ମୁମ୍ବାଇ: ରାମାନନ୍ଦ ସାଗରଙ୍କ ରାମାୟଣରେ ସୁଗ୍ରିବ ଭୂମିକାରେ ଅଭିନୟ କରିଥିବା ଅଭିନେତା ଶ୍ୟାମ ସୁନ୍ଦରଙ୍କର ଦେହାନ୍ତ ହୋଇଛି । ଶ୍ୟାମ ସୁନ୍ଦର କିଛି ଦିନ ହେବ କର୍କଟ ରୋଗରେ ପୀଡିତ ଥିଲେ ।  ୬ ଏପ୍ରିଲରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ସୂଚନାନୁସାରେ, କଙ୍ଗ୍ରାଠାରେ ଶ୍ୟାମ ସୁନ୍ଦରଙ୍କର ମୃତ୍ୟୁ ହୋଇଛି ।

‘ରାମାୟଣ’ରେ ରାମ ଭୂମିକାରେ ଅଭିନୟ କରିଥିବା ଅଭିନେତା ଅରୁଣ ଗୋଭିଲ ଏବଂ ଲକ୍ଷ୍ମଣ ଭୂମିକାରେ ଅଭିନୟ କରୁଥିବା ଅଭିନେତା ସୁନୀଲ ଲାହିରୀ ଟ୍ୱିଟ୍ କରି ଶ୍ୟାମଙ୍କ ଆତ୍ମାର ​​ଶାନ୍ତି ପାଇଁ ପ୍ରାର୍ଥନା କରିଛନ୍ତି ।

ଆପଣଙ୍କୁ କହିରଖୁଛୁ ଯେ, ଶ୍ୟାମ ସୁନ୍ଦର ରାମାୟଣରୁ ତାଙ୍କ ଅଭିନୟ ଜୀବନ ଆରମ୍ଭ କରିଥିଲେ । ଯଦିଓ ଏହପରେ ତାଙ୍କ  ଅଭିନୟ ଜୀବନ ବହୁ ଦୂର ପର୍ଯ୍ୟନ୍ତ ଯାଇପାରି ନଥିଲା । ରାମାୟଣକୁ ଭାରତୀୟ ଟେଲିଭିଜନ ଇତିହାସରେ ସବୁଠାରୁ ସଫଳ ସିରିଏଲ ଭାବେ ବିବେଚନା କରାଯାଏ । ୧୯୮୭ରେ ରାମାୟଣ ପ୍ରଥମେ ଦୂରଦର୍ଶନରେ ପ୍ରସାରିତ ହୋଇଥିଲା । ସେତେବେଳେ ଏହି ସିରିଏଲଟି ଟେଲିଭିଜନରେ ରେକର୍ଡ ସୃଷ୍ଟି କରିଥିଲା । ବର୍ତ୍ତମାନ ଦେଶରେ କରୋନା ପାଇଁ ଚାଲିଥିବା ଲକ୍ ଡାଉନ ଯୋଗୁଁ ରାମାୟଣ ପୁଣିଥରେ ଦୂରଦର୍ଶନରେ ପ୍ରସାରିତ କରାଯାଇଛି ।

ମୁମ୍ବାଇ: ମୁକେଶ ଖନ୍ନାଙ୍କ ଅଭିନୀତ ଶକ୍ତିମାନ ଏବେ ପୁଣି ଟେଲିକାଷ୍ଟ ହେଉଛି । ଏହି ଶୋ’ ବୟସ୍କ ଲୋକଙ୍କଠାରୁ ଆରମ୍ଭ କରି ପିଲାଛୁଆ ସମସ୍ତେ ଦେଖିବାକୁ ଭଲ ପାଆନ୍ତି ।ତେବେ ନିକଟରେ ଅଭିନେତା ମୁକେଶ ଖନ୍ନା ଏକ ସାକ୍ଷାତକାରରେ ଏକତା କପୁରଙ୍କୁ ଟାର୍ଗେଟ କରିଥିଲେ। ସେ କହିଛନ୍ତି ଯେ, ମହାଭାରତ ଭଳି ଆଇକନିକ୍ ଶୋ’ ତିଆରି କରି ଏକତା ଏହାର ସତ୍ୟାନାଶ କରିଥିଲେ ।  ମୁକେଶଙ୍କର ଏଭଳି କଥା ପଛରେ ନିହାତି  କାରଣ ରହିଛି । ତେବେ ଗୋଟିଏ କଥା ଶୁଣିଲେ ଆପଣ  ଆଶ୍ଟର୍ଯ୍ୟ ହେବେ ଯେ, ଏକତା ତାଙ୍କ ଶୋ ମହାଭାରତରେ ମୁକେଶ ଖାନ୍ନାଙ୍କୁ ଏକ ଭୂମିକା ଅଫର କରିଥିଲେ। ଯାହାକୁ ପିତାମାହ ରିଜେକ୍ଟ କରିଥିଲେ ।

ଏକତାଙ୍କ ରୋଲ୍ ଅଫର ଉପରୁ ପରଦା ହଟାଇଛନ୍ତି ଖୋଦ ମୁକେଶ ।   ମୁକେଶ ଖନ୍ନା କହିଛନ୍ତି ଯେ, ଏକତା ତାଙ୍କୁ ନିଜ ମହାଭାରତର ଏକ ଭୂମିକା ପାଇଁ ଅଫର କରିଥିଲେ । କିନ୍ତୁ ସେ ଏହା କରିବାକୁ ମନା କରିଦେଇଥିଲେ। ବି.ଆର ଚୋପ୍ରାଙ୍କ ମହାଭାରତରେ ଭୀଷ୍ମ ପିତାମାହଙ୍କ ଭୂମିକାରେ ଅଭିନୟ କରିଥିବା ମୁକେଶ ଖନ୍ନାଙ୍କ ଅନୁସାରେ,ଏକତା କପୁର ପ୍ରଡକ୍ସନ ହାଉସରୁ ତାଙ୍କୁ କାମ କରିବା ପାଇଁ କଲ ଆସିଥିଲା । ଏକତା ତାଙ୍କୁ ଶାନ୍ତନୁଙ୍କ ଭୂମିକା ଅଫର କରିଥିଲେ ।

ଏନେଇ ମୁକେଶ ତାଙ୍କୁ କହିଥିଲେ ଯେ, ଭୀଷ୍ମ ଭୂମିକାରେ ଅଭିନୟ କରିବା ପରେ ସେ ଶାନ୍ତନୁଙ୍କ ଚରିତ୍ରରେ ଅଭିନୟ କରିବେ ବୋଲି ସେମାନେ କେମିତି ଭାବିଲେ । ଏକତା କପୁର ମହାଭାରତକୁ ସମାଲୋଚନା କାହିଁକି ସେ କରିଥିଲେ ? ଏହି ପ୍ରଶ୍ନର ଉତ୍ତରରେ ସେ  କହିଛନ୍ତି ଯେ,  ଏକତା ଡେଲି ସୋପ୍ କଳାକାରଙ୍କୁ ନେଇ ମହାଭାରତ ତିଆରି କରିଥିଲେ । ସେମାନେ ସବୁ ଟାଟୁ ଏବଂ ସିକ୍ସ ପ୍ୟାକ୍ ଦେଖାଉଥିଲେ । ମହାଭାରତ କୌଣସି ଖେଳ ନୁହେଁ । ତେବେ ଏହି ସବୁ ପାଇଁ ଏକତା ତାଙ୍କ ଉପରେ ନିହାତି ରାଗିବେ କାରଣ ସେ ତାଙ୍କ କଣ୍ଟେଟ୍ କୁ ନେଇ ଅନେକ କଥା କହିଛନ୍ତି । ମୁକେଶ ଏହା ମଧ୍ୟ କହିଛନ୍ତି ଯେ, ଏକତା ନିଜ ଶୋ’ରେ ମହିଳାମାନଙ୍କୁ ଯେମିତି ଦେଖାନ୍ତି ତାହାକୁ ସେ ଜମା ପସନ୍ଦ କରନ୍ତି ନାହିଁ ।

ମୁକେଶ ଖନ୍ନା ଏହା ମଧ୍ୟ କହିଛନ୍ତି ଯେ, ଏକତା ଭୀଷ୍ମଙ୍କ ଭୂମିକା ପାଇଁ ରୋନିତ୍ ରୟଙ୍କୁ ବାଛିଥିଲେ । ସେମାନେ ସିକ୍ସ ପ୍ୟାକ୍ ଦେଖାଉଥିଲେ । ଦ୍ରୌପଦୀ ଏବଂ ଅନ୍ୟାନ୍ୟ ମହିଳା ଭୂମିକା ପାଇଁ ସେ ଲୋକପ୍ରିୟ ଅଭିନେତ୍ରୀଙ୍କୁ ଚୟନ କରିଥିଲେ । ଭୀଷ୍ମ ଭୂମିକାରେ ଅଭିନୟ କରିବା ପୂର୍ବରୁ ସେ ୧୫ଟି ଫିଲ୍ମ କରିଥିଲେ। ଦାଢି ଓ ନିଶ ସହ ସେ ଅଡିସନ ଦେଇଥିଲେ । ତା’ପରେ ଅଡିସନରେ ସେ ସିଲେକ୍ଟ ହୋଇଥିଲେ । ଏକତା ମହାଭାରତର ସତ୍ୟନାସ କରିଦେଇଥିଲେ ବୋଲି କହିଛନ୍ତି ମୁକେଶ ।

ଏହାପୂର୍ବରୁ ଏକ ସାକ୍ଷାତକାରରେ ମୁକେଶ ଖାନ୍ନା ଶକ୍ତିମ୍ୟାନର ସିକ୍ୱେଲ ବିଷୟରେ କହିଥିଲେ। ସେ କହିଥିଲେ- ଶକ୍ତିମାନର ରିମେକ ପାଇଁ ସେ ଯୋଜନା କରୁଛନ୍ତି ।  କରୋନା ପାଇଁ ସେ ଏହି ବିଷୟରେ ଏବେ ଘୋଷଣା କରୁ ନାହାନ୍ତି । ତେବେ ସେହି କରୋନା ପାଇଁ ଲକଡାଉନ୍ ଯୋଗୁଁ ଶକ୍ତିମାନ ଟିଭିରେ ପୁଣି ଟେଲିକାଷ୍ଟ ହେଉଛି । ଏହା ତାଙ୍କ ପାଇଁ କୌଣସି ଚମତ୍କାରରୁ କମ ନୁହେଁ । ଏହା ସହ ମୁକେଶ କହିଛନ୍ତି ଯେ, ଶକ୍ତିମାନର ନୂଆ ଭର୍ସନ ଏକତା କପୁରଙ୍କ ମହାଭାରତ ଭଳି ହେବ ନାହିଁ  ।

ମୁମ୍ବାଇ: ଲକଡାଉନ୍ ପାଇଁ ଲୋକେ ଘରୁ ବାହାରିପାରୁନାହାନ୍ତି । ଏଭଳି ପରିସ୍ଥିତିରେ, ସାଧାରଣ ଲୋକଙ୍କଠୁ ଆରମ୍ଭ କରି ସୁପରଷ୍ଟାର ପର୍ଯ୍ୟନ୍ତ, ସମସ୍ତେ ଘରେ ରହି ସମୟ ବିତାଉଛନ୍ତି । ସେଲିବ୍ରିଟିମାନେ ଦୀର୍ଘ ଦିନ ଧରି ଅଟକିଥିବା ଘରୋଇ କାର୍ଯ୍ୟ କରିବାରେ ବ୍ୟସ୍ଥ ଅଛନ୍ତି । ତେବେ ବଲିଉଡର ବିଗ ବି ତଥା ଲିଜେଣ୍ଡ ଅମିତାଭ ବଚ୍ଚନ ସୋସିଆଲ ମିଡିଆରେ ଅଧିକ ସମୟ କାଟୁଛନ୍ତି । ନିକଟରେ ସେ ଅନ୍ୟ କିଛି  କଳାକାରମାନେ ମିଶି  ଘରୁ ଏକ ସର୍ଟ ଫିଲ୍ମ ତିଆରି କରିଥିଲେ । ଏବେ ସେ ତାଙ୍କ ପିତା ଡକ୍ଟର ହରିବଂଶ ରାୟ ବଚ୍ଚନଙ୍କ ଏକ କବିତା ବିଷୟରେ କହିଛନ୍ତି। ଏହି କବିତା ବିଷୟରେ କହୁ କହୁ ଅମିତାଭ ବଚ୍ଚନଙ୍କ ଆଖିରୁ ଲୁହ ଝରିଥିଲା । ଦର୍ଶକ ଅମିତାଭ ବଚ୍ଚନଙ୍କ ସ୍ୱରରେ ସେହି କବିତା ଦେଖିପାରିବେ ଏବଂ ଶୁଣିପାରିବେ ।

ଅମିତାଭ ବଚ୍ଚନ ସୋସିଆଲ ମିଡିଆକୁ ନେଇ ଖୁବ ସିରିଅସ୍ । ନିଜର ପ୍ରତ୍ୟେକ ଟୁଇଟ୍ ପୂର୍ବରୁ ସେ ଏହାର ନମ୍ବରିଂ କରନ୍ତି । ନିୟମିତ ଭାବେ ସେ ଟମ୍ବଲରରେ ବ୍ଲଗ୍ ଲେଖନ୍ତି । ତେବେ ସେ ଏକ ବ୍ଲଗରେ କହିଛନ୍ତି ଯେ ଘରେ ରହିବା ସତ୍ତ୍ୱେ ୭୨ ଥର ଚେଷ୍ଟା କରିବା ପରେ ଏହି କବିତା ଫାଇନାଲ ହୋଇଛି। ବଚ୍ଚନ କହିଛନ୍ତି ଯେ, “ଅନ୍ଧେରୀ ରାତ ପର ଦିୟା ଜଲାନା କବ ମନା ହେ” । ଏହି କବିତା ଶୁଣିବା ପରେ ସେ ଭାବୁକ ହୋଇଥିଲେ । ତାଙ୍କୁ ନିଜର ପିଲାଦିନର କଥାଗୁଡ଼ିକୁ ମନେ ପକାଇ କହିଛନ୍ତି ଯେ, ସାନବେଳେ ତାଙ୍କ ପିତା ତାଙ୍କୁ କବି ସମାବେଶକୁ ନେଇ ଯାଉଥିଲେ, ଯେଉଁଠାରେ ଶହ ଶହ ଲୋକ ପିତାଙ୍କ କବିତା ଶୁଣିବାକୁ ଆସୁଥିଲେ । ସେହି ଦିନଗୁଡିକୁ ମନେ ପକାଇ ଅମିତାଭ ଏହି କବିତା ପଢିଛନ୍ତି ।

ପ୍ରଥମେ ସେ ଏହି କବିତାକୁ ଲାଇଭ ଫରମାଟରେ ପଢିବାକୁ ଚାହୁଁଥିଲେ । ହେଲେ ସେ ଏହାକୁ ଉପଭୋଗ କରିପାରିଲେ ନାହିଁ । ଏହି କବିତା ପାଠକୁ ପରଫେକ୍ଟ କରିବା ପାଇଁ ସେ ସଙ୍ଗୀତ ନିର୍ଦ୍ଦେଶକ ଏବଂ ରେକର୍ଡିଂ କଳାକାରଙ୍କ ସହ ଲଗାତାର କନଫରେନ୍ସ କଲ୍ ରେ କଥା ହୋଇଥିଲେ । ବଚ୍ଚନ ସାହାବ ନିଜ ଘରେ ଜଲସାରେ ବସି ତାଙ୍କ ଆଇଫୋନରେ ଏହି କବିତା ରେକର୍ଡ କରିଥିଲେ। ଏହା ପରେ ସେ ଏହି ରେକର୍ଡିଂକୁ ମ୍ୟୁଜିସିୟାନ ରୋହନ ଏବଂ ବିନାୟକଙ୍କୁ ପଠାଇଥିଲେ । ସେମାନେ ନିଜ ଘରେ ରହି ବିନା ଷ୍ଟୁଡିଓ ସେଟ୍ ଅପ୍ ରେ ଏହାର ସଂଗୀତ ସୃଷ୍ଟି କରିଥିଲେ।

T 3495 – I reminisce my Father and his poem, which expresses hope and strength. The singing is exactly how Babu ji recited it at Kavi Sammelans, which I attended with him.

बाबूजी और उनकी आशा भारी कविता को याद करता हूँ । बाबूजी कवि सम्मेलनों में ऐसे ही गा के सुनाया करते थे । pic.twitter.com/CKKtroXA4H

— Amitabh Bachchan (@SrBachchan) April 8, 2020

ଏହି ଭିଡିଓକୁ ଅଭିଷେକ ବଚ୍ଚନ ସୁଟ୍ କରିଛନ୍ତି। ଅଡିଓ ଏବଂ ଭିଡିଓରେ, ବାଚ୍ଚନଙ୍କ ଏକ୍ସପ୍ରେସନକୁ ମ୍ୟାଚ କରିବା ପାଇଁ ସବୁ ସାମଗ୍ରୀ ପୁଣି ରୋହନ-ବିନାୟକଙ୍କୁ ପଠାଗଲା । ସବୁକିଛି ସରିବା ପରେ, ଏହାକୁ ମାଲାଡରେ ରହୁଥିବା ଏକ ରେକର୍ଡିଷ୍ଟଙ୍କୁ ପଠାଯାଇଥିଲା, ଯିଏ  ଏହାକୁ ମିକ୍ସ କରିଥିଲେ। ସମସ୍ତ ଚେଷ୍ଟା ପରେ ଏହି ଭିଡିଓ ପ୍ରସ୍ତୁତ କରାଯାଇଥିଲା । ଜୟା ବଚ୍ଚନ ସଂସଦ ଯିବାକୁ ଦିଲ୍ଲୀ ଯାଇଥିଲେ ଓ ସେଠାରେ ସେ ଏବେ ଫସି ରହିଛନ୍ତି । ସେଥିପାଇଁ ଏହି ଭିଡିଓକୁ ଶ୍ୱେତା ଏବଂ ନବ୍ୟାଙ୍କୁ ଦେଖାଯାଇଥିଲା। ଶ୍ୱେତା ଓ ନବ୍ୟା ଏହାକୁ ଅପଲୋଡ୍ କରିବାକୁ ଅନୁମତି ଦେଇଥିଲେ । ତା’ପରେ  ଏହି ଭିଡିଓ ଦର୍ଶକଙ୍କ ପାଖରେ ପହଞ୍ଚିଛି ।