ସଂକ୍ରମଣ ଆଗରେ ସମ୍ପର୍କ ଫିକା, ବୃଦ୍ଧଙ୍କୁ ପଲିଥିନ୍‌ରେ ବାନ୍ଧି ରାସ୍ତା କଡ଼ରେ ଫିଙ୍ଗିଦେଲେ ପରିବାର ଲୋକେ; ଆଉ ତା’ପରେ…

Shocker: Elderly Man Thrown Out Of Home With Suspected Corona Infection In Rourkela

ରାଉରକେଲା: ସମ୍ପର୍କ ମଝିରେ ପାଚେରି ସାଜି ଠିଆ ହେଲା କରୋନା ଭୂତାଣୁ । ହଜିଗଲା ମାନବିକତା । କରୋନା ସଂକ୍ରମଣ ସନ୍ଦେହରେ ବୃଦ୍ଧଙ୍କୁ ଜରିରେ ବାନ୍ଧି ରାସ୍ତାକଡ଼ରେ ଫିଙ୍ଗିଦେଲେ ପରିବାର ଲୋକେ ।

ଏଭଳି ଏକ ଅଭାବନୀୟ ଘଟଣା ସାମ୍ନାକୁ ଆସିଛି ରାଉରକେଲାରୁ । ସଂକ୍ରମଣ ଭୟରେ ସଂପର୍କ ଭୁଲି ପରିବାର ଲୋକ ବି କରିଦେଲେ ପର । ସୀମା ଟପିଗଲା ନିଷ୍ଠୁରତା, ହଜିଗଲା ମଣିଷପଣିଆ ।

ରାଉରକେଲା ସହରର ଟ୍ରାଫିକ ମାର୍କେଟ ନିକଟରୁ ଜଣେ ବୃଦ୍ଧଙ୍କୁ ପଲିଥିନ ଘୋଡାଇ ଫିଙ୍ଗି ଦିଆଯାଇଥିଲା । ତାଙ୍କୁ ସ୍ଥାନୀୟ ଲୋକେ ଓ କିଛି ସ୍ୱେଚ୍ଛାସେବୀ ଉଦ୍ଧାର କରିଛନ୍ତି । ଏହି ବୃଦ୍ଧ ବ୍ୟକ୍ତିଙ୍କୁ ତାଙ୍କ କିଛି ସମ୍ପର୍କୀୟମାନେ କାରରେ ଆଣି ଏଠାରେ ପକାଇ ଦେଇଥିବା ଅଭିଯୋଗ ହୋଇଛି ।

କରୋନା ସନ୍ଦେହରେ ପରିବାର ଲୋକ ଏଭଳି କରିଥିବା ସନ୍ଦେହ କରାଯାଉଛି । ତେବେ ସ୍ୱେଚ୍ଛାସେବୀମାନେ ବୃଦ୍ଧଙ୍କୁ ଉଦ୍ଧାର କରି ରାଉରକେଲା ସହରର ଟିମ୍ବର କଲୋନୀରେ ଥିବା ଶାନ୍ତି ଭବନରେ ରଖିଛନ୍ତି ।

ଏଠି ପ୍ରଶ୍ନ ଉଠୁଛି, ସଂପର୍କଠୁ ଉପରେ କି ସଂକ୍ରମଣ ?କେମିତି ନିଷ୍ଠୁର ହେଲେ ବୃଦ୍ଧଙ୍କ ପରିବାର ଲୋକେ ? ବୟସର ଅପରାହ୍ନରେ କାହିଁକି ଅଲୋଡ଼ା ହୋଇଯାଉଛନ୍ତି ବୃଦ୍ଧ ?

(ଅବନି ମହାପାତ୍ର)

Leave a Reply