ନୂଆଦିଲ୍ଲୀ: କରୋନାର ମହାମାରି ଏବଂ ଲକଡାଉନ ମଧ୍ୟରେ ବି ଥମୁନି ଠକଙ୍କ ଉତ୍ପାତ । ବର୍ତ୍ତମାନ ଠକେଇ କରିବାର ନୂଆ ଉପାୟ ଆପଣାଇଛନ୍ତି । ଠକ ମାନେ ଲୋନ କରିଥିବା ବ୍ୟକ୍ତିଙ୍କ ପାଖକୁ ଫୋନ ଏବଂ ମେସେଜ କରି ଇଏମଆଇ ନଦେବାପାଇଁ କହି ସେମାନଙ୍କୁ ଠକୁଛନ୍ତି । ତେବେ ବ୍ୟାଙ୍କ ଏଭଳି କଲ୍ ଏବଂ ମେସେଜ ପ୍ରତି ସଜାଗ ରହିବା ପାଇଁ ଗ୍ରାହକ ମାନଙ୍କୁ ସତର୍କ କରାଇଛି ।

ଏହିପ୍ରକାର ସାଇବର ଠକ ମାନେ ବ୍ୟାଙ୍କ ପ୍ରତିନିଧିଙ୍କ ରୂପରେ ଫୋନ କରି  ସେମାନଙ୍କ EMI କୁ ତିନିମାସ ପାଇଁ ଛାଡ କରାଯାଉଛି ବୋଲି କୁହନ୍ତି ଓ ପରେ, ସେମାନେ ଏକ OTP ଅଂଶୀଦାର କରିବାକୁ କୁହନ୍ତି | ଯଦି କେହି ହଠାତ୍ OTP ଅଂଶୀଦାର କରନ୍ତି, ତେବେ ସଙ୍ଗେ ସଙ୍ଗେ ତାଙ୍କ ଆକାଉଣ୍ଟରୁ ସମସ୍ତ ଟଙ୍କା ଚଳୁ କରିଦିଅନ୍ତି ଏହି ଠକ ।

ବର୍ତ୍ତମାନ ବ୍ୟଙ୍କ ନିଜ ଗ୍ରହକ ମାନଙ୍କୁ ମେଲ, ଟ୍ୱିଟ ଏବଂ ମେସେଜ ମାଧ୍ୟମରେ ଏଭଳି ଠକ ମାନଙ୍କ ପ୍ରତି ସତର୍କ ରହିବା ପାଇଁ ସୂଚନା ଦେଉଛି ।

ଭାରତୀୟ ଷ୍ଟେଟ ବ୍ୟାଙ୍କ ଟ୍ୱିଟ କରି ସତର୍କ କରାଇଛି ଯେ, ସାଇବର ଠକେଇ ଲୋକଙ୍କୁ ଠକିବାର ଏକ ନୂଆ ଉପାୟ ଆପଣାଉଛନ୍ତି । ଏହି ସାଇବର ଠକଙ୍କ ଠାରୁ ଦୂରେଇ ରହିବାର ଏକମାତ୍ର ଉପାୟ ହେଉଛି ସାବଧାନ ରହିବା ଏବଂ ଜାଗୃତ ରହିବା । ଦୟାକରି ଏହି କଥା ପ୍ରତି ଧ୍ୟାନ ଦିଅନ୍ତୁ ଯେ, EMI ଛାଡ଼ କରିବାପାଇଁ କୌଣସି OTP ଦରକାର ନଥାଏ । ନିଜର OTP କାହାକୁ ଦିଅନ୍ତ ନାହିଁ । ଆପଣଙ୍କ ଲୋନର EMIକୁ ଟାଳିବା ପାଇଁ ବ୍ୟାଙ୍କର ୱେବସାଇଟ https://bank.sbi/stopemi ରେ ସଂପର୍କ କରନ୍ତୁ ।

Cyber fraudsters keep finding new ways to scam people. The only way to beat the #cybercriminals is to #BeAlert & be aware. Please note that EMI Deferment does not require OTP sharing. Do not share your OTP. For details on EMI Deferment scheme, visit: https://t.co/wP3Xux99vI#SBI pic.twitter.com/2GZSHX3ONa

— State Bank of India (@TheOfficialSBI) April 5, 2020

ସେହିପରି ଭାବରେ ଆଇସିଆଇ ବ୍ୟାଙ୍କ ନିଜ ଗ୍ରାହକ ମାନଙ୍କୁ ସତର୍କ କରାଇ କହିଛି ଯେ,   ‘କୌଣସି ବ୍ୟାଙ୍କ ଆପଣଙ୍କ EMI କିମ୍ବା ସୁଧ ଦେୟ ସ୍ଥଗିତ ରଖିବା ପାଇଁ OTP, ୟୁଜର୍ ID କିମ୍ବା ପାସୱାର୍ଡ ପରି ଆପଣଙ୍କର ଗୁପ୍ତ ବ୍ୟାଙ୍କିଙ୍ଗ୍ ବିବରଣୀ ମାଗନ୍ତି ନାହିଁ | ତେଣୁ ସତର୍କ ରୁହନ୍ତୁ ଏବଂ ସୁରକ୍ଷିତ ବ୍ୟାଙ୍କିଂ ଗ୍ରହଣ କର ।

No bank will ever ask for your confidential banking details like OTP, user ID or password to postpone your EMI or interest payments (moratorium). Watch the video to know more. Stay alert, practice #SafeBanking. pic.twitter.com/8dJktuNrPr

— ICICI Bank (@ICICIBank) April 6, 2020

ସମଗ୍ର ବିଶ୍ୱ ଏବେ କରୋନା ମହାମାରୀ ପାଇଁ ଅସୁବିଧାରେ ପଡ଼ିଛି । ଏହି କରୋନା ଚିକିତ୍ସା ଏବେ ଚିନ୍ତାର ବିଷୟ ହୋଇ ସାରା ବିଶ୍ୱ ଆଗରେ ଛିଡ଼ାହୋଇଛି। କରୋନା ଭୟାବହତାକୁ ସାମ୍ନା କରି ଆମେରିକା ଭାରତକୁ ସାହାଯ୍ୟ ଲୋଡିଛି। ଏହାର କାରଣ ହେଉଛି ଭାରତ ପାଖରେ କରୋନାକୁ ଲଢ଼ିବାପାଇଁ ଔଷଧ ରହିଛି। ଯେଉଁଥିପାଇଁ ଭାରତକୁ ଧମକ ମଧ୍ୟ ଦେଇଛନ୍ତି। ଏହି ଔଷଧର ନାମ ହେଉଛି ହାଇଡ୍ରୋକ୍ସିକ୍ଲୋରୋକାଇନ୍ । ଯେଉଁ ଔଷଧ ଭାରତରେ ମ୍ୟାଲେରିଆ ମହାମାରୀ ବେଳେ ସହାୟକ ହୋଇଥିଲା।

ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ପ୍ରଥମେ ଭାରତରେ ହାଇଡ୍ରୋକ୍ସିକ୍ଲୋରୋକାଇନ୍ ର ଆବଶ୍ୟକତା ଏବଂ ଷ୍ଟକ୍ ଉପରେ ଦୃଷ୍ଟି ରଖିବ। କେବଳ କରୋନା ପ୍ରଭାବିତ ଦେଶମାନଙ୍କୁ ଏହି ଔଷଧ ଦେବାକୁ ନିଷ୍ପତ୍ତି ନିଆଯାଇଛି। ଅଯଥାରେ ଆବଶ୍ୟକ ନଥିବା ଦେଶକୁ ଦିଆଜିବନାହିଁ। ଏହି ଔଷଧ ଭାରତରେ ବହୁ ପରିମାଣରେ ତିଆରି ହୋଇଛି ।

ଆମେରିକାର ଖବରକାଗଜ ଦି ନ୍ୟୁୟର୍କ ଟାଇମ୍ସର ୱେବସାଇଟରେ ଡୋନାଲ୍ଡ ଟ୍ରମ୍ପ କାହିଁକି ଏହି ମ୍ୟାଲେରିଆ ଔଷଧ ପଛରେ ପଡ଼ିଛି ତାହା ପ୍ରକାଶ ପାଇଛି। ଏଥିରେ ଡୋନାଲ୍ଡ ଟ୍ରମ୍ପଙ୍କର ବ୍ୟକ୍ତିଗତ ସୁବିଧା ରହିଛି। ନ୍ୟୁୟର୍କ ଟାଇମ୍ସ ଅନୁଯାୟୀ, ଯଦି ହାଇଡ୍ରୋକ୍ସିକ୍ଲୋରୋକାଇନ୍ ସାରା ବିଶ୍ୱରେ କରୋନା ଚିକିତ୍ସା କରିବାକୁ ଅନୁମତି ଦିଆଯାଏ, ତେବେ ଏହି ଔଷଧ ତିଆରି କରୁଥିବା କମ୍ପାନୀଗୁଡିକ ବହୁ ଲାଭବାନ ହେବେ। ଏପରି ଏକ କମ୍ପାନୀରେ ଡୋନାଲ୍ଡ ଟ୍ରମ୍ପଙ୍କର ଅଂଶଧନ ମଧ୍ୟ ରହିଛି। ଆହୁରି ମଧ୍ୟ, ସେହି କମ୍ପାନୀର ବରିଷ୍ଠ ଅଧିକାରୀମାନଙ୍କ ସହିତ ଡୋନାଲ୍ଡ ଟ୍ରମ୍ପଙ୍କର ଭିତିରିଆ ସମ୍ପର୍କ ରହିଛି।

ୱେବସାଇଟରେ ଏହା ଲେଖାଯାଇଛି ଯେ ଫ୍ରାନ୍ସର ଔଷଧ ତିଆରି କମ୍ପାନୀ ସାନୋଫି ଉପରେ ଡୋନାଲ୍ଡ ଟ୍ରମ୍ପଙ୍କର ବ୍ୟକ୍ତିଗତ ସୁବିଧା ରହିଛି। ଟ୍ରମ୍ପ କମ୍ପାନୀରେ ସେୟାର ମଧ୍ୟ ରଖିଛନ୍ତି। ଏହି କମ୍ପାନୀ ପ୍ଲାକେନିଲ ବ୍ରାଣ୍ଡ ନାମରେ ବଜାରରେ ହାଇଡ୍ରୋକ୍ସିକ୍ଲୋରୋକାଇନ୍ ଔଷଧ ବିକ୍ରି କରେ ।

ମ୍ୟାଲେରିଆ ପରି ବିପଜ୍ଜନକ ରୋଗ ସହ ଲଢ଼ିବାରେ ହାଇଡ୍ରୋକ୍ସିକ୍ଲୋରୋକାଇନ୍ ଏକ ପ୍ରଭାବଶାଳୀ ଔଷଧ । ପ୍ରତିବର୍ଷ ବହୁ ସଂଖ୍ୟକ ଲୋକ ଭାରତରେ ମ୍ୟାଲେରିଆର ଶିକାର ହୁଅନ୍ତି। ସେଥିପାଇଁ ଭାରତୀୟ ଫାର୍ମାସ୍ୟୁଟିକାଲ୍ କମ୍ପାନୀଗୁଡିକ ଏହାକୁ ବହୁ ପରିମାଣରେ ଉତ୍ପାଦନ କରନ୍ତି ।

ସବୁଠାରୁ ବଡ଼କଥା ହେଉଛି ଯେ ଆମେରିକା ଭଳି ଦେଶରେ କରୋନା ଭାଇରସ ସହ ଲଢ଼ିବା ପାଇଁ ଏହି ଔଷଧ ଦିଆଯାଉଛି। ଏହା ମଧ୍ୟ ସହାୟକ ହେଉଛି । ଏହି କାରଣରୁ ଏହାର ଚାହିଦା ବୃଦ୍ଧି ପାଇଛି ।

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ମହାମାରୀ ବିରୋଧରେ ଲଢେଇ ଦୀର୍ଘଦିନର ବୋଲି କହିବା ସହ ଏହି ଲଢେଇରେ ଥକି ନଯାଇ ଜିତିବାକୁ ପଡ଼ିବ ବୋଲି କହିଛନ୍ତି। ଏହି ଯୁଦ୍ଧରେ ଜିତିବା ପାଇଁ ଦେଶବାସୀଙ୍କ ସତର୍କତା ସହିତ ସରକାରଙ୍କ ପ୍ରସ୍ତୁତି ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଲକଡାଉନକୁ ଜନତା ଯେଉଁଭଳି ସମର୍ଥନ କରୁଛନ୍ତି  ମୋଦୀ ତାହାକୁ ପ୍ରଶଂସା କରିଛନ୍ତି । ଏଥି ସହିତ ସରକାରୀ ସ୍ତରରେ ମଧ୍ୟ ପ୍ରମୁଖ ପ୍ରସ୍ତୁତି ଚାଲିଛି । କରୋନାକୁ ପରାସ୍ତ କରିବାକୁ ସବୁଠାରୁ ବଡ ଯୋଦ୍ଧା ହେଉଛନ୍ତି ଡାକ୍ତର ଏବଂ ଡାକ୍ତରୀ କର୍ମଚାରୀ । ସେମାନଙ୍କର ସୁରକ୍ଷା ପାଇଁ, ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ବ୍ୟକ୍ତିଗତ ସୁରକ୍ଷା ଉପକରଣ ଅର୍ଥାତ୍ PPE ଏବଂ N95 ମାସ୍କ । ଏହି ଅତ୍ୟାବଶ୍ୟକ ଜିନିଷଗୁଡ଼ିକର ଯୋଗାଣ ଦିନକୁ ଦିନ ବୃଦ୍ଧି ପାଉଛି ଏବଂ ଭବିଷ୍ୟତ ପାଇଁ ମଧ୍ୟ ଏହାର ଯୋଗାଣ ସୁନିଶ୍ଚିତ ହୋଇଛି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ 112.76 ଲକ୍ଷ N95 ମାସ୍କ ଏବଂ 157.32 ଲକ୍ଷ PPE କିଟ୍ ପାଇଁ ଅର୍ଡର ରଖାଯାଇଛି । ଏଥିମଧ୍ୟରୁ 80 ଲକ୍ଷ PPE କିଟ୍ ସହିତ ମାସ୍କ ମଧ୍ୟ ପୃଥକ ଭାବରେ ରଖାଯାଇଛି । ସେହିପରି ଭାବେ ମାସ୍କ ସଂଖ୍ୟା ମଧ୍ୟ ଆହୁରି ବୃଦ୍ଧି ପାଇବ  । ସରକାର ସୂଚନା ଦେଇଛନ୍ତି ଯେ ବର୍ତ୍ତମାନ ପର୍ଯ୍ୟାପ୍ତ ସଂଖ୍ୟକ କିଟ୍ ଏବଂ ମାସ୍କ ଉପଲବ୍ଧ ଅଛି । ଏବଂ ପ୍ରତି ସପ୍ତାହରେ 10 ଲକ୍ଷ PPE କିଟ୍ ଯୋଗାଇବାକୁ ଲକ୍ଷ୍ୟ ଧାର୍ଯ୍ୟ ରଖାଯାଇଛି ।

ଚୀନରୁ  ଆସିଲା PPE କିଟ୍

ମେଡିକାଲ କିଟ୍ ଯୋଗାଣ ପାଇଁ ସରକାର ନିଜ ଦେଶରେ ଯନ୍ତ୍ରପାତି ପ୍ରସ୍ତୁତ କରୁଥିବାବେଳେ ବିଦେଶରେ ଆମଦାନୀ ମଧ୍ୟ କରାଯାଉଛି। ପ୍ରଥମ ସାମଗ୍ରୀ  ଚୀନରୁ ଆସିଛି । ଏପ୍ରିଲ 6 ରେ, ସରକାର ଚୀନରୁ 1.70 ଲକ୍ଷ PPE ର ଏକ ସାମଗ୍ରୀ ଗ୍ରହଣ କରିଛନ୍ତି  । ଅନ୍ୟପକ୍ଷରେ 20 ହଜାର PPE କିଟ୍ ଭାରତରେ ପ୍ରସ୍ତୁତ ହୋଇସାରିଛି । ତେବେ 1.90 PPE କିଟ୍ ବର୍ତ୍ତମାନ ପ୍ରସ୍ତୁତ ହୋଇଛି, ଯାହା  ବିଭିନ୍ନ ଚିକିତ୍ସାଳୟରେ ବଣ୍ଟା ଯାଇପାରିବ । ଏହି କିଟ୍ ବ୍ୟତୀତ ଦେଶରେ 3,87,473 PPE କିଟ୍ ଅଛି | ଏହିଭଳି ବର୍ତ୍ତମାନ ଦେଶରେ ମୋଟ 5,77,473 PPE କିଟ୍ ଉପଲବ୍ଧ ଅଛି । ଚାଇନାରୁ 60 ଲକ୍ଷ PPE କିଟ୍ ପାଇଁ ଆଉ ଏକ ଡିଲ୍ ମଧ୍ୟ ଫାଇନାଲ ହୋଇଛି ।

ଏପ୍ରିଲ 11ରୁ ସିଙ୍ଗାପୁରରୁ ଆସିବ ପିପିଇ

ସରକାର ଚୀନ୍ ଠାରୁ PPE କିଟ୍ ଗ୍ରହଣ କରିଥିବାବେଳେ ସିଙ୍ଗାପୁରକୁ 80ଲକ୍ଷ PPE କିଟ୍ ( ଏବଂ ମାସ୍କ) ଅର୍ଡର ଦିଆଯାଇଛି ।ଏପ୍ରିଲ 11 ରୁ କିଟ୍ ଆସିବା ଆରମ୍ଭ ହେବ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି । ପ୍ରଥମ ପର୍ଯ୍ୟାୟରେ 2 ଲକ୍ଷ କିଟ୍ ଆସିବ ଏବଂ ପରବର୍ତ୍ତି ସପ୍ତାହ ମଧ୍ୟରେ 8 ଲକ୍ଷ କିଟ୍ ଆସିବ ।

ଭାରତରେ ପ୍ରତିଦିନ 80 ହଜାର ମାସ୍କର ଲକ୍ଷ୍ୟ

ଭାରତରେ ଉତ୍ତର ରେଳବାଇ ଦ୍ୱାରା PPE କିଟ୍ ବର୍ତ୍ତମାନ ପ୍ରସ୍ତୁତ ହେଉଛି ।  DRDO ମଧ୍ୟ ମାସ୍କ ଏବଂ କିଟ୍ ତିଆରି କରୁଛି । ବର୍ତ୍ତମାନ ଭାରତରେ ଉତ୍ପାଦନ ବୃଦ୍ଧି କରାଯାଉଛି । ସରକାରଙ୍କ କହିବା ଅନୁସାରେ ପ୍ରତିଦିନ 80 ହଜାର ମାସ୍କ ତିଆରି କରିବାକୁ ଲକ୍ଷ୍ୟ ରଖାଯାଇଛି ।

କରୋନା ସହ ଏହି ଯୁଦ୍ଧରେ ଏପର୍ଯ୍ୟନ୍ତ କ’ଣ ହୋଇଛି ?

ଏପର୍ଯ୍ୟନ୍ତ କେନ୍ଦ୍ର ସରକାର 20 ଲକ୍ଷରୁ ଅଧିକ N95 ମାସ୍କ ପ୍ରଦାନ କରିଛନ୍ତି। ଏଥିମଧ୍ୟରୁ ଡାକ୍ତରଖାନା ବ୍ୟତୀତ ଦେଶର ବିଭିନ୍ନ ସ୍ଥାନରେ ପ୍ରାୟ 16 ଲକ୍ଷ ମାସ୍କ ଉପଲବ୍ଧ କରାଯାଇଛି । ଅର୍ଥାତ୍ ଏହି ମାସ୍କଗୁଡ଼ିକ ଫ୍ରଣ୍ଟଲାଇନରେ କରୋନା ମୁକାବିଲା କରୁଥିବା ଲୋକଙ୍କ ନିକଟରେ ପହଞ୍ଚିଛି । ପାଖାପାଖି 6 ଲକ୍ଷ PPE କିଟ୍ ମଧ୍ୟ ଯୋଗାଇ ଦିଆଯାଇଛି ।

କରୋନା ସଂକ୍ରମଣ ଉପରେ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ, ଯଥା ଆଇସିଏମଆର ଅନୁଯାୟୀ, ଏପ୍ରିଲ 6 ତାରିଖ ରାତି 9 ଟା ପର୍ଯ୍ୟନ୍ତ ସାରା ଦେଶରେ 1,01,068 ଲକ୍ଷ ନମୁନା ପରୀକ୍ଷା କରାଯାଇଛି। ସେଥିମଧ୍ୟରୁ 4135 ଜଣଙ୍କର ନମୁନା କରୋନା ପଜିଟିଭ୍ ବୋଲି ଜଣାପଡିଛି | 6 ଏପ୍ରିଲରେ ରାତି 9 ଟା ସୁଦ୍ଧା ଗୋଟିଏ ଦିନ ମଧ୍ୟରେ 11,432 ନମୁନା ପରୀକ୍ଷା କରାଯାଇଥିଲା, ସେଥିମଧ୍ୟରୁ 311 ଟି ପଜେଟିଭ୍ ମିଳିଥିଲା  ।

ନୂଆଦିଲ୍ଲୀ: ଆପଣ ଏପର୍ଯ୍ୟନ୍ତ କରୋନା ଭୂତାଣୁର ଶହ ଶହ ଚିତ୍ର ଦେଖିଥିବେ ନିଶ୍ଚୟ । ବିଭିନ୍ନ ରଙ୍ଗର ବିଭିନ୍ନ ଆକୃତି ଏବଂ ବିଭିନ୍ନ ପ୍ରକାରର ଚିତ୍ର ଆପଣ ସୋସିଆଲ ମିଡିଆ ହେଉ କି ଟେଲିଭିଜିନ ସବୁଥିରେ ଏହାର ଚିତ୍ର ତ ଦେଖିଥିବେ । ଏପରିକି ତାହାର 3D ଚିତ୍ର ମଧ୍ୟ ଆପଣମାନେ ଦେଖି୍ଛନ୍ତି । କିନ୍ତୁ ଆପଣ କରୋନା ଭାଇରସର କେମିତ ଶବ୍ଦ କରେ ତାହା ଜାଣିଛନ୍ତି କି ? ତେବେ ଜାଣି ରଖନ୍ତୁ କରୋନା ଭାଇରସରୁ ଏକ ପ୍ରକାର ଶବ୍ଦ ଉତ୍ପନ୍ନ ହୋଇଥାଏ । ବୈଜ୍ଞାନିକମାନେ କରୋନା ଭୂତାଣୁର ଗଠନରୁ ଉତ୍ପନ୍ନ ଧ୍ୱନିକୁ ସଙ୍ଗୀତରେ ପରିଣତ କରିଛନ୍ତି ।

କରୋନା ଭୂତାଣୁ ଯୋଗୁଁ ଏପର୍ଯ୍ୟନ୍ତ ପ୍ରାୟ ୧୩ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ପ୍ରାୟ ୬୯ ହଜାର ଲୋକଙ୍କ ମୃତ୍ୟୁ ମଧ୍ୟ ହୋଇଛି । ସେହି ଭୂତାଣୁର ବାହ୍ୟ ଅଂଶରେ ଉପସ୍ଥିତ ଥିବା କଣ୍ଟା ଯୁକ୍ତ ପ୍ରୋଟିନରୁ ସଂଗୀତ ତିଆରି କରିବା ଏକ ଅଦ୍ଭୁତ ବିଷୟ ।

ଏହି କରୋନା ସଂଗୀତକୁ ମାସାଚ୍ୟୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (MIT)ର ବୈଜ୍ଞାନିକ ମାର୍କସ୍ ଜେ ବୁହୁଲର୍ ପ୍ରସ୍ତୁତ କରିଛନ୍ତି । ଏହି ଭାଇରସର ଯେଉଁ ସଂଗୀତ ଆପଣମାନେ ଶୁଣିବେ ତାହା ଘଣ୍ଟି, ଏବଂ ବଂଶୀ ଶବ୍ଦ ଭଳି । ଏହି ସମସ୍ତ କରୋନାର ବିଭିନ୍ନ ପ୍ରକାରର କଣ୍ଟା ଯୁକ୍ତ ପ୍ରୋଟିନର ଭିନ୍ନ ଭିନ୍ନ ରୂପକୁ ଦର୍ଶାଇଥାନ୍ତି ।

MITର ବୈଜ୍ଞାନିକମାନେ ସୋନିକେସନ୍ ଟେକ୍ନୋଲୋଜି ଜରିଆରେ କରୋନା ଭୂତାଣୁର ବାହ୍ୟ ସ୍ତରରେ ଉପସ୍ଥିତ ଥିବା କଣ୍ଟା ଯୁକ୍ତ ପ୍ରୋଟିନରୁ ଏହି ସଂଗୀତ ପ୍ରସ୍ତୁତ କରିଛନ୍ତି । ଏହି ସଂଗୀତ ପ୍ରାୟ ଏକ ଘଣ୍ଟା ୪୯ ମିନିଟ୍ ୪୮ ସେକେଣ୍ଡର ।

ଭାଇରସରୁ ସଂଗୀତ କିପରି ବାହାରକୁ ଆସେ ଆସନ୍ତୁ ଜାଣିବା । କରୋନା ଭୁତାଣୁର ବାହ୍ୟ କଣ୍ଟା ଯୁକ୍ତ ପ୍ରୋଟିନ୍ ସ୍ତର ଯାହା ଆପଣଙ୍କ କୋଷକୁ ବିଦ୍ଧ ବା ଫୁଟାଇଥାଏ ଏବଂ ଏହା ଆମିନୋ ଏସିଡ୍ ଦ୍ୱାରା ଗଠିତ ହୋଇଥାଏ । କିନ୍ତୁ ଯେତେବେଳେ ଆମେ ବାସ୍ତବରେ ଆମିନୋ ଏସିଡ୍ ଗଠନକୁ ଦେଖିବା, ଏହା ଏକ ହେଲିକ୍ସ ପରି ଦେଖାଯାଏ । ଯାହା ଆମର DNA ର ଆକୃତିର ଗୋଲାକୃତି ଭାବେ ରହିଥାଏ ।

ଯେତେବେଳେ ସେମାନଙ୍କ ମଧ୍ୟରେ କମ୍ପନ ହୋଇଥାଏ, ସେତେବେଳେ ସେମାନଙ୍କଠାରୁ ଏକ ଶବ୍ଦ ବାହାରିଥାଏ ।  ସେଥିପାଇଁ ବୈଜ୍ଞାନିକମାନେ କରୋନା ଭୁତାଣୁର ବାହ୍ୟ କଣ୍ଟା ଯୁକ୍ତ ପ୍ରୋଟିନରୁ ଆମିନୋ ଏସିଡ୍ର ହେଲିକାଲ୍ ଗଠନକୁ ଏକ ଭିନ୍ନ ଭିନ୍ନ ସ୍ଥାନରେ ରଖିଥିଲେ । ଯାହାଫଳରେ ଏହି ସଙ୍ଗୀତ ବାହାରିଥିଲା ।

MITର ବୈଜ୍ଞାନିକମାନେ କହିଛନ୍ତି ଯେ, ଆମିନୋ ଏସିଡର ଗଠନ କେଉଁଠାରେ ଶକ୍ତିଶାଳୀ ଏବଂ ଦୁର୍ବଳ ତାହା ସଙ୍ଗୀତର ଉପର ଏବଂ ନିମ୍ନ ସ୍ଥାନ ଗୁଡିକ ପ୍ରକାଶ କରେ । ଏବଂ କେଉଁ ସ୍ଥାନ ଭୁତାଣୁ କୋଷଗୁଡ଼ିକୁ କାବୁ କରେ ତାହା ବିଷୟରେ ଏହା ସୂଚନା ମଧ୍ୟ ଦେଇଥାଏ ।

ବୈଜ୍ଞାନିକଙ୍କ ଭାଷାରେ, ଭୁତାଣୁ ଗଠନର ଏହି ଉପାୟକୁ ମୋଲିକ୍ୟୁଲାର ମଡେଲିଂ କୁହାଯାଏ । ଏବଂ ପରେ ଆମେ ମଡେଲ ମାଧ୍ୟମରେ ଏହା ଜଣାପାରିବା କି କିପରି ଏହି ଭୁତାଣୁ ଆକ୍ରମଣକୁ ଆମେ ବନ୍ଦ କରିପାରିବା ।

ଯେତେବେଳେ ମାଲିକ୍ୟୁଲାର ମଡେଲର ସୋନିକେସନ୍ ହୁଏ ସେହି ସମୟରେ ହିଁ ଏଥିରୁ ସଂଗୀତ ବାହାରିଥାଏ । MIT ର ବୈଜ୍ଞାନିକମାନେ କରୋନା ମ୍ୟୁଜିକର ସୋନିଫାଏଡ୍ ପ୍ରୋଟିନ୍ କୁ ସେମାନଙ୍କର ବଡ଼ ଡାଟାବେସରେ ଭର୍ତ୍ତି କରିଛନ୍ତି ଯାହା ଫଳରେ ଏହି ପ୍ରୋଟିନ୍ ସହିତ ଡାଟାବେସରେ ଥିବା ଅନ୍ୟ କୌଣସି ପ୍ରୋଟିନ୍ କିପରି ପ୍ରତିକ୍ରିୟା କରେ ତାହା ଜାଣି ହେବ ।

ଡାଟାବେସରେ  ଥିବା ପ୍ରୋଟିନ୍ କରୋନାର ସୋନିକେଟ୍ ପ୍ରୋଟିନ୍ ତଥା ସଂଗୀତ ଯୁକ୍ତ ପ୍ରୋଟିନକୁ ଚାପି ଦେବ । ସେହି ପ୍ରୋଟିନରୁ ଏହି ଭୁତାଣୁ ମାରିବା କିମ୍ବା ଦମନ କରିବା ପାଇଁ ଔଷଧ ତିଆରି କରାଯାଇପାରିବ । ଏହାର ଅର୍ଥ ଭବିଷ୍ୟତରେ ସଂଗୀତ କରୋନାକୁ ଭଲ କରିବାରେ ସକ୍ଷମ ହେବ ।

ଭାଇରସର ସଂଗୀତ ପାଇଁ କେଉଁ ପ୍ରକାରର ବାଦ୍ୟଯନ୍ତ୍ର ବ୍ୟବହାର କରିବା ଏହା ସମ୍ପୂର୍ଣ୍ଣ ଭାବେ ବୈଜ୍ଞାନିକମାନଙ୍କ ଉପରେ ନିର୍ଭର କରେ । ଏହି ଭୂତାଣୁର ସଙ୍ଗୀତରେ ଜାପାନିଜ ସଙ୍ଗୀତ ଯନ୍ତ୍ର କୋତୋ ମୁଖ୍ୟ । ଏବଂ ଏହାର ଶବ୍ଦ ଘଣ୍ଟି, ବାଦ୍ୟ ଏବଂ ବଂଶୀ ଭଳି ଶୁଣାଯିବ  । ତେଣୁ ଏହି ସମୟରେ ଏହି ବାଦ୍ୟ ଯନ୍ତ୍ରକୁ ଶୁଣିବା ହିଁ ଦେହ ପାଇଁ ଲାଭବାନ ହେବ ।

ନୂଆଦିଲ୍ଲୀ: କରୋନା ମହାମାରୀ ସହ ଦୁନିଆ ଯୁଦ୍ଧ ଲଢୁଛି । ଏହି ଭାଇରସର ଟୀକା ଏପର୍ଯ୍ୟନ୍ତ ବାହାରି ନାହିଁ । ଏମିତିରେ ପୁରୁଣା ଔଷଧକୁ ନେଇ ପରୀକ୍ଷା ନିରିକ୍ଷା ଚାଲିଛି । ସେହି ପରୀକ୍ଷା ନିରିକ୍ଷା ଭିତରେ ମ୍ୟାଲେରିଆ ଔଷଧ ହାଇଡ୍ରୋକ୍ସିକ୍ଲୋରକ୍ୱିନର ନାଁ ଉଠୁଛି । ଏହି ଔଷଧ କରୋନା ଚିକିତ୍ସାରେ କିଛି ସକରାତ୍ମକ ଫଳ ଦେଉଛି । ତେଣୁ ଆମେରିକା ଏହାକୁ ଅଧିକ ପରିମାଣରେ ଚାହୁଁଛି । ଏଥିପାଇଁ ଆମେରିକା ଭାରତକୁ ସାହାଯ୍ୟ ମାଗିଥିଲା । ରବିବାର ଦିନ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆମେରିକା ରାଷ୍ଟ୍ରପତି ଟ୍ରମ୍ପ କଥା ହୋଇଥିଲେ । ଔଷଧ ଯୋଗାଇବା ପାଇଁ ଭାରତକୁ ଅନୁରୋଧ କରିଥିଲେ । କିନ୍ତୁ ଏହାର ମାତ୍ର ଦୁଇ ଦିନ ପରେ ମଙ୍ଗଳବାର ସକାଳୁ ସକାଳୁ ଟ୍ରମ୍ପ ଭାରତକୁ ପରୋକ୍ଷ ଧମକ ଦେଇଛନ୍ତି । ଔଷଧ ନଦେଲେ ଭାରତ ବିରୋଧରେ କାହିଁକି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ ବୋଲି ଟ୍ରମ୍ପ ମହାଶୟ ପ୍ରଶ୍ନ କରିଛନ୍ତି ।

ଦି’ଦିନରେ ବଦଳିଗଲେ ଟ୍ରମ୍ପ,ହାଇଡ୍ରୋକ୍ସିକ୍ଲୋରୋକ୍ୱିନ୍ ନଦେଲେ କଠୋର କାର୍ଯ୍ୟାନୁଷ୍ଠାନ ଧମକ !

ଏବେ ଭାରତ ରାଷ୍ଟ୍ରପତି ଟ୍ରମ୍ପଙ୍କୁ ଉତ୍ତର ଦେଇଛି । ଭାରତ କହିଛି ଯେ, ଆମ ପାଇଁ ଦେଶ ଆଗ । ଯେଉଁଠି ଆବଶ୍ୟକ ସେଠି ସାହାଯ୍ୟ କରିବୁ । ବୈଦେଶିକ ମନ୍ତ୍ରଣାଳୟ କହିଛିଯେ, ପ୍ରଥମେ ଭାରତ ନିଜ ଆବଶ୍ୟକତା କଥା ଭାବିବ । ତା’ପରେ ଯେଉଁ ଦେଶ ଏହାକୁ ସର୍ବାଧିକ ଆବଶ୍ୟକ କରନ୍ତି,ସେମାନଙ୍କୁ ସାହାଯ୍ୟ କରାଯିବ ।
ଘରେ ଅଧିକ ଷ୍ଟକ ପ୍ରଥମ ପ୍ରାଥମିକତା
ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ବୟାନ ପରେ ବୈଦେଶିକ ମନ୍ତ୍ରଣାଳୟ ତରଫରୁ ଜାରି ବୟାନରେ କୁହାଯାଇଛି ଯେ, ‘‘ ଆମ ପ୍ରଥମ ପ୍ରାଥମିକତା ହେଉଛି ଦେଶରେ ଅତ୍ୟାବଶ୍ୟକ ଔଷଧର ଷ୍ଟକ୍ ମହଜୁଦ ରଖିବା । ଯେମିତିକି ଆମ ଲୋକଙ୍କ ଆବଶ୍ୟକତା ପୁରଣ କରାଯାଇ ପାରିବ । ସେଇଥିପାଇଁ କିଛି ଔଷଧର ରପ୍ତାନୀ ଉପରେ ପ୍ରତିବନ୍ଧକ ଲାଗୁ କରାଯାଇଥିଲା । କିନ୍ତୁ ବଦଳୁଥିବା ପରିସ୍ଥିତିରେ ସରକାର କିଛି ଔଷଧ ଉପରୁ ପ୍ରତିବନ୍ଧକ ହଟାଇ ଦେଇଛନ୍ତି ।’’
ପ୍ରଭାବିତ ଦେଶକୁ ଦେବୁ

ଭାରତ କହିଛି ଯେ, ପାରାସିଟାମଲ ଓ ହାଇଡ୍ରୋକ୍ସିକ୍ଲୋରୋକ୍ୱିନ୍ ଏଥିପାଇଁ ଗୁରୁତ୍ୱପୂର୍ଣ୍ଣ ଯେ, ଆମର କିଛି ପଡୋଷୀ ଦେଶ ଏହି ଔଷଧ ପାଇଁ ଆମ ଉପରେ ନିର୍ଭରଶୀଳ । ଏହାସହ ସେହି ଦେଶଗୁଡିକୁ ମଧ୍ୟ ଏହି ଔଷଧ ରପ୍ତାନୀ କରାଯାଉଛି ଯେଉଁଠାରେ କରୋନା ଅଧିକ ବ୍ୟାପିଛି । ତେଣୁ ଏହି ମାମଲାକୁ ଅଯଥାରେ ରାଜନୈତିକ ରଙ୍ଗ ନଦିଆଯାଉ ।