ଭୁବନେଶ୍ୱର: ରାଜ୍ୟରେ କମୁନି ଭୁତାଣୁର ଭୟାବହତା । ପ୍ରତିଦିନ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । କିନ୍ତୁ ସ୍ଥିତି ନିୟନ୍ତ୍ରଣ ପାଇଁ ରାଜ୍ୟ ସରକାର ଆରମ୍ଭରୁ କଠୋର ପଦକ୍ଷେପ ନେଇଛନ୍ତି । ଆବଶ୍ୟକ ଅନୁସାରେ କଣ୍ଟେନମେଣ୍ଟ, ଲକଡାଉନ୍ ଏବଂ ସଟ୍‌ଡାଉନ୍‌ ଲାଗୁ କରାଯାଇଛି । କିନ୍ତୁ ଏସବୁର ଅବଧି ଦିନକ ପରେ ସରିବାକୁ ଯାଉଛି । ସରକାରଙ୍କ ପଦକ୍ଷେପକୁ ବିରୋଧି ପ୍ରଶଂସା କରିବା ସହ ଆଗକୁ ସବୁଦଳର ବରିଷ୍ଠ ଓ ଅଭିଜ୍ଞ ନେତାଙ୍କ ସହ ଆଲୋଚନା କରି ନିଷ୍ପତ୍ତି ନେବାକୁ ଦାବି କରିଛନ୍ତି ।

ବିଜେଡି କହିଛି ଲୋକଙ୍କ ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ସରକାର ପଦକ୍ଷେପ ନେଉଛନ୍ତି । ଦିନକ ପରେ ସରିବ କରୋନା ପାଇଁ ଲାଗିଥିବା ଲକଡାଉନ୍‌ ଏବଂ ସପ୍ତାହିକ ସଟ୍‌ଡାଉନ୍‌ । ସେପଟେ ଜୁଲାଇ ମାସ ସଂକ୍ରମଣ ରୋକିବା ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ମାସ । କରୋନା ନିୟନ୍ତ୍ରଣ ପାଇଁ ରାଜ୍ୟ ସରକାର ସବୁଠୁ ଭଲ କାମ କରିଆସିଛନ୍ତି । ଅନ୍ୟରାଜ୍ୟ ତୁଳନାରେ ଓଡ଼ିଶାରେ ସ୍ଥିତି ଭଲ ଅଛି । ମୃତ୍ୟୁସଂଖ୍ୟା ବି ଅନ୍ୟ ରାଜ୍ୟ ତୁଳନାରେ କମ୍‌ ଅଛି ।

କିନ୍ତୁ ଜୁଲାଇ ମାସ ପାଇଁ ସରକାର ଯେଉଁ ନିଷ୍ପତ୍ତି ନେବେ ସେଥିପାଇଁ ସବୁ ଦଳର ନେତା ଏବଂ ଅଭିଜ୍ଞତା ରଖିଥିବା ବ୍ୟକ୍ତିଙ୍କ ଠାରୁ ମତାମତ ନିୟନ୍ତୁ । କେବଳ ସଟଡାଉନ୍ ନକରି ଜୀବନ ଜୀବିକା ଉପରେ ବିଚାର କରନ୍ତୁ ବୋଲି ବିରୋଧୀ ଦାବି କରିଛନ୍ତି ।

ସେପଟେ ଶାସକ ଦଳ କହିଛି, ରାଜ୍ୟ ସରକାର କୋଭିଡ୍ ମୁକାବିଲା ପାଇଁ ଯେଉଁ ନିଷ୍ପତ୍ତି ନେଉଛନ୍ତି, ତାହା ଦେଶପାଇଁ ରୋଲ୍ ମଡେଲ୍ ହୋଇଛି । ସରକାର ତରବରିଆ ଭାବେ କିଛି ନିଷ୍ପତ୍ତି ନିଅନ୍ତି ନାହିଁ । ପରିସ୍ଥିତି, ସାଧାରଣ ଲୋକଙ୍କ ସ୍ୱର୍ଥକୁ ବିଚାର କରି ସରକାର ସବୁବେଳେ ନିଷ୍ପତ୍ତି ନିଅନ୍ତି ।

ବତ୍ତର୍ମାନର ସ୍ଥିତି ଦେଖି ଓ ବିସ୍ତୃତ ଆଲୋଚନା କରି ନିଷ୍ପତ୍ତି ନିଆଯାଉଛି ବୋଲି ବିଜେଡି କହିଛି । କରୋନା ସଂକ୍ରମଣ ଜୁଲାଇ ମାସରେ ଶୀର୍ଷରେ ପହଞ୍ଚିବ ବୋଲି ବିଶେଷଜ୍ଞମାନେ ସତର୍କ କରାଇଥିବାରୁ ସରକାର ଆଗକୁ କିଭଳି ପଦକ୍ଷେପ ନେବେ ତାହା ସବୁଠୁ ଗୁରୁତ୍ୱପୂର୍ଣ୍ଣ ।

ଭୁବନେଶ୍ୱର: ଆଗାମୀ ୨୪ ଘଣ୍ଟାରେ ଭିଜିବ ସାରା ଓଡ଼ିଶା । ଟ୍ରଫ ଲାଇନ ପ୍ରଭାବରେ ବିଭିନ୍ନ ସ୍ଥାନରେ ବର୍ଷା ସମ୍ଭାବନା । ଉତ୍ତର-ପୂର୍ବ ମଧ୍ୟପ୍ରଦେଶରୁ ଉତ୍ତର -ମଧ୍ୟ ମହାରାଷ୍ଟ୍ର ପର୍ଯ୍ୟନ୍ତ ଟ୍ରଫ ଲାଇନ ଯୋଗୁ ଜୁଲାଇ ପହିଲା ପର୍ଯ୍ୟନ୍ତ ରାଜ୍ୟର ବିଭିନ୍ନ ଅଞ୍ଚଳରେ ବର୍ଷା ଲାଗି ରହିବ। ଆଗାମୀ ୨୪ ଘଣ୍ଟାରେ ଭିଜିବ ସାରା ଓଡ଼ିଶା । ଟ୍ରଫ ଲାଇନ ପ୍ରଭାବରେ ବିଭିନ୍ନ ସ୍ଥାନରେ ବର୍ଷା ସମ୍ଭାବନା ଅଛି ।

ଉତ୍ତର-ପୂର୍ବ ମଧ୍ୟପ୍ରଦେଶରୁ ଉତ୍ତର-ମଧ୍ୟ ମହାରାଷ୍ଟ୍ର ପର୍ଯ୍ୟନ୍ତ ଟ୍ରଫ ଲାଇନ ଯୋଗୁ ଆସନ୍ତା ପହିଲା ଯାଏଁ ରାଜ୍ୟର ବିଭିନ୍ନ ଅଞ୍ଚଳରେ ବର୍ଷା ଲାଗି ରହିବ। ପ୍ରବଳ ବର୍ଷା ସମ୍ଭାବନା ଥିବାରୁ କନ୍ଧମାଳ, ରାୟଗଡା, ସୁନ୍ଦରଗଡ, କେନ୍ଦୁଝର, ମୟୂରଭଞ୍ଜ, ବୌଦ୍ଧ, ଗଞ୍ଜାମ ଏବଂ ଗଜପତି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଅନ୍ୟପଟେ ଗତ ୨୪ ଘଣ୍ଟା ମଧ୍ୟରେ ଉତ୍ତର ଓଡ଼ିଶାର ଅନେକ ସ୍ଥାନରେ ଏବଂ ଦକ୍ଷିଣ ଓଡ଼ିଶାରେ କିଛି-କିଛି ସ୍ଥାନରେ ବର୍ଷା ହୋଇଛି |

ନୂଆପଡା ଜିଲ୍ଲାର ସିନପାଲିରେ ୧୧୩.୦ ମିଲିମିଟର ଏବଂ ଅନୁଗୁଳ ଜିଲ୍ଲା କଣିହାଁ ଠାରେ ୭୨.୦ ମିଲିମିଟର ବର୍ଷା ରେକର୍ଡ କରାଯାଇଛି । ଜୁନ ୧ରୁ ୨୮ ତାରିଖ ସୁଦ୍ଧା ଓଡ଼ିଶାରେ ହାରାହାରି ହୋଇଛି ୨୨୮.୫ ମିଲିମିଟର ବର୍ଷା | ଯାହା ସ୍ୱାଭାବିକ ବର୍ଷା ୧୯୭.୮ ମିଲିମିଟରଠାରୁ ୧୬ ପ୍ରତିଶତ ଅଧିକ | ତେବେ କେନ୍ଦ୍ରାପଡ଼ା, ଯାଜପୁର, କଟକ, ଜଗତସିଂହପୁର, ପୁରୀ ଏବଂ ଖୋର୍ଦ୍ଧା ଜିଲ୍ଲାରେ ସ୍ୱାଭାବିକଠାରୁ କମ ବର୍ଷା ହୋଇଛି |

ଅନ୍ୟପକ୍ଷରେ ମୟୂରଭଞ୍ଜ, କେନ୍ଦୁଝର, ବାଲେଶ୍ୱର, ଭଦ୍ରକ, ସୋନପୁର, ବୌଦ୍ଧ, କନ୍ଧମାଳ, ଗଂଜାମ, ଗଜପତି, ନବରଙ୍ଗପୁର, ଏବଂ ନୟାଗଡ ପ୍ରଭୃତି ୧୧ଟି ଜିଲ୍ଲାରେ ସ୍ୱାଭାବିକ ବର୍ଷା ରେକର୍ଡ କରାଯାଇଛି ଜୁନ ୩୦ରେ ଓଡିଶାର ପ୍ରାୟ ଜିଲ୍ଲାରେ କିଛି କିଛି ସ୍ଥାନରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ସହ ବଲାଙ୍ଗୀର, ଦେବଗଡ଼, ସୋନପୁର, ବୌଦ୍ଧ, ନୂଆପଡା, ସମ୍ବଲପୁର, ସୁନ୍ଦରଗଡ, ଗଜପତି, ଗଂଜାମ, ପୁରୀ, କନ୍ଧମାଳ, ରାୟଗଡା ପ୍ରଭୃତି ଜିଲ୍ଲାରେ ବିଜୁଳି ଓ ଘଡଘଡି ସହ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କରାଯାଇଛି ।