ୱାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କହିଛନ୍ତି ଯେ, ଆମେରିକା କୋଭିଡ-୧୯କୁ ନେଇ ଚୀନ ବିରୁଧରେ ବହୁତ ଗମ୍ଭୀର ତଦନ୍ତ କରୁଛନ୍ତି । ସେ ଦର୍ଶାଇଛନ୍ତି ଯେ, ତାଙ୍କ ପ୍ରସାଶନ, ବେଜିଂଠାରୁ ୧୨.୪୧ ଲକ୍ଷ କୋଟି ଟଙ୍କାରୁ ଅଧିକ କ୍ଷତିପୂରଣ ଦାବି କରିବ ଯାହା ଜର୍ମାନୀ ଦ୍ୱାରା କରୋନା ଭାଇରସ ମହାମାରୀ କାରଣରୁ ଦାବି କରାଯାଇଥିବା ରାଶିର ପରିମାଣଠାରୁ ବହୁତ ଅଧିକ ହେବ ।

ଆମେରିକା, ବ୍ରିଟେନ ଏବଂ ଜର୍ମାନୀର ନେତାମାନେ ବିଶ୍ୱାସ କରନ୍ତି ଯେ ଯଦି ଚୀନ୍ ଏହି ଭାଇରସର ପ୍ରାରମ୍ଭିକ ପର୍ଯ୍ୟାୟରେ ଏହାର ଭୟାବହତା ବିଷୟରେ ଅନ୍ୟଦେଶମାନଙ୍କୁ ଅବଗତ କରାଇଥାନ୍ତା ତେବେ ଏତେ ସଂଖ୍ୟକ ଲୋକଙ୍କ ଦୁର୍ଭାଗ୍ୟଜନକ ମୃତ୍ୟୁ ଏବଂ ବିଶ୍ୱ ଅର୍ଥନୀତିର ବିନାଶକୁ ଏଡାଇ ଦିଆଯାଇଥାନ୍ତା । ବର୍ତ୍ତମାନ ଅନେକ ଦେଶ ଚୀନ୍ ଠାରୁ କ୍ଷତିପୂରଣ ଦାବି କରିବା ଆରମ୍ଭ କରିଛନ୍ତି ।

ଟ୍ରମ୍ପ ସୋମବାର ଏକ ସାମ୍ବାଦିକ ସମ୍ମିଳନୀରେ ଜର୍ମାନୀର କ୍ଷତିପୂରଣ ଦାବି ସମ୍ପର୍କରେ ଏକ ପ୍ରଶ୍ନର ଉତ୍ତରରେ କହିଛନ୍ତି ଯେ ଆମେ ଏହାଠାରୁ ସହଜ ଜିନିଷ କରିପାରିବୁ । ଆମ ପାଖରେ କ୍ଷତିପୂରଣ ଦାବିଠାରୁ ମଧ୍ୟ ବହୁତ ଭଲ ଉପାୟ ଅଛି। ‘

ଟ୍ରମ୍ପଙ୍କୁ ପଚରାଯାଇଥିଲା କି ଆମେରିକା ଜର୍ମାନୀ ଭଳି କ୍ଷତିପୂରଣ ମାଗିବା ଭଳି ପଦକ୍ଷେପ ନେଇପାରିବ କି ? ଏହା ଉପରେ ଆମେରିକାର ରାଷ୍ଟ୍ରପତି କହିଛନ୍ତି, ‘ଜର୍ମାନୀ ମଧ୍ୟ କିଛି ବିଷୟରେ ବିଚାର କରୁଛି ଏବଂ ଆମେ ମଧ୍ୟ କିଛି ଦେଖୁଛୁ ଏବଂ ଜର୍ମାନୀ ଯେଉଁ କ୍ଷତିପୂରଣ ବିଷୟରେ କହୁଛନ୍ତି ତାହାଠାରୁ ବହୁତ ଅଧିକ ପରିମାଣ ଟଙ୍କା କଥା ଆମେ କହୁଛୁ । ଆମେ ଏପର୍ଯ୍ୟନ୍ତ କ୍ଷତିପୂରଣର ପରିମାଣ ସ୍ଥିର କରିନାହୁଁ, କିନ୍ତୁ ଏହା ଅଧିକ ପରିମାଣର ହେବାକୁ ଯାଉଛି। ‘ ଆମେରିକା ପରେ ୟୁରୋପ ଏହି ଭାଇରସ୍ ଦ୍ୱାରା ଅଧିକ ପ୍ରଭାବିତ ହୋଇଛି । ଏହାସହ ଭାରତରେ କଡା ସୁରକ୍ଷା ବ୍ୟବସ୍ଥା ଯୋଗୁଁ ମୃତ୍ୟୁ ସଂଖ୍ୟା ୯୩୪ ରହିଛି ଏବଂ ୨୯,୦୦୦ରୁ ଅଧିକ ଲୋକ ସଂକ୍ରମିତ ହୋଇଛନ୍ତି ।

ଟ୍ରମ୍ପ କହିଛନ୍ତି ଯେ ଏହି ଭାଇରସ୍ କେବଳ ଆମେରିକାରେ ନୁହେଁ ସାରା ବିଶ୍ୱରେ ବ୍ୟାପକ କ୍ଷତି କରିଛି । ସେ ଭାଇରସ୍ ବିସ୍ତାର ପାଇଁ ଚୀନାକୁ ଦାୟୀ କରିବାର ଅନେକ ପ୍ରମାଣ ଅଛି । ସେ କହିଛନ୍ତି ଯେ, ଆମେରିକା ଏହି ଘଟଣାର ଗମ୍ଭୀରତାର ସହ ଅନୁସନ୍ଧାନ କରୁଛି । ନିକଟରେ, ଚୀନକୁ ଭାଇରସ୍ ବିସ୍ତାର ପାଇଁ ପ୍ରାୟ ସବୁ ଦେଶ ଦାୟୀ କରିଛନ୍ତି ।

ଆପଣଙ୍କୁ କହିରଖୁଛୁ ଯେ, ଗତ ବର୍ଷ ନଭେମ୍ବରରେ ଚୀନ୍‌ର ଉହାନରେ ପ୍ରଥମେ କରୋନାଭାଇରସର ମାମଲା ସାମ୍ନାକୁ ଆସିଥିଲା । ଏହାପରେ କରୋନା ବ୍ୟାପିବାରେ ଲାଗିଲା । ଏବଂ ଏବେ ଏହା ସାରା ବିଶ୍ୱରେ ଦୁଇ ଲକ୍ଷରୁ ଅଧିକ ଲୋକ ପ୍ରାଣ ନେଇଥିବା ବେଳେ ୩ ମିଲିୟନରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ଆମେରିକାରେ ଏହି ଭାଇରସ୍ ସର୍ବାଧିକ ୫୬ ହଜାରରୁ ଅଧିକ ଲୋକଙ୍କ ପ୍ରାଣ ନେଲାଣି ଏବଂ ୧୦ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି  ।

ତେହରାନ: କରୋନା ପୁରା ଦୁନିଆକୁ ଭୟଭୀତ କରାଇଛି । କରୋନାକୁ ନେଇ ଉଡୁଛି ଗୋଟିଏ ପରେ ଗୋଟିଏ ଗୁଜବ । ଏଭଳି ଗୁଜବ ଲୋକଙ୍କ ଜୀବନ ନେଉଛି । କରୋନା ପାଇଁ ଭାକସିନ୍ ତିଆରି ଉଦ୍ୟମ ଜାରି ରହିଛି  । କିନ୍ତୁ ଗୁଜବ ବଜାରରେ କରୋନା ଔଷଧ ଉପଲବ୍ଧ ଅଛି । ଲୋକେ ଗୁଜବ ଉପରେ ବିଶ୍ୱାସ କରି ମନଇଛା ପ୍ରୟୋଗ କରୁଛନ୍ତି । ଯାହାର ଦୁଃଖଦ ପରିଣାମ ସାମ୍ନାକୁ ଆସୁଛି ।

ଇରାନର ଉଡିଥିବା ଗୋଟିଏ ଗୁଜବ ନେଇଛି ୭୮୦ ଲୋକଙ୍କ ଜୀବନ । ହଜାର ହଜାର ସଂଖ୍ୟାରେ ପିଲା ଓ ବୟସ୍କ ହରାଇଛନ୍ତି ଦୃଷ୍ଟିଶକ୍ତି । ଘଟଣା ହେଉଛି ଏମିତି । କିଛି ଦିନ ତଳେ ଇରାନରେ ଗୋଟିଏ ଗୁଜବ ଉଡିଥିଲା ଯେ,ଶିଳ୍ପକ୍ଷେତ୍ରରେ ବ୍ୟବହୃତ ହେଉଥିବା ଆଲକହଲ ପିଇଲେ କରୋନା ହେବ ନାହିଁ । ସୋସିଆଲ ମିଡିଆରେ ଏହି ଖବର ଉଡିବା ପରେ ହଜାର ହଜାର ସଂଖ୍ୟାରେ ଲୋକ ଇଣ୍ଡଷ୍ଟ୍ରିଆଲ ଆଲକୋହଲ ଖୋଜିଥିବେ । ଯିଏ ପାଇଲ ସିଏ ପିଇଲା । ନିଜେ ପିଇଲା ଓ ନିଜ ପିଲାଙ୍କୁ ପିଆଇଲା । ପରିଣାମ ହେଉଛି ଇଣ୍ଡଷ୍ଟ୍ରିଆଲ ଆଲକୋହଲ ପିଇଥିବା ୫ ହଜାର ଜଣଙ୍କ ମଧ୍ୟରୁ ୭୮୦ ଜଣ ପ୍ରାଣ ହରାଇଛନ୍ତି । କେବଳ ଏତିକି ନୁହେଁ ଯେଉଁମାନେ ବଂଚିଯାଇଛନ୍ତି ସେମାନଙ୍କ ମଧ୍ୟରୁ ଅନେକ ନିଜ ଦୃଷ୍ଟିଶକ୍ତି ହରାଇଥିବା ଜଣା ପଡିଛି ।

ମସ୍କୋ : ତୈଳ ଭଣ୍ଡାରକୁ କେବେ ଗୋଟିଏ ଦେଶର ସବୁଠାରୁ ବଡ ଶକ୍ତି ଭାବରେ ବିବେଚନା କରାଯାଉଥିଲା । କିନ୍ତୁ କରୋନାଭାଇରସର ପ୍ରବେଶ ପରେ ସ୍ଥିତି ପୂରା ବିପରିତ  । ଏବେ ତୈଳ ଉତ୍ପାଦନକାରୀ ଦେଶଙ୍କର ସବୁଠୁ ବଡ଼ ଦୂର୍ବଳତା ହୋଇପଡ଼ିଛି । କରୋନାଭାଇରସ୍ ରୋକିବା ପାଇଁ ବିଶ୍ୱର ସମସ୍ତ ଦେଶରେ ଲକଡାଉନ ଘୋଷଣା କରାଯାଇଛି , ଯାହା ଫଳରେ ହଠାତ୍ ତେଲ ବ୍ୟବହାର କମିଛି । ଏବଂ ଅନେକ ଦେଶର ତେଲ ଭଣ୍ଡାର ମଧ୍ୟ ରେକର୍ଡ ସ୍ତରରୁ ଅଧିକ ହ୍ରାସ ପାଇଛି । ଏଭଳି ପରିସ୍ଥିତିରେ ବର୍ତ୍ତମାନ ତେଲ ଉତ୍ପାଦନକାରୀ ଦେଶମାନେ ଚିନ୍ତା ପଡ଼ିଛନ୍ତି । ଏବଂ ସେମାନେ ଏବେ ନିଜ ଦେଶରେ ଉତ୍ପାଦନ ହେଉଥିବା ତେଲକୁ ନେଇ କଣ କରିବେ ତାହାକୁ ନେଇ ଚିନ୍ତାରେ ଅଛନ୍ତି ।

ତେଲ ଉତ୍ପାଦନ କ୍ଷେତ୍ରରେ ଋଷ ବିଶ୍ୱର ଅଗ୍ରଣୀ ଦେଶମାନଙ୍କ ମଧ୍ୟରୁ ଅନ୍ୟତମ । ନ୍ୟୁଜ୍ ଏଜେନ୍ସି ରାୟଟର୍ସ ତୈଳ ଉଦ୍ୟୋଗ ସହ ଜଡିତ ଚାରୋଟି ଉତ୍ସକୁ ଦର୍ଶାଇ କହିଛି ଯେ, ଏକ ସପ୍ତାହ ମଧ୍ୟରେ ଋଷକୁ ଚୁକ୍ତିନାମା ଅନୁଯାୟୀ ତେଲ ଉତ୍ପାଦନକୁ ୨୦ପ୍ରତିଶତ ପର୍ଯ୍ୟନ୍ତ ହ୍ରାସ କରିବାକୁ ପଡିବ । ଏହି କାରଣରୁ, ଋଷ ତିନୋଟି ବିକଳ୍ପ ଉପରେ ବିଚାର କରୁଛି – ତେଲ କୂଅଗୁଡିକର ମରାମତି କରିବ, କୂଅଗୁଡ଼ିକୁ ଦୀର୍ଘ ସମୟ ପର୍ଯ୍ୟନ୍ତ ଏମିତି ହିଁ ରହିବାର ବ୍ୟବସ୍ଥା କରିବ ନଚେତ୍ ତେଲରେ ନିଆଁ ଲଗାଇ ଦେବ ।

ଓପିଇସି (Organize of petroleum Exporting countries  ) ଏବଂ ଅଣ ଓପିଇସି ଦେଶ ସହ ଋଷ ଏକ ଚୁକ୍ତି କରିଛି । ଚୁକ୍ତି ଅନୁସାରେ ଋଷ ଅନ୍ୟ ଦେଶ ସହ ମିଶି ବିଶ୍ୱ ବଜାରରେୁ ଦୈନିକ ୧କୋଟି ବ୍ୟାରେଲ ତେଲ ହଟାଇବ ଯେମିତି କି ବିଶ୍ୱ ବଜାରରେ ସନ୍ତୁଳନ ବଜାୟ ରହିବ । ମୋଟ ତେଲ ଯୋଗାଣରେ ଏହା ୨୦ ପ୍ରତିଶତକୁ ହ୍ରାସ ପାଇବ । ଏହି ଚୁକ୍ତିନାମା ମେ ୧ରୁ କାର୍ଯ୍ୟକାରୀ ହେବ।

ଗତ ସପ୍ତାହରେ, ଋଷର ଶକ୍ତି ମନ୍ତ୍ରୀ ଓପିଇସି ପ୍ଲସ ଚୁକ୍ତିର ଲକ୍ଷ୍ୟ ପୂରଣ କରିବା ପାଇଁ ତେଲ କମ୍ପାନୀଗୁଡ଼ିକୁ ନିଜର ଉତ୍ପାଦନକୁ ୨୦ ପ୍ରତିଶତ ହ୍ରାସ କରିବାକୁ ନିର୍ଦ୍ଦେଶ ଦେଇଛନ୍ତି । ସୂଚନା ଅନୁସାରେ କମ୍ପାନୀଗୁଡିକ ପ୍ରଥମେ ସେହି କ୍ଷେତ୍ର ଉପରେ ଧ୍ୟାନ ଦେଉଛନ୍ତି ଯେଉଁଠାରେ ଉତ୍ପାଦନର ହାର ହ୍ରାସ ପାଉଛି । ଲୁକୋଇଲ୍ ପ୍ରତିଦିନ ୧.୬୫ ନିୟୁତ ବୈରଲ ତେଲ ଉତ୍ପାଦନ କରିଥାଏ । ବର୍ତ୍ତମାନ ଲୁକୋଇଲ୍ ଏହାର ଅନେକ ତେଲ କ୍ଷେତ୍ର ବନ୍ଦ କରିବାକୁ ଯୋଜନା କରୁଛି ।

ରାସନେଫ୍ଟ ଏବଂ ଗୈଜପ୍ରାମ ନେଫ୍ଟର ମିଳିତ ଉଦ୍ୟମରେ ସ୍ଲାଭନେଫ୍ଟ ପଶ୍ଚିମ ସାଇବରିଆରେ ମେଗୋନେଫେଟେଜ୍ ୟୁନିଟର ଅନେକ କ୍ଷେତ୍ର ବନ୍ଦ କରିବାକୁ ଚିନ୍ତା କରୁଛି । ତୈଳ ଶିଳ୍ପ ସହିତ ଜଡିତ ଅନ୍ୟ ଦୁଇଟି ସୂତ୍ରରୁ ଜଣାପଡିଛି ଯେ ସ୍ୱଳ୍ପ ଉତ୍ପାଦନ କ୍ଷମତା ବିଶିଷ୍ଟ ତେଲ କୂଅଗୁଡ଼ିକୁ ପ୍ରଥମେ ବନ୍ଦ କରାଯାଇପାରିବ । ତେବେ ତେଲ ଯୋଗାଣ ହ୍ରାସ କରିବାକୁ କୂଅଗୁଡିକ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବନ୍ଦ ହେବା ପରିବର୍ତ୍ତେ ମରାମତି ପାଇଁ ଅସ୍ଥାୟୀ ଭାବରେ ବନ୍ଦ କରିବା ଉଚିତ୍ । ବର୍ତ୍ତମାନ ନୂତନ ପେଟ୍ରୋଲିୟମ ଖଣି ଆବିଷ୍କାର ପାଇଁ ଚୁକ୍ତିଗୁଡ଼ିକୁ ମଧ୍ୟ ବନ୍ଦ କରିଦିଆଯିବ ।

ତେଲ କୂଅର ମରାମତି କମ୍ପାନୀଗୁଡ଼ିକୁ ସେମାନଙ୍କର ଉତ୍ପାଦନ କ୍ଷମତା ବଜାୟ ରଖିବାରେ ସାହାଯ୍ୟ କରିବ । ସୂଚନା ଅନୁସାରେ, “ଏହା ସତ ଯେ ତେଲର ଚାହିଦା ହ୍ରାସ ପାଇଛି କିନ୍ତୁ ଏହା ତେଲ ଉତ୍ପାଦନ କ୍ଷେତ୍ରକୁ ତାଲା ପଡ଼ିବାର କାରଣ ହୋଇପାରିବ ନାହିଁ। ବେଳେବେଳେ ଏହା ଠିକ୍ ଯେ, ଆପଣ ତେଲ ଉତ୍ପାଦନ ଜାରି ରଖିଛନ୍ତି ଏବଂ ଯଦି ଏହାର ଚାହିଦା ହ୍ରାସ ପାଉଛି ତେବେ ଉତ୍ପାଦନକୁ ବନ୍ଦ ନକରି ତାକୁ କିଛି ମାତ୍ରାରେ ହ୍ରାସ କରାଯିବା ଏବଂ ଯଦି ଏହା ଅଧିକ ହେଉଛି ତେବେ ଏହାକୁ ଜାଳିବାଟା ମଧ୍ୟ ଠିକ୍ । ଥରେ ତେଲ ଉତ୍ପାଦନ କ୍ଷମତା ସମାପ୍ତ ହୋଇଗଲେ, ପୁନରୁଦ୍ଧାର ପାଇଁ ଅନେକ ବର୍ଷ ଲାଗେ । ଆପଣଙ୍କୁ କହି ରଖୁଛୁ ଯେ, ଥରେ ସୋଭିଏତ୍ ସଂଘରେ ଥରେ ତେଲ ଉତ୍ପାଦନ ଅଧା କରିଦିଆଯାଇଥିଲା । ଏହା ପରେ ତେଲ ଉତ୍ପାଦନ କ୍ଷମତା ପାଇବାକୁ ତାଙ୍କୁ ସମ୍ପୂର୍ଣ୍ଣ ଏକ ଦଶନ୍ଧି ଲାଗିଯାଇଥିଲା । ”

ଦୁନିଆର ଅନେକ ଦେଶରେ ତେଲଭଣ୍ଡାର ନାହିଁ । ଏଭଳି ପରିସ୍ଥିତିରେ ଚାହିଦା ଅଳ୍ପ ଥିବାବେଳେ ତେଲ ଯୋଗାଣ ବୃଦ୍ଧି ପାଉଛି । ଆନ୍ତର୍ଜାତୀୟ ବଜାରରେ ତେଲ ମୂଲ୍ୟ ଉପରେ ଏହାର ସିଧାସଳଖ ପ୍ରଭାବ ପଡିଛି । ଏହି ମାସରେ, ଆମେରିକାରେ ତେଲ ମୂଲ୍ୟ ଶୂନରୁ ତଳେ ପହଞ୍ଚିଯାଇଥିଲା ।