ସୁଶାନ୍ତଙ୍କ ଫିଲ୍ମ ଦେଖି ଆତ୍ମହତ୍ୟା କଲେ ୭ ବର୍ଷର ନାବାଳିକା,ପଛରେ ଛାଡିଗଲେ ଏମିତି ସୁଇସାଇଡ୍ ନୋଟ୍

ବଲିଉଡ୍ ଷ୍ଟାର ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ପୋଲିସ ତଦନ୍ତ ଜାରି ରହିଥିବା ବେଳେ ତାଙ୍କର ଅନେକ ଫ୍ୟାନଙ୍କ ଦ୍ୱାରା ଆତ୍ମହତ୍ୟା ଖବର ଆସିବା ଜାରି ରହିଛି । ଏହି କ୍ରମରେ ଭିଲାଇରେ ଜଣେ ୧୩ ବର୍ଷୀୟ ଛାତ୍ରୀ ଆତ୍ମହତ୍ୟା କରିଥିବା ଖବର ଆସିଛି ।

ଏଏନଆଇ ରିପୋର୍ଟ ଅନୁସାରେ ଆତ୍ମହତ୍ୟା ପୂର୍ବରୁ ଛାତ୍ରୀ ଜଣକ ସୁଇସାଇଡ୍ ନୋଟ୍ ଲେଖିଥିଲେ । ଯେଉଁଥିରେ ସେ ଲେଖିଛନ୍ତି ଯେ,ସୁଶାନ୍ତ ଦୁନିଆ ଛାଡିକି ଯିବା ତାଙ୍କୁ ଭଲ ଲାଗୁନାହିଁ । ସେଥିପାଇଁ ସେ ଆତ୍ମହତ୍ୟା କରୁଛନ୍ତି । ଭିଲାଇ ନଗର ପୋଲିସ ଏନେଇ ଯାଂଚ କରୁଛି । ଆତ୍ମହତ୍ୟା କରିଥିବା ଝିଅର ନାମ ଜେ.ଏଂଜଲା  । ସେ ସପ୍ତମ ଶ୍ରେଣୀର ଛାତ୍ରୀ ଥିଲେ । ଆତ୍ମହତ୍ୟାର ଠିକ୍ ପୂର୍ବରୁ ସେ ସୁଶାନ୍ତଙ୍କ ଫିଲ୍ମ ଛିଛୋରେ ଦେଖିଥିଲେ ।   ଏଂଜଲାଙ୍କର ଆଉ ଦୁଇ ଭାଇଭଉଣୀ ଅଛନ୍ତି । ସେ ତିନି ଭାଇ ଭଉଣୀଙ୍କ ମଧ୍ୟରେ ବଡ ଥିଲେ । ତାଙ୍କ ପିତା ଏସ.ସତୀଶ ରାୟପୁରର ଏକ କମ୍ପାନୀରେ ଚାକିରି କରନ୍ତି । ଏଂଜଲାଙ୍କ ଆତ୍ମହତ୍ୟା ଦିନ ତାଙ୍କ ମା’ ଓ ଅନ୍ୟ ଭାଇଭଉଣୀ ମାମୁଘରକୁ ଯାଇଥିଲେ ।

ଘରେ ଏକା ଥିବା ବେଳେ ଏଂଜଲା ଆତ୍ମହତ୍ୟା କରିଥିଲେ । ବୁଧବାର ସଂଧ୍ୟା ୫ଟାରେ ଟିଭିରେ ସେ ଛିଛୋରେ ଫିଲ୍ମ ଦେଖିଥିଲେ । ସେ ସମୟରେ ଏଂଜଲାଙ୍କ ପିତା ଘରେ ଥିଲେ । କିଛି ଜରୁରୀ କାମରେ ସେ ବାହାରକୁ ଯାଇଥିବା ବେଳେ ଏଂଜଲା ଆତ୍ମହତ୍ୟା କରିଥିଲେ । ପିତା ଘରକୁ ଫେରିବା ପରେ ଭିତର ପଟୁ ଘର କବାଟ ବନ୍ଦ ଥିଲା । ବହୁତ ଡାକିବା ପରେ ମଧ୍ୟ କବାଟ ନଖୋଲିବାରୁ ସେ ପଛପଟୁ ଘର ମଧ୍ୟକୁ ପ୍ରବେଶ କରିଥିଲେ ।

ସୂଚନାଯୋଗ୍ୟ ଯେ, ଏହାପୂର୍ବରୁ ଆନ୍ଧ୍ରପ୍ରେଦଶର ଜଣେ ୨୧ ବର୍ଷୀୟ ଯୁବତୀ ଆତ୍ମହତ୍ୟା କରିଥିଲେ । ସେ ସୁଶାନ୍ତଙ୍କ ନିଧନ ଖବରକୁ ସହଜରେ ଗ୍ରହଣ କରି ପାରିନଥିଲେ ।

ମାମଲାର ଯାଂଚ୍ କରୁଛି ପୋଲିସ

ପୋଲିସ ତଦନ୍ତରୁ ଜଣା ପଡିଛି ଯେ, ଏଂଜଲା ଟିଭି ସାମ୍ନାରେ ଆତ୍ମହତ୍ୟା କରିଥିଲେ । ଟିଭି ସାମ୍ନାରେ ଏଂଜଲା ଦୌଡି ଦେଇଥିଲେ । ସତୀଶ ଘର ମଧ୍ୟକୁ ପ୍ରବେଶ କରି ଦୌଡି କାଟିଥିଲେ । ତା’ପରେ ତାକୁ ହସ୍ପିଟାଲ ନେଇଥିଲେ । ତେବେ ଡାକ୍ତରଙ୍କ ତାଙ୍କୁ ମୃତ ଘୋଷଣା କରିଥିଲେ । ପୋଲିସ ମାମଲାର ଯାଂଚ କରୁଛି ।