ପୁରୀ: ବାହୁଡ଼ା ଯାତ୍ରା ନେଇ ନୀଳାଦ୍ରି ଭକ୍ତ ନିବାସରେ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ବୈଠକ ପରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ବାହୁଡ଼ା ଯାତ୍ରା ପାଇଁ ପ୍ରସ୍ତୁତି ନେଇ ସୂଚନା ଦିଆଯାଇଛି । ଖରା ଦୃଷ୍ଟିରୁ ଫାୟାର ଡିପାର୍ଟମେଣ୍ଟ, ପିଏଚଡି ଗାଡ଼ି ପ୍ରସ୍ତୁତ ଅଛି । ରଥରେ ନିୟୋଜିତ ସେବାୟତ ଓ କର୍ମଚାରୀଙ୍କ କୋଭିଡ୍ ଟେଷ୍ଟ ହୋଇଛି । ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଛି । ବଡ଼ଦାଣ୍ଡରେ ଭଜନ ସମାରୋହ ନେଇ ନିଷ୍ପତ୍ତି ହୋଇଛି । ନୀତିକାନ୍ତି ସୁରୁଖୁରୁରେ ଚାଲିଛି ।
ସମୟରେ ପହଣ୍ଡି ହେବ, ରଥ ସମୟରେ ସିଂହଦ୍ୱାରରେ ଲାଗିବ ବୋଲି ଜିଲ୍ଲାପାଳ ଆଶାବ୍ୟକ୍ତ କରିଛନ୍ତି । ଆଜି ରାତି ୧୦ଟାରୁ କର୍ଫ୍ୟୁ ଲାଗୁ ହେଉଛି । କର୍ଫ୍ୟୁ ୨ ତାରିଖ ରାତି ୧୦ଟା ଯାଏଁ ବଳବତ୍ତର ରହିବ । ପୁରୀକୁ ସଂଯୋଗ କରୁଥିବା ସମସ୍ତ ରାସ୍ତା ସିଲ୍ ହେବ । ସମସ୍ତେ ଘରେ ରହି ଗୁଣ୍ଡିଚା ଯାତ୍ରା ଭଳି ଟିଭିରେ ବାହୁଡ଼ା ଯାତ୍ରା ଦେଖନ୍ତୁ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ମାନିବାକୁ ଜିଲ୍ଲାପାଳ ଅନୁରୋଧ କରିଛନ୍ତି । ରଥ ଗଡ଼ିବା ବେଳେ ପ୍ରଶାସନ ପକ୍ଷରୁ ବଡ଼ଦାଣ୍ଡରେ ଭଜନ ବାଜିବ । ଏନେଇ ବଡ଼ଦାଣ୍ଡର ୫ରୁ ୬ଟି ସ୍ଥାନରେ ଅସ୍ଥାୟୀ କାହାଳୀ ବ୍ୟବସ୍ଥା କରାଯାଇଛି ।
ବାହୁଡ଼ା ଯାତ୍ରା, ସୁନାବେଶ, ଅଧରପଣା ନୀତି ଓ ନୀଳାଦ୍ରିବିଜେ ପାଇଁ ଜିଲ୍ଲାପାଳ ସମସ୍ତଙ୍କ ସହଯୋଗ ଲୋଡ଼ିଛନ୍ତି । କୋଭିଡ୍ କଟକଣା ଭିତରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଚତୁର୍ଦ୍ଧାମୂର୍ତ୍ତି ଆସନ୍ତାକାଲି ଗୁଣ୍ଡିଚା ମନ୍ଦିରରୁ ଶ୍ରୀମନ୍ଦିର ଅଭିମୁଖେ ବାହୁଡ଼ିଯିବେ । ରଥଯାତ୍ରା ଭଳି ସେବାୟତ ତିନି ରଥକୁ ଟାଣିନେବେ । ସିଂହଦ୍ୱାରରେ ରଥ ପହଞ୍ଚିବା ପରେ ଗୁରୁବାର ରଥରେ ମହାପ୍ରଭୁଙ୍କ ସୁନାବେଶ ହେବ । ଏନେଇ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଇଛି ।
କରୋନା ପ୍ରଭାବିତ ଜିଲ୍ଲାରେ ସମ୍ପୂର୍ଣ୍ଣ ଲକଡାଉନ୍ କିମ୍ବା ସଟଡାଉନ୍ ଲାଗୁ କରିବାକୁ ପରାମର୍ଶ ଦେଇଛନ୍ତି ନିରଞ୍ଜନ ପଟ୍ଟନାୟକ । ସମ୍ପୂର୍ଣ୍ଣ ଲକଡାଉନ୍ କିମ୍ବା ସଟଡାଉନ୍ ଲାଗୁ କରି କଣ୍ଟାକ୍ଟ ଟ୍ରେସିଂ ଓ ଅନ୍ୟ ସ୍ୱାସ୍ଥ୍ୟ ପରୀକ୍ଷା କରାଯାଇ ପାରିବ । ଯାହାଦ୍ୱାରା ସଂକ୍ରମଣର ଚେନକୁ ଭାଙ୍ଗି ହେବ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ ଚିଠିରେ ଉଲ୍ଲେଖ କରିଛନ୍ତି । ତେବେ, ରାଜ୍ୟରେ ଏଯାବତ୍ ଗୋଷ୍ଠୀ ସଂକ୍ରମଣ ହୋଇନଥିବା ସ୍ୱାସ୍ଥ୍ୟ ବିଭାଗ କହୁଥିବା ବେଳେ କଂଗ୍ରେସ ଚିଠିରେ ଗୋଷ୍ଠୀ ସଂକ୍ରମଣ କଥା ଉଲ୍ଲେଖ କରିଛି ।
ରାଜ୍ୟ କଂଗ୍ରେସର ନେତୃବୃନ୍ଦ ରାଜ୍ୟ ସରକାରଙ୍କ କୋଭିଡ୍ ପରିଚାଳନାକୁ ପ୍ରଶଂସା କରୁଛନ୍ତି । ସଟଡାଉନ୍ ଓ ଲକଡାଉନ୍ ଫର୍ମୁଲାକୁ ସମର୍ଥନ କରିବା ପାଇଁ ନିବେଦନ କରୁଛନ୍ତି । ଅନ୍ୟପଟେ ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ କେନ୍ଦ୍ର ସରକାରଙ୍କ ସମାନ ନିଷ୍ପତ୍ତିକୁ ବାରମ୍ବାର ଭୁଲ୍ ପ୍ରମାଣିତ କରିବା ସହ ପ୍ରଶ୍ନ କରୁଛନ୍ତି । ଏଭଳି ସ୍ଥିତିରେ ଲକଡାଉନକୁ ରାଜ୍ୟ କଂଗ୍ରେସ ମୁଖିଆ ଲାଗୁ କରିବା ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି ।
ସୁରକ୍ଷା ଏବଂ ଗୋପନୀୟତା କାରଣ ଦର୍ଶାଇ ଟିକ୍ଟକ୍ ଭଳି ଚୀନ୍ର ୫୯ ଟି ଆପକୁ ସରକାର ନିଷିଦ୍ଧ କରିଛନ୍ତି । ଏହା ପରେ, ଅନେକ ଲୋକ ସେମାନଙ୍କର ଭାରତୀୟ ଏବଂ ଅନ୍ୟାନ୍ୟ ବିକଳ୍ପ ଆପ୍ ଗୁଢ଼ିକୁ ଖୋଜିବାରେ ଲାଗିପଡ଼ିଛନ୍ତି । ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ଏବଂ କେନ୍ଦ୍ର ସରକାରଙ୍କ ମୁଖ୍ୟ ଅର୍ଥନୈତିକ ପରାମର୍ଶଦାତା ସଞ୍ଜୀବ ସାନିଆଲ୍ ଟ୍ୱିଟ୍ କରି ସ୍ଥାନୀୟ ସୋସିଆଲ୍ ମିଡିଆ ଆପ୍ ‘ଚିଙ୍ଗାରି’କୁ ପ୍ରଶଂସା କରିଛନ୍ତି ଏବଂ ଏହାକୁ ଭାରତର ‘ ଟିକ୍ଟକ୍ ‘ ବୋଲି ମଧ୍ୟ କହିଛନ୍ତି ।
