ଜାଣନ୍ତୁ କରୋନା ସମୟରେ କେଉଁ ରାଶି ପାଇଁ ବ୍ୟବସାୟିକ କ୍ଷତି ଜାରି ରହିବ

ଭୁବନେଶ୍ୱର: କରୋନା ମହାମାରୀ କାରଣରୁ ଅର୍ଥନୈତିକ ମାନ୍ଦାବସ୍ଥା ଜାରି ରହିଛି । ନିଜସ୍ୱ ଉଦ୍ୟମରେ ବ୍ୟବସାୟ କରୁଥିବା ଅଧିକାଂଶ ବ୍ୟକ୍ତି ଏହାର କୁଫଳ ଭୋଗୁଛନ୍ତି । କେବଳ ଆମେ କହୁଥିବା ରାଶିର ବ୍ୟକ୍ତି ବିଶେଷ ନୁହଁନ୍ତି, ଏହି ରାଶି ସହ ଜଡିତ ଥିବା ପ୍ରତିଷ୍ଠାନ, ସରକାରୀ ସଂସ୍ଥା ଏବଂ ରାଜନୈତିକ ଦଳ ମଧ୍ୟ ସମାନ ଅସୁବିଧା ଭୋଗୁଛନ୍ତି । ବର୍ତ୍ତମାନ ସମୟରେ ଏହି ରାଶି ପାଇଁ ଅର୍ଥନୈତିକ ମାନ୍ଦାବସ୍ଥା ଜାରି ରହିବ ।

ଏହି ରାଶି ପାଇଁ ଉଦ୍ଧିଷ୍ଟ ଥିବା ବୃହସ୍ପତି ଧନୁ ରାଶିରୁ ଅନ୍ୟତ୍ର ସଞ୍ଚାର କରିଛନ୍ତି । ଯେଉଁଥି ପାଇଁ ବ୍ୟବସାୟ ଭଲ ହେଉ ନ ଥିବା ଜଣାପଡିଛି । କିନ୍ତୁ ମନଦୁଃଖ କରିବାର କୌଣସି କାରଣ ନାହିଁ । ଲାଭ ପରେ କ୍ଷତି ପୁନଶ୍ଚ କ୍ଷତି ପରେ ଲାଭ ହିଁ ବ୍ୟବସାୟର ରୀତିନୀତି । ଏଭଳି ସମୟରେ ହତୋତ୍ସାହିତ ନ ହୋଇ ପୂର୍ବ ଭଳି କାର୍ଯ୍ୟ ଜାରି ରଖିବାକୁ ପଡିବ । ଶାସ୍ତ୍ର ଉବାଚ ‘ବାଣିଜ୍ୟେ ବସତି ଲକ୍ଷ୍ମୀ’ର ସାର୍ଥକତା ରହିଛି । ତେଣୁ ବୃତ୍ତିକୁ ତ୍ୟାଗ ନ କରି ଧୈର୍ଯ୍ୟର ସହ ସାମାନ୍ୟ ଭିନ୍ନ ଉପାୟରେ ଏହି କାର୍ଯ୍ୟ କରିବାକୁ ପଡିବ ।

ଉପରୋକ୍ତ ବିଷୟ ଆଲୋଚନା ହେଉଥିବା ରାଶି ହେଉଛି ମକର, ଯାହା ୨୧/୧୦, ୨୨/୧୦ ଏବଂ ୨୩ /୧୦ ।  ଗତ ମାର୍ଚ୍ଚ ୩ରୁ ଆରମ୍ଭ ହୋଇଥିବା ଏହି ଖରାପ ସମୟ ସେପ୍ଟେମ୍ୱର ଆଡକୁ ସରିବ ବୋଲି କୁହାଯାଇଛି ।