ନୟାଗଡ଼: ଖାଲି ହେଉଛି ଗାଁ । ଗାଁରେ ଭୂତ ନେଉଛି ଜୀବନ ! ରାତିରେ ଶୂନ୍ୟରୁ ଆସୁଛି ଅଜଣା ଶବ୍ଦ । ମନକୁ ମନ ଆଜବେଷ୍ଟସ୍ ଓ ଚାଳ ଉପରେ ପଡ଼ୁଛି ଅଦୃଶ୍ୟ ପଥର । ବେଳେ ବେଳେ କବାଟ ବି କିଏ ବାଡ଼ଉଛି । କିନ୍ତୁ, ଦେଖିଲା ବେଳକୁ ବାହାରେ କେହି ନାହିଁ । ସବୁ ନିରବି ଯାଉଛି ।
କେତେବେଳେ ଲାଗୁଛି ଝରକା କିଏ ଖୋଲି ଦେଲା କି ? ସଞ୍ଜ ନଇଁଲେ ଏମିତି ନାନା ଡର, ଛନକା ଲୋକଙ୍କ ମନରେ ପଶୁଛି । ଏଭଳି ଅଜଣା ଭୂତ ଆତଙ୍କ ଭିତରେ ଥିବା ଗୁଣ୍ଡୁରାବାରୀ ଗାଁ ଜନଶୂନ୍ୟ ହୋଇଯାଇଛି । ଗାଁରେ ରହୁଥିବା ପ୍ରାୟ ୭ଟି ପରିବାର ଘର ଛାଡ଼ି ଅନ୍ୟତ୍ର ଚାଲି ଯାଇଛନ୍ତି ।
୭ ବର୍ଷ ଭିତରେ ଗାଁରେ ରକ୍ତବାନ୍ତିରେ ପ୍ରାୟ ୭ ଜଣଙ୍କ ମୃତ୍ୟୁ ହେଲାଣି । କିଛି ଦିନ ଭିତରେ ଗାଁର ୨ ଜଣଙ୍କ ମୃତ୍ୟୁ ରକ୍ତବାନ୍ତିରେ ହୋଇଛି । ପ୍ରଥମେ ବାପା ପରେ ରକ୍ତବାନ୍ତିରେ ଯାଇଛି ପୁଅର ଜୀବନ । ଗାଁ ଲୋକେ ଏହାକୁ ଗୁଣିଗାରେଡ଼ି ବୋଲି ବିଶ୍ୱାସ କରୁଛନ୍ତି ।
ଝଡ଼ାଫୁଙ୍କା ପରେ ଗୁଣିଆ ଗାଁରେ ଭୂତ, ଡାହାଣୀ ଥିବା କହିଛି । ଭୟଭୀତ ହୋଇ ପଡ଼ିଥିବା ଲୋକ ଗାଁ ଛାଡ଼ି ଦର୍ପନାରାୟଣପୁରରେ ଆସି ଆଶ୍ରୟ ନେଇଛନ୍ତି । ଭୂତ ଆତଙ୍କ ଖେଳିଥିବା ନୟାଗଡ଼ ଜିଲ୍ଲା ରଣପୁର ବ୍ଲକର ଗୁଣ୍ଡୁରାବାରୀର ହରିଜନ ସାହି ।
ଜମ୍ମୁକଶ୍ମୀର ଓ ହିମାଚଳ ପ୍ରଦେଶରେ ଫସିଥିବା ପ୍ରାୟ ୩୫୦ ପ୍ରବାସୀ ଓଡ଼ିଆଙ୍କୁ ସରକାର ୩ଟି ବିମାନରେ ଭୁବନେଶ୍ୱର ଆଣୁଛନ୍ତି । ଆଜି ୩ଟି ଯାକ ବିମାନ ଭୁବନେଶ୍ୱରରେ ପହଞ୍ଚିବ । ଜମ୍ମୁର ଅନନ୍ତନାଗ, ରାଜୌରୀ, ପୁଞ୍ଚ, ଜମ୍ମୁ ସାମ୍ବା ସହିତ ହିମାଚଳ ପ୍ରଦେଶର କଙ୍ଗରା, ଉନା ଜିଲ୍ଲାରୁ ପ୍ରବାସୀମାନଙ୍କୁ ଅଣାଯାଉଛି ।
ଆସନ୍ତାକାଲି ଆଉ ଏକ ବିମାନରେ ସରକାର ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜରେ ଫସିଥିବା ପ୍ରବାସୀଙ୍କୁ ରାଜ୍ୟକୁ ଆଣିବେ । ପୂର୍ବରୁ ସରକାର ମଣିପୁର, ନାଗାଲାଣ୍ଡ, ତ୍ରିପୁରା, ମେଘାଳାୟ ଓ ଆସାମରେ ଫସିଥିବା ପ୍ରାୟ ୨୮୦ ଜଣଙ୍କୁ ବିମାନ ଯୋଗେ ଓଡ଼ିଶା ଆଣିଥିଲେ । ଆଜି ଆସୁଥିବା ପ୍ରବାସୀଙ୍କ ସ୍ୱାସ୍ଥ୍ୟ ପରୀକ୍ଷା ପରେ ସେମାନଙ୍କୁ ନିଜ ନିଜ ଜିଲ୍ଲାକୁ ବସ୍ ଯୋଗେ ସରକାର ପଠାଇବେ ।
