ତନ କରି ଏହା ଉତ୍ତର ଓ ଉତ୍ତର ପୂର୍ବ ଦିଗରେ ଗତି କରୁଛି। ପାଣିପାଗ ବିଭାଗ ସୂଚନା ଅନୁସାରେ ଏହା ପଶ୍ଚିମବଙ୍ଗ ଦୀଘାରୁ ବାଂଲାଦେଶର ହାତିଆ ମଧ୍ୟରେ ଲ୍ୟାଣ୍ଡଫଲ୍‌ କରିବ। ୨୦ ତାରିଖ ଅପରାହ୍ନ କିମ୍ବା  ସଂଧ୍ୟାରେ ଏହା ସ୍ଥଳଭାଗ ଛୁଇଁବ। ଯେତେବେଳେ ଏହା ସ୍ଥଳଭାଗ ଛୁଇଁବ ଏହା ଭେରି ସିଭିଅର ସାଇକ୍ଲୋନିକ ଷ୍ଟର୍ମରେ ପରିଣତ ହୋଇଥିବ। ଏହା ପ୍ରଭାବରେ ଆଜି ସଂଧ୍ୟାରୁ ଉପକୂଳ ଜିଲ୍ଲାର କିଛି ସ୍ଥାନରେ ପ୍ରବଳ ବର୍ଷା ହେବ। ଗଞ୍ଜାମ, ଗଜପତି, ପୁରୀ, ଜଗତସିଂହପୁର ଓ କେନ୍ଦ୍ରାପଡା ବର୍ଷା ହେବ। ଆସନ୍ତାକାଲି ଉତ୍ତର ଓଡିଶାରେ ବର୍ଷା ସାଙ୍ଗକୁ ଘଣ୍ଟାକୁ ୭୦ରୁ ୮୦ କିଲୋମିଟର ବେଗରେ ପବନ ବହିବ। ସେହିପରି ୨୦ ତାରିଖରେ ବର୍ଷା ସହ ପବନର ବେଗ ୭୫ରୁ ୯୫ କିମିକୁ ବୃଦ୍ଧି ପାଇବ। ପୁରୀ, ଖୋର୍ଦ୍ଧା, କଟକ ଓ ଯାଜପୁରରେ ବର୍ଷା ସହ ପବନ ବହିବ। ଓଡ୍ରାଫର ୧୫ଟି ଟିମ୍‌ ଓ ଏନ୍‌ଡିଆରଏଫ୍‌ର ୧୦ଟି ଟିମ୍‌କୁ ପ୍ରଭାବିତ ଜିଲ୍ଲାରେ ମୁତୟନ କରାଯାଇଛି। ଆଗକୁ ଆହୁରି କରାଯିବା ଲାଗି ବ୍ୟବସ୍ଥା କରାଯାଉଛି । ଅତ୍ୟାବଶ୍ୟକ ଜିନିଷ ପର୍ଯ୍ୟାପ୍ତ ପରିମାଣରେ ମହଜୁଦ ଅଛି। ତେଣୁ ଲୋକଙ୍କୁ ଭୟଭୀତ ନହବୋକୁ ଏସଆରସି ପରାମର୍ଶ ଦେଇଛନ୍ତି।