ଘରୋଇ ନ୍ୟୁଜ୍ ଚ୍ୟାନେଲ ଓଟିଭି ପାଇଁ ବଢିଲା ଅଡୁଆ । ଟେଲିଭିଜନ୍ ଅଧୀନରେ ଆସୁଥିବା ନ୍ୟୁଜ ପୋର୍ଟାଲ୍ ଓଡ଼ିଶା ରିପୋର୍ଟରର ବାର୍ତ୍ତା ସଂପାଦକଙ୍କୁ ପୋଲିସ ନୋଟିସ
ଦେଶରେ ଉପରମୁହାଁ କରୋନା ଗ୍ରାଫ୍ । ଦିନକରେ ହଜାରେ ୯୨ ମୃତ, ୬୪ ହଜାରରୁ ଅଧିକ ପଜିଟିଭ ଚିହ୍ନଟ ।
ଦେଶରେ ଉପରମୁହାଁ କରୋନା ଗ୍ରାଫ୍ । ଦିନକରେ ହଜାରେ ୯୨ ମୃତ, ୬୪ ହଜାରରୁ ଅଧିକ ପଜିଟିଭ ଚିହ୍ନଟ
ରାଜ୍ୟରେ କରୋନା ମୃତ୍ୟୁ ହାର କମାଇବାକୁ ଗଠନ ହେଲା ବୈଷୟିକ କମିଟି
ରାଜ୍ୟରେ କରୋନା ମୃତ୍ୟୁ ହାର କମାଇବାକୁ ଗଠନ ହେଲା ବୈଷୟିକ କମିଟି
୨୮ଲକ୍ଷ ପାଖରେ ଦେଶରେ କରୋନା ସଂକ୍ରମଣ ସଂଖ୍ୟା, ଗତ ୨୪ ଘଣ୍ଟାରେ ଗଲା ୧୦୯୨ ଜୀବନ
ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ଉପରମୁହାଁ । କମିବାର ନାଁ ନେଉନି କରୋନା ସଂକ୍ରମଣ । ଦେଶରେ ବେକାବୁ ହେଲାଣି କରୋନା । ଲଗାତାର ତିନି ଦିନ ପରେ ବୁଧବାରରେ ପୁଣି କରୋନା ସଂକ୍ରମଣ ବଢିଛି । ଗତ ୨୪ଘଣ୍ଟାରେ ୬୪ହଜାର ୫୩୧ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୧୦୯୨ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଯାହା ଅଗଷ୍ଟ ୧୩ରେ ରେକର୍ଡ କରାଯାଇଥିବା ମୃତ୍ୟୁ ସଂଖ୍ୟାଠାରୁ କମ୍ ରହିଛି ।
ମହାରାଷ୍ଟ୍ରରେ ସର୍ବାଧିକ ୬ଲକ୍ଷ ୧୫ହଜାର ୪୭୭ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୨୦ହଜାର ୬୮୭ଜଣଙ୍କ ମୃତ୍ୟୁ ହୋଇଛି । ତାମିଲନାଡୁ ଓ ଆନ୍ଧ୍ରପ୍ରଦେଶରେ ୩ଲକ୍ଷ ଲେଖାଏଁ ଟପିଛି ସଂକ୍ରମିତଙ୍କ ସଂଖ୍ୟା । ତାମିଲନାଡୁରେ ୬ହଜାର, ଆନ୍ଧ୍ରପ୍ରଦେଶରେ ୨୮ଶହ ୨୦ଜଣଙ୍କ କରୋନାରେ ମୃତ୍ୟୁ ହୋଇଛି । କର୍ଣ୍ଣାଟକରେ ୨ଲକ୍ଷ ୪୦ହଜାର ୯୪୮ଜଣ ସଂକ୍ରମିତ ହୋଇଥିବା ବେଳେ ୪ହଜାର ୨୦୧ଜଣଙ୍କର କରୋନାରେ ମୃତ୍ୟୁ ହୋଇଛି । ସେହିପରି ୟୁପି, ଦିଲ୍ଲୀ, ୱେଷ୍ଟ ବେଙ୍ଗଲ ଓ ବିହାରରେ ଲକ୍ଷେ ଲେଖାଏ ଟପିଲାଣି କରୋନା ସଂକ୍ରମିତଙ୍କ ସଂଖ୍ୟା ।
ଦେଶରେ ମୋଟ୍ କରୋନା ପଜିଟିଭ୍ ସଂଖ୍ୟା ୨୭ଲକ୍ଷ ୬୭ହଜାର ୨୭୪ ଥିବା ବେଳେ ଆକ୍ଟିଭ୍ କେସ୍ ରହିଛି ୬ଲକ୍ଷ ୭୬ହଜାର ୫୧୪ । କରୋନାରୁ ସୁସ୍ଥ ହୋଇ ଘରକୁ ଫେରିଲେଣି ୨୦ଲକ୍ଷ ୩୭ହଜାର ୮୭୧ଜଣ । ସେହିପରି ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ୫୨ହଜାର ୮୮୯ରେ ପହଞ୍ଚିଥିବା କେନ୍ଦ୍ର ପରିବାର ଓ କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଲିଛି ।
ସ୍ଥିତି ସୁଧୁରି ଆସୁଥିବା ବେଳେ ପୁଣି ପିରିସ୍ଥିତିକୁ ଜଟିଳ କରୁଛି ଲଘୁଚାପ
ମାଲକାନଗିରି: ମାଲକାନଗିରି ଜିଲ୍ଲାର ବିଭିନ୍ନ ଅଞ୍ଚଳରେ ପୁଣି ବର୍ଷା ଆରମ୍ଭ ହୋଇଯାଇଛି । ଚିତ୍ରକୋଣ୍ଡା ଓ ମଥିଲିରେ ପ୍ରବଳ ବର୍ଷା ହେଉଛି । ଖଇରପୁଟ, କୋରୁକୋଣ୍ଡା ଓ ମାଲକାନଗିରିରେ ବି ବର୍ଷା ଜାରି ରହିଛି । ଗତ ୪୮ ଘଣ୍ଟା ବର୍ଷା ହୋଇନଥିବା ଯୋଗୁଁ ସ୍ଥିତିରେ ସୁଧାର ଆସିଥିଲା । ନଦୀଗୁଡିକର ଜଳସ୍ତର ବି କମିଥିଲା । ମୋଟୁରେ ଜଳସ୍ତର ହ୍ରାସ ପାଇବା ଯୋଗୁଁ ବଡ଼ ଧରଣ ବିପଦ ଟଳିଯାଇଥିଲା । ହେଲେ ପୁଣି ବର୍ଷା ଆରମ୍ଭ ହୋଇଯାଇଥିବାରୁ ଚିନ୍ତା ବଢ଼ିଯାଇଛି । ଗତକାଲି ମନ୍ତ୍ରୀ ସୁଦାମ ମାରାଣ୍ଡି ଓ ଏସ ଆର ସି ବନ୍ୟା ପରିସ୍ଥିତି ନେଇ ସମୀକ୍ଷା କରି ଫେରିଛନ୍ତି ।
ତେବେ ଯେକୌଣସି ପରିସ୍ଥିତିର ମୁକାବିଲା ପାଇଁ ସରକାର ଓ ପ୍ରଶାସନ ସଜାଗ ରହିଥିବା ସୂଚନା ରହିଛି । ସେପଟେ ସୀମାନ୍ତ ମୋଟୁରେ ଥିବା ସାଲେରୁ ଓ ଗୋଦାବରୀ ନଦୀ ଜଳ ବଢି ଥିବାରୁ ମୋଟୁ ପଂଚାୟତର ବହୁ ଗ୍ରାମର ଘର ,ଚାଷ ଜମି କ୍ଷୟକ୍ଷତି ହେଇଥିବାର ସୂଚନା ମିଳିଥିଲା । କିନ୍ତୁ ଆଜି ସକାଳେ ଟିକେ ବର୍ଷା କମିବାରୁ ମୋଟୁ ଅଞ୍ଚଳ ସ୍ଥିତି ସୁଧୁରିବାରେ ଲାଗିଛି । ଅଞ୍ଚଳବାସୀ ଆସ୍ୱସ୍ତ ହେଉଛନ୍ତି । କିନ୍ତୁ ଆଉ ଏକ ଲଘୁଚାପ ସୂଚନା ପରେ ଚିନ୍ତାରେ ଲୋକେ । ବ୍ଲକ ପ୍ରଶାସନ , ମୋଟୁ ତହସିଲଦାର ଏବଂ ପୋଲିସ ପ୍ରଶାସନ ତରଫରୁ ସଜାଗ ରହିଛନ୍ତି ।
୨୩ ଯାଏଁ ପ୍ରବଳରୁ ଅତି ପ୍ରବଳ ବର୍ଷା, ୧୩ଟି ଜିଲ୍ଲାକୁ ୟଲୋ ଆଲର୍ଟ ସହ ୧୧ଟି ଜିଲ୍ଲାକୁ ଅରେଞ୍ଜ ଆଲର୍ଟ ଜାରି
ଭୁବନେଶ୍ୱର: ଆଜିଠାରୁ ଲଘୁଚାପ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି ରହିଛି । ଅଧିକାଂଶ ଜିଲ୍ଲା କୁ ଅରେଞ୍ଜ ଓ ୟେଲୋ ଆଲର୍ଟ ଜାରି କରାଯାଇଛି । ଆଜି ୧୨ ଟି ଜିଲ୍ଲା ସମ୍ଭଲପୁର ,ଦେଓଗଡ଼, ଝାରସୁଗୁଡ଼ା,ବରଗଡ଼,ସୁନ୍ଦରଗଡ, କେନ୍ଦୁଝର, ଅନୁଗୁଳ, ମୟୁରଭଞ୍ଜ, ବାଲେଶ୍ଵର, ଯାଜପୁର, ଭଦ୍ରକ ଓ କେନ୍ଦ୍ରାପଡା ରେ ପ୍ରବଳ ବର୍ଷା ସମ୍ଭାବନା ରହିଥିବାରୁ ୟଲୋ ଆଲର୍ଟ ଜାରି କରାଯାଇଛି ।
ଏହାସହ ୨୦ ତାରିଖ ପାଇଁ ସମ୍ବଲପୁର, ଦେଓଗଡ଼, ଅନୁଗୁଳ, ଢେଙ୍କାନାଳ, କଟକ, କେନ୍ଦ୍ରାପଡା, ଯାଜପୁର , ଭଦ୍ରକ , ବଲାଂଗୀର, ସୋନପୁର, କେନ୍ଦୁଝର ଜିଲ୍ଲାରେ ପ୍ରବଳ ରୁ ଅତି ପ୍ରବଳ ବର୍ଷା ସମ୍ଭାବନା ଥିବାରୁ ଅରେଞ୍ଜ ଆଲର୍ଟ ଜାରି କରିଛି ଭୁବନେଶ୍ୱର ଆଞ୍ଚଳିକ ପାନପାଗ କେନ୍ଦ୍ର । ଆଗାମୀ ୨୩ ତାରିଖ ପର୍ଯ୍ୟନ୍ତ ବର୍ଷା ହେବାର ଅନୁମାନ କରାଯାଉଛି । ୧୯ ଓ ୨୦ ତାରିଖ ପାଇଁ ମତ୍ସ୍ୟଜୀବୀଙ୍କୁ ସମୁଦ୍ର ଯିବାକୁ ବାରଣ କରାଯାଇଛି। ରାଜଧାନୀରେ ମୋଟ୍ ୩୨ ମିଳିମିଟର ବର୍ଷା ରେକର୍ଡ କରାଯାଇଛି।
ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରୁ ମଙ୍ଗଳବାର ରାତିରୁ ବର୍ଷା ଜାରି ରହିଛି । ତେଣୁ ଆଜିଠାରୁ ବିଭିନ୍ନ ଜିଲ୍ଲା ବର୍ଷା ଆରମ୍ଭ ହୋଇଯାଇଛି ଏହା ସହ ପ୍ରଭାବିତ ଅଞ୍ଚଳରେ ପବନର ବେଗ ଘଣ୍ଟାପ୍ରତି ୫୫କିମ୍ ରହିବ ବୋଲି ସୂଚନା ମିଳିଛି । ୧୩ତାରିଖରେ ସୃଷ୍ଟ ଲଘୁଚାପ କାରଣରୁ ରାଜ୍ୟରେ ବିଭିନ୍ ସ୍ଥାନରେ ବର୍ଷା ଲାଗି ରହିଥିଲା । ଏହା ପ୍ରଭାବରେ ତଳିଆ ଅଞ୍ଚଳରେ ବନ୍ୟା ପରିସ୍ଥିତି ମଧ୍ୟ ଉପୁଜିଥିଲା ।
ସାବଧାନ! ଏହି ରାଶିର ଲୋକଙ୍କର ଆଜି ହୋଇପାରେ ଦୁର୍ଘଟଣା
ଆଜିର ପଞ୍ଚାଙ୍ଗ:
୧୯/୦୮/୨୦୨୦ ବୁଧବାର,
୧୪୨୭ସାଲ,୧୯୪୨ ଶକାବ୍ଦ,୨୦୭୭ ସମ୍ବତ୍,
ଭାଦ୍ରବ ଅମାବାସ୍ୟା ଦିବା ୦୮:୧୧ଗତେ ଶୁକ୍ଲପକ୍ଷ ପ୍ରତିପଦା, ସିଂହ ୪ଦିନ
– ସିଂହଚନ୍ଦ୍ର ଅହୋରାତ୍ର
– ମଘା ନକ୍ଷତ୍ର ରାତ୍ର ୦୨:୦୬ ଗତେ ପୂର୍ବାଫାଲଗୁନି ନକ୍ଷତ୍ର
– ଘାତ ଚନ୍ଦ୍ର – କକଟ ଓ ମକର ରାଶିର ଅହୋରାତ୍ର
– ଘାତ ବାର – କର୍କଟ ରାଶିର
– ଯୋଗିନି – ଐଶାନ୍ୟେ ଦିବା ୦୮:୧୧ ଗତେ ପୂର୍ବେ
– ପୁଷ୍କର ଦୋଷ – ନିଶାନ୍ତ ୦୫:୧୯ ଗତେ ୧ପାଦ
– ଶୁଭ ସମୟ –
ଦିବା ୧୦:୧୬ ରୁ ୧୧:୨୪
ଦିବା ୦୧:୫୬ ରୁ ୦୫:୧୮
ସଂଧ୍ୟା ୦୬:୫୪ ରୁ ୦୯:୧୦
– ଅଶୁଭ ସମୟ –
ଦିବା ୦୮:୪୦ ରୁ ୧୦:୧୬
ଦିବା ୧୧:୫୦ ରୁ ୦୧:୨୫
ମେଷ ରାଶି –
ଅଶ୍ୱିନୀ ନକ୍ଷତ୍ର – ସମସ୍ତ କ୍ଷେତ୍ରରେ ଶୁଭ ,ମାତ୍ର କିଛି ବାଦବିବାଦରେ ଫଶି ପାରନ୍ତି ସତର୍କ ରହିବେ ।
ଦ୍ୱିଜା ନକ୍ଷତ୍ର – ଅର୍ଥ, ଲୋକପ୍ରିୟତା ଏବଂ ପାରିବାରିକ ସୁଖରେ କମି ରହିବ, ମନ ଅଶାନ୍ତ ରହିବ ।
କୃତ୍ତିକା ନକ୍ଷତ୍ର – ପ୍ରତ୍ୟେକ କ୍ଷେତ୍ରରେ ପ୍ରତିକୂଳ ପରିସ୍ଥିତି ଏବଂ ବିରୋଧର ସାମନା କରିବେ, ଅର୍ଥଚିନ୍ତା ଦ୍ୱୀଗୁଣିତ ହେବ।
ଶୁଭ ରଙ୍ଗ – ମୟୁର ରଙ୍ଗ
ତ୍ରିଶାଖା ବେଲପତ୍ର ୫୪ଟି ଶିବ ଭଗବାନଙ୍କୁ ଚଢାନ୍ତୁ ରିଷ୍ଟ ଖଣ୍ଡନ ହେବ।
ବୃଷ ରାଶି –
କୃତ୍ତିକା ନକ୍ଷତ୍ର – ପ୍ରତି କାମରେ ମନମୁତାବକ ଲାଭ ପ୍ରାପ୍ତି, ସରକାରୀ ସହାୟତା କିମ୍ବା ଯୋଜନାରେ ସଫଳ, ରାଜନୀତିରେ ଲୋକସଂପର୍କ ବଢିବ ।
ରୋହିଣି ନକ୍ଷତ୍ର – ଭବିଷ୍ୟତର ଯୋଜନାରେ ସଫଳ ହେବେ, ପାରିବାରିକ ପରିବେଶରେ ମନ ଆନନ୍ଦ ରହିବ ।
ମୃଗଶିରା ନକ୍ଷତ୍ର – ବ୍ୟବସାୟରେ ଲାଭ ବୃଦ୍ଧି ହେବ, ଛୋଟମୋଟ ଦୁର୍ଘଟଣା କିମ୍ବା ଚୋରିର ସମ୍ଭାବନା ରହିବ ।
ଶୁଭ ରଙ୍ଗ – ଧଳା
ହନୁମାନ ଭଗବାନଙ୍କୁ ଆରାଧନା ସହିତ ବୃଷଭଙ୍କୁ ଗୋଟା ଫଳ ଖାଇବାକୁ ଦିଅନ୍ତୁ ।
ମିଥୁନ ରାଶି –
ମୃଗଶିରା ନକ୍ଷତ୍ର -କର୍ମକ୍ଷେତ୍ର ଏବଂ ନିଜର ସ୍ବାସ୍ଥ୍ୟ କ୍ଷେତ୍ରରେ ସତର୍କତା ଅବଲମ୍ବନ କରିବେ, କୌଣସି ନିଷ୍ପତି ନେବା ପୂର୍ବରୁ ଗୁରୁଜନଙ୍କ ସହିତ ଆଲୋଚନା କରିବେ ।
ଆର୍ଦ୍ରା ନକ୍ଷତ୍ର – ଉତ୍ସାହ ଉଦ୍ଦିପନା ବୃଦ୍ଧି, ପ୍ରତି ଉଦ୍ୟମରେ ସଫଳ ହେବେ, କିଛି ଠିକାଦାରି କାମରେ ଲାଭ ପାଇବେ ।
ପୁନର୍ବସୁ ନକ୍ଷତ୍ର – ମାନସମ୍ମାନ ଲାଭ, ଆର୍ଥିକ ସଫଳତା ଓ ଉତ୍ତରାଧିକାରୀ ସୁତ୍ରେ ସମ୍ପତ୍ତି ଲାଭର ସୂଚନା ।
କୌଣସି କିନ୍ନରଙ୍କୁ ଦୈନଦିନ ଜରୁରୀ ଖାଦ୍ୟସାମଗ୍ରୀ ଦାନ ଦିଅନ୍ତୁ ।
କର୍କଟ ରାଶି –
ପୁନର୍ବସୁ ନକ୍ଷତ୍ର -ଶୁଭକାର୍ଯ୍ୟରେ ଯୋଗଦାନ କରିବେ, କିଛି ଭବିଷ୍ୟତର ଯୋଜନା କରି ସଫଳ ହେବେ ।
ପୂଷ୍ୟା ନକ୍ଷତ୍ର -ବହୁଦିନରୁ ଅଟକିଥିବା କାର୍ଯ୍ୟ ପୁରଣ ହେବ, ନିଜ କର୍ମକ୍ଷେତ୍ରରେ ଆତ୍ମତୃପ୍ତି ମିଳିବ ।
ଅଶ୍ଲେଷା ନକ୍ଷତ୍ର – କୌଣସି ପ୍ରକାରର କ୍ଷେତ୍ରରୁ ଧନଲାଭ, ଧାର୍ମିକ କ୍ଷେତ୍ର ସହିତ ଜଡିତ ରହି ମାନସିକ ଶାନ୍ତି ପାଇବେ ।
ଦୁର୍ଗାକବଚ ପାଠ କରନ୍ତୁ
ସିଂହ ରାଶି –
ମଘା ନକ୍ଷତ୍ର – ସନ୍ତାନ ମାନଙ୍କ ଲାଗି କୌଣସି ପ୍ରକାରର ମନସ୍ତାପ ହେବ, ଅଚାନକ ଋଣ କରିବାକୁ ପଡିବ ।
ପୂର୍ବାଫାଲଗୁନି ନକ୍ଷତ୍ର – ବୈବାହିକ କିମ୍ବା ପ୍ରେମ ଜୀବନରେ ମତାନ୍ତର ହେବ, ବୃଥା କଥାରେ ଝଗଡା ଷୃଷ୍ଟି ହେବ ।
ଉତ୍ତରାଫାଲଗୁନୀ ନକ୍ଷତ୍ର – ଆଇନ ଅଦାଲତର କିମ୍ବା କୌଣସି ପ୍ରକାରର ବିଶୃଙ୍ଖଳା ହେବ, କର୍ମଚାପ ରହିବ ।
ଓଁ ଅଙ୍ଗାରକାୟ ନମଃ ୧୧ଥର ଜପ କରନ୍ତୁ ଏବଂ ତ୍ରିଶାଖା ବେଲପତ୍ର ୩ଟି ଖାଇକି ଦିନ ଆରମ୍ଭ କରନ୍ତୁ
କନ୍ୟା ରାଶି –
ଉତ୍ତରାଫାଲଗୁନୀ ନକ୍ଷତ୍ର – ପ୍ରତ୍ୟେକ କାର୍ଯ୍ୟରେ ଲାଭ ମିଳିବ, ବ୍ୟବସାୟ ବାଣିଜ୍ୟ ତଥା ଚାକିରି ଓ ପାରିବାରିକ ପରିବେଶ ଭଲ ରହିବ ।
ହସ୍ତା ନକ୍ଷତ୍ର – ବନ୍ଧୁମିଳନ ଓ ଜନସମ୍ପର୍କ ବୃଦ୍ଧିହେବ, କିଛି ଶୁଭ ଖବର କୌଣସି କ୍ଷେତ୍ରରୁ ମିଳିବ ।
ଚିତ୍ରା ନକ୍ଷତ୍ର – ମନୋବଳ ଦୃଢ ରହିବ ତେଣୁ ସମସ୍ତ କ୍ଷେତ୍ରରେ ଶୁଭ ପ୍ରଭାବ ଅନୁଭୁତ ହେବ, ବ୍ୟବସାୟରେ ଲାଭ ବଢିବ, ହଜିଥିବା ଦ୍ରବ୍ୟ ମିଳିବ ।
ଶୁଭ ରଙ୍ଗ – ଧଳା
ତାରିଣି ମା’ଙ୍କୁ ଦର୍ଶନ କରନ୍ତୁ କିଛି ମିଠାଫଳ ଦାନ କରନ୍ତୁ॥
ତୁଳା ରାଶି –
ଚିତ୍ରା ନକ୍ଷତ୍ର – ଲୋକ ସମ୍ପର୍କ ଏବଂ ଆର୍ଥିକ ପରିସ୍ଥିତି ଭଲ ରହିବ, ରାଜନୀତିରେ ପତିଆରା ବୃଦ୍ଧିହେବ
ସ୍ୱାତୀ ନକ୍ଷତ୍ର – ସମସ୍ତ କ୍ଷେତ୍ରରେ ଶୁଭଫଳ ମିଳିବ, ସ୍ୱାସ୍ଥ୍ୟ ଭଲ ରହିବ, ନୂତନ ଦ୍ରବ୍ୟ ପ୍ରାପ୍ତ ହେବ ।
ବିଶାଖା ନକ୍ଷତ୍ର – ଭ୍ରମଣ ସୁଖ ମିଳିବ,ଆର୍ଥିକ ସ୍ଥିତି ସ୍ୱଛଳ ରହିବ,ଚାକିରି ବ୍ୟବସାୟରେ ଉନ୍ନତି ହେବ ।
ଶୁଭ ରଙ୍ଗ – ଧଳା
ତୁଳସି ମଲାଙ୍ଗ ଧାରଣ କରନ୍ତୁ ରିଷ୍ଟ ଖଣ୍ଡନ ହେବ ।
ବିଛା ରାଶି –
ବିଶାଖା ନକ୍ଷତ୍ର – ସ୍ଥାବର ସମ୍ପତ୍ତି ବୃଦ୍ଧି ହେବ, ଆର୍ଥିକ ବିକାଶ ସହିତ କର୍ମକ୍ଷେତ୍ରରେ ଶୁଭ ଅନୁଭୁତ ହେବ ।
ଅନୁରାଧା ନକ୍ଷତ୍ର – ମାଲିମକୋଦ୍ଦମାରେ ସଫଳ ହେବେ, ଭାତୃବର୍ଗରେ ସୁ-ସଂପର୍କ ବଢିବ ।
ଜ୍ୟେଷ୍ଠା ନକ୍ଷତ୍ର – ପାରିବାରିକ ସହଯୋଗରେ ସମସ୍ତ ଯୋଜନାରେ ସଫଳ ହେବେ, ଆର୍ଥିକ ଉନ୍ନତି ପରିଲକ୍ଷିତ ହେବ ।
ଶୁଭ ରଙ୍ଗ – ଜାମୁକୋଳି ରଙ୍ଗ
“ଓଁ ନମଃ ଶିବାୟ” ୨୭ଥର ଜପ କରନ୍ତୁ, ଦହି ଖାଇ ଦିନ ଆରମ୍ଭ କରିବେ ।
ଧନୁ ରାଶି –
ମୂଳା ନକ୍ଷତ୍ର – ଚର୍ମରୋଗ, ଅଗ୍ନିଭୟ କିମ୍ବା ବିଦ୍ୟୁତ ଜନିତ ଭୟ ରହିଛି, ବ୍ୟବସାୟରେ ଅବନତି ବା କ୍ଷତି ହେବ।
ପୂର୍ବଷାଢା ନକ୍ଷତ୍ର – ବନ୍ଧୁପରିଜନଙ୍କର ଅସହଯୋଗ ମିଳିବ ଓ ଭବିଷ୍ୟତର ଶୁଭକର୍ମରେ ବାଧାବିଘ୍ନର ସୁଚନା ପ୍ରାପ୍ତ ହେବ ।
ଉତ୍ତରାଷାଢା ନକ୍ଷତ୍ର – ଜୀବନସାଥି ସହିତ ମତାନ୍ତର କିମ୍ବା ମନାନ୍ତର ହେବ, ଦେହମନ ଦୁର୍ବଳ ଅନୁଭୁତ ହେବ।
ଶୁଭ ରଙ୍ଗ – ପାଉଁସିଆ ଧଳା
କଳା ଜୀବ କିମ୍ବା ଅନ୍ଧବ୍ୟକ୍ତିଙ୍କୁ ପେଟପୁରା ଖାଇବାକୁ ଦିଅନ୍ତୁ ।
ମକର ରାଶି –
ଉତ୍ତରାଷାଢା ନକ୍ଷତ୍ର – ବ୍ୟବସାୟରେ ବିକ୍ରି ବୃଦ୍ଧି ହେବ, ଚାକିରିଆ ମାନେ ମାନସମ୍ମାନ ପାଇବେ, ମହିଳାମାନେ ନିଜର ମନମୁତାବକ ପରିବେଶରେ ସମୟ କାଟିବେ ।
ଶ୍ରବଣା ନକ୍ଷତ୍ର – ବନ୍ଧୁବର୍ଗରେ ସାହାଯ୍ୟ ମିଳିବ,ଉଦ୍ୟମ ସଫଳ ହେବ, କର୍ମ କ୍ଷେତ୍ରରେ ସହଯୋଗ ମିଳିବ ।
ଧନିଷ୍ଠା ନକ୍ଷତ୍ର – ଅଧୟନ ରତ ପିଲାଙ୍କର ବିଦ୍ୟା ଅଧ୍ୟୟନରେ ସଫଳତା ମିଳିବ, ଲେଖକ ପ୍ରକାଶକ ସମ୍ମାନିତ ହେବେ, ଶୁଭରେ ଶୁଭରେ ଦିନଟି କଟିବ ।
ଶୁଭ ରଙ୍ଗ – ସବୁଜ
କଳା କୁକୁରକୁ ରୁଟିରେ ସୋରିଷ ତେଲ ମାରି ଖାଇବାକୁ ଦିଅନ୍ତୁ ଏବଂ ଓଁ ଶଂ ଶନିଶ୍ଚରାୟ ନମଃ ୨୭ଥର ଜପ କରନ୍ତୁ।
କୁମ୍ଭ ରାଶି –
ଧନିଷ୍ଠା ନକ୍ଷତ୍ର – ଜୀବନସାଥିର ସ୍ୱାସ୍ଥ୍ୟ ବିଗିଡିବ, ବ୍ୟବସାୟ ସହଯୋଗୀଙ୍କ ସହ ମତାନ୍ତର, ବ୍ୟୟ ବୃଦ୍ଧି ହେବ ।
ଶତଭିଷା ନକ୍ଷତ୍ର – ବିଦ୍ୟାଶିକ୍ଷାରେ ସଫଳ ହେବେ, ସୁଖାଦ୍ୟ ପ୍ରାପ୍ତି ହେବ, କୌଣସି ଯୋଜନା ମୁତାବକ କାର୍ଯ୍ୟ ହାସଲ ହେବ ।
ପୂର୍ବଭାଦ୍ର ନକ୍ଷତ୍ର – ପ୍ରତିକ୍ଷେତ୍ରରେ ଯୋଗ୍ୟତା ଅନୁଯାୟୀ ଫଳ ମିଳିବ, ଗୁରୁଜନ ମାନଙ୍କର ସ୍ନେହଶ୍ରଦ୍ଧା ମିଳିବ, ମନ ଶାନ୍ତ ରହିବ ।
ଶୁଭ ରଙ୍ଗ – ହଳଦିଆ ରଙ୍ଗ
ହନୁମାନଙ୍କୁ ଅତିପ୍ରିୟ ତୁଳସି ଚଢାନ୍ତୁ ଏବଂ ଜୟ ଶ୍ରୀରାମ ୧୦୮ଥର ଜପ କରନ୍ତୁ।
ମୀନ ରାଶି –
ପୂର୍ବଭାଦ୍ର ନକ୍ଷତ୍ର – କର୍ମକ୍ଷେତ୍ରରେ ଲାଭ ଓ ପ୍ରତିଷ୍ଠା ମିଳିବ, କୌଣସି ମନମୁତାବକ ଇଛା ପୂରଣ ହେବ ।
ଉତ୍ତରଭାଦ୍ର ନକ୍ଷତ୍ର – କୌଣସି ଶୁଭକର୍ମରେ ଯୋଗଦେବେ, ପିଲା ମାନେ ବିଦ୍ୟାରେ ଭଲ କରିବେ, ଆର୍ଥିକ ଲାଭ ହେବ
ରେବତୀ ନକ୍ଷତ୍ର – ନିଜର କଥାରେ ଆଜି ସମସ୍ତେ ତୃପ୍ତ ରହିବେ, ସବୁକ୍ଷେତ୍ରରେ ସାହାଯ୍ୟ ସହଯୋଗ ଭଲପାଇବା ମିଳିବ ।
ଶୁଭ ରଙ୍ଗ – ଧଳା ରଙ୍ଗ
ଅସହାୟଙ୍କୁ ମସାରି ଦାନ କରନ୍ତୁ ଏବଂ ମା ଦୁର୍ଗାଙ୍କର ସ୍ତୁତି ପାଠ କରନ୍ତୁ।
ଜ୍ୟୋତିର୍ବିଦ ଶ୍ରୀପତି ଆଚାର୍ଯ୍ୟ
ରାଉରକେଲାରେ ପୁଣିଥରେ ନକଲି ମହିଳା ଆଇପିଏସ୍ ଅଫିସର ଗିରଫ
ରାଉରକେଲା: ରାଉରକେଲାରେ ଗିରଫ ହେଲେ ନକଲି ଆଇପିଏସ୍ । ସହରର ବାସନ୍ତୀ କଲୋନୀରେ ଥିବା ଏକ ବାଇକ ସୋରୁମରେ ନିଜକୁ ଆଇପିଏସ୍ ପରିଚୟ ଦେଇ ଵୁଲେଟ ବାଇକ ନେଇଥିବା ଜଣେ ନକଲି ମହିଳା ଆଇପିଏସ୍ ଅଫିସର ଗିରଫ ହୋଇଛନ୍ତି । ଗିରଫ ମହିଳା ହେଉଛନ୍ତି ଶର୍ମିଷ୍ଠା ଵେହେରା । ସେ ବାଇକ୍ ସୋରୁମକୁ ଯାଇ ନିଜକୁ ଆଇପିଏସ୍ ଅଫିସର ପରିଚୟ ଦେଇ ମାସିକିଆ କିସ୍ତିରେ ଗୋଟିଏ ବୁଲେଟ ନେଇଥିବା ଉଦିତନଗର ଥାନାରେ ଗତକାଲି ସନ୍ଧ୍ୟାରେ ଅଭିଯୋଗ ହୋଇଥିଲା। । ତେବେ ଏନେଇ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତ ଶର୍ମିଷ୍ଠା ବେହେରାଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି ।
ଗିରଫ ମହିଳାଙ୍କ ନିକଟରୁ ନକଲି ଡ୍ରେସ, ଆଇପିଏସ୍ ପରିଚୟ ପତ୍ର, ଟ୍ରେନିଂ ନେଇଥିବା ନକଲି ପ୍ରମାଣପତ୍ର ଜବତ କରାଯାଇଛି। ସୂଚନା ଅନୁସାରେ ଗିରଫ ମହିଳା ଗତ ୧୧ ତାରିଖ ଦିନ ବାଇକ ସୋରୁମକୁ ଯାଇ ନକଲି ପରିଚୟ ପତ୍ର ଦାଖଲ କରି ଫାଇନାନସରେ ଗୋଟିଏ ବୁଲେଟ ନେଇଥିବା ବାଇକ ସୋରୁମ ମାଲିକ ଓ ଫାଇନାନସ ସଂସ୍ଥା ପକ୍ଷରୁ ଥାନାରେ ଅଭିଯୋଗ କରାଯାଇଛି। ଅଭିଯୋଗ ପରେ ପୋଲିସ ନକଲି ମହିଳା ଆଇପିଏସ୍ ଅଫିସରଙ୍କୁ ଗିରଫ କରି ଉଦିତନଗର ଥାନାରେ ଅଟକ ରଖି ପଚରାଉଚରା କରୁଛନ୍ତି। ଉଦିତନଗର ଥାନା ପୋଲିସ ବିଭିନ୍ନ ଦଫାରେ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
ବିଧାୟକଙ୍କ ଚାଷ ଭିଡିଓକୁ ପ୍ରଶଂସା କଲେ ଉପରାଷ୍ଟ୍ରପତି ଭେଙ୍କେୟା ନାୟୁଡୁ
ନବରଙ୍ଗପୁର: ଉପାନ୍ତ ଅଞ୍ଚଳର ବିଧାୟକଙ୍କୁ ଉପରାଷ୍ଟ୍ରପତିଙ୍କ ପ୍ରଶଂସା । କେବଳ ରାଜନୀତିରେ ନିଜକୁ ସୀମିତ ରଖିନାହାନ୍ତି ବିଧାୟକ । ନିଜ ବିଲରେ ମୂଲ ଲାଗି ହଳ କରି ଧାନ ଗଛ ଲଗାଇ ମୂଲିଆଙ୍କ ସହିତ ଚାଷ କାମ କରି ଭାରତର ଉପ ରାଷ୍ଟ୍ରପତିଙ୍କ ଠାରୁ ପ୍ରଶଂସା ସାଉଁଟିଛନ୍ତି ନବରଙ୍ଗପୁର ଜିଲ୍ଲା ଡାବୁଗାଁ ବିଧାୟକ ମନୋହର ରନ୍ଧାରୀ । ବିଧାୟକ ରାନ୍ଧାରୀଙ୍କ ଚାଷ ସମୟର ଭିଡିଓ ସାମାଜିକ ଗଣ ମାଧ୍ୟମରେ ବହୁ ମାତ୍ରାରେ ଭାଇରଲ ହୋଇଥିଲା । ଯାହାଫଳରେ ମନୋହରଙ୍କ ଏହି ଚଷା ପୁଅ ଅବତାର ସମସ୍ତଙ୍କ ମନ ମୋହିଥିଲା ।
ଏହା ସହ ମନୋହରଙ୍କ ଏହି ଚଷା ଅବତାରର ଭିଡିଓ ଭାରତର ଉପରାଷ୍ଟ୍ରପତିଙ୍କ ନିକଟରେ ପହଞ୍ଚିଥିଲା । ତାଙ୍କର ସେହି ଚାଷ କରୁଥିବା ସମୟର ଭିଡିଓ ଉପରାଷ୍ଟ୍ରପତି ଭେଙ୍କେୟା ନାୟୁଡୁଙ୍କ ମନକୁ ବେସ ଆକର୍ଷିତ କରିପାରିଥିଲା । ଏହାପରେ ବିଧାୟକଙ୍କ ଏପରି କାର୍ଯ୍ୟକୁ ଅନୁସରଣ କରିବା ପାଇଁ ଉପରାଷ୍ଟ୍ରପତି ଯୁବ ସମାଜକୁ ଆହ୍ୱାନ ଜଣାଇଥିଲେ । ବିଧାୟକଙ୍କ ପ୍ରଶଂସନୀୟ ପ୍ରେରଣାଦାୟୀ କାମ କୁ ନେଇ ଉପରାଷ୍ଟ୍ରପତି ନିଜ ଟ୍ୱିଇଟର ଆକାଉଣ୍ଟରରେ ପ୍ରସଂଶା କରିଛନ୍ତି ।
ବିଧାୟକ ରନ୍ଧାରୀ ନିଜ ପିତାଙ୍କ ଦେହାନ୍ତ ପରେ ଚାଷ କାମ ବୁଝିବା ସହିତ ନିଜେ ମଧ୍ୟ ଚାଷ କାମ କରିବାକୁ ଭଲ ପାଉଥିବା କହିଛନ୍ତି । ରାଜ୍ୟ ସରକାର କୃଷି କ୍ଷେତ୍ରକୁ ନେଇ କୃଷି ଶିଳ୍ପ ପ୍ରତିଷ୍ଠା କରିବାକୁ ଯୋଜନା କରୁଛନ୍ତି । ତେବେ ଯୁବ ସମାଜ ଯଦି ଆଗେଇ ଆସନ୍ତି ତେବେ ସରକାରଙ୍କ ଏହି ଯୋଜନା ସଫଳ ହୋଇପାରିବ ଓ କୃଷି କ୍ଷେତ୍ରରେ ବିନିଯୋଗ କରି ଯୁବ ସମାଜ ରୋଜଗାରକ୍ଷମ ହୋଇପାରିବେ ବୋଲି କହିଥିଲେ ।