ଦୀର୍ଘ ବର୍ଷର ପ୍ରତିକ୍ଷାର ଅନ୍ତ, ଭୂମି ପୂଜା ପୂର୍ବରୁ ରାମମୟ ଅଯୋଧ୍ୟା… ଭକ୍ତିମୟ ପରିବେଶ, ରାମ ଧୁନରେ ମଗ୍ନ ସାଧୁସନ୍ଥ
ଗୁଡ଼ ଏବଂ ଲେମ୍ବୁରେ ପ୍ରସ୍ତୁତ ଏହି ଡ୍ରିଙ୍କ୍ ସାହାଯ୍ୟରେ ହ୍ରାସ କରନ୍ତୁ ଓଜନ, ରହିଛି ଅନେକ ଉପକାରୀ ଗୁଣ
ବର୍ତ୍ତମାନ ଆମେ ଅନେକ ଦିନ ହେବ ଘରୁ ବାହାରକୁ ଯାଇ ନାହାନ୍ତି କି ବାହାର ଖାଦ୍ୟ ଖାଇ ନାହାନ୍ତି ତଥାପି ଆମ ଓଜନ କମିବାର ନାଁ ଧରୁନି । ଅନେକ ଲୋକ ପଚାରନ୍ତି ଯେ ଘରେ ଖାଦ୍ୟର ଲୋଭକୁ କିପରି ନିୟନ୍ତ୍ରଣ କରାଯାଇପାରିବ | ତେବେ ଯଦି ଆପଣ ବିନା ଜିମ୍ ସାହାଯ୍ୟରେ ଓଜନ ହ୍ରାସ କରିବାକୁ ଚାହୁଛନ୍ତି କିମ୍ବା ଚର୍ବିରୁ ମୁକ୍ତି ପାଇବାକୁ ଚାହାଁନ୍ତି, ତେବେ ଏହି ପୋଷ୍ଟକୁ ସମ୍ପୂର୍ଣ୍ଣ ପଢ଼ନ୍ତୁ | ଯଦି ଓଜନ ହ୍ରାସ ହେଉଛି ଆପଣଙ୍କ ଲକ୍ଷ୍ୟ, ତେବେ ଏହି ପୋଷ୍ଟରେ ଆମେ ଆପଣଙ୍କୁ ଏକ ପାନୀୟ ବିଷୟରେ କହୁଛୁ ଯାହା ଆପଣଙ୍କୁ ଓଜନ ହ୍ରାସ କରିବାରେ ସାହାଯ୍ୟ କରିବ ।
ଏହି ପାନୀୟରେ କଣ ରହିଛି ବିଶେଷ ?
ଏହି ପାନୀୟର ସବୁଠାରୁ ବିଶେଷ ଏବଂ ଗୁରୁତ୍ୱପୂର୍ଣ୍ଣ ଉପାଦାନ ହେଉଛି ଗୁଡ଼ ଏବଂ ଲେମ୍ବୁ । ଏହି ଦୁଇଟି ଜିନିଷ ପ୍ରତ୍ୟେକ ଭାରତୀୟ ରୋଷେଇ ଘରେ ସହଜରେ ମିଳିବ । ଗୁଡ଼ ଏବଂ ଲେମ୍ବୁରେ ବିଭିନ୍ନ ଉପାଦାନ ଥାଏ ଯାହା ଶରୀରକୁ ଉପକାର ଦେଇଥାଏ | ଖାଇବା ପରେ ନିଜ ଡାଏଟରେ ଗୁଡ଼ ମିଶାଇବା ଦ୍ୱାରା ଶରୀରର ମେଟାବୋଲିଜିମ୍ ବୃଦ୍ଧିପାଇଥାଏ । ଏହା ଦ୍ୱାରା, ଆପଣଙ୍କ ପେଟରେ ଜମା ହୋଇଥିବା ଚର୍ବି ଶୀଘ୍ର ହ୍ରାସ ପାଇବ । ଏହା ସହିତ ଲେମ୍ବୁ ପାନି କିମ୍ବା ଲେମ୍ବୁ ରସ ଚର୍ମ ପାଇଁ କେଉଁ ଚମତ୍କାରଠାରୁ କମ୍ ନୁହେଁ । ଶରୀରରେ ଥିବା ମଇଳା କିମ୍ବା ବିଷାକ୍ତ ପଦାର୍ଥକୁ ବାହାର କରି ଏହା ଆପଣଙ୍କୁ ଓଜନ ହ୍ରାସ କରିବାରେ ସାହାଯ୍ୟ କରିଥାଏ ।
ଗୁଡ଼ ଏବଂ ଲେମ୍ବୁକୁ ମିଶାଇବାର ଫାଇଦା
ଆପଣଙ୍କ ରୋଷେଇ ଘରେ ସହଜରେ ଉପଲବ୍ଧ ହେଉଥିବା ଏହି ଦୁଇଟି ଜିନିଷକୁ ଯେତେବେଳେ ମିଶାଯାଏ ସେତେବେଳେ ଆପଣଙ୍କ ଶରୀରକୁ ଭିଟାମିନ ସି ଏବଂ ପାଣି ଦୁହେଁ ମିଳିଥାନ୍ତି । ଓଥିରେ ଜିଙ୍କ ଏବଂ ଆଣ୍ଟି ଅକ୍ସିଡାଣ୍ଡ ଗୁଣ ମଧ୍ୟ ରହିଛି । ଚିନି ବଦଳରେ ଗୁଡ଼ ଖାଇବା ଅନେକ ଲାଭଦାୟକ । ଏଥିରେ କ୍ୟାଲୋରୀ ହ୍ରାସ ପାଇବା ସହ ଶରୀରର ଅମ୍ୟୁନିଟି ପାୱାର ମଧ୍ୟ ବୃଦ୍ଧି କରିଥାଏ । ଗୁଡ଼ ଏବଂ ଲେମ୍ବୁ ପାଣି ସେବନ ଦ୍ୱାରା ଆପଣଙ୍କ ପାଚକ ପ୍ରକ୍ରିୟା ମଧ୍ୟ ଭଲ ରହିଥାଏ ଏବଂ ଶ୍ୱାସକ୍ରିୟା ମଧ୍ୟ ଭଲ ରହିଥାଏ ।
କେମିତି ପ୍ରସ୍ତୁତ କରିବେ ଏହି ଡ୍ରିଙ୍କ
ଏହି ଡ୍ରିଙ୍କକୁ ପ୍ରସ୍ତୁତ କରିବା ପାଇଁ ହାଲକା ଉଷୁମ ପାଣିରେ ଏକ ଚାମଚ ଲେମ୍ବୁ ରସ ସହ ଗୁଡ଼ ମିଶାନ୍ତୁ । ଏହି ତିନୋଟି ସାମଗ୍ରୀକୁ ଭଲ ଭାବରେ ମିଶାଇ ଦିଅନ୍ତୁ । ଏହାର ସେପର୍ଯ୍ୟନ୍ତ ମିଶାନ୍ତୁ ଯେପର୍ଯ୍ୟନ୍ତ ଗୁଡ଼ ପାଣି ସହ ଭଲ ଭାବରେ ମିଶିନଯାଏ । ଏହା ପରେ ଏହି ପାନୀୟକୁ ସକାଳୁ ଖାଲିପେଟରେ ପିଅନ୍ତୁ । ଅଧିକ ଗରମ ଦିନରେ ଏହି ମିଶ୍ରମଣରେ ଆପଣ ପୁଦିନା ପତ୍ର ମିଶାଇ ପାରନ୍ତି । ଏହା ଆପଣଙ୍କ ପେଟକୁ ଥଣ୍ଡା ରଖିବ ।
ଆଜିଠୁ ଖୋଲିଲା ଯୋଗ କ୍ଲାସ ଓ ଜିମ୍… କରୋନା କଟକଣା ପାଇଁ ୪ ମାସରୁ ଅଧିକ ଦିନ ଥିଲା ବନ୍ଦ
କଟକ: ଅନଲକ୍ ୩.୦ ପର୍ଯ୍ୟାୟରେ ସବୁକିଛି ଧିରେ ଧିରେ ଅନଲକ୍ କରାଯାଉଛି । ଗତ କାଲି ରାଜ୍ୟରେ ମୋ ବସ୍ ସେବା ଆରମ୍ଭ ହେବା ପରେ ଆଜିଠୁ ରାଜ୍ୟରେ ଚଳଚଞ୍ଚଳ ହୋଇପଡିଛି ଯୋଗ କେନ୍ଦ୍ର । ୪ ମାସ ପରେ ଆଜିଠୁ ଖୋଲିଲା ଯୋଗ କ୍ଲାସ ଓ ଜିମ୍ । କରୋନା କଟକଣା ପାଇଁ ୪ ମାସରୁ ଅଧିକ ଦିନ ବନ୍ଦ ରହିବା ପରେ ଆଜିଠୁ ଖୋଲିଛି ଯୋଗ କେନ୍ଦ୍ର ଓ ଜିମ୍ ।
ଏଥିପାଇଁ କଟକର ଯୋଗ କେନ୍ଦ୍ର ଗୁଡିକରେ କିପରି କୋଭିଡ କଟକଣା ମଧ୍ୟରେ ଯୋଗ କରିହେବ ସେ ନେଇ ପ୍ରସ୍ତୁତି କରାଯାଇଛି । ସାମାଜିକ ଦୂରତା ରଖି, ମାସ୍କ ପରିଧାନ କରି ଯେପରି ଭଲରେ ଯୋଗ କରିହେବ ସେ ନେଇ ଯୋଜନା ପ୍ରସ୍ତୁତ ହୋଇଛି । ଏତେ ମାସ ହେବ ଯୋଗ ଓ ଜିମ୍ ନ ଆସିଥିବାରୁ ଖେଳାଳିଙ୍କ ଫିଟନେସ ସମସ୍ୟା ସୃଷ୍ଟି ହୋଇଛି । ଏବେ କିନ୍ତୁ ସବୁ ନିୟମ ମାନି ସେମାନେ ଯୋଗ କରିବେ ବୋଲି କହିଛନ୍ତି ।
ଅନ୍ୟପଟେ ପ୍ରତିଦିନ ଯୋଗ ଅଭ୍ୟାସ କଲେ ଶରୀର ସୁସ୍ଥ ରହିଥାଏ । ଏବଂ କରୋନା କାଳରେ ଶାରୀରିକ ବ୍ୟାୟାମ ନିତ୍ୟାନ୍ତ ଆବଶ୍ୟକ ବୋଲି ବିଭିନ୍ନ ବିଶେଷଜ୍ଞମାନେ ମତ ଦେଇଛନ୍ତି । କବେଳ ସତର୍କ କିମ୍ବା ସଚେତନ ରହିଲେ ହେବ ନାହିଁ ଏଥିପାଇଁ ଯୋଗ ଅଭ୍ୟାସ ମଧ୍ୟ ନିତ୍ୟାନ୍ତ ଜରୁରୀ । ପ୍ରତିଦିନ ୩୦ମିନିଟର ଶାରୀରିକ ବ୍ୟାୟାମ କରିବା ଦ୍ୱାରା ଦେହରେ ଇମ୍ୟୁନିଟି ପାୱାର ବଢିଥାଏ । ଯାହା ଏହି କରୋନା କାଳରେ ଅତ୍ୟନ୍ତ ଜରୁରୀ ।
ବଢ଼ୁଛି ମାନସିକ ରୋଗ, କରୋନାଠୁ ଜିତିବି ଏମିତି ହାରୁଛନ୍ତି ରୋଗୀ
କରୋନା ଭାଇରସ୍ ସଂକ୍ରମଣକୁ ପରାସ୍ତ କରିବା ପରେ ସୁସ୍ଥ ହୋଇଥିବା ରୋଗୀମାନେ ଏବେ ମଧ୍ୟ ଏହି ଭୂତାଣୁକୁ ବହନ କରିବାକୁ ବାଧ୍ୟ ହେଉଛନ୍ତି। ସମ୍ପ୍ରତି କରୋନା ଭଲ ହେବା ପରେ ଅନ୍ୟ ରୋଗରେ ପୀଡିତ ରୋଗୀଙ୍କ ଉପରେ ଏକ ଅଧ୍ୟୟନ କରାଯାଇଛି। ଚିନ୍ତାର ବିଷୟ ହେଉଛି କରୋନା ସଂକ୍ରମଣ ହେତୁ ଏହି ରୋଗୀମାନେ ଯନ୍ତ୍ରଣା ଭୋଗୁଛନ୍ତି । ଏଥିମଧ୍ୟରେ ମାନସିକ ରୋଗ ଅନ୍ତର୍ଭୁକ୍ତ |
ଅଧା ଲୋକ ଏଭଳି ପରିସ୍ଥିତିର ସମ୍ମୁଖୀନ ହେଉଛନ୍ତି
ଏହା ନୁହେଁ ଯେ ସମସ୍ତ ରୋଗୀ କରୋନା ସଂକ୍ରମିତ ହେବା ପରେ ମାନସିକ ସମସ୍ୟାର ସମ୍ମୁଖୀନ ହେଉଛନ୍ତି, କିନ୍ତୁ ଯେଉଁମାନେ ଏହି ସଂକ୍ରମଣରୁ ସୁସ୍ଥ ହୋଇଛନ୍ତି ସେମାନଙ୍କ ମଧ୍ୟରୁ ଅର୍ଦ୍ଧେକ ରୋଗୀ ମାନସିକ ରୋଗରେ ପୀଡିତ ଅଛନ୍ତି।
ଏହି ମାନସିକ ରୋଗଗୁଡ଼ିକ ଚିନ୍ତା, ଅନିଦ୍ରା, ଉଦାସୀନତା ଏବଂ ଅବସେସିଭ୍ ବାଧ୍ୟତାମୂଳକ ବ୍ୟାଧି (OCD) ଏବଂ ପୋଷ୍ଟ ଟ୍ରମାଟିକ୍ ଷ୍ଟ୍ରେସ୍ ଡିସଅର୍ଡର (PTSD) ଭଳି ସମସ୍ୟା ସହିତ ଜଡିତ | ଏଗୁଡ଼ିକରେ ମଧ୍ୟ ଅଧିକାଂଶ ରୋଗୀଙ୍କଠାରେ ନିଦ୍ରାହୀନତା ସମସ୍ୟା ଦେଖାଯାଏ | ଏହି ପରିସ୍ଥିତିରେ ଏହି ଲୋକମାନେ ସବୁବେଳେ ଅଶାନ୍ତ ଅନୁଭବ କରନ୍ତି |
ଇଟାଲୀରୁ ଖବର
ଜଣାଇ ରଖୁଛୁ ଯେ ଏହି ଅଧ୍ୟୟନ ଇଟାଲୀର ଏକ ଡାକ୍ତରଖାନା ଦ୍ୱାରା କରାଯାଇଛି | କରୋନା ପ୍ରାରମ୍ଭରେ, ଇଟାଲୀ ଅନ୍ୟତମ ଦେଶ ଯେଉଁଠାରେ କରୋନା ମହାମାରୀ ଆତଙ୍କ ସୃଷ୍ଟି କରିଥିଲା | ବର୍ତ୍ତମାନ ଇଟାଲୀର ମିଲାନ୍ ସାନ ରାଫେଲ ହସ୍ପିଟାଲରେ କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ଏହି ସଂକ୍ରମଣରୁ ସୁସ୍ଥ ହେବା ପରେ କରୋନା ଚିକିତ୍ସା ପାଇଁ ଆସ୍ତାଲରେ ଭର୍ତ୍ତି ହୋଇଥିବା ଅର୍ଦ୍ଧେକ ରୋଗୀ ମାନସିକ ରୋଗରେ ଆକ୍ରାନ୍ତ ହୋଇଛନ୍ତି। ବିଭିନ୍ନ ସ୍ଥାନରୁ ମଧ୍ୟ ସମାନ ରିପୋର୍ଟ ଆସୁଛି, ଯେଉଁଠାରେ କରୋନା ରୋଗୀ ସୁସ୍ଥ ହେବା ପରେ ଟ୍ରମା-ଟ୍ରମାଟିକ୍ ଷ୍ଟ୍ରେସ୍ ଡିସଅର୍ଡର (PTSD) ଚିହ୍ନଟ କରାଯାଉଛି।
କେତେ ପ୍ରତିଶତ ଲୋକଙ୍କର କେଉଁ ରୋଗ ରହିଛି
ଯେଉଁମାନଙ୍କ ମଧ୍ୟରେ କରୋନାକୁ ପରାସ୍ତ କରିବା ପରେ ମାନସିକ ବିକୃତି ଦେଖାଯାଇଛି, ସେମାନଙ୍କ ମଧ୍ୟରେ ସବୁଠାରୁ ଅଧିକ ସମସ୍ୟା ହେଉଛି ଯେଉଁମାନେ ଶୋଇବାରେ ଅସୁବିଧା ଭୋଗୁଛନ୍ତି | ଯଦି ଆମେ ଶତକଡ଼ା କଥା ହେବା, ତେବେ ନିଦ୍ରାହୀନତା ସହ ସଂଘର୍ଷ କରୁଥିବା ଲୋକଙ୍କ ସଂଖ୍ୟା ପ୍ରାୟ ୪୦ ପ୍ରତିଶତ | ଉଦାସୀନତା ରୋଗୀଙ୍କ ସଂଖ୍ୟା ୩୧ ପ୍ରତିଶତ ଏବଂ ଚିନ୍ତା ସହ ସଂଘର୍ଷ କରୁଥିବା ଲୋକଙ୍କ ସଂଖ୍ୟା ୪୨ ପ୍ରତିଶତ |
ଏହିପରି ଭାବରେ କରୋନା ଜୀବାଣୁ ପ୍ରାଧାନ୍ୟ ବିସ୍ତାର କରୁଥିବା ଏବଂ ମାନସିକ ରୋଗର ଅବସ୍ଥା ଦେଖି ସ୍ୱାସ୍ଥ୍ୟ ବିଶେଷଜ୍ଞମାନେ ଲୋକଙ୍କୁ ନିବେଦନ କରୁଛନ୍ତି ଯେ କରୋନା ଯେମିତି ସେମାନଙ୍କୁ ସଂକ୍ରମିତ ନକରେ । ତାହା ହେଉଛି, ସ୍ୱଚ୍ଛତାର ଯତ୍ନ ନିଅ, ଖାଦ୍ୟ ସମ୍ବନ୍ଧୀୟ ସତର୍କତା ବଜାୟ ରଖ | ପର୍ଯ୍ୟାପ୍ତ ପରିମାଣର ପାଣି ପିଇ ରଖନ୍ତୁ | ମାସ୍କ ଏବଂ ହ୍ୟାଣ୍ଡସାନାଇଜର ବ୍ୟବହାର କରନ୍ତୁ ।
ବଙ୍ଗୋପସାଗରରେ ଲଘୁଚାପ ବଳୟ, ପ୍ରଭାବରେ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ଜାରି
ଭୁବନେଶ୍ୱର: ଲଘୁଚାପ ଆଣିଲା ବର୍ଷା । ଚଳିତ ବର୍ଷ ବର୍ଷାର ପରିମାଣ କମ ରହିଥିବାରୁ ଚିନ୍ତାରେ ଥିଲେ ଚାଷୀ କୂଳ । କିନ୍ତୁ ଲଘୁଚାପ କରାଣରୁ ରାଜ୍ୟରେ ଜାରି ଥିବା ବର୍ଷା ସେମାନଙ୍କୁ କିଛି ମାତ୍ରାରେ ଆଶ୍ୱସ୍ଥି ପ୍ରଦାନ କରିଛି । ଉତ୍ତର-ପୂର୍ବ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟ ରାଜ୍ୟରେ ବର୍ଷାକୁ ସକ୍ରିୟ କରିବାରେ ସହାୟକ ହୋଇଛି । ଫଳରେ ଏହା ପ୍ରଭାବରେ ରାଜ୍ୟରେ ବର୍ଷା ଜାରି ରହିଛି ।
ଏନେଇ ଆଜି ୧୦ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ଥିବା ନେଇ ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି । ପ୍ରବଳରୁ ଅତି ପ୍ରବଳ ବର୍ଷ ସମ୍ଭାବନା ଥିବା ଜିଲ୍ଲାଗୁଡ଼ିକ ମଧ୍ୟରେ ମୟୁରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, ଢ଼େଙ୍କାନାଳ, କେନ୍ଦୁଝର, ସମ୍ବଲପୁର, କେନ୍ଦୁଝର, ଯାଜପୁର ଓ ମୟୁରଭଞ୍ଜ ରହିଛି ଏହି ସବୁ ଜିଲ୍ଲାକୁ ଅରେଞ୍ଜ ଓ୍ଵାର୍ଣ୍ଣିଂ ଜାରି କରାଯାଇଛି ।
ଏଥିସହିତ ଆସନ୍ତା ୨୪ ଘଣ୍ଟା ମଧ୍ୟରେ କେନ୍ଦ୍ରାପଡ଼ା, ଜଗତସିଂହପୁର,କଟକ, ଅନୁଗୁଳ, ଦେବଗଡ଼, କୋରାପୁଟ, ନବରଙ୍ଗପୁର ଓ କଳାହାଣ୍ଡି ଜିଲ୍ଲାରେ ପ୍ରବଳ ବର୍ଷା ସମ୍ଭବନା ଥିବା ନେଇ ଆଞ୍ଚଳିକ ପାଣିପାଗ କେନ୍ଦ୍ର ୟେଲୋ ଓ୍ଵାର୍ଣ୍ଣିଂ ଜାରି କରିଛି। ଆପଣଙ୍କୁ କହି ରଖୁଛୁ ଯେ, ଚଳିତ ବର୍ଷ ବର୍ଷାର ପରିମାଣ ପ୍ରାୟ ୧୨ ପ୍ରତିଶତ କମ୍ ଥିବା ସୂଚନା ଦିଆଯାଇଥିଲା । ଏଭଳି ପରିସ୍ଥିତି ରେ ଲଘୁଚାପ କିଛି ପରିମାଣରେ ବର୍ଷାର ପରିମାଣକୁ ବଢାଇବାରେ ସହାୟକ ହେବ ।
ଅଯୋଧ୍ୟାରେ ରାମ ମନ୍ଦିର ପାଇଁ ଆଜି ପଡିବ ଶୁଭ… ଦିନ ୧୨ଟା ୪୪ ମିନିଟରେ ପ୍ରଧାନମନ୍ତ୍ରୀ କରିବେ ଅନୁକୂଳ
ନୂଆଦିଲ୍ଲୀ: ଆଜି ପୁଣିଥରେ ଇତିହାସ ଲେଖିବ ଅଯୋଧ୍ୟା । ଭବ୍ୟ ରାମ ମନ୍ଦିର ନିର୍ମାଣ ପାଇଁ ହେବ ଭୂମି ପୂଜନ । ଏଥିପାଇଁ ପୂରା ପ୍ରସ୍ତୁତ ଅଯୋଧ୍ୟା ନଗରୀ । ଆଜି ଦେଶ ତଥା ବିଦେଶରେ ଉତ୍ସବର ମାହୋଲ ରହିଛି । ଦେଶ ମଙ୍ଗଳବାର ସନ୍ଧ୍ୟା ଠାରୁ ରାଜ୍ୟ ଉଜ୍ଜ୍ୱଳ ହୋଇଥିଲା, ଏହା ଆସନ୍ତାକାଲି ରାତି ପର୍ଯ୍ୟନ୍ତ ରହିବ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୂମିପୂଜାରେ ସାମିଲ ହେବେ । ସେଥିପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ୧୨ଟା ସୁଦ୍ଧା ଭୂମିପୂଜନ ଆରମ୍ଭ ହେବ । ପ୍ରଧାନମନ୍ତ୍ରୀ ମନ୍ଦିର ନିର୍ମାଣର ପ୍ରଥମ ଇଟା ରଖିବେ।
ହନୁମାନ ପୂଜା ପରେ ୧୨ଟା ୪୪ରେ ମୋଦି ମନ୍ଦିର ନିର୍ମାଣର ଶୁଭ ରଖିବେ । ଏଥିପାଇଁ ସାରା ସହରରେ କଡ଼ା ସୁରକ୍ଷା ବ୍ୟବସ୍ଥା ସହ ସୀମା ସିଲ କରାଯାଇଛି । ଅଯୋଧ୍ୟାରେ ଦୀପୋତ୍ସବ ପାଳନ କରାଯାଉଛି। ଅଯୋଧ୍ୟା ଧାମରେ ୩୫,୧୦୦୦ ଦୀପ ଜଳା ଯାଇଛି। ଏହି ସୂଚନା ଜିଲ୍ଲା ପ୍ରଶାସନ ପକ୍ଷରୁ ଦିଆଯାଇଛି। ରାମନଗରୀରେ ବାହାର ଲୋକଙ୍କୁ ପ୍ରବେଶ ପାଇଁ ଅନୁମତି ଦିଆଯାଉ ନାହିଁ। ବିନା କାର୍ଡରେ ମଧ୍ୟ ସହରକୁ ଯିବାକୁ ଅନୁମତି ମିଳୁନାହିଁ । ସୋମବାର ଠାରୁ ରାମନଗରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।
ରାମନଗରୀର ପ୍ରମୁଖ ମନ୍ଦିର ସମେତ କାର୍ଯ୍ୟସ୍ଥଳୀକୁ ମଧ୍ୟ କଡା ତଦାରଖରେ ରଖାଯାଇଛି। ଗଣେଶ ପୂଜା, ରାମାର୍ଚ୍ଚନା ପୂଜା, ହନୁମାନ ପୂଜା ସହ ସରଜୁ ଘାଟରେ ଆଳତୀ କରି ପୂଜା ପାଇଁ ସମସ୍ତ ପ୍ରସ୍ତୁତି କରାଯାଇଛି । ସେପଟେ ଦୁଇଦିନ ହେଲା ଅଯୋଧ୍ୟାକୁ ଅତିଥି ଆସିବାରେ ଲାଗିଛନ୍ତି । ଗତକାଲି ସଂଧ୍ୟାରୁ ବାହାର ଲୋକଙ୍କୁ ପ୍ରବେଶ ପାଇଁ ବାରଣ ରହିଛି । ଆଜି ବଜାର ଘାଟ ଖୋଲା ରହିବ । କିନ୍ତୁ ଗୋଟିଏ ସ୍ଥାନରେ ୫ ଜଣରୁ ଅଧିକ ଲୋକ ଏକାଠି ହୋଇପାରିବେନି ବୋଲି ନିର୍ଦ୍ଦେଶ ରହିଛି । ଏହାମଧ୍ୟରେ ରାମ ମନ୍ଦିର ପ୍ରସ୍ତାବିତ ମଡେଲ ସାମ୍ନାକୁ ଆସିଛି । ଯାହା ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି ।
ଲେବାନନ୍ର ରାଜଧାନୀରେ ଭୟଙ୍କର ବିସ୍ଫୋରଣ: ୨୪୦ କିଲୋମିଟର ଯାଏଁ ଶୁଣାଗଲା ଶଦ୍ଦ
ବେରୁଟ: ଲେବାନନ୍ର ରାଜଧାନୀ ବେରୁଟରେ ଭୟଙ୍କର ବସ୍ଫୋରଣ । ମଙ୍ଗଳବାର ଦେଶର ରାଜଧାନୀରେ ଘଟିଥିବା ଏହି ବିସ୍ଫୋରଣରେ ସମଗ୍ର ସହର ଦୋହଲିଛି । ଏବଂ ବହୁ ସଂଖ୍ୟାରେ ଲୋକ ଆହତ ହୋଇଛନ୍ତି । ବିସ୍ଫୋରଣ ଯୋଗୁଁ ବଡ଼ ବଡ଼ କୋଠା ଦୋହଲିବା ସହ ଚଟାଣ ଫାଟିଯାଇଥିଲା ଏବଂ ବଡ଼ ଆକାରର ଧୂଆ ଉପରକୁ ଉଠିଥିବା ଦେଖିବାକୁ ମିଳିଛି । ବିସ୍ଫୋରଣର ଶଦ୍ଧ ଏତେ ଜୋରଦାର ଥିଲା ଯେ, ଏହା ୨୪୦ କିଲୋମିଟର ଦୂରକୁ ଶୁଣାଯାଇଥିଲେ ।
https://twitter.com/mhijazi/status/1290670932831461380
ଯାହାର ଏକ ଭିଡିଓ ଲେବନନ୍ର ଗଣମାଧ୍ୟମରେ ପ୍ରସାରିତ ହୋଇଛି । ଯେଉଁଥିରେ ବହୁ ଲୋକେ ଆହତ ହୋଇଥିବା ଦେଖିବାକୁ ମିଳିଛି । ତେବେ ବନ୍ଦର ଅଞ୍ଚଳରେ ଘଟିଥିବା ବିସ୍ଫୋରଣର କାରଣ ଏଯାଏଁ ଜଣାପଡ଼ିନାହିଁ । ଏଭଳି ବିସ୍ଫୋରଣ ଯୋଗୁଁ ଏଠାକାର ପ୍ରତ୍ୟେକ ଦୋକାନ କ୍ଷତିଗ୍ରସ୍ତ ହୋଇଛି । ଏଥିମଧ୍ୟରୁ କିଛି ଦୋକାନ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । କାଚ ଝରଖା ଚୁରମାର ହୋଇଯାଇଥିବା ବେଳେ କାର୍ ମଧ୍ୟ କ୍ଷତିଗ୍ରସ୍ତ ହୋଇଛି । ଆହତମାନେ ମେଡିକାଲରେ ଭର୍ତ୍ତି ହେବା ପାଇଁ ରାସ୍ତାରେ ଦୈଡ଼ୁଥିବା ଦେଖିବାକୁ ମିଳିଛି । ଯେଉଁମାନଙ୍କ ମଧ୍ୟରୁ ବହୁ ସଂଖ୍ୟାରେ ଲୋକ ଓ ଶିଶୁ ରକ୍ତ ଜୁଡୁବୁଡ଼ୁ ଥିଲେ ।
ରାମଙ୍କ ବନବାସଠାରୁ ଦୀର୍ଘ ତାଙ୍କ ଜଙ୍ଗଲବାସର କାହାଣୀ: ପଢ଼ନ୍ତୁ କେମିତି ହଜିଗଲେ ଗଜପତି ଜିଲ୍ଲାର ଜଗପତି
ରାମଙ୍କ ବନବାସ ଠାରୁ ଆହୁରି ଦୀର୍ଘ ତାଙ୍କ ଜଙ୍ଗଲବାସର କାହାଣୀ । ୧୪ ବର୍ଷର ବନବାସ ସମୟରେ ରାମଙ୍କ ସହ ଭାଇ ଏବଂ ପତ୍ନୀ ଥିଲେ । ଏଠି କିନ୍ତୁ ଅରୁଣାଚଳ ପ୍ରଦେଶର ଘଞ୍ଚ ଜଙ୍ଗଲରେ ନିର୍ବାସିତ ଜୀବନ କାଟିଲେଣି ୪୦ବର୍ଷ ଧରି । ମହେନ୍ଦ୍ରଗିରି ପର୍ବତମାଳାରୁ ଅରୁଣାଚଳ ପ୍ରଦେଶର ପଥର ଗୁମ୍ଫା । ଗଜପତି ଜିଲ୍ଲାର ଜଗପତି କେମିତି ହଜିଗଲେ ପରଦେଶରେ ? କାହିଁକି ଫେରିପାରୁନାହାନ୍ତି ନିଜ ଭିଟାମାଟିକୁ । ଏ ତମାମ୍ ଅସମାହିତ ପ୍ରଶ୍ନ ଏବେ ବି ରହସ୍ୟଘେରରେ । ତେବେ ହଜିଲା ମଣିଷକୁ ଜନ୍ମମାଟିକୁ ଫେରାଇ ନେବାକୁ ଏବେ ଅରୁଣାଚଳ ପ୍ରଦେଶରେ ଜଣେ ଶିକ୍ଷକ ସୋସିଆଲ୍ ମିଡିଆର ସାହାରା ନେଇଛନ୍ତି । ଯାହା ଏବେ ଓଡ଼ିଶାରେ ପହଞ୍ଚିଛି ।
ଜୀବନର ସବୁ ଆଶା ଯେବେ ଛାରଖାର୍ ହୋଇଯାଏ । ଜୀବନର ସବୁ ସ୍ୱପ୍ନ ଯେବେ ବିସ୍ମୃତିର ଫରୁଆ ଭିତରକୁ ଚାଲିଯାଏ । ସେବେ ଛାତିକୁ ପଥର କରି ପଥର ଗୁମ୍ଫା ଭିତରେ ବି ବଞ୍ଚିଯିବାକୁ ପଣ କରିଦିଏ ମଣିଷ । ପରିଚୟ ଥାଇ ବି ଅପରିଚିତ ପାଲଟି ଯାଇଥିବା ଏ ବ୍ୟକ୍ତି ହେଲେ ଗଜପତି ଜିଲ୍ଲାର ଜଗପତି ।
ସେଦିନ କାମଧନ୍ଦା ପାଇଁ ଆଦିବାସୀ ରାଇଜ ଛାଡ଼ି ରାଜ୍ୟ ବାହାରକୁ ଗୋଡ଼ କାଢ଼ି ଥିଲେ ଗଜପତି ଜିଲ୍ଲା ରାୟଗଡ଼ ବ୍ଲକ୍ ଅବାସିଂ ଗାଁର ଜଗପତି । ଡାକ ନାଁ ଦୟା ଭୂୟାଁ । ହୁଏତ କାହା ଦୟାରେ ବଞ୍ଚିବାକୁ ଚାହୁଁ ନଥିଲେ । ତେଣୁ ପେଟପାଟଣାର ନୂଆ ଠିକଣା ପାଲଟି ଥିଲା ସୁଦୂର ଅରୁଣାଚଳ ପ୍ରଦେଶ ।….ହେଲେ ଭୋକ ସହ ଲଢୁ ଲଢୁ ଭୁଲି ଯାଇଥିଲେ ନିଜ ଇତିହାସକୁ । ଆଉ ଅଟକି ଯାଇଥିଲେ ଅରୁଣାଚଳ ପ୍ରଦେଶରେ । ସହରରୁ ଜଙ୍ଗଲ । ଆଉ ବଣ ମୂଲକର ଏ ପଥର ଗୁମ୍ଫା ପାଲଟି ଯାଇଥିଲା ତାଙ୍କ ଠିକଣା
ହେଲେ ଜଗପତିଙ୍କୁ ବନବାସରୁ ଫେରାଇ ଆଣିବାକୁ ଏବେ ପ୍ରୟାସ ଆରମ୍ଭ କରିଛନ୍ତି ସେ ଅଞ୍ଚଳର ଜଣେ ଶିକ୍ଷକ । ନାଁ ତାଙ୍କର ରୁବୁଆମା । ଜଗପତିଙ୍କୁ ସେ ଅନେକ ବର୍ଷ ହେଲା ଦେଖି ଆସୁଛନ୍ତି । ଆଗରୁ କାମଧନ୍ଦା କରୁଥିଲେ । ହେଲେ ଲକ୍ଡାଉନ୍ ପରଠାରୁ ଜଗପତିଙ୍କ ଭୋକ ସହ ଲଢ଼େଇ ଆହୁରି ଗମ୍ଭୀର ହୋଇ ପଡିଛି । ତେଣୁ ଏକ ଭିଡିଓ ସୁଟ୍ କରି ସୋସିଆଲ୍ ମିଡିଆରେ ପୋଷ୍ଟ କରିଛନ୍ତି ।
ଜଗପତିଙ୍କ ଅବୁଝା ଆଖିରେ ଅନେକ ଭାଷା । ଅସ୍ପଷ୍ଟ ହେଲେ ବି ବୁଝି ହେଉଛି ତାଙ୍କ ଘରର ଠିକଣା । ହୁଏତ ସୋସିଆଲ୍ ମିଡିଆର ଏ ଭିଡିଓ ଏବେ ସୂତ୍ରଧର ସାଜିବ । ୪୦ବର୍ଷର ଅଜ୍ଞାତବାସରୁ ପୁଣି ଘରକୁ ଫେରିବେ ଜଗପତି । କାରଣ ଫେସବୁକ୍ରେ ଜଗପତିଙ୍କ କାହାଣୀ ଦେଖି ଏବେ ଆଗେଇ ଆସିଛି ଅରୁଣାଚଳର ପ୍ରଦେଶର ଓଡ଼ିଆ ସମାଜ ।
ଆରମ୍ଭ ହୋଇସାରିଛି ଭୂମି ପୂଜନ କାର୍ଯ୍ୟକ୍ରମ: ବୁଧବାର ୧୨ଟା ସୁଦ୍ଧା ଭୂମି ପୂଜନ ଆରମ୍ଭ ହେବ
ଭୁବନେଶ୍ୱର ବ୍ୟୁରୋ: କାଲି ରାମ ମନ୍ଦିର ପାଇଁ ଭୂମି ପୂଜନ । ଏଥିପାଇଁ ପୂରା ପ୍ରସ୍ତୁତ ଅଯୋଧ୍ୟା ନଗରୀ । କେବଳ ମୁଖ୍ୟ ରାସ୍ତା ନୁହେଁ, ଗଳିକନ୍ଦି ମଧ୍ୟ ଶ୍ରୀରାମଙ୍କୁ ସ୍ୱାଗତ କରିବା ପାଇଁ ଯେମିତି ସଜେଇ ହୋଇଛି । ବିଶାଳକାୟ ଟେଣ୍ଟ ସାଙ୍ଗକୁ ଲାଗିଛି ଏଲଇଡି । କାଲି ଦିନ ୧୨ଟା ୪୪ ମିନିଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମ ଇଟା ରଖିବେ । ଏଥିପାଇଁ ସାରା ସହରରେ କଡ଼ା ସୁରକ୍ଷା ବ୍ୟବସ୍ଥା ସହ ସୀମା ସିଲ କରାଯାଇଛି । ଅନ୍ୟପଟେ ଗତକାଲି ଗଣେଶ ବନ୍ଦନା ପରେ ଆଜି ରାମାର୍ଚ୍ଚନା କରାଯାଇ ହନୁମାନଙ୍କୁ ପୂଜା କରାଯାଇଛି ।
ବୁଧବାର ଅପେକ୍ଷାର ଅନ୍ତ ହେବ । ଅଯୋଧ୍ୟାରେ ଭବ୍ୟ ରାମ ମନ୍ଦିର ନିର୍ମାଣ ପାଇଁ ହେବ ଭୂମି ପୂଜା । ଗତକାଲିଠାରୁ ଆରମ୍ଭ ହୋଇଥିବା ଭୂମିପୂଜନ କାର୍ଯ୍ୟକ୍ରମରେ ଆଜି ରାମର୍ଚ୍ଚନା ପୂଜା କରାଯାଇଛି । ଏହି ପୂଜା ସହ ହନୁମାନଗଡୀ ମନ୍ଦିରରେ ହନୁମାନ ଜୀଙ୍କ ପୂଜା ମଧ୍ୟ କରାଯାଇଛି । ଅଯୋଧ୍ୟାର ଅଧିଷ୍ଠାତା ରୂପେ ପୂଜକମାନେ ହନୁମାନଙ୍କୁ ଆବାହନ କରିଛନ୍ତି । ନିଶାନ ପୂଜାରେ ଆଖଡାର ନିଶାନକୁ ପୂଜା କରିବା ପରେ ହନୁମାନଙ୍କୁ ଆବାହନ କରାଯ଼ାଇଥିଲା ।
ସେପଟେ ବୁଧବାର ଭୂମିପୂଜନ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ନବବଧୂ ପରି ସଜେଇ ହୋଇଛି ପୂରା ଅଯୋଧ୍ୟା । ଗଣେଶ ପୂଜା, ରାମାର୍ଚ୍ଚନା ପୂଜା, ହନୁମାନ ପୂଜା ସହ ସରଜୁ ଘାଟରେ ଆଳତୀ କରି ପୂଜା ପାଇଁ ସମସ୍ତ ପ୍ରସ୍ତୁତି କରାଯ଼ାଇଛି । ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୂମିପୂଜାରେ ସାମିଲ ହେବେ । ସେଥିପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯ଼ାଇଛି । ବୁଧବାର 12ଟା ସୁଦ୍ଧା ଭୂମିପୂଜନ ଆରମ୍ଭ ହେବ । ପ୍ରଧାନମନ୍ତ୍ରୀ ମନ୍ଦିର ନିର୍ମାଣର ପ୍ରଥମ ଇଟା ରଖିବେ । ହନୁମାନ ପୂଜା ପରେ ୧୨ଟା ୪୪ରେ ମୋଦି ମନ୍ଦିର ନିର୍ମାଣର ଶୁଭ ରଖିବେ ବୋଲି କାର୍ଯ୍ୟକ୍ରମ ସ୍ଥିର ହୋଇଛି ।
ଅଯୋଧ୍ୟାକୁ ଅତିଥି ଆସିବାରେ ଲାଗିଛନ୍ତି । ଯୋଗଗୁରୁ ବାବା ରାମଦେବ ଅଯୋଧ୍ୟା ପହଞ୍ଚିଛନ୍ତି । ସେପଟେ ପ୍ରଧାନମନ୍ତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ସହରର ସୀମାକୁ ସିଲ୍ କରିଦିଆଯାଇଛି । ଆଜି ସଂଧ୍ୟାରୁ ବାହାର ଲୋକଙ୍କୁ ପ୍ରବେଶ ପାଇଁ ବାରଣ ରହିଛି । କାଲି ବଜାର ଘାଟ ଖୋଲା ରହିବ । କିନ୍ତୁ ଗୋଟିଏ ସ୍ଥାନରେ ୫ ଜଣରୁ ଅଧିକ ଲୋକ ଏକାଠି ହୋଇପାରିବେନି ବୋଲି ନିର୍ଦ୍ଦେଶ ରହିଛି । ଏହାମଧ୍ୟରେ ରାମ ମନ୍ଦିର ପ୍ରସ୍ତାବିତ ମଡେଲ ସାମ୍ନାକୁ ଆସିଛି ।
ଅଗଷ୍ଟ ତୃତୀୟ ସପ୍ତାହ ପୂର୍ବରୁ ପ୍ରକାଶ ପାଇବ ପରୀକ୍ଷା ଫଳ
ସମ୍ୱଲପୁର: ଯୁକ୍ତଦୁଇ ଖାତାଦେଖା ଶେଷ ହୋଇଛି । ଅଗଷ୍ଟ ତୃତୀୟ ସପ୍ତାହ ପୂର୍ବରୁ ବିଜ୍ଞାନ ଓ ବାଣିଜ୍ୟ ପରୀକ୍ଷାଫଳ ପ୍ରକାଶ ପାଇବ । ଶେଷ ସପ୍ତାହରେ ପ୍ରକାଶ ପାଇବ କଳା ପରୀକ୍ଷାଫଳ । ସେପଟେ ଯୁକ୍ତଦୁଇ ନାମଲେଖା ନେଇ ଶିକ୍ଷକମାନଙ୍କୁ ଅନ୍ଲାଇନ ତାଲିମ ପ୍ରଦାନ ଆରମ୍ଭ ହୋଇଛି । ଏହି ସମୟରେ କରୋନା ସଂକ୍ରମଣ ରୋକିବାକୁ ନିଆଯାଇଛି ପଦକ୍ଷେପ । ଖୁବ୍ଶୀଘ୍ର ଯୁକ୍ତଦୁଇ ନାମଲେଖା ପାଇଁ ବଜ୍ଞପ୍ତି ପ୍ରକାଶ ପାଇବ ।
ସାଢ଼େ ୩ ଲକ୍ଷ ପରୀକ୍ଷାର୍ଥୀଙ୍କ ଅପେକ୍ଷାର ଅନ୍ତ ହେବାକୁ ଯାଉଛି । ଅଗଷ୍ଟ ତୃତୀୟ ସପ୍ତାହ ପୂର୍ବରୁ ଯୁକ୍ତଦୁଇ ବିଜ୍ଞାନ ଓ ବାଣିଜ୍ୟ ପରୀକ୍ଷାଫଳ ପ୍ରକାଶ ପାଇବ । ଲଡ୍ଡାଉନ୍ ଓ ସଟ୍ଡାଉନ୍ ବାଧାବିଘ୍ନ ମଧ୍ୟରେ ଅନ୍ଲାଇନ୍ରେ ପରୀକ୍ଷା ଖାତା ମୂଲ୍ୟାୟନ ସରି ଏବେ ଟାବୁଲେସନ୍ ଚାଲିଛି । କିଛି ବିଷୟର ପରୀକ୍ଷା ମଧ୍ୟ ହୋଇ ପାରି ନଥିଲା । ଏଥିପାଇଁ ପୂର୍ବ ପରୀକ୍ଷାର ମାର୍କକୁ ଆଭରେଜ୍ ଭାବେ ନିଆଯାଇଛି । ଅଗଷ୍ଟ ଶେଷ ସପ୍ତାହରେ କଳା ପରୀକ୍ଷାଫଳ ପ୍ରକାଶ ପାଇବ ।
ବିଳମ୍ବ ହେଲେ ସୁଦ୍ଧା ପରୀକ୍ଷାର୍ଥୀ ଆଶ୍ୱସ୍ତ ହୋଇଛନ୍ତି । ସେପଟେ ଯୁକ୍ତଦୁଇ ନାମଲେଖା ନେଇ ଶିକ୍ଷକମାନଙ୍କ ଅନଲାଇନ ତାଲିମ ଆରମ୍ଭ ହୋଇଛି । ରାଜ୍ୟର ୧୦୧ଟି ଉତ୍କର୍ଷ ବିଦ୍ୟାଳୟ, ୩୦ଜିଲ୍ଲାର ୩୦ଟି ଯୁକ୍ତ ଦୁଇ କଲେଜ ଓ ଶିକ୍ଷକ ଶିକ୍ଷା କଲେଜ ଶିକ୍ଷକଙ୍କୁ ଏହି ତାଲିମ ଦିଆଯାଉଛି । ୧୦୧ଟି ସ୍କୁଲରୁ ୨ ଜଣ ଲେଖାଏ, ଯୁକ୍ତଦୁଇ ଓ ଶିକ୍ଷକ ଶିକ୍ଷା କଲେଜରୁ ଜଣେ ଲେଖାଏ ଶିକ୍ଷକ ଦୈନିକ ୨ ଘଣ୍ଟା ତାଲିମ ପାଇବେ । ୫ ଦିନ ଧରି ଟ୍ରେନିଂ ଚାଲିବ । କରୋନା ଯୋଗୁ ଏବେ ସ୍କୁଲ କଲେଜ ବନ୍ଦ । ଅଗଷ୍ଟ ୩୧ ଯାଏ ସ୍କୁଲ କଲେଜ ଖୋଲିବ ନାହିଁ । ଅନଲାଇନରେ ଶିକ୍ଷାଦାନ ହିଁ ବିକଳ୍ପ ।