ଆସାମ: ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କ ପରଲୋକ । ୮୬ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ତାଙ୍କ ଦେହା ଅସୁସ୍ଥ ହେବା କାରଣରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସୋମବାର ସନ୍ଧ୍ୟାରେ ସେ ଗୋଆହାଟୀ ମେଡିକାଲ କଲେଜ ଏବଂ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କର ଅବସ୍ଥା ପୂର୍ବରୁ ଅଧିକ ଦୁର୍ବଳ ହୋଇପଡିଥିଲା ।

ତରୁଣ ଗୋଗୋଇଙ୍କ ମୃତ୍ୟୁ ଖବର ଶୁଣିବା ପରେ ରାଜ୍ୟର ମୁଖ୍ୟମନ୍ତ୍ରୀ ତାଙ୍କ ପାଖରେ ପହଞ୍ଚିଛନ୍ତି । ପୂର୍ବରୁ କରୋନାରେ ଆକ୍ରାନ୍ତ ହୋଇ ଗୌହାଟୀ ମେଡିକାଲରେ ଚିକତ୍ସିତ ହୋଇ ଘରକୁ ଫରିଥିଲେ ଗୋଗେଇ । କିନ୍ତୁ ନଭେମ୍ବର ୨ରେ ସେ ପୁଣି ଅସୁସ୍ଥ ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେବେଠାରୁ ସେ ଚିକିତ୍ସିତ ହେଉଥିଲେ ।

ସ୍ୱାସ୍ଥ୍ୟାବସ୍ଥା ଅଧିକ ଖରାପ ହେବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲେ । ତାଙ୍କର ଏକାଧିକ ଅଙ୍ଗପ୍ରତ୍ୟଙ୍ଗ କାମ କରୁନଥିବାବେଳେ ନିଃଶ୍ବାସ ନେବାରେ ସମସ୍ୟା ହେଉଥିଲା । ତରୁଣ ଗୋଗେଇ କଂଗ୍ରେସର ବରିଷ୍ଠ ନେତା ହୋଇଥିବାବେଳେ ତିନି ତିନି ଥର ଆସମର ମୁଖ୍ୟମନ୍ତ୍ରୀ ରହିଥିଲେ  । ଛଅ ଥର ଲୋକସଭାକୁ ନିର୍ବାଚିତ ହୋଇଥିଲେ ଗୋଗୋଇ …

ଚେନ୍ନାଇ: ଦୁଷ୍କର୍ମର ଅଭିଯୋଗ ପରେ ଅଭିଯୁକ୍ତ ଦୁଷ୍କର୍ମକାରୀଙ୍କୁ ମିଳିଲା ୧୫ ଲକ୍ଷ ଟଙ୍କା ।କୋର୍ଟଙ୍କ ରାୟ ପରେ ଅଭିଯୋଗକାରୀ ନିଜ ହାତରୁ ଗଣିଲେ ୧୫ ଲକ୍ଷ । ଏଭଳି ଏକ ଆଶ୍ଚର୍ଯ୍ୟ କଲା ଭଳି ଘଟଣା ଚେନ୍ନାଇର ତାମିଲନାଡ଼ୁରେ ଦେଖିବାକୁ ମିଳିଛି । ଅପରାଧ ପାଇଁ ସାତ ବର୍ଷରୁ ଅଧିକ ସମୟ ଧରି ବିଚାର ଚାଲିଥିବା ଜଣେ ବ୍ୟକ୍ତିଙ୍କୁ ମିଳିଛି ଏତେ ଟଙ୍କା । ଟଙ୍କା ପାଇଥିବା ବ୍ୟକ୍ତିଙ୍କର ନାମ ହେଉଛି ସନ୍ତୋଷ । ତେବେ ସନ୍ତୋଷ ଜଣେ ମହିଳାଙ୍କ ବିରୋଧରେ କ୍ଷତିପୂରଣ ମକଦ୍ଦମା କରିବା ପରେ ସେ ଜିତିଛନ୍ତି । ଯିଏ ତାଙ୍କୁ ବଳାତ୍କାର ଓ ଗର୍ଭଧାରଣ କରାଇଥିବା ଭଳି ସାଙ୍ଘାତିକ ମିଥ୍ୟା ଅଭିଯୋଗ କରିଥିଲେ । ତେବେ, ଡିଏନ୍ଏ ପରୀକ୍ଷା ସବୁ ସତକୁ ସାମ୍ନାକୁ ଆଣିଛି । ସନ୍ତୋଷ ସେ ମହିଳାଙ୍କ ଗର୍ଭରେ ଥିବା ଛୁଆର ବାପା ନୁହଁନ୍ତି ବୋଲି ଜଣାପଡ଼ିଛି ।

ସୂଚନା ଅନୁଯାୟୀ, ସନ୍ତୋଷଙ୍କ ବାପା ଉକ୍ତ ମହିଳାଙ୍କ ସହ ତାଙ୍କ ବିବାହ ସ୍ଥିର କରିଥିଲେ । କିନ୍ତୁ ସମ୍ପତ୍ତି ବିବାଦକୁ ନେଇ ତାଙ୍କ ପରିବାର ସହ ସମ୍ପର୍କ ଖରାପ ହେବା କାରଣରୁ ସେମାନେ ଅଲଗା ହୋଇଥିଲେ । ପରେ ଯେତେବେଳେ ସେ ଏକ ଘରୋଇ କଲେଜରେ ଇଞ୍ଜିନିୟରିଂ ପଢ଼ୁଥିଲେ ସେତେବେଳେ ମହିଳାଙ୍କ ମା ସନ୍ତୋଷଙ୍କ ବାପାଙ୍କୁ କହିଥିଲେ ଯେ ତୁମ ପୁଅ ମୋ ଝିଅକୁ ଗର୍ଭବତୀ କରାଇଛି । ତେଣୁ ସେ ଦୁଇଜଣଙ୍କୁ ତୁରନ୍ତ ବିବାହ କରିବାକୁ ଦାବି କରିଥିଲେ ।

କିନ୍ତୁ ଏହାକୁ ସମ୍ପୂର୍ଣ୍ଣ ମିଥ୍ୟା ବୋଲି କହିବା ସହ ବାହା ହେବାକୁ ମନା କରିଦେଇଥିଲେ ସନ୍ତୋଷ । ଏହାପରେ ମହିଳାଙ୍କର ମାଆ ନିକଟସ୍ଥ ଥାନାରେ ବଳାତ୍କାର ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ପୋଲିସ ସାନ୍ତୋଶଙ୍କ ବିରୋଧରେ ମାମଲା ରୁଜୁ କରି ତାଙ୍କୁ ଗିରଫ କରିଥିଲା । ତାଙ୍କୁ କୋର୍ଟରେ ହାଜର କରାଇବା ପରେ ୯୫ ଦିନ ପାଇଁ ନ୍ୟାୟିକ ହେପାଜତରେ ରିମାଣ୍ଡରେ ନେବାକୁ ନିର୍ଦ୍ଦେଶ ଦେଇଥିଲା କୋର୍ଟ । ପରେ ୨୦୧୦ ଫେବୃଆରୀ ୧୨ରେ ସନ୍ତୋଷଙ୍କୁ ଜାମିନରେ ମୁକ୍ତ କରାଯାଇଥିଲା ।

ଏହି ସମୟରେ ମହିଳା ଜଣକ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ । ତେବେ ଶିଶୁର ଡିଏନ୍ଏ  ପରୀକ୍ଷା ପ୍ରମାଣିତ କଲା ଯେ ସନ୍ତୋଷ ତାଙ୍କ ପିତା ନୁହଁନ୍ତି । ତା ପରେ ସାତ ବର୍ଷରୁ ଅଧିକ ସମୟ ଧରି ଚାଲିଥିବା ଏକ ପରୀକ୍ଷା ପରେ, ମହିଲା କୋର୍ଟ ୨୦୧୬ ଫେବୃଆରୀ ୧୦ରେ ସନ୍ତୋଷଙ୍କୁ ନିର୍ଦ୍ଦୋଷରେ ଖଲାସ କରିଥିଲେ ।

ନୂଆଦିଲ୍ଲୀ: ଦେଶରେ ବଢୁଛି କରୋନା, ଡିସେମ୍ବରରେ ଆହୁରି ଖରାପ ହେବ ସ୍ଥିତି । ବିଶେଷ କରି ଉତ୍ତର ଭାରତରେ ଉପରମୁହାଁ କରୋନାଗ୍ରାଫ୍ । ଗୁଜରାଟ, ଦିଲ୍ଲୀରେ କୋଭିଡ୍ ସ୍ଥିତି ନେଇ ସୁପ୍ରିମ୍‌କୋର୍ଟ ଅସନ୍ତୋଷ ପ୍ରକାଶ କରିଛନ୍ତି । କରୋନା ନିୟନ୍ତ୍ରଣ ପାଇଁ ଦିଲ୍ଲୀ ସରକାର କେଉଁ ପଦକ୍ଷେପ ନେଇଛନ୍ତି, ସେସମ୍ପର୍କରେ ବିସ୍ତୃତ ତଥ୍ୟ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।

ଦିଲ୍ଲୀରେ କରୋନା ସ୍ଥିତି ଉଦବେଗଜନକ ରହିଛି । ଗତ କିଛି ଦିନ ଧରି ଦିଲ୍ଲୀରେ କରୋନା ପୁଣି ଥରେ ତାର କାୟାବିସ୍ତାର କରିବାରେ ଲାଗିଛି । ଯାହାକି ଚିନ୍ତା ବଢାଇଛି । ସେହିପରି କୋଭିଡ୍ ସଂକଟରେ ବିବାହ ଓ ସମାବେଶକୁ ଅନୁମତି ପ୍ରସଙ୍ଗରେ ଗୁଜରାଟ ସରକାରଙ୍କ ଉପରେ ମଧ୍ୟ ସର୍ବୋଚ୍ଚ କୋର୍ଟ ଅସନ୍ତୋଷ ପ୍ରକାଶ କରିଛନ୍ତି ।

ସେହିପରି ମହାମାରୀର ମୁକାବିଲା ପାଇଁ ସମସ୍ତ ରାଜ୍ୟ ସରକାର କଣ ପଦକ୍ଷେପ ନେଇଛନ୍ତି ସେନେଇ ଆସନ୍ତା ଦୁଇ ଦିନ ମଧ୍ୟରେ ରିପୋର୍ଟ ଦାଖଲ କରିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ଦେଶରେ କରୋନା ସ୍ଥିତିକୁ ନେଇ ଦାୟର ହୋଇଥିବା ଏକ ମାମଲାର ଶୁଣାଣି କରି ଏଭଳି ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ କୋର୍ଟ । ଆସନ୍ତା ୨୭ ତାରିଖରେ ମାମଲାର ପରବର୍ତ୍ତି ଶୁଣାଣି ହେବ ।