ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ମହାମାରୀ ବିରୋଧରେ ଲଢେଇ ଦୀର୍ଘଦିନର ବୋଲି କହିବା ସହ ଏହି ଲଢେଇରେ ଥକି ନଯାଇ ଜିତିବାକୁ ପଡ଼ିବ ବୋଲି କହିଛନ୍ତି। ଏହି ଯୁଦ୍ଧରେ ଜିତିବା ପାଇଁ ଦେଶବାସୀଙ୍କ ସତର୍କତା ସହିତ ସରକାରଙ୍କ ପ୍ରସ୍ତୁତି ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଲକଡାଉନକୁ ଜନତା ଯେଉଁଭଳି ସମର୍ଥନ କରୁଛନ୍ତି  ମୋଦୀ ତାହାକୁ ପ୍ରଶଂସା କରିଛନ୍ତି । ଏଥି ସହିତ ସରକାରୀ ସ୍ତରରେ ମଧ୍ୟ ପ୍ରମୁଖ ପ୍ରସ୍ତୁତି ଚାଲିଛି । କରୋନାକୁ ପରାସ୍ତ କରିବାକୁ ସବୁଠାରୁ ବଡ ଯୋଦ୍ଧା ହେଉଛନ୍ତି ଡାକ୍ତର ଏବଂ ଡାକ୍ତରୀ କର୍ମଚାରୀ । ସେମାନଙ୍କର ସୁରକ୍ଷା ପାଇଁ, ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ବ୍ୟକ୍ତିଗତ ସୁରକ୍ଷା ଉପକରଣ ଅର୍ଥାତ୍ PPE ଏବଂ N95 ମାସ୍କ । ଏହି ଅତ୍ୟାବଶ୍ୟକ ଜିନିଷଗୁଡ଼ିକର ଯୋଗାଣ ଦିନକୁ ଦିନ ବୃଦ୍ଧି ପାଉଛି ଏବଂ ଭବିଷ୍ୟତ ପାଇଁ ମଧ୍ୟ ଏହାର ଯୋଗାଣ ସୁନିଶ୍ଚିତ ହୋଇଛି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ 112.76 ଲକ୍ଷ N95 ମାସ୍କ ଏବଂ 157.32 ଲକ୍ଷ PPE କିଟ୍ ପାଇଁ ଅର୍ଡର ରଖାଯାଇଛି । ଏଥିମଧ୍ୟରୁ 80 ଲକ୍ଷ PPE କିଟ୍ ସହିତ ମାସ୍କ ମଧ୍ୟ ପୃଥକ ଭାବରେ ରଖାଯାଇଛି । ସେହିପରି ଭାବେ ମାସ୍କ ସଂଖ୍ୟା ମଧ୍ୟ ଆହୁରି ବୃଦ୍ଧି ପାଇବ  । ସରକାର ସୂଚନା ଦେଇଛନ୍ତି ଯେ ବର୍ତ୍ତମାନ ପର୍ଯ୍ୟାପ୍ତ ସଂଖ୍ୟକ କିଟ୍ ଏବଂ ମାସ୍କ ଉପଲବ୍ଧ ଅଛି । ଏବଂ ପ୍ରତି ସପ୍ତାହରେ 10 ଲକ୍ଷ PPE କିଟ୍ ଯୋଗାଇବାକୁ ଲକ୍ଷ୍ୟ ଧାର୍ଯ୍ୟ ରଖାଯାଇଛି ।

ଚୀନରୁ  ଆସିଲା PPE କିଟ୍

ମେଡିକାଲ କିଟ୍ ଯୋଗାଣ ପାଇଁ ସରକାର ନିଜ ଦେଶରେ ଯନ୍ତ୍ରପାତି ପ୍ରସ୍ତୁତ କରୁଥିବାବେଳେ ବିଦେଶରେ ଆମଦାନୀ ମଧ୍ୟ କରାଯାଉଛି। ପ୍ରଥମ ସାମଗ୍ରୀ  ଚୀନରୁ ଆସିଛି । ଏପ୍ରିଲ 6 ରେ, ସରକାର ଚୀନରୁ 1.70 ଲକ୍ଷ PPE ର ଏକ ସାମଗ୍ରୀ ଗ୍ରହଣ କରିଛନ୍ତି  । ଅନ୍ୟପକ୍ଷରେ 20 ହଜାର PPE କିଟ୍ ଭାରତରେ ପ୍ରସ୍ତୁତ ହୋଇସାରିଛି । ତେବେ 1.90 PPE କିଟ୍ ବର୍ତ୍ତମାନ ପ୍ରସ୍ତୁତ ହୋଇଛି, ଯାହା  ବିଭିନ୍ନ ଚିକିତ୍ସାଳୟରେ ବଣ୍ଟା ଯାଇପାରିବ । ଏହି କିଟ୍ ବ୍ୟତୀତ ଦେଶରେ 3,87,473 PPE କିଟ୍ ଅଛି | ଏହିଭଳି ବର୍ତ୍ତମାନ ଦେଶରେ ମୋଟ 5,77,473 PPE କିଟ୍ ଉପଲବ୍ଧ ଅଛି । ଚାଇନାରୁ 60 ଲକ୍ଷ PPE କିଟ୍ ପାଇଁ ଆଉ ଏକ ଡିଲ୍ ମଧ୍ୟ ଫାଇନାଲ ହୋଇଛି ।

ଏପ୍ରିଲ 11ରୁ ସିଙ୍ଗାପୁରରୁ ଆସିବ ପିପିଇ

ସରକାର ଚୀନ୍ ଠାରୁ PPE କିଟ୍ ଗ୍ରହଣ କରିଥିବାବେଳେ ସିଙ୍ଗାପୁରକୁ 80ଲକ୍ଷ PPE କିଟ୍ ( ଏବଂ ମାସ୍କ) ଅର୍ଡର ଦିଆଯାଇଛି ।ଏପ୍ରିଲ 11 ରୁ କିଟ୍ ଆସିବା ଆରମ୍ଭ ହେବ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି । ପ୍ରଥମ ପର୍ଯ୍ୟାୟରେ 2 ଲକ୍ଷ କିଟ୍ ଆସିବ ଏବଂ ପରବର୍ତ୍ତି ସପ୍ତାହ ମଧ୍ୟରେ 8 ଲକ୍ଷ କିଟ୍ ଆସିବ ।

ଭାରତରେ ପ୍ରତିଦିନ 80 ହଜାର ମାସ୍କର ଲକ୍ଷ୍ୟ

ଭାରତରେ ଉତ୍ତର ରେଳବାଇ ଦ୍ୱାରା PPE କିଟ୍ ବର୍ତ୍ତମାନ ପ୍ରସ୍ତୁତ ହେଉଛି ।  DRDO ମଧ୍ୟ ମାସ୍କ ଏବଂ କିଟ୍ ତିଆରି କରୁଛି । ବର୍ତ୍ତମାନ ଭାରତରେ ଉତ୍ପାଦନ ବୃଦ୍ଧି କରାଯାଉଛି । ସରକାରଙ୍କ କହିବା ଅନୁସାରେ ପ୍ରତିଦିନ 80 ହଜାର ମାସ୍କ ତିଆରି କରିବାକୁ ଲକ୍ଷ୍ୟ ରଖାଯାଇଛି ।

କରୋନା ସହ ଏହି ଯୁଦ୍ଧରେ ଏପର୍ଯ୍ୟନ୍ତ କ’ଣ ହୋଇଛି ?

ଏପର୍ଯ୍ୟନ୍ତ କେନ୍ଦ୍ର ସରକାର 20 ଲକ୍ଷରୁ ଅଧିକ N95 ମାସ୍କ ପ୍ରଦାନ କରିଛନ୍ତି। ଏଥିମଧ୍ୟରୁ ଡାକ୍ତରଖାନା ବ୍ୟତୀତ ଦେଶର ବିଭିନ୍ନ ସ୍ଥାନରେ ପ୍ରାୟ 16 ଲକ୍ଷ ମାସ୍କ ଉପଲବ୍ଧ କରାଯାଇଛି । ଅର୍ଥାତ୍ ଏହି ମାସ୍କଗୁଡ଼ିକ ଫ୍ରଣ୍ଟଲାଇନରେ କରୋନା ମୁକାବିଲା କରୁଥିବା ଲୋକଙ୍କ ନିକଟରେ ପହଞ୍ଚିଛି । ପାଖାପାଖି 6 ଲକ୍ଷ PPE କିଟ୍ ମଧ୍ୟ ଯୋଗାଇ ଦିଆଯାଇଛି ।

କରୋନା ସଂକ୍ରମଣ ଉପରେ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ, ଯଥା ଆଇସିଏମଆର ଅନୁଯାୟୀ, ଏପ୍ରିଲ 6 ତାରିଖ ରାତି 9 ଟା ପର୍ଯ୍ୟନ୍ତ ସାରା ଦେଶରେ 1,01,068 ଲକ୍ଷ ନମୁନା ପରୀକ୍ଷା କରାଯାଇଛି। ସେଥିମଧ୍ୟରୁ 4135 ଜଣଙ୍କର ନମୁନା କରୋନା ପଜିଟିଭ୍ ବୋଲି ଜଣାପଡିଛି | 6 ଏପ୍ରିଲରେ ରାତି 9 ଟା ସୁଦ୍ଧା ଗୋଟିଏ ଦିନ ମଧ୍ୟରେ 11,432 ନମୁନା ପରୀକ୍ଷା କରାଯାଇଥିଲା, ସେଥିମଧ୍ୟରୁ 311 ଟି ପଜେଟିଭ୍ ମିଳିଥିଲା  ।

ନୂଆଦିଲ୍ଲୀ: ଆପଣ ଏପର୍ଯ୍ୟନ୍ତ କରୋନା ଭୂତାଣୁର ଶହ ଶହ ଚିତ୍ର ଦେଖିଥିବେ ନିଶ୍ଚୟ । ବିଭିନ୍ନ ରଙ୍ଗର ବିଭିନ୍ନ ଆକୃତି ଏବଂ ବିଭିନ୍ନ ପ୍ରକାରର ଚିତ୍ର ଆପଣ ସୋସିଆଲ ମିଡିଆ ହେଉ କି ଟେଲିଭିଜିନ ସବୁଥିରେ ଏହାର ଚିତ୍ର ତ ଦେଖିଥିବେ । ଏପରିକି ତାହାର 3D ଚିତ୍ର ମଧ୍ୟ ଆପଣମାନେ ଦେଖି୍ଛନ୍ତି । କିନ୍ତୁ ଆପଣ କରୋନା ଭାଇରସର କେମିତ ଶବ୍ଦ କରେ ତାହା ଜାଣିଛନ୍ତି କି ? ତେବେ ଜାଣି ରଖନ୍ତୁ କରୋନା ଭାଇରସରୁ ଏକ ପ୍ରକାର ଶବ୍ଦ ଉତ୍ପନ୍ନ ହୋଇଥାଏ । ବୈଜ୍ଞାନିକମାନେ କରୋନା ଭୂତାଣୁର ଗଠନରୁ ଉତ୍ପନ୍ନ ଧ୍ୱନିକୁ ସଙ୍ଗୀତରେ ପରିଣତ କରିଛନ୍ତି ।

କରୋନା ଭୂତାଣୁ ଯୋଗୁଁ ଏପର୍ଯ୍ୟନ୍ତ ପ୍ରାୟ ୧୩ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ପ୍ରାୟ ୬୯ ହଜାର ଲୋକଙ୍କ ମୃତ୍ୟୁ ମଧ୍ୟ ହୋଇଛି । ସେହି ଭୂତାଣୁର ବାହ୍ୟ ଅଂଶରେ ଉପସ୍ଥିତ ଥିବା କଣ୍ଟା ଯୁକ୍ତ ପ୍ରୋଟିନରୁ ସଂଗୀତ ତିଆରି କରିବା ଏକ ଅଦ୍ଭୁତ ବିଷୟ ।

ଏହି କରୋନା ସଂଗୀତକୁ ମାସାଚ୍ୟୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (MIT)ର ବୈଜ୍ଞାନିକ ମାର୍କସ୍ ଜେ ବୁହୁଲର୍ ପ୍ରସ୍ତୁତ କରିଛନ୍ତି । ଏହି ଭାଇରସର ଯେଉଁ ସଂଗୀତ ଆପଣମାନେ ଶୁଣିବେ ତାହା ଘଣ୍ଟି, ଏବଂ ବଂଶୀ ଶବ୍ଦ ଭଳି । ଏହି ସମସ୍ତ କରୋନାର ବିଭିନ୍ନ ପ୍ରକାରର କଣ୍ଟା ଯୁକ୍ତ ପ୍ରୋଟିନର ଭିନ୍ନ ଭିନ୍ନ ରୂପକୁ ଦର୍ଶାଇଥାନ୍ତି ।

MITର ବୈଜ୍ଞାନିକମାନେ ସୋନିକେସନ୍ ଟେକ୍ନୋଲୋଜି ଜରିଆରେ କରୋନା ଭୂତାଣୁର ବାହ୍ୟ ସ୍ତରରେ ଉପସ୍ଥିତ ଥିବା କଣ୍ଟା ଯୁକ୍ତ ପ୍ରୋଟିନରୁ ଏହି ସଂଗୀତ ପ୍ରସ୍ତୁତ କରିଛନ୍ତି । ଏହି ସଂଗୀତ ପ୍ରାୟ ଏକ ଘଣ୍ଟା ୪୯ ମିନିଟ୍ ୪୮ ସେକେଣ୍ଡର ।

ଭାଇରସରୁ ସଂଗୀତ କିପରି ବାହାରକୁ ଆସେ ଆସନ୍ତୁ ଜାଣିବା । କରୋନା ଭୁତାଣୁର ବାହ୍ୟ କଣ୍ଟା ଯୁକ୍ତ ପ୍ରୋଟିନ୍ ସ୍ତର ଯାହା ଆପଣଙ୍କ କୋଷକୁ ବିଦ୍ଧ ବା ଫୁଟାଇଥାଏ ଏବଂ ଏହା ଆମିନୋ ଏସିଡ୍ ଦ୍ୱାରା ଗଠିତ ହୋଇଥାଏ । କିନ୍ତୁ ଯେତେବେଳେ ଆମେ ବାସ୍ତବରେ ଆମିନୋ ଏସିଡ୍ ଗଠନକୁ ଦେଖିବା, ଏହା ଏକ ହେଲିକ୍ସ ପରି ଦେଖାଯାଏ । ଯାହା ଆମର DNA ର ଆକୃତିର ଗୋଲାକୃତି ଭାବେ ରହିଥାଏ ।

ଯେତେବେଳେ ସେମାନଙ୍କ ମଧ୍ୟରେ କମ୍ପନ ହୋଇଥାଏ, ସେତେବେଳେ ସେମାନଙ୍କଠାରୁ ଏକ ଶବ୍ଦ ବାହାରିଥାଏ ।  ସେଥିପାଇଁ ବୈଜ୍ଞାନିକମାନେ କରୋନା ଭୁତାଣୁର ବାହ୍ୟ କଣ୍ଟା ଯୁକ୍ତ ପ୍ରୋଟିନରୁ ଆମିନୋ ଏସିଡ୍ର ହେଲିକାଲ୍ ଗଠନକୁ ଏକ ଭିନ୍ନ ଭିନ୍ନ ସ୍ଥାନରେ ରଖିଥିଲେ । ଯାହାଫଳରେ ଏହି ସଙ୍ଗୀତ ବାହାରିଥିଲା ।

MITର ବୈଜ୍ଞାନିକମାନେ କହିଛନ୍ତି ଯେ, ଆମିନୋ ଏସିଡର ଗଠନ କେଉଁଠାରେ ଶକ୍ତିଶାଳୀ ଏବଂ ଦୁର୍ବଳ ତାହା ସଙ୍ଗୀତର ଉପର ଏବଂ ନିମ୍ନ ସ୍ଥାନ ଗୁଡିକ ପ୍ରକାଶ କରେ । ଏବଂ କେଉଁ ସ୍ଥାନ ଭୁତାଣୁ କୋଷଗୁଡ଼ିକୁ କାବୁ କରେ ତାହା ବିଷୟରେ ଏହା ସୂଚନା ମଧ୍ୟ ଦେଇଥାଏ ।

ବୈଜ୍ଞାନିକଙ୍କ ଭାଷାରେ, ଭୁତାଣୁ ଗଠନର ଏହି ଉପାୟକୁ ମୋଲିକ୍ୟୁଲାର ମଡେଲିଂ କୁହାଯାଏ । ଏବଂ ପରେ ଆମେ ମଡେଲ ମାଧ୍ୟମରେ ଏହା ଜଣାପାରିବା କି କିପରି ଏହି ଭୁତାଣୁ ଆକ୍ରମଣକୁ ଆମେ ବନ୍ଦ କରିପାରିବା ।

ଯେତେବେଳେ ମାଲିକ୍ୟୁଲାର ମଡେଲର ସୋନିକେସନ୍ ହୁଏ ସେହି ସମୟରେ ହିଁ ଏଥିରୁ ସଂଗୀତ ବାହାରିଥାଏ । MIT ର ବୈଜ୍ଞାନିକମାନେ କରୋନା ମ୍ୟୁଜିକର ସୋନିଫାଏଡ୍ ପ୍ରୋଟିନ୍ କୁ ସେମାନଙ୍କର ବଡ଼ ଡାଟାବେସରେ ଭର୍ତ୍ତି କରିଛନ୍ତି ଯାହା ଫଳରେ ଏହି ପ୍ରୋଟିନ୍ ସହିତ ଡାଟାବେସରେ ଥିବା ଅନ୍ୟ କୌଣସି ପ୍ରୋଟିନ୍ କିପରି ପ୍ରତିକ୍ରିୟା କରେ ତାହା ଜାଣି ହେବ ।

ଡାଟାବେସରେ  ଥିବା ପ୍ରୋଟିନ୍ କରୋନାର ସୋନିକେଟ୍ ପ୍ରୋଟିନ୍ ତଥା ସଂଗୀତ ଯୁକ୍ତ ପ୍ରୋଟିନକୁ ଚାପି ଦେବ । ସେହି ପ୍ରୋଟିନରୁ ଏହି ଭୁତାଣୁ ମାରିବା କିମ୍ବା ଦମନ କରିବା ପାଇଁ ଔଷଧ ତିଆରି କରାଯାଇପାରିବ । ଏହାର ଅର୍ଥ ଭବିଷ୍ୟତରେ ସଂଗୀତ କରୋନାକୁ ଭଲ କରିବାରେ ସକ୍ଷମ ହେବ ।

ଭାଇରସର ସଂଗୀତ ପାଇଁ କେଉଁ ପ୍ରକାରର ବାଦ୍ୟଯନ୍ତ୍ର ବ୍ୟବହାର କରିବା ଏହା ସମ୍ପୂର୍ଣ୍ଣ ଭାବେ ବୈଜ୍ଞାନିକମାନଙ୍କ ଉପରେ ନିର୍ଭର କରେ । ଏହି ଭୂତାଣୁର ସଙ୍ଗୀତରେ ଜାପାନିଜ ସଙ୍ଗୀତ ଯନ୍ତ୍ର କୋତୋ ମୁଖ୍ୟ । ଏବଂ ଏହାର ଶବ୍ଦ ଘଣ୍ଟି, ବାଦ୍ୟ ଏବଂ ବଂଶୀ ଭଳି ଶୁଣାଯିବ  । ତେଣୁ ଏହି ସମୟରେ ଏହି ବାଦ୍ୟ ଯନ୍ତ୍ରକୁ ଶୁଣିବା ହିଁ ଦେହ ପାଇଁ ଲାଭବାନ ହେବ ।

ନୂଆଦିଲ୍ଲୀ: କରୋନା ମହାମାରୀ ସହ ଦୁନିଆ ଯୁଦ୍ଧ ଲଢୁଛି । ଏହି ଭାଇରସର ଟୀକା ଏପର୍ଯ୍ୟନ୍ତ ବାହାରି ନାହିଁ । ଏମିତିରେ ପୁରୁଣା ଔଷଧକୁ ନେଇ ପରୀକ୍ଷା ନିରିକ୍ଷା ଚାଲିଛି । ସେହି ପରୀକ୍ଷା ନିରିକ୍ଷା ଭିତରେ ମ୍ୟାଲେରିଆ ଔଷଧ ହାଇଡ୍ରୋକ୍ସିକ୍ଲୋରକ୍ୱିନର ନାଁ ଉଠୁଛି । ଏହି ଔଷଧ କରୋନା ଚିକିତ୍ସାରେ କିଛି ସକରାତ୍ମକ ଫଳ ଦେଉଛି । ତେଣୁ ଆମେରିକା ଏହାକୁ ଅଧିକ ପରିମାଣରେ ଚାହୁଁଛି । ଏଥିପାଇଁ ଆମେରିକା ଭାରତକୁ ସାହାଯ୍ୟ ମାଗିଥିଲା । ରବିବାର ଦିନ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆମେରିକା ରାଷ୍ଟ୍ରପତି ଟ୍ରମ୍ପ କଥା ହୋଇଥିଲେ । ଔଷଧ ଯୋଗାଇବା ପାଇଁ ଭାରତକୁ ଅନୁରୋଧ କରିଥିଲେ । କିନ୍ତୁ ଏହାର ମାତ୍ର ଦୁଇ ଦିନ ପରେ ମଙ୍ଗଳବାର ସକାଳୁ ସକାଳୁ ଟ୍ରମ୍ପ ଭାରତକୁ ପରୋକ୍ଷ ଧମକ ଦେଇଛନ୍ତି । ଔଷଧ ନଦେଲେ ଭାରତ ବିରୋଧରେ କାହିଁକି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ ବୋଲି ଟ୍ରମ୍ପ ମହାଶୟ ପ୍ରଶ୍ନ କରିଛନ୍ତି ।

ଦି’ଦିନରେ ବଦଳିଗଲେ ଟ୍ରମ୍ପ,ହାଇଡ୍ରୋକ୍ସିକ୍ଲୋରୋକ୍ୱିନ୍ ନଦେଲେ କଠୋର କାର୍ଯ୍ୟାନୁଷ୍ଠାନ ଧମକ !

ଏବେ ଭାରତ ରାଷ୍ଟ୍ରପତି ଟ୍ରମ୍ପଙ୍କୁ ଉତ୍ତର ଦେଇଛି । ଭାରତ କହିଛି ଯେ, ଆମ ପାଇଁ ଦେଶ ଆଗ । ଯେଉଁଠି ଆବଶ୍ୟକ ସେଠି ସାହାଯ୍ୟ କରିବୁ । ବୈଦେଶିକ ମନ୍ତ୍ରଣାଳୟ କହିଛିଯେ, ପ୍ରଥମେ ଭାରତ ନିଜ ଆବଶ୍ୟକତା କଥା ଭାବିବ । ତା’ପରେ ଯେଉଁ ଦେଶ ଏହାକୁ ସର୍ବାଧିକ ଆବଶ୍ୟକ କରନ୍ତି,ସେମାନଙ୍କୁ ସାହାଯ୍ୟ କରାଯିବ ।
ଘରେ ଅଧିକ ଷ୍ଟକ ପ୍ରଥମ ପ୍ରାଥମିକତା
ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ବୟାନ ପରେ ବୈଦେଶିକ ମନ୍ତ୍ରଣାଳୟ ତରଫରୁ ଜାରି ବୟାନରେ କୁହାଯାଇଛି ଯେ, ‘‘ ଆମ ପ୍ରଥମ ପ୍ରାଥମିକତା ହେଉଛି ଦେଶରେ ଅତ୍ୟାବଶ୍ୟକ ଔଷଧର ଷ୍ଟକ୍ ମହଜୁଦ ରଖିବା । ଯେମିତିକି ଆମ ଲୋକଙ୍କ ଆବଶ୍ୟକତା ପୁରଣ କରାଯାଇ ପାରିବ । ସେଇଥିପାଇଁ କିଛି ଔଷଧର ରପ୍ତାନୀ ଉପରେ ପ୍ରତିବନ୍ଧକ ଲାଗୁ କରାଯାଇଥିଲା । କିନ୍ତୁ ବଦଳୁଥିବା ପରିସ୍ଥିତିରେ ସରକାର କିଛି ଔଷଧ ଉପରୁ ପ୍ରତିବନ୍ଧକ ହଟାଇ ଦେଇଛନ୍ତି ।’’
ପ୍ରଭାବିତ ଦେଶକୁ ଦେବୁ

ଭାରତ କହିଛି ଯେ, ପାରାସିଟାମଲ ଓ ହାଇଡ୍ରୋକ୍ସିକ୍ଲୋରୋକ୍ୱିନ୍ ଏଥିପାଇଁ ଗୁରୁତ୍ୱପୂର୍ଣ୍ଣ ଯେ, ଆମର କିଛି ପଡୋଷୀ ଦେଶ ଏହି ଔଷଧ ପାଇଁ ଆମ ଉପରେ ନିର୍ଭରଶୀଳ । ଏହାସହ ସେହି ଦେଶଗୁଡିକୁ ମଧ୍ୟ ଏହି ଔଷଧ ରପ୍ତାନୀ କରାଯାଉଛି ଯେଉଁଠାରେ କରୋନା ଅଧିକ ବ୍ୟାପିଛି । ତେଣୁ ଏହି ମାମଲାକୁ ଅଯଥାରେ ରାଜନୈତିକ ରଙ୍ଗ ନଦିଆଯାଉ ।

ନୂଆଦିଲ୍ଲୀ : ଭାରତରେ କରୋନା ଭୁତାଣୁ ରୋଗ କ୍ରମାଗତ ଭାବେ ବଢିବାରେ ଲାଗିଛି । ଦେଶରେ ଏବେ ସଂକ୍ରମିତ ରୋଗୀଙ୍କ ସଂଖ୍ୟା 4000 ରୁ ଅଧିକ ହୋଇଥିବାବେଳେ ମୃତ୍ୟୁ ସଂଖ୍ୟା ମଧ୍ୟ 111ରେ ପହଞ୍ଚିଛି । ସ୍ୱାସ୍ଥ୍ୟ ମନ୍ତ୍ରଣାଳୟ କରୋନା ଭୁତାଣୁ ରୋଗୀଙ୍କ ସହ ଜଡିତ କିଛି ତଥ୍ୟ ପ୍ରଦାନ କରିଛି ।

ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଭାରତରେ କରୋନା ଭୁତାଣୁରେ ମୃତ୍ୟୁବରଣ କରିଥିବା ରୋଗୀଙ୍କ ମଧ୍ୟରୁ 63 ପ୍ରତିଶତ, 60 ବର୍ଷରୁ ଅଧିକ ବୟସର । ଏବଂ ଏମାନଙ୍କ ମଧ୍ୟରୁ ପୂର୍ବରୁ 86 ପ୍ରତିଶତ ଲୋକ ମଧୁମେହ, ଉଚ୍ଚ ରକ୍ତଚାପ ଏବଂ ହୃଦଘାତ୍ ଭଳି ସମସ୍ୟାରେ ଆକ୍ରାନ୍ତ ଥିଲେ।

କୋଭିଡ -19 ଉପରେ ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ମଧ୍ୟ ଦର୍ଶାଏ ଯେ ଏହି ମହାମାରୀରେ ମୃତ୍ୟୁବରଣ କରିଥିବା 30 ପ୍ରତିଶତ ଲୋକ 40-60 ବର୍ଷ ବୟସରେ ଥିଲେ ଏବଂ କେବଳ 7 ପ୍ରତିଶତ ଲୋକ 40 ବର୍ଷରୁ କମ୍ ଥିଲେ। ଏହା ବୟସ ଏବଂ ମୃତ୍ୟୁର ସମ୍ପର୍କକୁ ଦର୍ଶାଇଥାଏ ।

ଭାରତରେ କରୋନା ଭୁତାଣୁଙ୍କ ମୃତ୍ୟୁ ସଂଖ୍ୟା ଅନ୍ୟଦେଶର ଆକଳନ ସହିତ ସମାନ ଯେଉଁଠାରେ 60-80 ବର୍ଷ ବୟସର ଲୋକଙ୍କ ସର୍ବାଧିକ ମୃତ୍ୟୁ ରେକର୍ଡ କରାଯାଇଛି। ଏଥି ସହିତ, ଭାରତରେ କରୋନା ଦ୍ୱାରା ସଂକ୍ରମିତ ଲୋକଙ୍କ ମଧ୍ୟରୁ 76 ପ୍ରତିଶତ ପୁରୁଷ ଏବଂ ମୃତ୍ୟୁବରଣ କରୁଥିବା ବ୍ୟକ୍ତିଙ୍କ 73 ପ୍ରତିଶତ ପୁରୁଷ ଅଟନ୍ତି ।

ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ବର୍ତ୍ତମାନ ପର୍ଯ୍ୟନ୍ତ ମୃତ୍ୟୁର 86 ପ୍ରତିଶତ ଲୋକ ମଧୁମେହ, ଉଚ୍ଚ ରକ୍ତଚାପ, କିଡନୀ ଏବଂ ହୃଦୟ ସମ୍ବନ୍ଧୀୟ ରୋଗରେ ଆକ୍ରାନ୍ତ। ଏଥିରୁ ସ୍ପଷ୍ଟ ଜଣାଯାଉଛି ଯେ, କରୋନା ଜୀବାଣୁ ବୃଦ୍ଧମାନଙ୍କୁ ସହଜରେ ଶିକାର କରୁଛି।

ତେବେ 60 ବର୍ଷରୁ କମ୍ ମୃତ୍ୟୁ ସଂଖ୍ୟା 37 ପ୍ରତିଶତ ଅଟେ। ଏଥି ସହିତ, ମୃତକମାନଙ୍କ ମଧ୍ୟରୁ 86 ପ୍ରତିଶତ ଯେଉଁମାନେ ପୂର୍ବରୁ କିଛି ରୋଗରେ ପୀଡିତ ଥିଲେ । ତେଣୁ, ଯେଉଁମାନଙ୍କର ସ୍ୱାସ୍ଥ୍ୟଗତ ସମସ୍ୟା ରହିଛି, ସେମାନେ ମଧ୍ୟ କରୋନା ଭୁତାଣୁ ଶିକାର ହୋଇପାରନ୍ତି ।

ବୃଦ୍ଧମାନଙ୍କୁ କରୋନା ସଂକ୍ରମିତ କରିବାର କାରଣ ହେଉଛି, ସମୟ ସହିତ ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ

ହୋଇଯାଏ, ଫଳରେ ସେମାନଙ୍କୁ କରୋନା ଭୁତାଣୁ ଖୁବ ଶୀଘ୍ର ସଂକ୍ରମିତ କରିଥାଏ । କୋଭିଡ -19 ପରି ଭୁତାଣୁ ସହିତ ଲଢିବା ପାଇଁ ଶରୀରରେ ଅଧିକ ମାତ୍ରାରେ ଆଣ୍ଟିବାଓଟିକ୍ ରହିବା ନିହାତି ଆବଶ୍ୟକ ।

ଡବ୍ଲୁବିସି ତଥା ଆଣ୍ଟିବାଓଟିକ ଉତ୍ପାଦନ ପାଇଁ ବୃଦ୍ଧ ଶରୀରର କ୍ଷମତା କମିଯାଏ ଏବଂ ଅନେକ ରୋଗ ସହ ଲଢିବାର କ୍ଷମତା ମଧ୍ୟ ଦୁର୍ବଳ ହୋଇଯାଏ ।ସାଇଟୋକିନ୍ ସିଣ୍ଡ୍ରୋମ ମଧ୍ୟ ବୃଦ୍ଧମାନଙ୍କ ପାଇଁ ବିପଦଜନକ ଅଟେ। ଯେତେବେଳେ ଏକ ନୂତନ ଭୁତାଣୁ ଶରୀରରେ ପ୍ରବେଶ କରନ୍ତି, ସାଇଟୋକିନ୍ ବହୁ ପରିମାଣର ପ୍ରତିରକ୍ଷା କୋଷ ସୃଷ୍ଟି କରିଥାଏ । ଏହି କୋଷଗୁଡ଼ିକ ଭୁବାଣୁ ସହିତ ଲଢିବା ପାଇଁ କାର୍ଯ୍ୟ କରନ୍ତି । ଏହି ପ୍ରକ୍ରିୟାରେ ବୃଦ୍ଧମାନଙ୍କଠାରେ ଉଚ୍ଚ ଜ୍ୱର ହୋଇପାରେ ।

କର୍କଟ, ମଧୁମେହ, ହୃଦ ରୋଗ ଏବଂ ଶ୍ୱାସକ୍ରିୟାରେ ସମସ୍ୟା ମଧ୍ୟ ବୃଦ୍ଧମାନଙ୍କଠାରେ ଦେଖାଯାଏ, ଯେଉଁ କାରଣରୁ ଏହି ସମସ୍ୟା ଆହୁରି ବଢିବାରେ ଲାଗିଥାଏ । କୋଭିଡ -19ରେ ମୃତ୍ୟୁ ବିଷୟରେ ଭାରତର ତଥ୍ୟ ଚୀନ୍ ଏବଂ ଇଟାଲୀ ସହିତ ମେଳ ଖାଉଛି, ଯାହା ଏହି ଭାଇରାଲ ସଂକ୍ରମଣରେ ଅଧିକ ପ୍ରଭାବିତ ହୋଇଛି।

ନୂଆଦିଲ୍ଲୀ: ନୋଭେଲ୍ କରୋନା ଭାଇରସ୍‌ ଦ୍ୱାରା ହେଉଥିବା କୋଭିଡ-୧୯ ରୋଗରୁ ବଞ୍ଚିବା ପାଇଁ ନିର୍ଦ୍ଧିଷ୍ଟ ଭାବେ ଏହାର କୌଣସି ଔଷଧ କିମ୍ୱା ଟୀକା ବାହାରିନଥିବା ବେଳେ ସତର୍କତା ଏହି ଏକମାତ୍ର ଉପାୟ । ଏଣୁ ବାରମ୍ୱାର ହାତ ଧୋଇବା ଓ ଘରେ ରହିବା ପାଇଁ ଗୁରୁତ୍ୱ ଦେଇଛନ୍ତି ସରକାର ଓ ଡାକ୍ତରୀ ବିଶେଷଜ୍ଞ । ଏଥିସହିତ ଘରୁ ବାହାରିଲା ବେଳକୁ ମାସ୍କ ବ୍ୟବହାର ପାଇଁ ମଧ୍ୟ ଜୋର ଦେଉଛନ୍ତି । ବିଭିନ୍ନ ସ୍ଥାନରେ ମାସ୍କ ପିନ୍ଧିବାକୁ ବାଧ୍ୟତାମୂଳକଭାବେ ମଧ୍ୟ ଲାଗୁ କରାଯାଇଛି । ନଚେତ୍ ଲୋକଙ୍କ ଗଣିବାକୁ ପଡ଼ୁଛି ତଣ୍ଡ ।

ବର୍ତ୍ତମାନ ମାସ୍କ ବ୍ୟବହାର ନେଇ କିଛି ଏଭଳି ତଥ୍ୟା ଏବେ ସାମ୍ନାକୁ ଆସିଛି ଯାହା ବିଷୟରେ ଜାଣିବା ଆପଣଙ୍କ ପାଇଁ ନିହାତି ଜରୁରୀ । ମାସ୍କ ବ୍ୟବହାରରେ ଏଭଳି ସତର୍କତା ଅବଲମ୍ୱନ ନକରନ୍ତି ତେବେ କରୋନା ଭଳି ଭୟାବହ ଭୂତାଣୁରୁ ବର୍ତ୍ତିବା ବଦଳରେ ଆକ୍ରାନ୍ତ ହୋଇପାରନ୍ତି ।

ହଂକଂ ୟୁନିଭର୍ସିଟି ଦ୍ୱାରା ସଦ୍ୟ ପ୍ରକାଶିତ ରିସର୍ଚ୍ଚ ରିପୋର୍ଟ ଅନୁଯାୟୀ ଆମେ ବ୍ୟବହାର କରୁଥିବା ମାସ୍କରେ ୭ ଦିନ ପର୍ଯ୍ୟନ୍ତ କରୋନା ଭୂତାଣୁ ବଞ୍ଚି ରହିପାରେ । ଅପରପକ୍ଷରେ ନୋଟ୍ ଓ କାଚରେ ୪ ଦିନ, ଷ୍ଟେନ୍‌ଲେସ୍‌ ଷ୍ଟିଲ୍‌ ଏବଂ ପ୍ଳାଷ୍ଟିକରେ ୪ରୁ ୭ ଦିନ ଯାଏଁ ଭୂତାଣୁ ଜୀବନ୍ତ ରହିଥାଏ   । ଏବଂ ଆମ ପୋଷାକରେ ପୂରା ଗୋଟିଏ ଦିନ ଯାଏଁ ଏହି ଭୂତାଣୁ ଜୀବିତ ରୁହେ ।

ଏଣୁ ଆପଣ ଯଦି ମାସ୍କ ବ୍ୟବହାର କରିସାରି ତାକୁ ଗରମ ପାଣିରେ ଧୋଇବେ । ଅନୁନ୍ୟ ୫ ଘଣ୍ଟା ଖରାରେ ଶୁଖାଇବେ । ଏବଂ ହାତକୁ ସାବୁନ କିମ୍ୱା ହ୍ୟାଣ୍ଡଓ୍ୱାସ୍‌ରେ ଧୋଇସାରି ମାସ୍କଟିକୁ ପିନ୍ଧିବା ଉଚିତ୍‌ ।