ଭୁବନେଶ୍ୱର: କରୋନା ମୁକାବିଲା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଟ୍ୱିଟ୍‌ । ମୁଖ୍ୟମନ୍ତ୍ରୀ ଟ୍ୱିଟ୍‌ କରି ଲେଖିଛନ୍ତି ଯେ ବର୍ତ୍ତମାନର ସମୟ ସମସ୍ତଙ୍କ ପାଇଁ ଗୁରୁତ୍ୱପୂର୍ଣ୍ଣ । ଓଡ଼ିଶାବାସୀଙ୍କ ସହଯୋଗ ଓ ଧୈର୍ଯ୍ୟ ବଳରେ ଓଡ଼ିଶା ଅନ୍ୟ ରାଜ୍ୟ ତୁଳନାରେ ବହୁତ ଭଲ ସ୍ଥିତିରେ ଅଛି । ଜୀବନ ଓ ଜୀବିକାର ସୁରକ୍ଷା ପାଇଁ ଏହି ଧାରାକୁ ଆହୁରି ସୁଦୃଢ଼ କରିବାକୁ ପରିବର୍ତ୍ତିତ ସ୍ଥିତିରେ ରଣକୈାଶଳ ପରିବର୍ତ୍ତନ ଓ ପରିଚାଳନାର ବିକେନ୍ଦ୍ରୀକରଣ ଅତ୍ୟନ୍ତ ଜରୁରି ।

ବର୍ତ୍ତମାନର ସମୟ ସମସ୍ତଙ୍କ ପାଇଁ ଗୁରୁତ୍ୱପୂର୍ଣ୍ଣ। ଓଡ଼ିଶାବାସୀଙ୍କ ସହଯୋଗ ଓ ଧୈର୍ଯ୍ୟ ବଳରେ ଓଡ଼ିଶା ଅନ୍ୟ ରାଜ୍ୟ ତୁଳନାରେ ବହୁତ ଭଲ ସ୍ଥିତିରେ ଅଛି। ଜୀବନ ଓ ଜୀବିକାର ସୁରକ୍ଷା ପାଇଁ ଏହି ଧାରାକୁ ଆହୁରି ସୁଦୃଢ଼ କରିବାକୁ ପରିବର୍ତ୍ତିତ ସ୍ଥିତିରେ ରଣକୌଶଳରେ ପରିବର୍ତ୍ତନ ଓ ପରିଚାଳନାର ବିକେନ୍ଦ୍ରିକରଣ ଅତ୍ୟନ୍ତ ଜରୁରୀ।

— Naveen Patnaik (@Naveen_Odisha) June 18, 2020

ଏଥିପାଇଁ ପ୍ରତି ପଞ୍ଚାୟତରେ କୋଭିଡ୍‌ କେୟାର ହୋମ୍‌ ବ୍ୟବସ୍ଥା କରାଯିବା ସହ ସହର ଓ ଗାଁରେ  ୱାର୍ଡସ୍ତରୀୟ କମିଟି ଗଠନ କରାଯାଉଛି । କୋଭିଡ୍‌ ସମ୍ପର୍କରେ ବ୍ୟାପକ ଜନସଚେତନତା ଏବଂ ଘରକୁ ଘର ବୁଲି ସର୍ଭେ ଅଭିଯାନ ଆରମ୍ଭ ହୋଇଛି । ଜଣେ ଯୋଦ୍ଧା ଭାବେ ଏଥିରେ ସାମିଲ ହୋଇ ଆସନ୍ତୁ ଆଗକୁ ବଢ଼ିବା, କରୋନାକୁ ହରାଇବା ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍‌ କରି ଆହ୍ଵାନ ଦେଇଛନ୍ତି ।

ଭୁବନେଶ୍ୱର: ରାଜ୍ୟରେ କରୋନା ଗ୍ରାଫ ଉପର ମୁହାଁ । କିଛିଦିନ ହେବ ରାଜ୍ୟରେ ଲାଗାତାର ଭାବେ ସାମ୍ନାକୁ ଆସୁଛି ଶତାଧିକ କରୋନା ମାମଲା । ଗତକାଲି ୧୭୫ ଆଜି ୨୪ ଘଣ୍ଟାରେ ରାଜ୍ୟରେ ପୁଣି ୧୭୪ଟି ନୂଆ କରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ଏଥିସହ ରାଜ୍ୟରେ ସଂକ୍ରମିତ ସଂଖ୍ୟା ସାଢେ ୪ ହଜାର ପାର ହୋଇଛି । ତେବେ ଆଜି ୧୮ଟି ଜିଲ୍ଲାରୁ ୧୭୪ ସଂକ୍ରମିତ ଚିହ୍ନଟ ହୋଇଛନ୍ତି ।

New recoveries: 73
Cumulative tested: 212224
Positive: 4512
Recovered: 3047
Active Cases: 1451

— I & PR Department, Odisha (@IPR_Odisha) June 18, 2020

ସମୁଦାୟ ୧୭୪ ପଜିଟିଭଙ୍କ ମଧ୍ୟରୁ କ୍ୱାରେଣ୍ଟାଇନ୍‌ କେନ୍ଦ୍ରରୁ ୧୪୬ ଥିବା ବେଳେ ୨୮ଜଣ ସ୍ଥାନୀୟ ଲୋକ ସଂକ୍ରମିତ ହୋଇଛନ୍ତି । ଗଞ୍ଜାମରୁ ସର୍ବାଧିକ ୫୬ ସଂକ୍ରମିତ ହୋଇଛନ୍ତି । ସେହିପରି ବାଲେଶ୍ୱରରୁ ୩୪ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ପୁରୀରୁ ୧୬, ଖୋର୍ଦ୍ଧାରୁ ୧୦, ଯାଜପୁରରୁ ୯, ନବରଙ୍ଗପୁର ଓ କେନ୍ଦ୍ରାପଡ଼ାରୁ ୭ ଜଣ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି। କୋରାପୁଟ ଓ କଳାହାଣ୍ଡିରୁ ୬ ଜଣ ଲେଖାଏଁ ଆକ୍ରାନ୍ତ ହୋଇଛନ୍ତି। ସେହିପରି କେନ୍ଦୁଝରରୁ ୫, ବରଗଡ଼ରୁ ୪ ଏବଂ କନ୍ଧମାଳ, ଭଦ୍ରକ, ସୁନ୍ଦରଗଡରୁ ୩ ଜଣ ଲେଖାଁଏ ସଂକ୍ରମିତ ହୋଇଛନ୍ତି। ବୌଦ୍ଧରୁ ୨ ଓ ନୂଆପଡ଼ା, ବଲାଙ୍ଗିର, ମାଲକାନଗିରିରୁ ଜଣେ ଲେଖାଏଁ ପଜିଟିଭ ଚିହ୍ନଟ ହୋଇଛନ୍ତି।

ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୪ ହଜାର ୫ଶହ ୧୨ରେ ପହଞ୍ଚିଛି । ୩୦୪୭ ଜଣ ସୁସ୍ଥ ହୋଇ ଫେରିଥିବା ବେଳେ ୧୧ ଜଣଙ୍କ ମୃତ୍ୟୁ ହୋଇଛି । ୧୪୫୧ଜଣ ସକ୍ରିୟ ସଂକ୍ରମିତଙ୍କ ଚିକିତ୍ସା ରାଜ୍ୟର ବିଭିନ୍ନ କୋଭିଡ୍ ହସ୍ପିଟାଲରେ କରାଯାଉଛି ।

ଭୁବନେଶ୍ୱର: ଲଦାଖ ସୀମାରେ ଚୀନ୍‌ ସେନାକୁ କଡ଼ା ଜବାବ । ସାହାସ ଓ ଶୌର୍ଯ୍ୟର ଅପୂର୍ବ ନିଦର୍ଶନ ସହ ଦେଶ ପାଇଁ ପ୍ରାଣବଳୀ ଦେଇଛନ୍ତି ୨୦ ଯବାନ । ସାରାଦେଶ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଉଛି । ସେପଟେ ପ୍ରିୟଜନଙ୍କୁ ହରାଇ ସ୍ତବ୍ଧ ସହିଦଙ୍କ ପରିବାର । ବିହାର ପାଟନାର ସହିଦ ହବଲଦାର ସୁନୀଲ କୁମାରଙ୍କ ପାର୍ଥିବ ଶରୀର ଘରକୁ ଫେରିଛି ।

ଆଜି ଅପରାହ୍ନ ୨ଟାରେ ଆସିବ ସହିଦ ଓଡ଼ିଆ ଯବାନଙ୍କ ମୃତଦେହ । କନ୍ଧମାଳ ରାଇକିଆ ବେଓରପଙ୍ଗା ଗାଁର ଚନ୍ଦ୍ରକାନ୍ତ ପ୍ରଧାନ ଓ ମୟୂରଭଞ୍ଜ ଜିଲ୍ଲାର ଚମ୍ପାଉଦା ଗାଁର ନନ୍ଦୁରାମ୍‌ ସୋରେନ୍‌ ଗଲୱାନ୍‌ ଘାଟିରେ ସହିଦ ହୋଇଛନ୍ତି । ଭୁବନେଶ୍ୱର ବିମାନବନ୍ଦରରେ ସେମାନଙ୍କ ମରଶରୀର ପହଞ୍ଚିବା ପରେ ରାଷ୍ଟ୍ରୀୟ ସମ୍ମାନ ଦିଆଯିବ । ପରେ ସ୍ୱତନ୍ତ୍ର ଗାଡ଼ିରେ ୨ ଯବାନଙ୍କ ଗାଁକୁ ଯିବ ପାର୍ଥିବ ଶରୀର । ଲଦାଖରୁ ସ୍ୱତନ୍ତ୍ର ବାୟୁସେନା ବିମାନରେ ସହିଦଙ୍କ ମରଶରୀରକୁ ଭୁବନେଶ୍ୱର ଅଣାଯାଉଛି । ସେପଟେ ଓଡ଼ିଆ ସହିଦ ଯବାନଙ୍କ ପରିବାର ପାଇଁ ଅନୁକମ୍ପା ରାଶି ଘୋଷଣା କରାଯାଇଛି । ଦୁଇ ଯବାନଙ୍କ ପରିବାରକୁ ୨୫-୨୫ ଲକ୍ଷ  ଟଙ୍କା ଅନୁକମ୍ପା ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ରିଲିଫ ପାଣ୍ଠିରୁ ଏହି ରାଶି ଘୋଷଣା କରାଯାଇଛି।