ଭୁବନେଶ୍ୱର: ସ୍ୱେଚ୍ଛାସେବୀ ଆଦିତ୍ୟ ଦାଶଙ୍କ ସନ୍ଦେହଜନକ ମୃତ୍ୟୁକୁ ନେଇ ବଢ଼ୁଛି ସନ୍ଦେହ । କିଏ କହୁଛି ଆତ୍ମହତ୍ୟା ତ କିଏ କହୁଛି ଯୋଜନାବଦ୍ଧ ହତ୍ୟାକାଣ୍ଡ । ଧିରେ ଧିରେ ଆଦିତ୍ୟଙ୍କ ମୃତ୍ୟୁକୁ ନେଇ ସନ୍ଦେହ ଆହୁରି ଘନୀଭୂତ ହେଉଛି । କାରଣ ମିଳିଥିବା ସୂଚନା ଅନୁଯାୟୀ ଆଦିତ୍ୟଙ୍କ ମୋବାଇଲ ଫୋନ୍ ବାହାରିଲା ଫ୍ରିଜ୍ ଭିତରୁ । ଫ୍ରିଜ୍ ଭିତରେ କିଏ ରଖିଥିଲା ମୋବାଇଲ୍ ? ସେ କ’ଣ ନିଜେ ସେଠାରେ ରଖିଥିଲେ ? ନା ଆଉ କେହି ରଖିଥିଲେ ? ଖାଲି ମୋବାଇଲ ନୁହେଁ ଫ୍ରିଜ୍ ଭିତରୁ ତାଙ୍କ ଚାବି ମଧ୍ୟ ଜବତ ହୋଇଛି ।
ଅନ୍ୟକୁ ପ୍ରେରଣା, ପ୍ରୋତ୍ସାହିତ କରିବାରେ ଆଦିତ୍ୟ ଥିଲେ ମାହିର୍ । ସୋସିଆଲ୍ ମିଡିଆରେ ଯାହାଙ୍କ ଭିଡିଓକୁ ଦେଖି ଅନୁପ୍ରାଣିତ ହେଉଥିଲେ ଅନେକ । ମଣିଷର ମନ କଥା ବୁଝୁଥିବା ମଣିଷ ଟିଏ ଆଦିତ୍ୟ ଦାଶ । ସ୍ୱେଚ୍ଛାସେବୀ ସଂଗଠନ ‘ପିପୁଲ୍ ଫର୍ ସେବା’ ଗଠନ କରି ଅସହାୟଙ୍କ ନିକଟରେ ଅସମୟରେ ଛିଡ଼ା ହେଉଥିଲେ ସେ ।
ହେଲେ ଏଭଳି ଜଣେ ମଣିଷ ହଠାତ୍ ଆତ୍ମହତ୍ୟା କରିଥିବା ନେଇ ଖବର ସାମ୍ନାକୁ ଆସିବା ପରେ ସମସ୍ତଙ୍କୁ ଚକିତ କରିଛି । ସବୁଠାରୁ ବଡ଼ କଥା ହେଲା ଲିଙ୍ଗରାଜ ଷ୍ଟେସନ ରେଳ ଲାଇନ କଡ଼ରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା । ଖବର ପାଇ ରେଲ୍ଓ୍ୱେ ପୋଲିସ ଘଟଣାସ୍ଥଳରେ ପହଞ୍ଚି ତାଙ୍କ ମୃତଦେହକୁ ଉଦ୍ଧାର କରିଥିଲା । ସୋମବାର ରାତିରୁ ଆଦିତ୍ୟ ଘରୁ ଚାଲିଯାଇଥିଲେ । ତାଙ୍କର କୌଣସି ଖୋଜଖବର ନଥିଲା । ସକାଳୁ ତାଙ୍କ ମୃତଦେହ ଉଦ୍ଧାର ହେବା ପରେ ପ୍ରଶ୍ନ ଉଠିଥିଲା ଏହା ହତ୍ୟା ନା ଆତ୍ମହତ୍ୟା ?
ସୂଚନା ଅନୁଯାୟୀ ଜୁନ୍ ୯ ତାରିଖରେ କଟକ ଖପୁରିଆରେ ତାଙ୍କର ବିବାହ ହୋଇଥିଲା । ସେ ପ୍ରେମ ବିବାହ କରିଥିଲେ । ବିବାହର ମାସେ ନପୂରୁଣୁ କାହିଁକି ଏବଂ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ହେଲା ସେନେଇ ସସ୍ପେନ୍ସ ଜାରି ରହିଛି । ସୋମବାର ସନ୍ଧ୍ୟାରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବଚସା ହୋଇଥିଲା । ପରେ ଆଦିତ୍ୟ ଘରୁ ବାହାରି ଆସିଥିଲେ । ହେଲେ ଆଉ ଫେରି ନଥିଲେ । ମଙ୍ଗଳବାର ସକାଳୁ ତାଙ୍କ ମୃତଦେହ ମିଳିଥିଲା ରେଳଲାଇନ୍ କଡ଼ରୁ । ଆଦିତ୍ୟଙ୍କ ମୁଣ୍ଡରେ ଲାଗିଥିଲା ଗଭୀର ଆଘାତ । ମୃତଦେହକୁ ଉଦ୍ଧାର କରିବା ପରେ ଜିଆର୍ପି ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
https://www.facebook.com/adishreeproduction/videos/741210786709769/
ମିଳିଥିବା ସୂଚନା ଅନୁଯାୟୀ, କିଛି ଦିନ ପୂର୍ବରୁ ଆଦିତ୍ୟ ଏବଂ ବିଦ୍ୟାଶ୍ରୀ ଏକ ଭିଡିଓ ସୁଟ୍ କରିଥିଲେ । ଆଉ ତାକୁ ସୋସିଆଲ ମିଡିଆରେ ପୋଷ୍ଟ କରିଥିଲେ l ହଠାତ୍ ସୋମବାର ଠାରୁ ଆଦିତ୍ୟ ବିଦ୍ୟାଶ୍ରୀଙ୍କ ଉପରେ ଚିଡିଚିଡ୍ ହେଉଥିଲେ l କିଛି ସମୟ ଧରି ଉଭୟଙ୍କ ସମ୍ପର୍କରେ ତିକ୍ତତା ଦେଖା ଦେଇଥିଲା ବୋଲି କହିଛନ୍ତି ବିଦ୍ୟାଶ୍ରୀ ।
ରାତି ୮ଟା ବେଳେ ବାହାରୁ ବୁଲି ଆସୁଛି କହି ଆଦିତ୍ୟ ଚାଲିଯାଇଥିଲେ l ହେଲେ ରାତିରେ ଆଉ ଫେରି ନ ନଥିଲେ l ଫ୍ରିଜ୍ ଭିତରୁ ମୋବଇଲ ଓ ଘର ଚାବି ମିଳିଥିଲା । ରାତି ୧୧ଟା ପର୍ଯ୍ୟନ୍ତ ନ ଫେରିବାରୁ ବିଦ୍ୟାଶ୍ରୀ ଖୋଜାଖୋଜି କରିଥିଲେ l ସକାଳୁ ଖୋଜାଖୋଜି କରିବା ପରେ ଟ୍ରେନ୍ ଟ୍ରାକରୁ ତାଙ୍କର ମୃତଦେହ ଠାବ ହୋଇଥିଲା । ମୃତ୍ୟୁ ପଛରେ ଷଡ଼ଯନ୍ତ୍ର ରହିଛି ବୋଲି ତାଙ୍କ ପତ୍ନୀ କହିଛନ୍ତି ।
ଆଦିତ୍ୟଙ୍କ ମୃତ୍ୟୁ ଛାଡ଼ି ଯାଇଛି ଅନେକ ପ୍ରଶ୍ନ l ଲୋକଙ୍କୁ ପ୍ରେରଣା ବାଣ୍ଟୁଥିବା ଆଦିତ୍ୟ କାହିଁକି ରାତିରେ ଘର ଛାଡି ଚାଲିଯାଇଥିଲେ ? ଟ୍ରେନ୍ ଟ୍ରାକ୍ରେ ମୃତଦେହ ମିଳିଥିବା ବେଳେ ଖଣ୍ଡବିଖଣ୍ଡିତ ହୋଇନଥିବାରୁ ସନ୍ଦେହ ବଢିବାରେ ଲାଗିଛି । ଲୁଟ୍ ଉଦେଶ୍ୟରେ ତାଙ୍କୁ ହତ୍ୟା କରାଯାଇଛି କି ? ନିଶା ବିରୋଧୀ ସଂଗଠନ ଓ ବୃଦ୍ଧାଶ୍ରମ ଖୋଲିଥିବାରୁ ଥିଲା କି ଶତ୍ରୁତା ?
ଏଣେ ତାଙ୍କ ମୃତ୍ୟୁ ପରଠାରୁ ତାଙ୍କ ଫେସବୁକ ପେଜରେ ପ୍ରଶଂସକ ପକ୍ଷରୁ ଶୋକବ୍ୟକ୍ତ କରାଯାଉଛି । ଆଦିତ୍ୟଙ୍କ ଏମିତି ମୃତ୍ୟୁକୁ ଅନେକ ବିଶ୍ୱାସ କରି ପାରୁନାହାନ୍ତି । ତାଙ୍କ ମୃତ୍ୟୁକୁ ନେଇ ସମବେଦନା ସହ ସନ୍ଦେହ ପ୍ରକଟ କରୁଛନ୍ତି ପ୍ରଶଂସକ ।
https://www.youtube.com/watch?v=PulOYAMIqH0
( ଭୁବନେଶ୍ୱରରୁ ଅରୁଣ ସାହୁଙ୍କ ରିପୋର୍ଟ୍)
ରାଉରକେଲା ସହରର ଟ୍ରାଫିକ ମାର୍କେଟ ନିକଟରୁ ଜଣେ ବୃଦ୍ଧଙ୍କୁ ପଲିଥିନ ଘୋଡାଇ ଫିଙ୍ଗି ଦିଆଯାଇଥିଲା । ତାଙ୍କୁ ସ୍ଥାନୀୟ ଲୋକେ ଓ କିଛି ସ୍ୱେଚ୍ଛାସେବୀ ଉଦ୍ଧାର କରିଛନ୍ତି । ଏହି ବୃଦ୍ଧ ବ୍ୟକ୍ତିଙ୍କୁ ତାଙ୍କ କିଛି ସମ୍ପର୍କୀୟମାନେ କାରରେ ଆଣି ଏଠାରେ ପକାଇ ଦେଇଥିବା ଅଭିଯୋଗ ହୋଇଛି ।
ଗତ ଜୁନ୍ ୨୯ ତାରିଖ ଦିନ ହୋଇଥିବା ସମୀଷା ବୈଠକରେ ମୁଖ୍ୟମନ୍ତ୍ରୀ କୋଭିଡ୍ ପରିଚାଳନା ପାଇଁ ଏକ ନବସୂତ୍ରୀ ପରାମର୍ଶ ଦେଇଥିଲେ । ଆଜିର ସମୀକ୍ଷା ବୈଠକରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶର କାର୍ଯ୍ୟକାରୀତା ସମ୍ପର୍କରେ ଆଲୋଚନା ହୋଇଥିଲା ।
